قال الشيخ عبد الفتاح دردير رئيس قطاع المعاهد الأزهرية، إن د.محمد سيد طنطاوى شيخ الأزهر قد قام بإرسال خطاب إلى الدكتور يوسف بطرس غالى وزير المالية، يستعجل فيه إرسال أموال كادر معلمى الأزهر، والتى ستصرف مع رواتب شهر مايو الجارى، مؤكداً أنه لا نية إطلاقاً لتأجيل صرف الأموال وأن شيخ الأزهر عند وعده بصرف زيادات الكادر فى مواعيدها.

وأكد دردير فى تصريحات خاصة لليوم السابع، أن الناجحين فى اختبار الكادر والبالغ عددهم أكثر من 104 ألف معلم، سيتم تسكينهم على خمس درجات مالية، وهى معلم ثم معلم أول ثم معلم متميز ثم معلم خبير ثم كبير معلمين، مشيراً أن قطاع المعاهد يبدأ حالياً فى الإعداد لاختبارات القراءات لمن سيخوضون الدور الثانى من اختبارات الكادر نهاية مايو الجارى ممن رسبوا أو لم يخضعوا للاختبار فى الدور الأول، والبالغ عددهم حوالى 8 آلاف معلم.

ستصرف مع رواتب شهر مايو الجارى، يارب

يارب يكوت الخبر ده صجيج

يارب يصدق فعلا قراءته فى اليوم السابع بس يتحقق يارب

ربنا معاكم
يا رب

ياجماعه يعنى الكادر مع 120يوم والمرتب الواحد يفكر يجوز تانى والاحسن نجيبلنا عربيه ولا ايه رايكم فى شقه على النيل احمدك يارب

هذا كلام جميل يدعو على التفاؤل بس نقول يارب

ايوه والله يا عم سعيد الواحد بعد التجميعه دى يفكر يغير حاجات كتير بلاش افسر علشان المدام بتقرا البوابه
بس يارب يكونوا صادقين المرة دى اصل اللى يتلسع من الشوربه ينفخ فى الزبادى مع انى فاكر الشوربه دى طشاش

لا ده كده الواحد يصيف في الريفيرا

الاخ سعيد ياعنى ايه شوربه والاخ سعد يعنى ايه الريفيرا ارجوا الترجمه الى العربيه

والله وهانشوف اللحمة ياولاد.هاهاهاهاهاها

نفسى اعرف مصير المتعاقدين ايه

يا سعيد ياحبيبى الشوربه دى كان زمان أجدادنا لما بيجيبوا لحمه او فرخه كانوا بيحطوا ميه كتيييييير جدا مع شوية توابل وسقطوا الفرخه واللحمه فيها تبقى شوربه والحمد لله مكتوب لنا انن نشوفها ونتزوقها ونفتكر ايام زمان بس بعد صرف الكادر

فيه اكيد حاجه غلط
هههههههههههه
آسف كل شئ غلط
احتمال فيه حاجه صح
أمال دولة مسلمه فى يد واحد كا.....................

ياعم سعيد فسر الماء بالماء اسال ياعنى ايه شوربه تقولى فرخه ولحمه هو انا عرفت الاولى لما تقولى التانيه بس غريبه الاخ مروان ذكر نفس الكلمه دى واضح ان التكنولوجيا لسه لم تصل للقاهره طب هى الفرخه دى اللى بتقولوا عليها سرعتها كام حصان واللخمه دى بتتزرع فى اى مناخ صحرواى ولازراعى

الاخ مينو مالك عدوانى كده ياعم بص لنصف الكوب الممتلأ وان شاء الله تفاءل واضحك وصدقنى الكفن مالوش جيوب

معلش يا عم سعيد نسيت اشرحلك ايه الفرخه واللحمه اصل انا مثقف وقرأتها فى كتب التاريخ لكن معلش المره دى اصل مجلس الشعب وافق على 5% علاوه اجتماعيه ودا يعنى ان علم الفراخ واللحمه يبقى علم لاينفع وجهل لايضر

جت الحزينه تفرح !!!!!!!!!!!!!

هههههههههه
الكفن
دا انتا متفائل اوى
مش لو لقيت فلوس تجيب الكفن