السلام عليكم و رحمة الله و بركاته

أنا عاوز أوجه رسالة لمشرفين و مديرين الموقع الكبير الغالي دة

دلوقتي حضراتكم عاملين الغرف الصوتية لكي يستفاد منها كل الطلبة

عاوز أعرف إيه لازمة إن طالب زيو زينا يمسك إشراف عليها ... مهما كان مجتهد و شاطر

و حتى لو هتخلوا طالب يمسك الإشراف عليها لازم يلتزم بشروط أولها إنو ما يتكبرش على زملاؤه

اللي ممكن يكونوا عقلهم أكبر منو و أنضف منو ميت مرة .. مع إحترامي ليه

الأخ اللي حضراتكم معينينو مشرف ع الغرف .. مدرس الغد

اللي حصل إن إحنا قاعدين في حصة إنجليزي و بوجود مستر عبد الحميد شاهين .. الحصة كانت المفروض إنجليزي

بس مستر محمود فتحي ماجاش

و هو بيتكلم معانا بكل تكبر و محسسنا إنو مستر بجد و تكرمت الأخت asd أو Rotatota بالشرح من أسئلة قديمة معاها و بتراجعلنا .. و دة متغاظ و مضايق و بيقول أنا لو عاوز أوقفها كنت وقفتها .. أنا قولتلو لا مش من حقك توقفها لأنها مغلطتش ... هل أنا غلط ؟؟؟ و أنا حاليا موقوف من الكتابة في الغرفة عشان بقول يا جماعة بلاش كلام خارج الشرح

عاوز أعرف أنا فين غلطتي ... و ياريت لو هتعينوا مشرفين ع الغرف عينوا مشرفين يستحقوا الإشراف

أنا خايف و الله لا يطلع قريب أستاذ عصام ولا حد من المديرين و أروح أنا في الرجلين

شكلها الكوسة وصلت للمنتديات و الغرف الصوتية كمان

ربنا يستر علينا و الله

مستني الرد ضروري و حل لهذة المشكلة

اخى بص لماذا فعلت بعد وقبل ذلك انا دخلت لقيتها بتشرح هل وقفتها وانا قولت كده لانى مكنتش اعرف ان مستر عبد الحميد الى فاتحلها وبعدين انت اتكلمت كتير وخلتنى اتنرفز وبعدين فتحتلك تانى حطيت لنك الموضوع داه فى الغرفه وداه سبب وقفك منى للكتابى وكمان ردك مش بأحترام
23:30:22 [prince of love] مش عاوزين كلام برة الشرح يا جماعة

23:31:10 [مدرس الغد] كلمه تانيه تعليق على كلامى
23:31:13 [مدرس الغد] هوقفك كتابى
23:31:15 [prince of love] هههههههههههه23:31:29
[prince of love] ههههههههههههه


وداه بعد فتح الكتابه تانى
24:33:49 [prince of love] http://www.thanwya.com/vb/showthread.php?p=1214728
24:34:24 [مدرس الغد] اولا ممنوع وضع اى اسم موقع
24:34:28 [مدرس الغد] حتى لو يخص البوابه


داه الحوار الى دار بينى وبينه الى الاداريين شايفينه صح انا موافق حتى لو شالوا الاشراف منى وشكرا وتقبل مرورى

مش عاوزين كلام برة الشرح يا جماعة .... أكيد مغلطتش في الجملة دي

إنت قولت ساعتها ايه بقى ؟؟؟

قولتلي مالكش دعوة أنا غيرك

أنا مشرف

أنا من حقي أتكلم برة الشرح

أنا .. انا .. أنا

بلاش تكبر يا احمد... دي بجد نصيحة أخوية

لو فرحان إنت بأدوات الإشراف في الغرفة و أول مرة تشوفها و بتلعب إبقى إلعب و هي فاضية

أما لو عاوز تثبت لنفسك و للناس إنك شخص مش عادي و متحكم فينا .. فدي بقى تروح عشانها لدكتور نفساني

