مشاهدة النسخة كاملة : اوعوا تفهمونى غلط انا مش ببص قصدى حاجة غرضى هادف والله
الجويرية 02-05-2009, 08:02 PM السلام عليكم ورحمة الله وبركاته
كيف حالكم جميعا؟
يارب تكونوا كلكم بخير
ويارب يوفق اللى بيمتحنوا واللى لسه ماامتحنوش:friendsxs3:
نيجى للموضوع
عاوزة اتكلم عن موضوع منتشر بين شباب
ورجال
وهو واحد مثلا مش بيغض البصر
تقوله انت المفروض متبصش غض بصرك حرام
يقولك لا اوعى تفهمنى غلط
انا ببص للبنت دى علشان تتكسف وتلبس اوسع:028ja7:
وفى يقولك فى حديث عن الرسول صلى الله عليه وسلم من راى منكم منكرا فليغيره
وانا كدة بغير منكر
لا ومش شباب بس للاسف
كان عندنا مدرس لغة عربية فكان ملتحى
ومكنش بيغض البصر للاسف
فروحت اذكره بغض البصر
قالى لا انت مش فاهمة ده اناببص على جيبة فلانة علشان هى ضيقة
علشان تتكسف وتوسعها:006et4:
وببص على بلوزة علانة علشان تلاحظ انى ببصلها فتطولها:006et4:
وقالى انا استاذ فلان واعرف الشيخ فلان وازاى تقوليلى كدة
انت مش شايفة لبس البنات عامل ازاى لازم حد ينصحهم
وان مكنش مدرس اللغة العربية اللى يعمل كدة مين اللى ينصحهم
بس بقى فطلعت انا فى الاخر اللى غلطانة
وازاى افكر كدة:028ja7:
قولت جايز منطقه يكون كدة
بس للاسف انتشرت اوى تلاقى الشباب بيعملوا كدة
يبص ويصور فلانة وبعدين يقول استغفر الله العظيم:d
بنات ويقعد يدعى بقى
ويقول من راى منكم منكرا فليغيره
لا ياجماعة مش الولد بنظرته هايغير البنت
ماينفعش اعالج سيئة بسيئة اكبر:mad:
لازم نغير نظرتنا دى
والبنات بتلبس ضيق علشان تلفت النظر ليها
فلو لقت محدش بيبصلهااو بيعلق عليها
فتقريبا هاتمل ومش هاتعمل كدة فى نفسها
فياريت ياجماعة نلزم غض البصر بجد
وبجد الله يكون فى عون كل شاب
ويكون اجره عند ربنا كبير اوى
فياريت ياجماعة تدخلوا وتقولوا حل للمفهوم الغلط ده:mad:
وربنا يرزق جميع بنات المسلمين بالازواج الصالحة
ويرزق جميع اولاد المسلمين بالزوجات الصالحات
ويجعل من جيلنا من تلد صلاح الدين وعمر وابا بكر
معلش طولت عليكم;)
شكلى هاعمل موضوع الرغى:d
بس فعلا انا زعلانة على بناتنا وعلى شبابنا
والله بتالملهم ليتهم يعلمون عاقبة مايفعلون:mad:
وجزاكم الله خيرا
nothing 02-05-2009, 08:19 PM والله يا ايه انتى عندك حق
حجه اقبح من ذنب
بقا علشان يبرروا الزفت اللى هما بيعملوا ده يفتكسوا حاجات غريبه وعجيبه
والبنات بقا مش تحس على دمها وتلبس حاجه محترمه شويه ما فيييييييش دم خالص
الواحد بقا يقرف من البنات قبل الولاد
وعلى العموم ربنا يهدينا ويهديهم
nothing 02-05-2009, 08:22 PM اه نسيت حاجه
اما بقا بخصوص حل للمفهوم الغلط هو ربنا يهديهم من عنده بقا
لانهم مش هايتغيروا مغريات الحياه بقت كتير والشباب بقت ضعيفه من قله الايمان
ومن وجهه نظرى ان الازهر المفروض يهتم بفئه الشباب دى
لانها اساس اى حاجه ويهتم بتثقفهم دينيا وخلقيا
JusT DreaM 02-05-2009, 08:24 PM هههههههههههه
يابنتي انما الاعمال بالنيات
هما قصدهم شريف ومحمد كمان :d
والله عندك حق كل ده بيحصل واكتر
ياريت كل واحد يتغير من ناحيته
بس امتر حاجة عجبتني ف موضوعك انك جاتلك الجرأه تذكري المستر بتاعك بغض البصر ;)
موضوع جميل ومهم ياقمر
جزاكي الله خيرا
هانى الشرقاوى 02-05-2009, 08:54 PM عتدك حق يا أية
بس على الفكرة مش الشباب بس هما اللى الملطوب منهم انهم يغضوا البصر
ده مطلوب من البنات برده
صحيح الشاب ممكن يتلكم ويعمل هيصة وده كتير أوى بس برده فيه بنات بتصفر وتعاكس بالكلام كمان وده قليل أوى
مش عايز أقولك
احنا فى جامعة الازهر يوم ما بتدخل عندنا بنت الكلية فى الدرجات او فى المكتبة الشباب بيقى عامل ازاى
والله العظيم بيقبوا زى المجانين ويفضلوا يعاكسوا والاقبال على المكتبة بيبقى تاريخى ههههههه تخيلى بقا حرمان شباب الازهر لما يطلع مرة واحدة
ودول والمفروض انهم شيوخ
بس أنا مش متخيل انك عندك الجراة دى انك تقولى كده للمستر
ما شاء الله عليكى
ربنا يهدينا جميعا
المجاهد فى سبيل الله 02-05-2009, 08:59 PM السلام عليكم
علما انى مستغرب من الموضوع بس خير
ولله يا اخت اية للاسف الشديد الحاجه دى منتشره اوى
و المشكله ان الحكايه دى منتشره فى الكبار اكتر من الشباب و انتى ذكرتى الموقف بتاع مدرس حضرتك
وهناك المزيد
صدقينى يا اختى فى الحاله دى العيب على البنت اكتر من الرجل
لانه لو بصيتى على نسبة البنات المتبرجات فى الشارع صدقينى حتملى من كتر العد
ولو جيتى تبصى على الموضه او على محلات الملابس حتلاقى بلاوى و عليها اقبال رهيب
ربنا يهدينا ويهديهم
الجويرية 02-05-2009, 09:08 PM والله يا ايه انتى عندك حق
حجه اقبح من ذنب
بقا علشان يبرروا الزفت اللى هما بيعملوا ده يفتكسوا حاجات غريبه وعجيبه
