هي في تالتة اعدادي ...ينفع اتجوزها, الموضوع بجد مش هزار [الأرشيف]

مستر محمود المصرى

09-05-2009, 10:46 PM

فاجأني احد أ صحابي بموضوع كدة أنا كنت شايف انه غربيب

لكن قلت اعرضوا عليكم يمكن انا اللي شايف غلط ...

الموضوع باختصار ان زميلي ده مدرس ومتخرج من سنتين ...ومعجب ببنت عنده في الفصل في تالتة اعدادي ...
بس مش اعجاب عادي ......زهو تقريبا كدة مش شايف حد غيرها
لدرجة انه قالي بالنص كدة (لو مش اتجوزتها ...هترهبن )
قعدت معاه وبكلمه ...ايه السبب ؟؟
قعد يوصف لي فيها ...والله كأنه بيوصف في ملاك ...
لو كان فيه حد كامل انا نفسي كنت قلت البنت دي

المهم انه في كلامه عنها مش اتكلم عن شكلها خالص ...

كل كلامه عن عقلها وتفكيرها وأخلاقها ...حاجة كدة ما تتووصفش ...من الاخر مينفعش كل الصفات ديه تركب علي بشر ...

ايه رايكم ؟؟؟؟ يعمل ايه ؟؟؟

بالمناسبة انا فضلت عرض الموضوع هنا عشان فيه مدرسين معانا ...

Messenger of Peace

10-05-2009, 02:00 AM

السلام عليكم ورحمة الله وبركاته
بص حضرتك مادام هو فعلا معجب بيها وبيحبها ويخاف عليها يبقى يسبها في حاله ديه من دور عياله
عادي يعاملها زي بنته مش هيخسرها ويحاول يفيدها الفكرة كده هو اناني وعايزها لية هو وبس ويحتكرها على نفسه
طيب مادام مبهر بيها يبقى هيا تفوق مستواه وبالتالي مافيش توافق

اما الحل التاني
يتجوز والدتها وتكون كده محرمة عليه ويعيش على انها زي بنته تمام
الحل الثالث
انه يروح يطلب ايدها وامره لله

طبعا مافيش ولا حل ينفع
ربنا يعينه وشكله بيعاني مراهقة متأخرة مش بهزر بجد ان ا بسمع على الموضوع دع بيحصل في السيتانات اول مرة اسمعه في العشرينات

في رعاية الله

fictional.girl

10-05-2009, 08:23 AM

والله عيب عليه لان بص لبنت عنده في الفصل نظرة تانية غير البينظرها لباقي زميلها
فين اخلاق المدر س؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فين الاحترام؟؟؟؟؟؟؟؟؟؟؟؟؟؟؟؟؟؟؟؟؟
انا من رأي لو البنت دي عرفت المفروض تروح تشتكيه للادارة والادارة ترفضة ...........
عشان هو لا يستحق انه يكون مدرس
وانا بقول هو التعليم باظ من شوية
لا حول ولا قوة الا بالله

BaNZeR

10-05-2009, 03:28 PM

والله عيب عليه لان بص لبنت عنده في الفصل نظرة تانية غير البينظرها لباقي زميلها
فين اخلاق المدر س؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فين الاحترام؟؟؟؟؟؟؟؟؟؟؟؟؟؟؟؟؟؟؟؟؟

أنا متوافق نسبياً مع كلامك بس هو على الأقل اتكلم على اخلاقها مش شكلها

اولاً مفيش حاجة اسمها مدرس يتجوز طالبة عنده في 3 اعدادي

انا مقلتش مينفعش بس اعتقد ده اصغر من ان تتحمل مسؤولية بيت من دلوقتي

وبعدين هو حيذاكرلها ويوديها المدرسة كل يوم
وممكن عيالها يروحو معاها المدرسة تكون هي في ثانوية عامة او في الكلية

ولا ممكن يقعدها في البيت وتعمل ستات الفلاحين اللى بيجوزوا بناتهم بدري ويقعدوهم في البيت

في كلا الأحوال الأمر حيكون شاق جداً عليها وهي المفروض مش حتوافق
ومينفعش هو يتحكم في مستقبل واحدة عشان خاطر نفسه

مستر محمود المصرى

10-05-2009, 03:55 PM

تمام ...كلام جميل ...بس الناس اللي بتقول أخلاق المدرس والكلام ده أنا قلته له ولكن هو ما قالش انه فكر في حاجة مش كويسة لا سمح الله ..