01:04:23 [MiDo] على فكرة يا أحمد

01:04:31 [MiDo] أنا برنس أوف لاف

01:04:36 [MiDo] أنا عاوز بس أعرفك حاجة

01:04:40 [MiDo] أنا مدير منتديات كتير ع النت

01:04:50 [MiDo] و بعرف في التكنولوجيا جدا
01:05:18 [MiDo] عشان لو فاكر نفسك بتعمل حاجة غريبة و الناس هتقول عليك عبقري تبقى غلط
01:05:38 [مدرس الغد] طيب

01:05:44 [مدرس الغد] كلامك فيه كلام مش حلو

01:05:48 [مدرس الغد] لو سمحت اسكت

المنتدى يقرر بقا فيه الكلام داه باقى الحوار

السلام عليكم ورحمة الله وبركاته
لايصح ما تقوم به هذا ولايصح ان تشكو بهذا الشكل المهين زميلك لم يعاملك بتكبر او شئ من هذا القبيل وانما اراد منك ان تلتزم بقوانين واخلاقيات الحضور اثناء مشاركات زملائك والغرفة العامه للتعليم وليست للتعارف ونرجو ان تكون استفدت من مناقشات زملائك فهذا هو ( نظام التعلم من الاقران) في حال عدم وجود مدرسكم يسمح لكم بان تناقشو موضوعات سويا وهذا يفيدكم لذا نرجو ان تكون مشاركاتك لاحقا علي مستوي اعلي من ذلك محاولا الاستفاده من زملائك وافادتهم ايضا ،وان تتحلي بروح المشاركه والمناقشه ضمن فريق واحد .
وندعو الله تعالي ان يعلمنا ما ينفعنا ، وان ينفعنا بما علمنا
السلام عليكم ورحمة الله وبركاته

01:10:26 [MiDo] و الله يا أمل بجد مش عارف أقوللك ايه؟
01:10:53 [مدرس الغد] اتكلم فى الخاص يا اخ

01:10:57 [MiDo] شكرا جدا بجد
01:10:36 [MiDo] يكفي جرأتك ع الشرح ع المايك
01:11:24 [MiDo] بس أهلي علموني إني عيب اكلم بنت ع الخاص

يا حبيبي أنا لو همسك عليك كل كلمة قولتها الناس هتعرف إن كل كلامك غلط في غلط و باسلوب زبالة

لا حول ولا قوة إلا بالله

كلامك صحيح يا اخى بس الاخى برنس كلامه كله خارج نقاش الشرح وكمان بيهينى قدام كل اخوانى انا مش هرد تانى بس اخوانى فى الغرفه هيردوا على الكلام داه

ارجو من الزميلين ان نلتقي معا لنتحاور في هذا ونحل المشكله وانشاء الله انتم زملاء واخوه فرجاء ان تكون علي مستوي راقي في التعامل وارجو عدم كتابة شئ اخر في هذا الموضوع من فضلكم .
تحياتي / عبد الحميد شاهين

السلام عليكم
يا برنس عاوز اقولك حاجه انا عمرى ما شوفت حاجه وحشه

ومش عيب ان طالب مننا انه يكون مشرف

وبعدين هو مغلطش انه عاوز ان يكون فى نظام فى الغرفه

ودايما لو مفيش مدرس فى الغرفه بيكون قافل الكتابه

وبيقول كمان لو حد كلم حد وضايقه على الخاص يقول علشان امنعه من الكتابه

ثانيا
هو مش اعترض ان الطالبه (asd) انها تشرح لحد لما المدرس يجى

وكمان مستر عبد الحميد شاهين موجود معانا لحد الساعه الواحده والنصف بعد نصف الليل وهو لو شايف حاجه غلط كان اتكلم

