يا ترى حد فكر لما يكبر هيربى اولادة ازاى ؟

حد فكر تصرفاتة اللى بيعملها دلوقتى هيبقى راضى ان اولادة يعملوها؟:huh:

هتربى اولادك ازاى ----هتدلعهم و لاهتكون قاسى عليهم---------

هيندوك باسمك و لا هيقولوا بابا و ماما-----------

هتحاول تصاحبهم ولا هتبقى المعاملة رسمية-----هتجلبهم موبايل من سن كام-----

لما يكبروا و يبقوا قى ثانوى هتجبرهم بالدخول لكليات القمة و لا براحتهم---------

هتخرجهم مع اصحابهم فى اى مكان و اى وقت ؟-------

---المعاملة لبنتك زى المعاملة لابنك------------:blink:------



فكر هتعمل اية------------------

<div class='quotetop'>إقتباس(thestar90 @ Aug 5 2006, 06:49 PM) 181482</div>
يا ترى حد فكر لما يكبر هيربى اولادة ازاى ؟

حد فكر تصرفاتة اللى بيعملها دلوقتى هيبقى راضى ان اولادة يعملوها؟:huh:

اكيد هبقى راضية طالما رضيتها عليا بس اكيد نفسى يكونوا احسن منى بمراحل و ياخدوا ايجابياتى افضل

هتربى اولادك ازاى ----هتدلعهم و لاهتكون قاسى عليهم---------

لا كدة ولا كدة ..فى حاجة او اسلوب انا بسميه السياسة الحكيمة بس مش زى المعنى اللى احنا فاهمينه الاسلوب بتاعى ده بقى اسلوب ممتاز اوى..بس فى الوقت نفسه هعلمهم حاجات جميلة اوى زى يعلموا نفسهم بنفسهم من الحياة برده.. اما لو قصدك ع المعاملة عشان منخرجش عن الموضوع...الغلط لازم يتعاقب بس مش اى عقاب لازم عقاب معلم او مؤثر مش قسوة وخلاص.. يعنى اكيد هتعامل كام و كمان هحط نفسى بشخصية الطفل ده فى موقعه عشان اقدر اختار عقاب معلم و يفيده مش اى حاجة تسيب فى نفسه عقدة او اثر وحش..طبعا فى حاجات كتير اوى و الكلام هنا ميخلصشهيندوك باسمك و لا هيقولوا بابا و ماما-----------
يعنى ايه يندهوك باسمك..دى مش عادات اصلا.. وده شغل ناس فافى..لكن لو كبير و احنا فى شغل واحد او كدة يبقى ينادى باباه باستاذ ولا كأنه ابوه لان الشغل شغل و كدة يعنى

هتحاول تصاحبهم ولا هتبقى المعاملة رسمية-----هتجلبهم موبايل من سن كام-----

هصاحبهم اوى و بجد مش زى مابنقول كلام و بس..الموبايل ده بيبقى حسب الاحتياج طبعا يعنى مثلا انا كان عندى موبايل ايام اواخر الابتدائى و اوائل الاعدادى بعدين استغنيت عنه لانى كنت محتاجاه لظروف سفر و بعدين خلاص مش عاوزاه سيبته..]عنى من الاخر حسب الاحتياج
و لازم طبعا يكونوا عارفين هيعملوا بيه ايه مش للعب
لما يكبروا و يبقوا قى ثانوى هتجبرهم بالدخول لكليات القمة و لا براحتهم---------
طبعا لاء خالص
براحتهم
بس يهمنى انهم يبدعوا فى مجالهم بعد كدة و اشوفهم اساتذة جامعة او دكاترة فى مجالهم..هههههههه
هتخرجهم مع اصحابهم فى اى مكان و اى وقت ؟-------
طبعا مش فى اى وقت لان مش ممكن الاقيهم داخلين البيت وش الصبح فى قواعد و اصول و مش فى مكان لازم مكان محترم يعنى ايه اسيبهم يروحوا ديسكو..ههههههههههه..
بس اكيد مش هعقدهم و امنعهم من الخروج يخرجوا براحتهم برده و اخرجهم انا كمان ..لازم يشوفوا الدنيا ..لكن مع مراعاة القواعد والاصول