والبنات بقا مش تحس على دمها وتلبس حاجه محترمه شويه ما فيييييييش دم خالص
الواحد بقا يقرف من البنات قبل الولاد
وعلى العموم ربنا يهدينا ويهديهم
اللهم آمين
فعلا الغلط الاول والاخير على البنات
لان اى بنت هى اللى بتفرض على اللى قدامها مدى تعامله معاها والخط الاحمر هى اللى بتحطه
بس للاسف تفكير البنات بقى غربى خالص
مش بيفكر الا فى لفت الانتباه والموضة والحاجات التافهة بس
اه نسيت حاجه
اما بقا بخصوص حل للمفهوم الغلط هو ربنا يهديهم من عنده بقا
لانهم مش هايتغيروا مغريات الحياه بقت كتير والشباب بقت ضعيفه من قله الايمان
ومن وجهه نظرى ان الازهر المفروض يهتم بفئه الشباب دى
لانها اساس اى حاجه ويهتم بتثقفهم دينيا وخلقيا
فعلا مغريات الحياة كتيرة
ولازم نتغلب عليها
يعنى مثلا الموضة كتيرة والبنات المتبرجةكتيرة اوى ومع ذلك المنتقبات ما شاء الله فى زيادة رهيبة
وبردوا زى مافى شباب مش بتغض البصر وناس ربنا يهديهم فى ناس مش بتعرف هى بتكلم مين
وماشاء الله عليهم
بس للاسف الدنيا والفتن بقت فى زيادة مستمرة
ربنا يحفظنا ويهدى جميع شباب المسلمين
وجزاكم الله خيرا على المرور
الجويرية 02-05-2009, 09:13 PM هههههههههههه
يابنتي انما الاعمال بالنيات
هما قصدهم شريف ومحمد كمان :d
وهادف نستيه:(
والله عندك حق كل ده بيحصل واكتر
ياريت كل واحد يتغير من ناحيته
بس امتر حاجة عجبتني ف موضوعك انك جاتلك الجرأه تذكري المستر بتاعك بغض البصر ;)
موضوع جميل ومهم ياقمر
جزاكي الله خيرا
جزاناواياك ياايمى
هو على الجراة طالما فى خير وطالما تذكرة خلاص
لا اخشى فى الحق لومة لائم
بس هو ده اللى حصل للاسف واخد قرار عليا بعد التذكرة دى:d
بجد والله انا مش روحتله بسهولة انا روحتله علشان ملتحى
يعنى عنوان للاسلام
ممكن لو حد تانى مش هاروحله هاقول وانامالى
لكن ده رمز للاسلام والبنات اللى كانت بتتكلم تقول ادى الملتحيين
للاسف الملتحيين بتشمل مش بتخص
وشكرا لمرورك ياقمر
بجدنورتينى
الجويرية 02-05-2009, 09:21 PM عتدك حق يا أية
بس على الفكرة مش الشباب بس هما اللى الملطوب منهم انهم يغضوا البصر
ده مطلوب من البنات برده
اكيد طبعا زى ما الولد يغض بصره لازم البنت تغض بصرها
صحيح الشاب ممكن يتلكم ويعمل هيصة وده كتير أوى بس برده فيه بنات بتصفر وتعاكس بالكلام كمان وده قليل أوى
هههههه
فعلا للاسف بدات البنات تعاكس الولاد
بجد انا مش عارفة احنا عصرنا ده عصر العجائب بجد
كل حاجة اتشقلبت خالص
ربنا يحفظنا
مش عايز أقولك
احنا فى جامعة الازهر يوم ما بتدخل عندنا بنت الكلية فى الدرجات او فى المكتبة الشباب بيقى عامل ازاى
والله العظيم بيقبوا زى المجانين ويفضلوا يعاكسوا والاقبال على المكتبة بيبقى تاريخى ههههههه تخيلى بقا حرمان شباب الازهر لما يطلع مرة واحدة
ودول والمفروض انهم شيوخ
لا اله الا الله للاسف الازهر اتغير خالص
وللاسف بيتقال ده طلبة الازهر كلهم يعنى بالتعميم :(
بس أنا مش متخيل انك عندك الجراة دى انك تقولى كده للمستر
ما شاء الله عليكى
مش علشان هو استاذ يبقى غير قابل للتذكرة
لا ماينفعش اسكت عن شئ ممكن يسئ للاسلام حتى لو هاسمع كلمة تزعلنى
دهانا حتى مركز المعاضة عندنا فى الدفعة والدكاترة حفظتنى:(
ربنا يهدينا جميعا
اللهم آمين
جزاكم الله خيرا على الرد والمرور
**تسابيح** 02-05-2009, 09:23 PM :028ja7:هههههههههههههههه
أنا مش عجباني يايويو الا الاستاذ بتاعك
رهيب رهيب اوووووووووي
اذا بليتم فستتروا
دا مش عنده حياء اصلا وكمان هو فاهم كويس انه بيبص مش عشان
ينصح عشان غرض تاني :040vk0:
فكرني بواحد(ولا اعرفه) بس سمعت الموضوع دا من واحدة قريبتي
الواحد دا كان بيقول انه كان الحديث بتاع الرسول النظرة الاولي لك
والنظرة الثانية عليه(فيما معني الحديث)فكان بيقول ان لما يحب يتفرج
ع حد كان يقعد يبص ومش يحول نظره
ع اساس انها النظرة الاوليي:022yb4:
ههههههههههههههه
بجد ربنا يهدي دي ناس مخها فاضي
وبعدين ربنا مش بيكرمها خالص
وتلقيهم في مشاكل ع طول
ربنا يهدي بجد
الجويرية 02-05-2009, 09:29 PM السلام عليكم
وعليكم السلام ورحمة الله وبركاته
علما انى مستغرب من الموضوع بس خير
ليه بس ؟
فيه حاجة غلط؟
ولله يا اخت اية للاسف الشديد الحاجه دى منتشره اوى
فعلا للاسف:(
و المشكله ان الحكايه دى منتشره فى الكبار اكتر من الشباب و انتى ذكرتى الموقف بتاع مدرس حضرتك
وهناك المزيد
اة والله كانت البنات بتاخد بالها من نظراته وتقول ادى الملتحين واللى بيقول قال الله وقال الرسول
ووالله الكلام ده كان بيوجعنى اوى اوى
صدقينى يا اختى فى الحاله دى العيب على البنت اكتر من الرجل
اكيد العيب من البنت اكترمن الولاد
لان البنت هى اللى بتحدد كل حاجة بعلاقتها بالاجانب
