مشاهدة النسخة كاملة : بالـــراحه شويه عالورقه ياعمو
اختكم فالله 03-05-2009, 10:01 AM بالراحه عالورقه ارجــوك .. مستقبلى بين ايديك :028ja7:
انســى شويـه الهم ياعمــو .. وعلم بمزاجه الورقه
ده مجهــودى طول السنه ..اوعى تضيعه بغلطه قلــم:excl:
........ده مايــدور بعقل كــل طالب ثانويه فتانيه وفى تالته...........
......وده مايــدور بين المــدرسين فى تعلــيم امتحانات الثانويه العــــــــــامه:039uw8:........
وده دعـــــــــاء كل طــال اوقات تعليم الامتحــان
""اللهــم ابعــد الهم والحزن عن كل مدرس ماسك قلم احمر
اللهـــم ابعــد عنه الخلافات والمشاجرات
اللهــم ارح صــدرة وابعــد عنه كل خبيث
اللهـــم لا تدع عنده للانفلونزا باب
ولا للصــداع اللهـــــــــــم آمــــــــــــــين""
.......................كفايه...................... ..
لا طبعــا مش كفايه
لازم اقول تانى
ده نــداء لكل المدرسين
لما يكون فايدك مستقبلى يبقى لازم اقول
لما يضيع تعب طول السنه يبقى لازم اقول
لما انزل من اعلى قمه للاسفل علشان غلطه قلم يبقى لازم اقول
لما انقص درجات والاقى ليا حق ومش اخدها لان خلاص القلم الاحمر كتب
يبقى لازم اقول
يبقى لازم كلنا نتكلم
يبقى لازم كل مدرس يراعى ضميره
يبقى لازم الدوله توفر تصحيح كويس
يبقى ميكونش المدرس مطلوب منه 2000 ورقه تعليم خلال ساعه
علشان نعرف نتعلم يبقى لازم تدونا حقنا
ياترى ممكن فى يوم الاقى الحق ده موجود
على فكرة انا لسة فاولى
بس مرعوبه قووووووووووووى من التصحيح
لما كنت فاعدادى مدرس نزلنى درجه ونص الدرجه ونص دول نزلونى من الاول عالمدرسه للتالت
انا بعينى شوفت بنت نزلت 9 درجات بغلطه مدرسة فالثانويه العامه
نزلوها قوووووى وليها حق بس تجرى ورا المحاكم بقى بقالها سنتين تقريبا
يبقى فين الحق
.الصراحه هى حاجه مهمه قووى حبيت اناقشها معاكم .
Golden Eagle 03-05-2009, 10:26 AM ع فكره الموضوع ده مقلق جدا ً لناس كتير
بس مش للدرجه اللي الناس متخيلاها
يعني مش معني ان المصحح إتخانق مع مراته مثلا ً ع الصبح يروح يحسب السؤال الصح غلط
هو ممكن ينقص بس ف أسئله معينه زي التعبير مثلا ً
يعني هو مش بيكون مهمل لدرجه كبيره
و ده برضو مش لازم يكون بسبب إنه ف إيده مستقبل طالب يا إما يخليه دكتور أو يخليه عربجي ع حنطور
ده لأن اللي بيغلط ف التصحيح بيتحرم من التصحيح مش عارف كام سنه و يتخصم منه شهرين
و أي واحد بيستحمل يصحح كم الورق ده من الصبح يبقي محتاج كل قرش
أنا عارف كده لأن والدي كان ف كنترول الثانويه بس كان بيرصد مش بيصحح ( يعني بيكتب فلان درجته كذا )
ممكن واحد يقولي أنت شكلك ما إتظلمتش م التصحيح قبل كده
لا و الله إتظلمت
درجه و نص ظلم ف تانيه ثانوي
دول نص الدرجات اللي نقصتها
يعني أنا نقصت 3 درجات منها درجه و نص ظلم
و والدي شاف واحد حالل السؤال اللي غلطت أنا فيه زي ما أنا حليته
محسوب ليه هو صح و أنا غلط
بس برضو الواحد مش هياخد أكتر من اللي مكتوب ليه
المهم أن الواحد يخليه ف المذاكره و يعمل اللي عليه
أسيل رزق 03-05-2009, 11:06 AM على فكرة الموضوع مش فى وقته المناسب خالص :bosyht9:
وحكاية الظلم ده من وجهة نظرى بتكون حالات نادرة جداً
ممكن أقولك إن التصحيح بالذات فى مدرسين مش بيراعوا الطلاب كويس
بس لو الطالب أصلاً عامل حاجة فى الورقة مخلى اللى بيصحح عايز يحرق الورقة بصاحب الورقة زى مثلا نقش الفراخ ( الخط الوحش يعنى :d) وعدم تنظيم الورقة بيلاقى كله سايح على بعضه وحاجات بالمنظر ده ;)
مش كل حاجة نرميها على المدرس ..
