السؤال ده كان موجود في كتاب الوسام وجيه في الجمهورية من يومين في اسئلة المتفوقين وسألت الأستاذبتاعي قالي السؤال غلط لأن المفروض يذكر ثابت التأين (Ka) بس انا مش مقتنع فهل فعلا السؤال صح ولا ناقص ارجوكم ساعدوني واللي يعرف لحل يكتبه ضروري السؤال:((احسب الأس الهيدروجيني لمحلول "0.01 " مول|لتر من هيدروكسيد الصوديوم؟))

POH = -log [0.01] = 2
PH= 12
لإن NaOH قلوي قوي تام التأين لهذا تركيز المحلول = تركيز الهيدروكسيد = 0.01 مولر
مع تحيات كتاب البيان في الكيمياء للثانوية العامة ( أ/ حسام العيسوي ) 3092101-03

تمام سا استاذ حسام وكمان لازم تعرف يا كيري ان قاون ka , kb بكون للاحماض والقلويات الضعيفة

حلوة قوى المسالة وشكرا لصاحب الموضوع والاساتذة

انا متشكر اوي للاساتذة اللي جابوا لي على المسألة وشكرا يا مريم على الرد

جد فكرة المسألة حلوة جدا

على فكرة المسالة دى تتحل زى مسائل الباب السادس
الاول هتكتب معادلة تاين هيدروكسيد الصوديوم فى الماء وبعد كده هتجيب تركيز ايونات الهيدروكسيل هتكون ب واحد من عشرة وهتجيب الاس الهيدروكسيلى ومنه هتجيب الهيدروجينى

لاحظ أن :
1) الأحماض القوية والقلويات القوية تكون تامة التأين وبكده يكون :-
تركيز أيون الهيدروجن ( أو الهيدرونيوم ) = تركيز الحمض نفسه
وتركيز أيون الهيدروكسيل = تركيز القلوى نفسه
2) الأحماض الضعيفه والقلويات الضعيفه تكون غير تامة التأين وبكده يكون :-
تركيز أيون الهيدروجين ( أو الهيدرونيوم ) = الجذر التربيعى لـ ka × c
وتركيز أيون الهيدروكسيل = الجذر التربيعى لـ kb× c

شكرا علي المسائل الشديده دي وننتظر المزيد