وللاسف البنت رخصت نفسها اوى اوى
لانه لو بصيتى على نسبة البنات المتبرجات فى الشارع صدقينى حتملى من كتر العد
ولوحضرتك بصيت على المنتقبات والمختمرات هتلاقيهم فعلا بيكتروابسرعة اوى
الخير موجود والله
بس اللى يشد
ولو جيتى تبصى على الموضه او على محلات الملابس حتلاقى بلاوى و عليها اقبال رهيب
ربنا يهدينا ويهديهم
اللهم آمين
فعلا المحلات بقت كلها موضات معرفش هاتتلبس ازاى دى
وبستدرجونا واحدةواحدة مش عارفة هانوصل لحد فين معاهم
ربنا يهدينا ويحفظنا
وجزاكم الله خيرا على الردوالمرور
فوزي الحديدي 03-05-2009, 06:24 AM بارك الله فيك
الجويرية 03-05-2009, 05:16 PM :028ja7:هههههههههههههههه
أنا مش عجباني يايويو الا الاستاذ بتاعك
رهيب رهيب اوووووووووي
اذا بليتم فستتروا
ربنا يهدى:(
دا مش عنده حياء اصلا وكمان هو فاهم كويس انه بيبص مش عشان
ينصح عشان غرض تاني :040vk0:
فكرني بواحد(ولا اعرفه) بس سمعت الموضوع دا من واحدة قريبتي
الواحد دا كان بيقول انه كان الحديث بتاع الرسول النظرة الاولي لك
والنظرة الثانية عليه(فيما معني الحديث)فكان بيقول ان لما يحب يتفرج
ع حد كان يقعد يبص ومش يحول نظره
ع اساس انها النظرة الاوليي:022yb4:
ههههههههههههههه
هههههههههه ايوة ماالنظرة الاولى ليك بقى ولو غمض ياخسارة راحت
لا ربنا يبارك:romarioxp6:
بجد ربنا يهدي دي ناس مخها فاضي
وبعدين ربنا مش بيكرمها خالص
وتلقيهم في مشاكل ع طول
ربنا يهدي بجد
ههههههه
يارب ربنا يهدى كل عاصى
وجزاك الله خيرا على ردك الجميل
بجد نورتينى
بارك الله فيك
ربنا يكرم حضرتك
وجزاكم الله خيرا على المرور الطيب
الضوء الشارد 03-05-2009, 05:42 PM يعنى على أساس أن أحنا كشباب نمشى مغمضين فى الشارع . دا اذا كان نسبة كبيرة من البنات بقى لبسهم مش كويس وبيمشوا عادى فى الشارع . نعمل احنا ايه بس . أجمل حاجة التفسير الغلط بتاع النظرة الأولى ده . يعنى الواحد يفضل مبحلق ومايغمضش عينه :p حتى الحديث بوظناه . والأستاذ اللى حب يعمل خير هههه لذيذ والله برضك الواحد لازم يكون ايجابى :d . بس ملحوظة البنت اللى بتلبس وحش بتاخد ذنوب على كل ولد يبص عليها يعنى كده البنت بتشيل ذنوب بعدد شعر رأسها . يانهار ابيض لو البنت دى راحت استاد القاهرة تفتكروا تشيل كام ذنب
BaNZeR 04-05-2009, 05:28 PM لا تفسير منطقي بصراحة
على فكرة النظرية بالمنطقين خاطئة
البنت اللى بتلبس كده قاصدة إنها تلبس حلو عشان شكلها يكون حلو والناس يبوصلها
ومادام الشباب بيبص تبقى هي كده صح وتزيد في اللى بتعمله
يعني اللى لبست كده مش عارفة إنه حد حيبصلها وحتتكسف
كلام مين العاقل ده
mohamadelhawary 04-05-2009, 05:35 PM السلام عليكم و رحمه الله و بركاته
الموضوع جميل فعلا
بالنسبه للناس ده فأنا أعتقد انه قناع مجرد قناع لأن تغير المنكر بيكون بثلاث طرق و هى تكمله الحديث
أما بالفعل
أو بالقول
أو بهجر من يفعل المنكر
بعض الناس تعتقد ان فبقلبه و ذلك أضعف الإيمان انه يرفض العمل ده فى نفسه الأعتقاد ده خطأ و الصح انه لو فشل فى تغير المنكر وجب عليه هجر صاحب النكر و عدم التعامل معه الإ فى الضروره القصوى وذلك أضعف الإيمان
شكرا لموضوعك الجميل و السلام عليكم و رحمه الله و بركاته
محمد الهوارى
KHALOOOD 04-05-2009, 08:06 PM بسم الله
اولا الموضوع دا المفروض يتكتب عليه كلاكيت المره المليون
(اكيد فاهمه قصدى)
هو على الجراة طالما فى خير وطالما تذكرة خلاص
لا اخشى فى الحق لومة لائمحلال لكى وحرام علينا
(اكيد فاهمه برده)
اة والله كانت البنات بتاخد بالها من نظراته وتقول ادى الملتحين واللى بيقول قال الله وقال الرسولسبحان الله وانا لما قولتلك مش بالدقون يا ايه عملتولى مشكله
وازاى تتكلم عن الناس دى كدا ومش عارف
والاخ سوبر هيرو كان متحمس والاخت اللى اسمها مورا دى متحمسه وجماعه فلسطين بتاعه حماس كانت متحمسه
وانت عليك اللعنه ازاى تقول كدا
وانتى بتقوليها عادى جداااااااااااااااااا
بس يالا عشان تصدقينى بس
وعشان تصدقى انى مش شرط اكدب او انافق عشان اكون مثالى
كان ممكن اقول فى موضوع انى ولا ببص ولا بعمل حاجه واعمل فيها الملاك الطاهر بس هبقى منافق
بس انتوا مش عايزين كدا انتوا عايزين الملايكه وفى الدنيا دى مفيش ملايكه
ايه انا مش قصدى خناقه والله
بس بفكرك باللى حصل معايا وبيحصل دلوقتى
وعلى ما افتكر ان احنا قلنا هنبطل كلام عن الحب وعن البنات هنا
دا كان كلام مرمورا ومحمود طه وافق عليه وحذف موضوع ليا وموضوع للورد
جزاكى الله خيرا يا ايه
ياريت متزعليش
الجويرية 04-05-2009, 08:32 PM بسم الله
ربنا يستر:bosyht9:
اولا الموضوع دا المفروض يتكتب عليه كلاكيت المره المليون
(اكيد فاهمه قصدى)
لا بس ده فكرته جديدة ولا حب ولا بنات ده بيوعى غض بالبصر بس وبصلح مفهوم غلط