وماننساش برده إن المدرس اللى بيصحح ده مثلاً ممكن يكون ساكن فى مصر الجديدة ورايح يصحح فى السيدة زينب وهيصحى من احلاها نومة وينزل يتشحطط فى المواصلات ويمكن يكون مافطرش و الجو حر ويدخل على أول ورقة ويصححها تخيلوا لو الورقة معجبتوش ولا لقى فيها شىء غبى إستفزه بصراحة أنا لو مكانه مش بعيد أقطع الورقة و أولع فيها :slap1qk6:
و غير كل ده فى طلبة كتير جداً يخرجوا من الامتحانات مبسوطين جداً وبيقولوا إحنا مقفلين الامتحان و يحبطوا اللى خارج مصدوم من الامتحان ويوم النتيجة نلاقى المصدوم ده جاب أعلى من اللى خارج فرحان
ده لسببين .. يا إما اللى خرج مبسوط ده كان عايز ينجح وبالنسبة ليه كلمة مقفل الامتحان يعنى ناجح
يا إما هو فعلاً متأكد من كلامه ويقول أنا اتظلمت و لما يقدم التماس أو تظلم يروح يشوف الورقة يلاقيه غلط فى نقطة معينة فى مسئلة مثلاً ضيعت منه 5 درجات وهكذا ..
فا ممكن يكون الطالب هو اللى غلطان أصلاً حط سالب بدل الموجب وكمل .. نفى الجملة وهى المفروض تتثبت .. إلخ
أنا بقى اتظلمت بس مش فى التصحيح ولا الثانوية العامة كانت فى نتيجة اولى اعدادى المفروض المجموع 343 هما غلطوا فى الجمع وخلوها 323 وكانت أيام مايعلم بيها إلا ربنا .. و كانت غلطة 3 مدرسين واتنقلت من مدرسة لمدرسة وانا ناقصة ال20 درجة بس الحمد لله رجعتهم :bosyht9:
Its My Life 03-05-2009, 11:51 AM ربنا يستر
بس خلينا في هم الامتحانات الاول وبعدين نفكر في التصحيح
Not Allowed 03-05-2009, 11:13 PM ربنا يستر وبس
herolovelode 04-05-2009, 12:22 AM يارب نجحنا كلنننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن ننا (يارب)
angel-girl 13-05-2009, 07:06 PM على فكرة بجد فى ناس ظالمة كتير
بس ده مش يمنع انه فى ناس عندها ضمير بس بجد انا بخرج من الامتحان كاتبة الاجابة على ورقى الاسئلة واقارنها بالكتاب
والاقى الدرجات حاجة تانية
ياريت كل واحد يراى ضميره في عمله
يحط ابنه مكانا بس
هيرضى كدا لابنه او لنفسه لو كان طالب
MIMA16 13-05-2009, 07:12 PM هو للاسف قليلين جدا اللى بيراعوا ضميرهم
وكتير جدا اللى بتظلموا
نفسى المدرس وهو بيصحح الورقة يعتبرها ورقة ابنه
هيجرا ايه ساعتها
بس الحمدلله على كل شىء
لانه اولا واخيرا ده نصيب
ونظام التعليم مش هيتغير بالساهل
:: [ K A B B O W ] :: 13-05-2009, 07:18 PM "من كان رزقه على الله فلا يحزن"
ما دام الانسان عمل اللى عليه وكان ملتزم مع ربنا ربنا هيكون معاه ومش هيضيع مجهوده ابدا
وحتى لو كان هو عمل اللى عليه وملتزم بطاعة الله والمصحح غلط فى ورقته فده هيكون لحكمة ربنا عاوزها انه يدخل مكان افضل ويمكن يكون دخوله كلية قمة ده ليه وحش ما دام عمل اللى عليه فربنا هيكرمه لازم كل انسان ميكنش عنده شك فى كده