هو كل اللي قاله انه معجب بيها وبس ...ومسألة أنه يتجوزها ديه أكيد طبعا مش دلوقتي ...

هو بيفكر يتجوزها في تالتة ثانوي مثلا ...أو أولي جامعة ...يعني هيكون هو عنده تقريبا كدة ........(((27-28 سنة )))

أعتقد مش في سن أبوها

علي العموم ...
من الواضح ان اللي ردوا لحد دلوقتي طلبة

نسمع رأي المدرسين ...

BaNZeR

10-05-2009, 05:09 PM

كان المفروض حضرتك توضح نقطة إنه مش بيفكر يتجوزها دلوقتي

مادام في الكلية وهو حيكون اكبر منها بحوالي 10 سنين فده اعتقد مش مشكلة كتير

ولو إنه ممكن يستنى عليها كمان سنتين يكون افضلها

المجاهد فى سبيل الله

10-05-2009, 05:19 PM

السلام عليكم
اولا يا اخى تالته اعدادى فى الزمن ده توافق عقل 3 ثانوى من خمس سنين بجد
هو شاف فيها العقليه الى هو عايزها
ايه المانع
وكمان مش حيروح يعنى يتقدم دوقتى
انا عندى واحد صحبى خاطب بنت فى اولى ثانوى
ومفرقتش كتير اولى ثانوى من تالته اعدادى
بس لقى حد هو عايزه
يا جماعه نبعد شويى عن حتة مدرس و تلميذه
احنا بنتكلم على عواطف غلابه
بتغلب على كل حاجه على العقل وعلى المنطق
انا لو منه واقسم بربى لم اتردد فى انى احافظ عليها لحد ما توصل الى تانيه ثانوى او تالته واروح اتقدملها
وكتير معانا فى الكليات عقدين من سنه اولى كلية
ايه المشكله
بتحسسونى انه قال واحده فى كىجى2
تالته اعدادى ياااااااااااااه يعنى عاقله مش صغيره
تعالوا شوفوا منة بنت اختى ولله ولله بتعاركوا عليها من دوقتى
لانها بنت مشكله
متكلمة الى ابعد الحدود ولسه مدخلتش المدرسه لسه فى كى جى 2
محدش يفتكر انى بعمل اعلان لمنة ها

:: [ K A B B O W ] ::

10-05-2009, 07:44 PM

يا جماعه المدرس ده مهما كان انسان
ليه مشاعر وممكن يحب ويكره زى اى حد وبالنسبه للسن فده عمره ما كان فيه مشاكل
صغيره مش هتفرق عن كبيره
بل بالعكس فى ناس فى سن صغير بيبقوا احسن بكتيييييييييييييييييير جدا من ناس كبيره
فى طريقه تفكيرهم وذكاءهم وغيره
ام هند يعنى الموضوع ميعتدش على سن

صوت الامة

10-05-2009, 10:29 PM

السلام عليكم
اسمعوا يا جماعة انتو مكبرين الموضوع
شوية فيها اية يعنى اما يتجوز بنت صغيرة
انا مش شيفها عيب
اولا فيها اية لما يكون استاذ
مش مشكلة ما دام قصدة خير وراجل كويس ويصلح والله
ماشى مفيش ؤمشكلة طب واحد يالى فرق السن؟
عادى يعنى الكبير مينفعش يتجوز ولا اية؟
وبعدين حضرتكم بتقولو استاذ ومينفعش وكلام مندا
ومينفهش يبص على الطالبة الى عندو لية
لية هومش بشر ولا اية معندوش احساس؟
وبعدين هى مش صغيرة دى فى تالتة اعدادى
يعنى خلاص فاهمة ومتزركة كل شئ
والله انا لومكانة استناها شوية لما تكون
تانية ثانوى او اولى وبعدين اتوكل على الله
مش عيب ولا هى حرااااااام؟
دى وحهة نظرى
شكرا

ساندي بل

10-05-2009, 10:37 PM

فيها ايه يا جماعهـ يعني ؟!