حلال لكى وحرام علينا
(اكيد فاهمه برده)
ههههه
لا والله مش حلال ليا بس بص يااخ خالد موضوع حضرتك جراة ماتفنعش جرئ فى حاجة ماينفعش تصلحها
لكن ده غض بصر يعنى تذكرة بغض البصر
مش معقول حضرتك هاتروح تقول لواحدة اوعى تلبسى بنطلون
انا مش بتريق والله انا بتكلم جد
سبحان الله وانا لما قولتلك مش بالدقون يا ايه عملتولى مشكله
بص يااخ خالد انا مقولتش كدة انا روحت نصحت الاستاذ لانه ملتحى وده عيب هايحسب ع كل الملتحين والاسلام
لكن مش نعمم
وانا معترضتش على كلمة حضرتك:o
وازاى تتكلم عن الناس دى كدا ومش عارف
والاخ سوبر هيرو كان متحمس والاخت اللى اسمها مورا دى متحمسه
وجماعه فلسطين بتاعه حماس كانت متحمسه
وانت عليك اللعنه ازاى تقول كدا
مش انا اللى قولت
وبعدين حضرتك عممت واتكلمت ع الملتحيين
لكن انا بصلح غلط عشان مايبقاش عيب ع الملحتين
فاهم حضرتك الفرق؟
وانتى بتقوليها عادى جداااااااااااااااااا
بس يالا عشان تصدقينى بس
:angry2:ماشى ماشى
التالتة تابتة
وعشان تصدقى انى مش شرط اكدب او انافق عشان اكون مثالى
كان ممكن اقول فى موضوع انى ولا ببص ولا بعمل حاجه واعمل فيها الملاك الطاهر بس هبقى منافق
صح بس مش نعمم فى ملتحيين صح
بس انتوا مش عايزين كدا انتوا عايزين الملايكه وفى الدنيا دى مفيش ملايكه
بس فى ناس صالحة
ايه انا مش قصدى خناقه والله
والله وانا كمان تقبلت الرد بصدر رحب حتى قعدت اضحك بجد
فكرتنى بالذكريات
بس بفكرك باللى حصل معايا وبيحصل دلوقتى
:frown:
وعلى ما افتكر ان احنا قلنا هنبطل كلام عن الحب وعن البنات هنا
دا كان كلام مرمورا ومحمود طه وافق عليه وحذف موضوع ليا وموضوع للورد
طيب ده ايه علاقته بالحب؟
ايه علاقته بالبنات دلوقتى؟
انا بذكر الناس بغض البصر
وعلى فكرة الموضوع ده ليه مغزى كدة يعنى بمناسبة الخناقة اللى فاتت
جزاكى الله خيرا يا ايه
جزانا واياكم يااخ خالد
ياريت متزعليش
والله لا زعل ولا حاجة يااخ خالد احنا اخوات
ياريت بجد حضرتك اللى ماتضيقش من ردى
ولو بجد والله حضرتك مضايق م الموضوع
وشايفه مش مفيد ووالله والله تانى يوم هايكون محذوف
ومتفتكرش انى هاكون زعلانة لا هاعتبرها نصيحة من اخ وهانفذها
والله انا مش زعلانة انا شوفت الرد وضحكت بجد
وجزاكم الله خيرا على المرور العطر
Not Allowed 04-05-2009, 10:35 PM هو انا كل مأدخل القسم العام الاقى المواضيع كلها شكل بعض ;)
معظم المواضيع بتتكلم عن الاولاد الى مش محترمة الى بيعاكسوا البنات والبنات المحترمة الى بتتعاكس من الاولاد والى لابس مش عارف اية والى لابسة اية :(
والردود كلها بتبقى زى متكون معمولة كوبى وبست :stickjo4:
انا اسف يا اخت آية متزعليش منى بس تهيقلى كفاية مواضيع من دى احنا حفظناها :d
وشكرآ على الموضوع الهادف ( الا تقولوا مش معنى انا) :006et4:
المجاهد فى سبيل الله 04-05-2009, 11:27 PM سبحان الله وانا لما قولتلك مش بالدقون يا ايه عملتولى مشكله
وازاى تتكلم عن الناس دى كدا ومش عارف
والاخ سوبر هيرو كان متحمس والاخت اللى اسمها مورا دى متحمسه وجماعه فلسطين بتاعه حماس كانت متحمسه
وانت عليك اللعنه ازاى تقول كدا
اولا يا خالد انا مش عارف انت ازاى ترد كدا
انا ابتديت اشك ان فى حد تانى بيدخل باشتركك وبيرد مكانك
لان مش ده كلام خالد صحبى
يا اما انت بقى مفهمتش الموضوع ولا غرضه
و كل من تحمس فى موضوعك تكلموا عن حتة ليه بتلبس البنطلون تحت الجيبه
لان ده سؤال
انما الموضوع بتاع اية عن غض البصر وضربت مثال باستذها الى كان ملتحى الى صعبت عليها انها تلاقى حد بيحمل الاسلام حتى ولو كانت فى هيئته فقط ان يفعل مثل ما فعل
وخرجت و نصحته وخرجت لنا بكلامها هذا
خالد فى ناس كدا فعلا
ناس بتحط فى دمغها الكلام الى اية قالته ده
ولتانى مره بعترض على ردك
KHALOOOD 05-05-2009, 12:29 AM اولا يا خالد انا مش عارف انت ازاى ترد كدا
انا ابتديت اشك ان فى حد تانى بيدخل باشتركك وبيرد مكانك
لان مش ده كلام خالد صحبى
يا اما انت بقى مفهمتش الموضوع ولا غرضه
و كل من تحمس فى موضوعك تكلموا عن حتة ليه بتلبس البنطلون تحت الجيبه
لان ده سؤال
انما الموضوع بتاع اية عن غض البصر وضربت مثال باستذها الى كان ملتحى الى صعبت عليها انها تلاقى حد بيحمل الاسلام حتى ولو كانت فى هيئته فقط ان يفعل مثل ما فعل
وخرجت و نصحته وخرجت لنا بكلامها هذا
خالد فى ناس كدا فعلا
ناس بتحط فى دمغها الكلام الى اية قالته ده
ولتانى مره بعترض على ردك
ههههههههههههههههههههههه
والله دا تعبيرى فعلا وانا بشوف ردك ورد ايه انا فعلا بضحك
وانت بتقولوا ايه علاقه لبس البنات بغض البصر
ههههههههههههههههههههههههههههههههههههههههههه
طيب انا هسيب اى حد يتكلم غيرى بجد