Observer 17-05-2009, 08:06 PM أقدر أقول من خبرتى المتواضعة كمدرس
إن عدم الدقة " أو الظلم " فى تصحيح ورقة الإمتحان ساعات بيكون
بسبب ظروف خارجة عن إرادة المدرس اللى بيصحح
ومتنسوش إن المصحح بشر
لكن والله يا جماعة تنسيق الإجابة وتنظيم الأفكار له دور كبير فى المجموع
وأنا شخصياً كمصحح عمرى ما بظلم أى ورقة بصححها
بالعكس دة انا بتحايل انى اطلع اكبر درجة من الورقة لصالح التلميذ
عموماً لكل مجتهد نصيب
شكراً
اختكم فالله 30-05-2009, 08:57 PM متشكر قووى ياجماعه على ردودكم
بس ربنا يستر
والمدرسين تراعى شوية مجهودنا
والدوله تراعى مجهود المصححين
وشكرا ليكم
بس انا بردو لسه خايفه مووووووت ومرعوبه
من شبح الثانويه وتصحيحها
شهدالجنة 01-06-2009, 06:11 PM لالالا ماتخفيش الموضوع اسهل من كدة
بكتير ياقمر وربنا معاكى ياااااااااااااااااااارب
يالا بينا 29-11-2009, 04:00 PM ربنا المستعان
الظلم وحش بصفة عامة
بس لازم نبقى مدركين تماما ان ربنا هو المقرر الوحيد امصيرنا
وطالما اخدنا بالاسباب
يبقى لعل الامر خير
Mr. Medhat Salah 29-11-2009, 04:44 PM اللي مش عجبه يجي يصصح هوه
لان المساله صعبه قوي مش زي ما انتوا عارفين
اكيد الدقه مطلوبه لكن الشك لا
Pink_Floyd 29-11-2009, 09:10 PM موضوع مهم جداا بس انا ملاحظة انو كل اللي بيردو طلاب بس مفيش مدرسين
وبالنسبة للتصحيح لازم نكون على علم يقين بان بيتم بطريقة عواقبها بيتحملها الطالب بس
وخصوصاا في السنوات اللي بتحدد مصيرنا زي الثانوية العامة
يااريت كل من يصحح الاوراق يديها شوية من وقته عشان يقدر يدي الطالب حقه اللازم
اتمنى تفاعل اكتر من كدا من الاعضاء الكرام
noda 2000 29-11-2009, 10:14 PM منورة المنتدى
ربنا يستر علينا
ومتخافيش من حاجه
ربنا معاكى
أحمد كووول 29-11-2009, 11:06 PM ربنا ينجحكوا بتفوق ويكرمكوا من فضله
ويحببكم في العلم
أحلام مفقودة 02-12-2009, 05:50 AM جزاكي الله الله
موضوع مهم
لكن من يسمعكم
ربنا يوفقكم يارب
وتكون امتحاناتكم سهله
ويخركم من الثانويه دي على خير يارب
دكتور اسلام 20-12-2009, 07:17 AM انا دلوقتي ف تالته صيدله
هلقولك علي حاجه
لما كنت ف تانيه ثانوي انظلمت ف الانجليزي والاحياء
ورحت كشفت علي ورقي ولقيت ليا اربع درجات ونص
ماختش الا نص بس
ف تالته بقي
وربنا حاجات غلط ف الفيزياء والكيمياء
اتعملتلي صح ف التصيح
وكانت اربع درجات بالزبط
يعني ربنا عوضني
وكان كمان ليا طب
بس انا مارديتش ادخله
اللي عايز اقلهولك ان ربنا مابيرضاش بالظلم ابدددددددددددااااااااااااااااااااااااااااا
يعني لو حسيت بظلم بجد ربنا هايعوضك
|