http://img518.imageshack.us/img518/2384/asdwqq3.gif

اسئلة غريبة الأطوار ليس لها فائدة ولا معنى ولا تحتاج لاجابة

فلماذا السؤال؟؟؟؟؟؟؟؟؟؟؟؟؟

هتقولى الاسئلة دى زى ايه ؟؟؟

هقولك كتيير جدا والله وكله بيتعرض ليها

مثلا :

مقابل واحد صحبى الساعة 10 بيقولى هتيجى النهاردة النادى فقولتله لا معلش اصل لسة منمتش مطبق بقالى يومين فبقولى : يعنى استناك على الساعة كام كده

طيب!!! يعنى أقوله ايه ده



انت فى اوضتك على السرير وطافي النور ومتغطي


يجى اخوك الظريف يقولك اية دة انت هتنام ولا ايه ؟
(معتقدش انى هرقص يعنى اكيد هنام)


انتم معزومين عند الناس اول مارحتولهم البيت فتحو الباب يقول
ابنهم االصغير انتو جيتو
( لا لسه )



انت لابس هدومك و على سنجة عشرة وريحة البارفان وصله
لاخر الشارع يندهلك حد من اهلك بصوت عالى انت خااااااارج
(لا انا لسة راجع)




مسكت التليفون وبتضغط على الارقام يجى حد من اهلك يقولك انت
هتتكلم فى التليفون؟
(لا بتفرج علي اصله عجبنى)



ماسك مذكرة ولا كتاب وقاعد بتحفظ متحمس ( اول مره بقى :d) ويجي حد
يقولك هاة قاعد تذاكر
(تقوم رامي الكتاب وقايل لااااااااااا :angry2:)


ربنا هاديك كدة وماسك سبحة وعمال تسبح يجى حد من البيت معدى
يقولك هوة انت بتسبح ؟
(لا هفرطها واسلقها)




ولا باة القنوات و اسئلتهم البايخة برنامج اهداء اغانى ترد عليك ست
الكتكوتة (المزيعة)بكل خفة ورشاقة انت بتحب الاغنية دى ؟
(لا انا طالبها اخنق على نفسى )


او مثلا فى برامج
العيد
المذيع "ههههه هههه نتعرف بيك؟
المواطن فلان الفلانى
المذيع "هههه بتقول اية للاهل هههه وصحابك هههههه وقرايبك هههه
المواطن اقولهم كل عام وانتم بخير
(اكيد مش هيقولهم البقاء للة)


المذيعة الظريفة"وياترى هتعملو اية فى العيد هتقضوة ازاى
اكيد بيبقى زيارات الاهل والاصحاب وتفسحو اولادكو ونتصل بالمعارف
ونقولهم كل سنة وانتم طيبين
( سبتيله اية يقوله يا رخمة)
والاسخف بقى برامج الأطفال... الشلل
الكبير
المذيع" انت بتحب بابا وماما
(يعنى الولة لسة مطلعلوش عرق الندالةعلشان يقول لا)


نفسى بجد اعرف الواحد مننا يسيطرعلى اعصابه ازاى بعد الاسئلة البايخة دى
ربنا يصبرنا ويرحمنا

هههههههههههههههه
يااااه والله معاك حق دي شوية اسئلة سخيفة
بس عشان ترد لازم تبقي اسخف
هههههه
بس بجد موضوع دمه خفيف
وعجبني جدااا
هههههه
بس ملحوظة
لما تحب ترخم علي حد ابقي اسؤله شوية اسئلة كده وشوف ايه الي هيحصل
حاجة اخيرة انت كاتب في توقيعك
لا تنظر وراءك ولكن انظر خلفك
تفرق ايه وراك من خلفك

حاجة اخيرة انت كاتب في توقيعك
لا تنظر وراءك ولكن انظر خلفك
تفرق ايه وراك من خلفك

لا فى فرق كبير جدا

اولا : مثلا يعنى

واخيرا : صح ولا لا

لا فى فرق كبير جدا

اولا : مثلا يعنى

واخيرا : صح ولا لا


على فكرة انا شفت التوقيع امبارح وكان نفسي أسأل نفس السؤال:excl:
وحضرتك قدمت شرح وافي بسم الله ماشاء الله :022yb4:
ما هم بيقولوا الحوار الصامت ابلغ من الحوار الكلامي :friendsxs3:

ومعلش استحمل الاسئلة الرخمة
اصل المذيعة مش حتقولك اسمك ايه وتقفل الخط :o
لازم حتقولك بتحب مين >>> بتكلم على بابا وماما اوعى تفهموني صح :p

وفي البيت لو مقالوش انت قاعد بتعمل كذا حيقلولك ايه :039uw8:

موضوع جميل يا مصطفى ;)

على فكرة انا شفت التوقيع امبارح وكان نفسي أسأل نفس السؤال:excl:
وحضرتك قدمت شرح وافي بسم الله ماشاء الله :022yb4:
ما هم بيقولوا الحوار الصامت ابلغ من الحوار الكلامي :friendsxs3:

ومعلش استحمل الاسئلة الرخمة
اصل المذيعة مش حتقولك اسمك ايه وتقفل الخط :o
لازم حتقولك بتحب مين >>> بتكلم على بابا وماما اوعى تفهموني صح :p

وفي البيت لو مقالوش انت قاعد بتعمل كذا حيقلولك ايه :039uw8:

موضوع جميل يا مصطفى ;)

ههههههههههه شكرا على مرورك

موضوع جامد اوى خضوصا السوال بتاع انت هتنام ده

اعتقد انى شوفت الموضوع دا قبل كدا

موضوع جميل أوى
بس فى اكتر من كدة(تكون قاعد بتسمع اغانى والصوت وصل لجيران)وتلقى حد بيقولك
هو انت بتسمع لأ بتفرج:dوحاجات تانيه كتير