يقول ايه العلاقه بين لبس البنات وغض البصر والحب
ولو مطلعش فى علاقه يبقى انا حاجه من اتنين يااما مش بفهم يا اما مش بفهم غبى يعنى
وبعدين يا احمد فى ناس كتيررررر علقوا على حته الدقون دى واولهم سوبر هيرو انت ناسى ولا ايه
واطمن يا مان انا اللى برد ع المواضيع بكل عقلانيه وحرص
..Just Stop 05-05-2009, 02:05 AM بعيدا عن الكلام الجابى اللى حصل
موضوعك تمام
هدفه باين طبعا
غض البصر
حاجة منتشرة جدا الفترةدى
محدش بيسلم منها طبعا الا من رحم ربى
ربنا يهدينا
بس مش عارف العيب فى مين
فينا واللا فيهم
طب ما الواحد ممكن يغض بصره غصب عنه ( يعنى البنات تلبس محترم )
كفاية تبرج كفاية قلة أدب
والله الواحد مش عارف يعمل ايه
ربنا يهدينا جميعا
اللهم ارزقنا غض البصر
اللهم اهدى شباب وبنات امتنا يارب العالمين
دمتم فى رعاية الله
KHALOOOD 05-05-2009, 06:42 AM اممممممم
لحد دلوقتى فى رد واحد بعدى وقال ان فى علاقه بينهم
طب ما الواحد ممكن يغض بصره غصب عنه ( يعنى البنات تلبس محترم)وبعدين يا محمود طالما الموضوع غرضه غض البصر
مرحش قسم من الاقسام الدينيه ليه زى الشاب المسلم
حتى لو راح هناك برده هيتحذف
بص ع الموضوع دا كدا
اهو نفس الهدف وموجود فى الشاب المسلم
وكمان مثبت (شوف الموضوع كله)
http://www.thanwya.com/vb/showthread.php?t=86495
ولو الموضوع عايزين يبقى هدفه لبس البنات وبتاع يبقى اتحذف احسن
ياريت الاداره مش تبقى عنيده ومش لازم نستمر فى الخطأ
الجويرية 05-05-2009, 10:28 AM مش هاعلق على كلامك يااخ خالد خالص
لان كلامى ممكن يقلب فبلاش احسن
والادارة تعمل اللى تعمله بقى
لانى بصراحة مش ناوية اتخانق داخلة على امتحانات وعاوزة اهدى اعصابى خالص
فلو الادارة هاتسيب الموضوع لغرضه فانا هامشى الموضوع عادى كانى ولا شوفت المداخلة الجانبية
ولو هاتحذفه فلتتفضل عادى يعنى مش هاتفرق
المهم ان الناس قرات الموضوع وصححت مصطلح غلط
وجزاكم الله خيرا
Not Allowed 05-05-2009, 10:43 AM يا اساتذة هدوا النفوس
وكلنا اخوات (ولا أيةبرضوا :d) :friendsxs3:
مواضيعكم كلها هادفة وغرضها شريف (الا بتاع الجيبة الى تحتيها مش عارف اية ) (فايدتة أية:blush:)
وبجد والله مواضيعكم اكثر من رائعة
بس الحكاية بس ان المواضيع الى من دى كترت (تعرفى انا من رأيى كنتى تعملية فى قسم الشاب المسلم) :d
وخلاص بقى يا جماعة الامتحانات على الابواب ومش وقتة الكلام دة خالص :friendsxs3:
يلا واسف على رزالتى فى الموضوع
السلام عليكم
الجويرية 05-05-2009, 10:50 AM يا اساتذة هدوا النفوس
وكلنا اخوات (ولا أيةبرضوا :d) :friendsxs3:
طبعا طبعا اخوات
وبجد والله مواضيعكم اكثر من رائعة
بس الحكاية بس ان المواضيع الى من دى كترت (تعرفى انا من رأيى كنتى تعملية فى قسم الشاب المسلم) :d
لا الموضوع ده مش مكرر
حضرتك انا بصحح مفهوم غلط ان الشاب يقولك من راى منكم منكرا وانا بغير المنكر بنظرتى زى استاذى كدة
وخلاص بقى يا جماعة الامتحانات على الابواب ومش وقتة الكلام دة خالص :friendsxs3:
يلا واسف على رزالتى فى الموضوع
السلام عليكم
لا مفش حاجة
بس للاسف الموضوع اتحول لحوارات جانبية مش فى الموضوع
فياريت الادارة تحرر الردود اللى مش تبع الموضوع او الموضوع يتحذف بناءا على طلب اخ
بس بقى والموضوع خلص لسه التالتة مجتش
مخلين التالتة لحاجة تقيلة كدة:stickjo4:
وجزاكم الله خيرا على وجهة نظر حضرتك ومرورك
KHALOOOD 05-05-2009, 02:13 PM (الا بتاع الجيبة الى تحتيها مش عارف اية ) (فايدتة أية:blush:)
لو حضرتك مفهمتش الموضوع يبقى بلاش تقول فايدته ايه!!!
مخلين التالتة لحاجة تقيلة كدة:stickjo4:يارب ما يجيب تالته يا ايه
بس بجد انا مخنوق برده عشان انا كنت عامل موضوع من ده برده واتحذف مع ان الناس رحبت بيه
عشان كدا مخنوق والله
ويمكن من بعديها كمان مش حطيت مواضيع
Not Allowed 05-05-2009, 03:19 PM لو حضرتك مفهمتش الموضوع يبقى بلاش تقول فايدته ايه!!!
لا يا خلوودة انا فاهمة كويس ورديتلك علية كمان
بس كل واحد لية وجهه نظرة واحنا كلنا لام نحترم وجهات نظر بعض وفى الاخى الاختلاف فى الرأى لا يفسد للود قضية
يلا هدى النفوس ومش عايزين نقلبها خناقة الجو حر ومش ناقص <_<
واسف لو وجهة نظرى زعلتك يلا سلام
أسيل رزق 05-05-2009, 03:34 PM هههههههههههههه
عجبنى أوى مدرس العربى بتاعك
ههههه.. بيسوء سمعته علشان يكسف البنت بنظراته!! غريبة شويه :bosyht9:
إنما الأعمال بالنيات .. بس واضح إن المدرس بتاعك ده بيستعبط;)
ههههههههههههه
مش فاهمة مضحكنى الموقف ده ليه:d
الله يمسيك بالخير يا مستر ......
كان لما بيشوف حد من البنات اللى يعرفهم مش لابسين كويس يهزقهم تهزيق زى الفل
مرة بنت كانت بتلبس بنطلون تحت الجيبة علشان ..