بدل هو بيحبها وكمان هيتجوزهـا

معتقدش ان فيها اي حاجهـ

بس لازم نشوفــ احساسها هي ايه الاول؟!!

هي اكيد مهمه يعني

ورأيها مهم جدا

وده الي هيوقف الموضوع او هيمشيه

بس اكيد يفضل دماغها متتشغلش بالحجات دي دلوقتي

بس برده لازم نعرف راي البنت دي ؟!!!!

ولا ايه رايكوا ؟!!

صوت الامة

10-05-2009, 11:10 PM

تمام حضرتك كلامك صح
لازم نعرف هى اية رايها
لانو يتوقف علية كل حاجة
سواء يتم ام لا ضرورى

ساندي بل

10-05-2009, 11:18 PM

تمام كده

احنا عايزين نعرف رأيها بس ف نفس الوقت منقولهاش ع الموضوع ولا نشغلها بيه :bosyht9:

ايه الحل وهنعرف رأيها ازاي من غير ما نقولها ع الموضوع ;)

dodysindrila

11-05-2009, 08:58 AM

انا شايفه ان الكل متحامل علي صديقنا ومفيش حاجه غلط هوه حب يبقي يبدا بخطوه صح ويتقدملها يمكن هيه كمان بتبادله نفس الشعور

fictional.girl

11-05-2009, 02:53 PM

اولا المدرسة مش مكان للحب وبعدين لازم المدرس يفصل بين عواطفة ولازم يعرف ان مهمته ان يعلم وينشأ اجيال مش يفكر في البنات انا في رلأي المدرس ده خائن للامانة
وبعدين حب ايه وكلام فارغ ايه
ده هو ده الي موظ اخلاق الناس كل واحد بيدور علي واحة يقولها بحبك وكذلك كل واحدة
انا معارضة الموضوع ده
والمدرس انسان لازم الطلبة يقتوا بيه
مشانسان يبص لتلاميذه
ياريت تقوله عيب عليك

MoHaMeD ELsHeRbEnY

11-05-2009, 04:25 PM

السلام عليكم ورحمة الله وبركاتة

معلش انا احتمال راى يكون مختلف عن اغلب الاراء الموجودة

مع احترامى للجميع طبعا

الكل بيبص للموضوع انة واحد حب واحدة

طيب لية منبصش للموضوع انى دى طالبة لسة قدامها مستقبل

كدة هوة هيحرمها منة

كدة هيشغل بالها بحاجات مش وقتها خالص

كدة هوة بصراحة مدرس سورى مش عارف معنى كلمة مدرس

مش متحمل مسئولية المدرس

وغير كدة هوة مدرس لطلبة سنهم صغير

يعنى ميعرفوش معنى الحب

يعرفوة اسما بس

مش متحكمين فى مشاعرهم

بصراحة تفكيرة غريب ياريت يفكر تانى وتالت ومليون قبل الموضوع دة

فى رعاية الله

أسيل رزق

11-05-2009, 05:06 PM

أنا شايفة إنه يستنى عليها

أولاً : هى فى سن مراهقة يعنى ممكن فيما بعد هتعجب بواحد من سنها و بعدين الطبيعى إن المراهق بيتغير بإستمرار .. و أكيد تفكيرها هيختلف فى مرحلة الجامعة

ثانياً : أنا مش رافضة الموضوع خالص هو شاب و عادى إنه يعجب ببنت حتى لو كانت تلميذته أعرف مدرسين تزوجوا من طالباتهم و حياتهم ماشية كويس

