بسم الله الرحمن الرحيم

ياريت يا جماعة اى حد يشوف المسالة دى ويقولى الحل


مسطرة افقية طولها 30سم معلقة من منتصفها فى قب ميزان علق فى احد طرفيها مكعب حديدى كتلتة 30 كجم وعلى بعد 12 سم من المنتصف اوجد الكتلة الواجب وضعها فى النصف الاجر على بعد 6 سم حتى تصبح المسطرة فى حالة اتزان واذا مضعت الكتلة الاولى > المكعب< فى اناء بة زئبق > وهى لسة متعلقة فى المسطرة على نفس المسافة< اوجد قراءة الميزان واوجد كثافة السائل الواجب وضع الكتلة الاخرى فية حتى يكون تكون المسطرة متزنة مع العلم ان كثافة الزئبق 13600 وعجلة الجاذبية 9.8

> ومع العلم برضو انى علم علوم ومسائل الاتزان دى معرفش عنها حاجة <

تحياتى

فعلا جامدة المسالة بس ان شاء الله لو عرفت الحل هجيبة

حضرتك متاكد ان المسالة كاملة كدة اصل انا عارفة الحل بس ناقصنى كثافة الحديد عشان الميزان فالمرة التانية هيقرا الوزن الظاهرى يعنى محتاجة الحجم عشان قوة الدفع وكمان هى الكتلة حديد برضه ولا ايه اصل لو كانت ايه هنحتاج كثافتها برضه
فياريت لو حضرتك متاكد منها تقول عشان افكرلها فى طريقة تانية
وعلى فكرة احنا هنا هنستخدم قانون من رياضة 2
القوة *ذراعها =المقاومة*ذراعها بس حضرتك اتاكد عشان نشوف الحل هيبقى ازاى

الحل كده صح مريم لانى حليت المسالة دى كده

بس مش هتيجى فى الامتحان علشان مبنية على رياضة 2 اصلا

ان شاء الله مش هتيجي في الامتحان

بناء على القانون

القوة×ذراعها =المقاومة×ذراعها

30×9.8×12=m×9.8×6

الكتلة=60

المطلوب الثانى انا محتاجة الكثافة

لان المسالة اللى انا حلتها كان مدينى الكثافة

يا جماعة راعوا ان الامتحان علمى علوم ورياضة انا مثلا علوم ومش فاهمة حاجة من القانون ده

ده لمجرد المعرفة مش اكتر

يعنى يكون عندك بها علم بس

ولا يهمك انا برده علوم

بس انا بحلها للمعرفة بالشىء


وربنا يوفق الجميع

المساله دي علي العزوم حول نقطه ممكن قول قوة في زراعها =القوه المتزنه معها في زراعها يعني الكتله 60

هههههههههههه ايه المساله ديه جدعان انا حسيت اني قاعد في منتدي رياضه 2 مش فيزيا
عالعموم متخفوش المسائل ديه مش بتيجي وانا المستر بتاعي قالي ان المسائل دي كانت موجوده زمان لان زمان كان فيه امتحان فيزيا لعلمي رياضه وامتحان تاني لعلمي علوم لكن دلوقتي بقي الكل امتحان واحد فالمسائل ديه الكتب والمدرسين بيجيبوها للعلم بالشئ مش اكتر لكن مينفعش تيجي مراعاه لعلمي علوم

الف شكر يا جدعان

على فكرة هو كان جايب الكثافة بس انا نسيت اكتبها :(

المشكلة عندى كانت القانون دة وكدة خلاص المسائلة خلصت ومكشورين على تعاونكم :)
تحياتى