وهى مش غلطانه كفايه الجرائه بتعتها انها تشرح فى المايك

يعنى بدل لما نعد نتكلم او الكتابه تكون مقفوله نستفاد بالوقت بتاعنا وكل واحد يفيد التانى باى معلومه

وانا بقول انها مش كوسه وان مدرس الغد يستحق انه يكون مشرف لان محدش شاف منه غلطه


تقبل مرورى

لا للتعصب بين الاعضاء كلنا هنا اخوه
السلام عليكم

اولا معلش عنوان الموضوع اية سببة ؟؟

انت كنت عملت موضوع ومردناش على حضرتك ؟؟

السلام عليكم و رحمة الله و بركاته

وعليكم السلام



أنا عاوز أوجه رسالة لمشرفين و مديرين الموقع الكبير الغالي دة

تحت امرك


دلوقتي حضراتكم عاملين الغرف الصوتية لكي يستفاد منها كل الطلبة

اكيد


عاوز أعرف إيه لازمة إن طالب زيو زينا يمسك إشراف عليها ... مهما كان مجتهد و شاطر

انتم الى طلبتو كدة حضرتك


و حتى لو هتخلوا طالب يمسك الإشراف عليها لازم يلتزم بشروط أولها إنو ما يتكبرش على زملاؤه

لو طالب اتكبر عليك انت خد كلامة كوبى

وابعتة ليا وانا لو مجبتش ليك حقك

تبقى تلومنى

كدة انا غلطان ؟


اللي ممكن يكونوا عقلهم أكبر منو و أنضف منو ميت مرة .. مع إحترامي ليه

مش من حقك تقول كدة


الأخ اللي حضراتكم معينينو مشرف ع الغرف .. مدرس الغد

اللي حصل إن إحنا قاعدين في حصة إنجليزي و بوجود مستر عبد الحميد شاهين .. الحصة كانت المفروض إنجليزي

بس مستر محمود فتحي ماجاش

و هو بيتكلم معانا بكل تكبر و محسسنا إنو مستر بجد و تكرمت الأخت asd أو rotatota بالشرح من أسئلة قديمة معاها و بتراجعلنا .. و دة متغاظ و مضايق و بيقول أنا لو عاوز أوقفها كنت وقفتها .. أنا قولتلو لا مش من حقك توقفها لأنها مغلطتش ... هل أنا غلط ؟؟؟ و أنا حاليا موقوف من الكتابة في الغرفة عشان بقول يا جماعة بلاش كلام خارج الشرح

مقدرش احكم على الكلام الا عن طريقة الطلبة

عندك شهود على كلامك دا ؟؟

غير كدة مين اى مانعك من الكتابة ؟؟


عاوز أعرف أنا فين غلطتي ... و ياريت لو هتعينوا مشرفين ع الغرف عينوا مشرفين يستحقوا الإشراف

المشكلة دى هتتحل بكرة بفضل الله


أنا خايف و الله لا يطلع قريب أستاذ عصام ولا حد من المديرين و أروح أنا في الرجلين

يعنى اية قريب الاستاذ عصام او حد من المديرين ؟؟

على فكرة لو انا ادارى اهوة وغلطان هترفع

لو انا حتى ابن الاستاذ عصام الاستاذ عصام اول واحد هيرفعنى اطمن يعنى احنا ماشين مبدا ان الكل يساوى واحد


شكلها الكوسة وصلت للمنتديات و الغرف الصوتية كمان

ربنا يستر علينا و الله

مستني الرد ضروري و حل لهذة المشكلة



اخر جزئية دى هعديها بس اسلوبك وحش معلش غيره

منتظر تعليقك على كلامى

فى رعاية الله

خلصا أنا أسف جدا بجد

أنا طلعت أنا الغلطان و أنا اللي كنت بتعرف ع الناس ع العام مش هو

و أنا اللي شم ملتزم بالقوانين و هو ملتزم و كان يا حرام عاوزني أبقى محترم و ملتزم بس أنا وحش