الله يسهلها بقى:blush:
مش عايزة أوصفلكم عمل فيها إيه وكان فى ولاد واقفة بجد الكل اتكسف و البنت الحصة اللى بعديها جت بإسدال :d
بصى يا آيه كل واحد وليه وجهة نظره فى الموضوع وليه نيته اللى محدش يعرفها إلا ربنا
بس فعلاً انا مش مع إن الولاد أو الرجالة يبصوا على البنات من مبدأ انهم هيتكسفوا
معلش يعنى هما أصلاً بيلبسوا كده علشان الكل يبص عليهم
وبرده فى بنات بتلبس كده علشان هى كده مش موضوع قلة أدب بس هى دى حياتها
يبقى كل واحد يخليه فى حاله والموضوع ده يجى من بنت لبنت أحسن ما يجى من ولد لبنت
يعنى ماينفعش إن بنت تروح تقول لولد لو سمحت ماتسقطش بنطلونك ..!! أكيد الولاد هيستغربوا أو مش هيحترموها
هى نفس الحكاية
وبالنسبة للمدرسين ممكن أوى المدرس يكسف البنت بالكلام مش النظرات أو يخلى بنت زميلتها تكلمها
كفاية كده
شكراً على الموضوع يا يويو :friendsxs3:
شعبان ابو المعاطى موسى 05-05-2009, 05:07 PM واضحان المدرس بيستعبط
wafa2y 05-05-2009, 06:41 PM كان عندنا مدرس لغة عربية فكان ملتحى
ومكنش بيغض البصر للاسف
فروحت اذكره بغض البصر
قالى لا انت مش فاهمة ده اناببص على جيبة فلانة علشان هى ضيقة
علشان تتكسف وتوسعها:006et4:
وببص على بلوزة علانة علشان تلاحظ انى ببصلها فتطولها:006et4:
وقالى انا استاذ فلان واعرف الشيخ فلان وازاى تقوليلى كدة
انت مش شايفة لبس البنات عامل ازاى لازم حد ينصحهم
وان مكنش مدرس اللغة العربية اللى يعمل كدة مين اللى ينصحهم
بس بقى فطلعت انا فى الاخر اللى غلطانة
وازاى افكر كدة:028ja7:
في الأول كده البوء اللي هو قاله في الأخر ده مش ليه لازمه
لقول الرسول صلي الله عليه وسلم:"من أبطأ به عمله لم يسرع به نسبه"
تاني حاجة أعقد إن هو قال الكلام ده خوف
يعني مافيش حاجة إسمها ببص عليها عشان تعمل كده
ده كان عايز حد يشوط فيه أول ما يقول كده
تالت حاجة إحنا ماينفعش ناخد بالمظاهر
مش عشان هو ملتحي يبقي مبيكذبش
في ملتحيين كتير بيتستروا وراها
......
ندخل في الموضوع
أنا مش شايف إن للشاب مبرر يحللوا حكاية النظر
أعتقد إن كلامي واضح
عشان لما جيبت سيرت الحب في موضوعي الناس كلها داخله تبص علي العنوان
مش عارفين أنا قصدي علي إيه
الشاب كده بيدمر نفسه
يعني لو واحد جعان يعد في أوضة فيها أكل كتير ورحته حلوة و منظره شهي
و يقولك لأ يا عم متخفش أنا مش هاكل
الحل هقوله بعدين مش دلوقتي
متابع.....:):)
الجويرية 05-05-2009, 09:08 PM يارب ما يجيب تالته يا ايه
بس بجد انا مخنوق برده عشان انا كنت عامل موضوع من ده برده واتحذف مع ان الناس رحبت بيه
عشان كدا مخنوق والله
ويمكن من بعديها كمان مش حطيت مواضيع
خير يااخ خالد
واالله انا بقول لو الادارة شايفاه مخالف تحذفه والله ماهايفرق معايا
واحنا اخوات يااخ خالد خير
بس بردوا التالتة تابتة:d
بس خليها فى الاجازة تبقى على رواقة
بهزر اكيد ربنا مايجيب خناقات
وجزاكم الله خيرا
lover rose 05-05-2009, 11:13 PM عندك حق يا ايه المستر ده غريييييييب جدا
والمبرر بتاعه اغرب
بس اناعندى سؤالين
نفسى اعرف انتى قولتيله ازاى على موضوع غض البصر ده؟
والسؤال التانى انتى وخالد دايما بتتخانقوا كده
انتوا بينكم تار ولا ايه
موضوعك جميل يا ايه
بس المشكله ان كتير اوى عملوا مواضيع لها نفس الفكره
وطبعا خالد عنده حق ان لبس البنات ليه علاقه بغض البصر
بصراحه البنات لبسها بقى مستفز اوى اوى بس طبعا الولاد لازم يغضوا البصر
بس ياريت قلبكم يبقى ابيض وتتسوا اللى فات
انا مش قلت حاجه تزعل
صح؟؟
wafa2y 06-05-2009, 08:34 AM سبحان الله وانا لما قولتلك مش بالدقون يا ايه عملتولى مشكله
وازاى تتكلم عن الناس دى كدا ومش عارف
والاخ سوبر هيرو كان متحمس والاخت اللى اسمها مورا دى متحمسه وجماعه فلسطين بتاعه حماس كانت متحمسه
وانت عليك اللعنه ازاى تقول كدا
وانتى بتقوليها عادى جداااااااااااااااااا
ياااااااااه
كل الكلام ده حصل في الموضوع و أنا أعد
لأ مش ليك حق يا خالد كنت قولي يا عم أقوم بالواجب
:):):)(واجب إيه بس بهزر :):))
المهم يا حبيب قلبي إنت سيبت الموضوع كله
و ركزت علي حتة فرعية
مش ملاحظ إن دي حاجة غريبة
أعذرني في الكلمة
كأنك داخل الموضوع مخصوص تطلع منه حاجة زي دي
عشان تاخد بتارك :d:d:d:d
ليك حق ما إنت إتبهدلت (أنا طبعا بهدي النفوس)
يعني آية بتتكلم عن المبرر اللي الكائن البرمائي ده قاله
مهما كان ملتحي
مكشوف عنه الحجاب
ولا حتي شيخ منصر
يعني هو الراجل حط قاعدة شايف إنها صح
(ده لو إفترضنا إن هو مبيكدبش)
فهي تفضلت مشكورة بتعرض القضية دي
ممكن تكون صح
و ممكن تكون غلط
فكل اللي عملته حكت الموقف وحطت الكومنت عليه
لكن بطريقة متحفظة شوية
مش بالطريقة اللولبية اللي إنت حاطط بيها موضوعك
(لأ أكيد عجبتك لولبية)
فياريت يا عمي متشدش أعصابك كده
و لو مش عجبك الملتحين لا تجيب في سيرتهم
ولا هما يجيبوا في سيرتك
أصل إنت بتغلط في ناس ممكن تعاقب عشان بتغلط في هديهم
فلو عايز تغلط في حد ومنصحكش:d:d
إغلط في حتة فساد
مش عشان ناس منهم وحشين
و صدقني متفكرش فيهم بالطريقة دي
أو الأحسن متفكرش فيهم علي رأي المثل
fokak mn el yshokak :d:d
لعل و عسي في يوم من الأيام تعرف الصح
أو اللي بالنسبة للناس التانية صح
يلا بقي عشان بعيد عنك عندي إمتحان رسم ميد ترم ناو
سلللللام
:d:d:d:d
الجويرية 06-05-2009, 10:53 AM fokak mn el yshokak :d:d
ههههههههه
هههههههههههه