---المعاملة لبنتك زى المعاملة لابنك------------:blink:------

لازم يكون هناك عدل ..عشان برده حالتهم النفسية...و هناك برده قواعد و اصول

فكر هتعمل اية------------------
[/b]

شكرا لطرح الموضوع

بس عايزة اقول برده

انى عندى كلام ميخلصش فى الموضوع ده بس للاسف مش فاضية ورايقة اوى بجد

و شكرا لطرح الموضوع :)

اجاباتك منطقية بس ياريت مترجعيش فكلامك لما تكبرى

هاربيه ع الحرية

انت حر ما لم تضر

اهم حاجة انى انمى فكره واخليه يفهم كويس وما يصدقش اى شىء غير بعقله وانمى فيه برضه الاخلاق واعلمه ما يكرهش حد ويحب كل الناس وما يكدبش وبالنسبة لحكاية الثانوية العامة دى هو حر حتى لو عايز يدخل كليه الموسيقى او الفنون الجميلة حتى لو كان جايب 100%

وبالنسبة للموبايل هاجيبله موبايل اول ما يدخل اعدادى لانى هاعتبره راجل من السن ده وكذلك لو كانت بنت برضه
وكذلك هاسيبهم يخرجوا مع اصحابهم بس اكون عارف اصحابهم الاول
وطبعا المعاملة للولد زى البنت اللى يفرق يبقى انسان جاهل ومتخلف

معلش كلامى مختصر شوية
بس الفكرة العامة ان ابنى يكون مرتاح

<div class='quotetop'>إقتباس(thestar90 @ Aug 5 2006, 07:34 PM) 181536</div>
اجاباتك منطقية بس ياريت مترجعيش فكلامك لما تكبرى
[/b]
لا متقلقش

مش كلام و بس

و متنساش انى قلت فى العقاب

لازم هحط نفسى مكانه و كمان مكانى كأم

و قلنا تربية بدون تعقيد و كذلك بدون تدليل من النوع اللى ممكن يبوظ الاعيال

:) :) :)

مرسى جدا يا اينشتاين --و يا جماعة انا و الله بنت

خلاص مصدقين من غير حلفان

مش تزعلى نفسك

ممكن بقى تقوليلنا انتى بقى هتربى ولادك ازاى ؟؟؟؟؟؟؟؟؟؟؟

ههههههههه

ولا يهمك

مصدقين انك بنت


ياريت انتى كمان تجاوبى على موضوعك فعلا

انا الحقيقة هادور على اكتر مدرسه فيها اهتمام بتعليم القران بس مش الازهر وهم صغيرين هخليهم ينادونى باسمى وهدلعهم اوى بس لحد ابتدائى هيبقى فى احترام جامد وعقاب لو مصلوش ----اما الموبايل ممكن من 3 اعدادي--- وطبعا مش هيخرجوا بمزاجهم---ومش هفرق بين ولد و بنت-

بس دة كان رأيى

اسلوبك حلو بس حكاية الضرب على الصلاة دى انا شايف انها غلط

لو اتضربوا على الصلاة هيكرهوها وهتبقى عادة روتينية بالنسبة ليهم

الضرب اساسا اسلوب غير صحى

ممكن العقاب يكون بطرق معنوية

اعتقد ده يكون احسن

انا اصلا مقولتش انى هاضربهم انا قصدت بالعقاب انى احرمهم من حاجة هم بيحبوها و بعدين حتى لو اعتبروها روتين و هم صغيرين لما يكبروا هيفهموا----- و بعدين الرسول (ص) قال "علموهم لسبع و اضربوهم لعشر"

اعتقد والله اعلم ان الرسول كان بيتكلم من موقف بيئى فقط
يعنى البيئة اللى كانوا عايشين فيها كانت تحتم ذلك

يااااااااااااااه هحرمهم من كل حاجا وهربيهم ع العيش الحاف :D هههههههههههههههههههههههه


انا ردي بس بيكون انا مقدرش احكم على حاجا ماديا ومعنويا من غير ما اعيشها سلام