و أنا اللي إتكلمت برة الشرح و هو قاللي بلاش كلام برة الشرح ؟؟؟؟؟

المشكلة يا ناس إني مبعرفش أمثل عشان أجيب الناس في صفي ولا بعرف أقول حاجة محصلتش

و للعلم نص الناس اللي كانوا في الغرفة مش طايقين أحمد بسبب تكبره

و يا ريت يتعمل إستفتاء فيها دي

بص انت مش عارف ايه الى بينى وبين الطلبه الطلبه اكتر من اخواتى الصبيان والبنات عارفين كده وانا مش غلطان اسئلهوم بنفسك وثانيا انا اتأسف على غلطى بس اسلوبك وحش وداه سبب وقفك كتابى ودلوقتى انت مش موقوف و الحكم للاداره

أنا كنت ناوي فعلا إني في أخد الكلام كوبي و أجيبو هنا

بس للأسف لما إتوقفت عن الكتابة في أحد الاعضاء قاليل أخرج و أدخل بإسم تاني عشان أعرف أكتب

و للأسف الكلام كلو إتمسح

بس انا ممكن أشرح كل اللي حصل تاني مع إني شرحتو فوق

و الأعضاء اللي فاكر أساميهم كانو موجودين في الغرفة وقتها و تقدر تسألهم

نهى

asd / Rotatota / أمل

مصطفى

mohammed

لؤلؤة المحيط

مستر عبد الحميد شاهين

سلمى سعودي

محمد أحمد محمد الصاوي

و ناس تانية مش فاكرها

يا أحمد أنا أول يوم إتعرفت عليك كنت بكلمك إزاي

و الله كنت بعاملك زي أخويا بالظبط

و أنا مش عارف إنت ليه بتتعمامل كدة بغرور و تكبر

عموما يا أحمد أنا متأسف ليك و لكل الناس بس صدقني

بعد كدة أنا هسجل كل حرف

و أي غلطة هتكون عند المشرفين الكبار

مع إحترامي ليك

و كمان مرة ما تزعلش .. إحنا كلنا إخوات .. و أسف لو كان أسلوبي وحش بس أنا كنت متضايق جدا

حصل خير

بص يابرنس حتى لو كان مدرس الغد غلط فانت مش مفروض تتكلم كدا ثانيا انت كنت مستفز وقولت كلام عشان تضايق بيه مدرس الغد لما دخلت باسم mido يمكن الاول مش كنت غلطان بس بعد كدا انت اللى غلط ودى وجهة نظرى فى الموضوع

أنا كنت ناوي فعلا إني في أخد الكلام كوبي و أجيبو هنا

بس للأسف لما إتوقفت عن الكتابة في أحد الاعضاء قاليل أخرج و أدخل بإسم تاني عشان أعرف أكتب

و للأسف الكلام كلو إتمسح

بس انا ممكن أشرح كل اللي حصل تاني مع إني شرحتو فوق

و الأعضاء اللي فاكر أساميهم كانو موجودين في الغرفة وقتها و تقدر تسألهم

نهى

asd / rotatota / أمل

مصطفى

mohammed

لؤلؤة المحيط

مستر عبد الحميد شاهين

سلمى سعودي

محمد أحمد محمد الصاوي

و ناس تانية مش فاكرها


على فكره انا رديت على الموضوع

أنا محترم وجهة نظرك جدا يا آيه

بس أنا معملتش كدة غير بعد إنتظار أكتر من 25 دقيقة و أنا موقوف عن الكتابة بدون ما أغلط