ربنا يهديكوا ضيعتوا مفردات اللغة:mad:
هابقى اعلق على كلام حضرتك وكل الردود بس وقت تانى احنا فى ازمة
ربنا معانا جميعا
بس عجبتنى الجملة دى والاخ سيبويه عمل الواجب
الجويرية 06-05-2009, 10:58 AM عندك حق يا ايه المستر ده غريييييييب جدا
والمبرر بتاعه اغرب
بس اناعندى سؤالين
نفسى اعرف انتى قولتيله ازاى على موضوع غض البصر ده؟
انا استعنت بالله وقولتله
بس باسلوب محترم حتى بعد الموقف ده
حصل عكس ماتوقعت بقى يحترمنى جدا جدا جدا
انا قولت اكيد هايستقصدنى وهايكرنى بس لا
لان من يتوكل ع الله فهو حسبه
والسؤال التانى انتى وخالد دايما بتتخانقوا كده
انتوا بينكم تار ولا ايه
بس ياريت قلبكم يبقى ابيض وتتسوا اللى فات
لالا والله الاخ خالد اخ فاضل معانا
وربنا يعلم انا بحترم الاخ خالد ازاى
بس انا مكتوبلى الاخ خالد والاخ سعيد ماركات مسجلة معايا فى الخناقات
بس والله فعلا هم زى اخواتى وبحترمهم
هو تضارب افكار بس
شكرا لمرور حضرتك
هنا الفقي 06-05-2009, 05:55 PM بسم الله
بداية جزيتي خيرا كثيرا يا آية على موضوعك الرائع ده
واحده واحده كدهون
عندك يا ستي
انو يقولك عشان تغير جيبيتها وتلبس حاجة واسعة
برده هاقول ان ده على خلفية
هو بيبص على خلفية عشان تتكسف:049gc0:
انما اللي ف القلب ف القلب :wub:
يعني انا واحد بشرب خمر
وجيتو قلتولي حرام وكده
فاروح قايلالكم لا
انا مش بشربها عشان انا بحبها
ولا عشان بعمل دماغ
ولا ولا ولا
امال عشان ايه يا حبيبي
اقولك عشان اتبهدل منها واكون عبرة للناس فمايشربوش خمر ويكون ده ف ميزان حسناتي:022yb4:
ياسلام
ياصلاة النبي
ياحلاوة
طب بالله عليكي
ده كلام يدخل العقل ؟؟؟!!!!!
ما اظنش طوبعا
اهه دي زي دي
حاجة تانية بقى
بالنسبة لكلام البشمهندس خالد انها مش بالدقون
فهيا فعلا مش بالدقون
مش كل ملتحي دلوقتي يا اية بيعمل حساب لمنظره والصورة اللي هاينقلها للناس عن الملتحي
يعني مش قاعده
اما بالنسبة لموضوع غض البصر
وعلاقته بلبس البنات
يعني الاتنين واحد اعتقد
ما ينفعش ده من غير ده
هي البنوتة لو محترمة نفسها ف لبسها ايه اللي هايخلي امة لا اله الا الله تلف وراها ده بعيدا عن البنات اللي بتبهدل لبسها اصلا عشان تلاقي حد يبص ف خلقتها:blink:
يعني ممكن يكون شاب محترم وكويس
ويلاقي واحده لابسة ...لابسة او مش بمعنى لابسة يعني ..هي نص نص
او محجبة
او مش محجبة يعني
هي نص نص
يعني مغطية الشعرتين
يبقى كتر خيره اوي اوي لو ما بصش ليها
وطلع التنهيده بعدها ..هييييييييييييييييييييه استغفر الله العظيم يارب:(
ده طبعا وانا ما اتكلمتش عن الشباب الزبالة بقى
اللي قاعدين للساقطة واللاقطة:blush:
محجبة بقى منتقبة ..ميكرو جيب ..جينز ..جيب ..اهه يحدفولها كلمتين وخلاص
دول مش هاتكلم عنهم كتير
عشان انا ارقى من اني اذكرهم
اما بالنسبة للخناقات العظيمة اللي ف التوبيك العظيم ده
فلا اقول الا كما قالت الحكمة الشهيرة
روق الدي وكبر الجي ..عشان احنا داخلين على امتحانات
بس كدهون
السلام عليكم ورحمة الله وبركاته
طـفـلـة الامـس 06-05-2009, 06:36 PM تخيلى يا اية
انا برده كان عندى مدرس رياضيات فى تانية ثانوى وكان ملتحى برده
اول مرة دخلنا فيها كان عمال يتكلم ومواعظ بقى وكده ومش فاكرة انا كنت بعمل ايه ساعتها كنت برسم او بشخبط فى ورقة ادامى
ومش مركزة اوى معاه قام نادى عليا وقال الاخت ام طرحة كبيرة اللى مش منتبهة
قمت طلعت قالى كنتى بتعملى ايه قلتله كنت برسم فالورقة قالى طيب روحى هاتى الورقة روحت جبتها وجيت وانا وشى ادى الوان الطيف كلها
شافها فقالى ماشى اسمك ايه
قلتله اسمى
قالى انطقى اسمك صح وانا هدخلك:040vk0:
انا من يومها وانا مش مستريحاله اصلا وكان بيطلع فالاذاعة كل اسبوع يلقى كلمة
بس فعلا فيه ناس تحسى انك مش متقبلة الكلام منهم
والمصيبة انه هو اللى برده كان بيدينى فى سنة تالتة احصاء
وفضل فاكرنى لحد ما طلعت من المدرسة
وفى مرة كانت المفاجاة
لقيت كام بنت جايين فى حصته واول مادخلوا ازيك يا مستر وسلام
مصافحة باليد يعنى
انا صدمت بجد بجد كنت مذهولة:028ja7::028ja7:
لحد دلوقتى وانا مش بستريحله ابدا
هو فعلا كل انسان معرض للخطا بس فيه اخطاء مينفعش تتغفر
يعنى اما بنت تمشى مع ولد ويحبوا فى بعض والكلام الفارغ ده
دى غلطات فادحة يعنى مينفعش نقرب منها ابدا
وموقف مدرسك ده وحش اوى برده
بس انا مش عارفة انتى قدرتى تكلميه ازاى ؟؟؟؟:romarioxp6::romarioxp6:
صعبة اوى اوى اوى بالنسبالى
انا ممكن يجيلى سكتة قلبية وانا بتكلم :redface:
لا امتلك هذه الجراة ابدااااااا
موضوع حلو يا اية وفيه كلام كتير يتقال
بس الامتحانات على الابواب
تدق دقا
اما اروح افتحلها واجى
:p:p
سلااااااام يا يويو
ودعواتك معانا
فى رعاية الله
الجويرية 09-06-2009, 10:40 AM في الأول كده البوء اللي هو قاله في الأخر ده مش ليه لازمه
لقول الرسول صلي الله عليه وسلم:"من أبطأ به عمله لم يسرع به نسبه"
ربنا يهدينا ويهديه
تاني حاجة أعقد إن هو قال الكلام ده خوف
يعني مافيش حاجة إسمها ببص عليها عشان تعمل كده
ده كان عايز حد يشوط فيه أول ما يقول كده
ده استاذ وفعلا انا كنت بحترمه
فكان الغرض تنبيه لحاجة وخلاص الباقى ماليش دعوة بيه
تالت حاجة إحنا ماينفعش ناخد بالمظاهر
مش عشان هو ملتحي يبقي مبيكذبش
في ملتحيين كتير بيتستروا وراها
فعلا للاسف بس بردوا مش كلهم
يعنى انا ملتحى اكون مثال للملتحيين
لو هافكر يوم واعيب الملتحيين احلقها افضل
......
ندخل في الموضوع
أنا مش شايف إن للشاب مبرر يحللوا حكاية النظر
أعتقد إن كلامي واضح
عشان لما جيبت سيرت الحب في موضوعي الناس كلها داخله تبص علي العنوان
مش عارفين أنا قصدي علي إيه
الشاب كده بيدمر نفسه
يعني لو واحد جعان يعد في أوضة فيها أكل كتير ورحته حلوة و منظره شهي
و يقولك لأ يا عم متخفش أنا مش هاكل
الحل هقوله بعدين مش دلوقتي
ربنا يهدى:078111rg3:
متابع.....:):)
وجزاكم الله خيرا على المرور الطيب
الجويرية 09-06-2009, 10:49 AM بسم الله
بداية جزيتي خيرا كثيرا يا آية على موضوعك الرائع ده
جزانا واياك ياقمر
واحده واحده كدهون
عندك يا ستي
:bosyht9:
انو يقولك عشان تغير جيبيتها وتلبس حاجة واسعة
برده هاقول ان ده على خلفية
هو بيبص على خلفية عشان تتكسف:049gc0:
انما اللي ف القلب ف القلب :wub:
للاسف هو نظرية عنده كدة
ازاى افهمه غلط؟؟؟
انا اللى تفكيرى وحش:d
يعني انا واحد بشرب خمر
وجيتو قلتولي حرام وكده
فاروح قايلالكم لا
انا مش بشربها عشان انا بحبها
ولا عشان بعمل دماغ
ولا ولا ولا
امال عشان ايه يا حبيبي
اقولك عشان اتبهدل منها واكون عبرة للناس فمايشربوش خمر ويكون ده ف ميزان حسناتي:022yb4:
ياسلام
ياصلاة النبي
ياحلاوة
ههههههه
مهو ده غرض الموضوع ااننا بنحور حاجة علشان نخليها حلال
لا واكتر من الحلال انى بدل ماباخد سيئات لا باخد حسنات:006et4:
طب بالله عليكي
ده كلام يدخل العقل ؟؟؟!!!!!
ما اظنش طوبعا
اهه دي زي دي
حاجة تانية بقى
بالنسبة لكلام البشمهندس خالد انها مش بالدقون
فهيا فعلا مش بالدقون
اكيد
بس بردوا الدقن بتفرض على اللى قدامك حواجز
يعنى هاشوف واحد ملتحى كفاية هاقول لسه فى خير فى الاسلام
وبعدين فى ناس ملتحية علشان تتقرب لله بها
مش كل ملتحي دلوقتي يا اية بيعمل حساب لمنظره والصورة اللي هاينقلها للناس عن الملتحي
يعني مش قاعده
اكيد
بس فى الحلو والوحش مش كل ملتحى بيعمل كدة
اما بالنسبة لموضوع غض البصر
وعلاقته بلبس البنات
يعني الاتنين واحد اعتقد
ما ينفعش ده من غير ده
هي البنوتة لو محترمة نفسها ف لبسها ايه اللي هايخلي امة لا اله الا الله تلف وراها ده بعيدا عن البنات اللي بتبهدل لبسها اصلا عشان تلاقي حد يبص ف خلقتها:blink:
يعني ممكن يكون شاب محترم وكويس
ويلاقي واحده لابسة ...لابسة او مش بمعنى لابسة يعني ..هي نص نص
او محجبة
او مش محجبة يعني
هي نص نص
يعني مغطية الشعرتين
يبقى كتر خيره اوي اوي لو ما بصش ليها
وطلع التنهيده بعدها ..هييييييييييييييييييييه استغفر الله العظيم يارب:(
هههههههه
هى فعلا استغفر الله بس استغفر الله بعد ايه بقى:d
ده طبعا وانا ما اتكلمتش عن الشباب الزبالة بقى
اللي قاعدين للساقطة واللاقطة:blush:
محجبة بقى منتقبة ..ميكرو جيب ..جينز ..جيب ..اهه يحدفولها كلمتين وخلاص
دول مش هاتكلم عنهم كتير
عشان انا ارقى من اني اذكرهم
اما بالنسبة للخناقات العظيمة اللي ف التوبيك العظيم ده
فلا اقول الا كما قالت الحكمة الشهيرة
روق الدي وكبر الجي ..عشان احنا داخلين على امتحانات
بس كدهون
كل ده وبس
ماتكملى ياشيخة:d
بهزر والله ده انت شرفتينى
السلام عليكم ورحمة الله وبركاته
وعليكم السلام ورحمة الله وبركاته
ربنا يهديكم بوظتوا كل المفردات اللغوية
اعمل ايه بس
انا هاخرج مالفة معاجم لغوية لمنتدى البلوتيكا
جزاك الله خيرا على مرورك الجميل ياقمر
دايما ظالمه الناس كده يا أيه
الناس غرضها شريف وبتصحح منكر
حسبنا الله ونعم الوكيل
يارب سهل الامتحانات 09-06-2009, 06:26 PM والله الامتناع عن العصية عبادة والبنات ولبسهم مش هيتغير الا البنات الاى ربنا هيتوب عليهم
JASSY 10-06-2009, 01:03 AM عندك حق والله يا ايه....
الموضوع ده غريب جدا هو بيبرر غلطته بمصيبة اكبر وللاسف بيستخموا الاحاديث النبوية الايات الكريمة استخدام غلط وبيترجموها على مزاجهم....... ديه مصيبة انه يقول انا بعاكسها او ببصلها عشان ما تعملش كده تاني ....ده متهيالي لو عاكسها وخلاص يبقى ارحم..ههههه هما مصيبتين طبعا انا بهزر...وعلى فكرة البنت ديه طول ما حد بيعبرها هتزيد فيها واجدع حاجة بجد ولا حد يبصلها ..........وربنا يهدي بنات المسلمين جميعا ... اكيد عليهم عامل كبير في الموضوع ده
بشكرك على الموضوع يا جميل ....في رعاية الله
|