و بعدين ليه أحمد يغلط فيا و لو كان هو غلطان أنا مش من حقي أرد ؟؟؟

ليه ؟

يا ريت رد لسؤالي دة

لحد دلوقتى لسة مش فاهم الموضوع نفسة

بس الى قدرت افهمة ومش موافق علية

اولا الاخ مدرس الغد حضرتك مشرف وفى نفس الوقت طالب زى اى طالب

يعنى متكبرش نهائى على اى حد ومتزعلش من كلامى دة

ثانيا ممنوع منعا باتا اى طالبة تتكلم فى المايك مهما حصل

لو طالب هيشرح اوك لو طالب هيهزر فى المايك حضرتك الى قدامى لانك مشرف

ودى تانى مشكلة مع حضرتك فى الغرف لو تفتكر

ثالثا الاخ برنس حضرتك اسلوبك فى الموضوع والردود مش كويس

ياريت تلتزم باسلوب افضل من كدة شوية

دا الى قدرت افهمة وارجو الالتزام بية من الجميع

ولو فى حد لسة عندة كلام يقدر قولة وانا تحت امرة

فى رعاية الله

اخى اللورد من يوم ما رجع الاشراف وانا ماشى حسب القانون ولم اخالفه يوما الاخ برنس هزقنى وقال كلام مش محترم ومع ذلك لم اهنه ولكنى وقفت الكتابه عنه وداه من حق المشرف لو حد غلط صح ولالا وثانيا فتحت له تانى الكتابه شتمنى تانى وفضل يمدح اختى ROTATOTA الى كانت داخله بأسم Asd قولتلوه بلاش كلام فى العام لو سمحت قالى

01:10:26 [MiDo] و الله يا أمل بجد مش عارف أقوللك ايه؟
01:10:53 [مدرس الغد] اتكلم فى الخاص يا اخ

01:10:57 [MiDo] شكرا جدا بجد
01:10:36 [MiDo] يكفي جرأتك ع الشرح ع المايك
01:11:24 [MiDo] بس أهلي علموني إني عيب اكلم بنت ع الخاص



داه الحوار الاخير وبعدين خرج

أنا فعلا عارف إني غلطت عشان الاسلوب الوحش

بس أنا إتأسفت و هتأسف تاني

أعذروني لأني كنت فعلا متضايق

بس ليه تمنع إن بنت تشرح ع المايك ما دام هي محترمة و مش بتلعب ولا بتهزر

بجد إحنا كونا حاسين إنها مدرسة من كتر ما هي كانت جد جدا

انت عارف انا قولتله ايه يا اخى اللورد قولتله انا المشرف مش انت الى هتحاسبنى الى يحاسبنى اداره المنتدى وهوه مش ينكر داه الا اذا كان نسى الكلام

بص من غير تكبر اولا هيه بتشرح شغل مدرس وانا اما بعمل حاجه زيها مش بشرح وبس الطلبه بتساعد فى الحل ومش لوحدى وثانيا انا اقدر اشرح القواعد والريرايت وانا الى بكتبه وبصمه وبرفعه لو مفيش حصص واسئل الطلبه الى شافت شغلى مره رفعت ورقه اكتر من 90 % مستر محمد الشاذلى اداه للطلبه فى الحصه الى كانت تليها اوك وانا مش بتكبر وانا مش متعارض انها تشرح ولكن كنت معجب بشجاعتها لمسك الميك مع انها بنت وانا مش بشوف داه كتير وكمان شرحت حلو اوى اوك

انا هروح انام لانى مرهق اوى سلام

ممكن بقى نهدى شويه يامدرس الغد البرنس اتأسف اكتر من مره وانت المفروض تتقبل اسفه وانتوا بتقولوا كلنا اخوات فى اخوات يعملوا كدا مع بعض استعيذوا بالله من الشيطان وحلو الموضوع

اخى اللورد من يوم ما رجع الاشراف وانا ماشى حسب القانون ولم اخالفه يوما الاخ برنس هزقنى وقال كلام مش محترم

انا ؟؟
لو فعلاً حصل هات الكلام كوبي ووريه للناس
كل اللي حصل إني قولت يا جماعة بلاش كلام برة الشرح
اقسم بالله العظيم ما حصلش ولا شتمتك ولا هزأتك ولا قولت كلمة مش محترمة

ومع ذلك لم اهنه

مع إنك فضلت تقولي مالكش دعوة أنا من حقي أتكلم برة الشرح براحتي عشان أنا مشرف
أنا غيرك ... مع إن كلنا بني أدمين

ولكنى وقفت الكتابه عنه وداه من حق المشرف لو حد غلط صح ولالا وثانيا فتحت له تانى الكتابه شتمنى تانى

يا أخي إتقي الله
أشتمك ليه
و لو شتمتك إثبت عن طريق الناس و هات الكلام كوبي

وفضل يمدح اختى rotatota الى كانت داخله بأسم asd

مش عيب ولا حرام إني أمدحها و بعدين كل الحكاية إني شكرتها على مجهودها بس
مغلطتش في حاجة و دة كان بكل أحترام

قولتلوه بلاش كلام فى العام لو سمحت قالى


01:10:26 [mido] و الله يا أمل بجد مش عارف أقوللك ايه؟
01:10:53 [مدرس الغد] اتكلم فى الخاص يا اخ


هل دة أسلوب ؟؟؟ مش أسلوب إستهزاء ..؟؟؟

01:10:57 [mido] شكرا جدا بجد
01:10:36 [mido] يكفي جرأتك ع الشرح ع المايك
01:11:24 [mido] بس أهلي علموني إني عيب اكلم بنت ع الخاص

فعلا حرام الكلام مع البنات ع الخاص حسب ما سمعت من الشيوخ
لأنو يعتبر إختلاء بالمرأة و دة حرام يعني مينفعش أشكرها ع الخاص
و أنا كنت عاوز أشكرها قبل ما أقفل


داه الحوار الاخير وبعدين خرج


عموما الرأي رأي الإدارة و المشرفين

أنا فعلا عارف إني غلطت عشان الاسلوب الوحش

بس أنا إتأسفت و هتأسف تاني

أعذروني لأني كنت فعلا متضايق

بس ليه تمنع إن بنت تشرح ع المايك ما دام هي محترمة و مش بتلعب ولا بتهزر

بجد إحنا كونا حاسين إنها مدرسة من كتر ما هي كانت جد جدا

بعد اذن الجميع ردى الى فوق خلاصة الموضوع

وانتم اخوات وياريت محدش فيكم يكبر على التانى

لان فى الاول والاخر احنا اخوات واصحاب وزمايل

انا اقتبست الرد دا عشان اقولة انة حرام حضرتك

حرام بنت من سنكم تكلمكم مايك مهما كان السبب

تقدر تسال فى الموضوع دة

وبعد اذن مدرس الغد ممنوع تانى مرة اى بنت تكلم فى المايك

لو ولد حب يشرح حاجة اوك مفيش مشكلة

لو ولد هزر فى المايك انت الى هتتحاسب معلش مش هوة

كدة الموضوع منتهى ؟؟

عاوز برنس ومدرس الغد الاتنين يعتذرو لبعض هنا

ممكن ؟؟

يلا عشان عاوز اقوم اعمل مكالمة ;)

وادخل انام

ههههههههههههههههه

يلا منتظر اهوة

فى رعاية الله ياشباب

الي الادارة نرجو اغلاق الموضوع وحذفه لا فائده منه ولكم جزيل الشكر هذه مجرد مهاترات ونرجوا ان تتواصلو معا كزمء واخوه
:giljotiiniug3: :friendsxs3:

بما ان محدش عاوز يرد

يلا روحو زاكرو بقى

:d:d

عاوز اشرب بيبسى يوم النتيجة

او حتى قهوة سادة

المهم اشرب

ههههههههههههههه

يلا ربنا يوفقك يارب

موضوع مغلق

فى رعاية الله

هههههههههههههههههههههههههههه
والله عيال تحف
ايه اللى بيحصل ده ؟
على العموم لنا لقاء فى الغرفة علشان اعرف اشتم براحتى
لامؤاخذة يا لورد انى رديت بعد اغلاقك للموضوع