من رأيى إنه يستنى شوية يمكن إحساسه يتغير و يمكن البنت تتعلق بواحد تانى

ربنا يهدى الجميع

thechampion

11-05-2009, 05:23 PM

انا في رايي اللورد واسيل رزق قالوا اللي كنت عقوله
هو كده بيحرمها من حقوقها في انها تحب
انا رايي انه ممكن يخطبها لما تبقي في تالتة ثانوي
طب افرضوا بقي هي دخلت الجامعة واعجبت بواحد ايه عيبقي الموقف
انا رايي ان المدرس ده لا يفهم ماذا تعنيه هذه الكلمة هل هذا مربي فاضل
انتظروا السنة القادمة حينما تصل للصف الاول الثانوي مش بعيد يروح يستناها قدام المدرسة ويعاكسها بقي هو اللي نزل من نفسه وده رايي

tabeb

11-05-2009, 05:25 PM

وايه المشكلة في كده؟
الطبيعي يا اخواننا ان الناس تتجوز بدري لكن اللي مش طبيعي هو اللي بيحصل دلوقتي في ايامنا عشان الظروف المادية
شوفوا كده الواحد والدته وجدته اتجوزوا وهما عندهم كام سنة؟
الانسان لما يتجوز صغير بيعصم نفسه من الفتن الي حواليه ويلحق يربي عياله
طالما معجب بيها توكل علي الله غير كده انقل من الفصل احسن

hadeer20

11-05-2009, 06:20 PM

ايه يا جماعة انتوا قعدين تعملوا كده ليه هو الراجل عمل حاجة هو قال عايز اصاحبها ده عاوز يتجوزها وبعدين هو مش هيحرمها من انها تشوف مستقبلها ولا هيشغلها باى حاجة ده ناوى يخطبها وهى فى 3 ثانوى يعنى سنها وقتها هيبقى مقبول الى حد ما وانا بصراحة رايى من راى المجاهد وكابوه وصوت الامة وكمان فعلا لازم يعرف رايها بس خليه ياجل الموضوع شوية وربنا يوفقه للى فيه الخير

هنا الفقي

11-05-2009, 06:29 PM

والله هو كمان غير انها مشاعر
وغير انو الى حد كبير مش حاسبها بالعقل الا ان هي
لو قالها انو بيحبها دلوقتي
رد فعل طبيعي جدا
ف السن ده وان كانت سابقى سنها بقرن
انها هي كمان
هاتحبه
لكن دي ف تالتة اعدادي
يعني
لسة هاتقابل شباب كتير
ومن حقها هي اللي تختار
وتقارن
وتحسب وتفكر
من حقها تحب حد من سنها
مش عشان هي عقلها كبير
يبقى كل الشباب اللي ف سنها مش مناسبين ليها
لا هتلاقي حد يشدها ف يوم
وحد تفكيرة احسن من تفكير المدرس ده
وعلى اساس وعود
وتانيب ضمير اذا كانت دخلت في حب المرس ده لفترة كبيرة
ممكن تستمر معاه لمجرد انها ما تجرحوش
وكده هاتبقى هي اللي بتضغط على نفسها
صحيح ممكن تستحمل
لكن هايجيلها يوم
وتنفجر
وتطلع كل اللي عندها

مجرد رأيي

mona ibrahimo

11-05-2009, 10:22 PM

الموضوع عادى ياجماعة هو قال هيتجوزها ودة طبعا مش حرام دى وجهة نظرى

mohamadelhawary

12-05-2009, 02:33 AM

لو يقدر يتزوجها طالما بلغت

amr_2010

12-05-2009, 02:34 AM

انا شايف ان الراجل مغلطتش فيها ايه يعني لما حبها بس مينفعش يتجوزها في السن ده يستني لما تدخل ثانوي ويخطبها
ويتجوزها بعد السن القانوني للزواج
انتو مكبرين الموضوع ليه

ymymym

12-05-2009, 02:49 AM

سبحان الله باين اصلا من الموضوع من الاول انه مافيش اي حاجه خالص عشان تقولوا نه مش ينفع يبقي مدرس وياخد اللقب ده مستر محمود قال انه لسه متخرج من سنتين يعني لسه سنه صغير قولوا تقريبا 23 سنه او 24 سنه هو عاوز يتجوز محدش قال حاجه بس ميتقدملهاش دلوقتي لكذه سبب هي لسه صغيره علي الجواز ومتقدرش تتحمل مسؤوليه البيت يستني لما تخلص ثانوي عادي خالص وفي اولي كليه يتقدم لابوها تكون هي كبرت شويه وتعرف تختار الشخص اللي يناسبها وهو يكون برضه ادرك مشاعره اكتر يعني اتاكد من مشاعره اكتر يعني الموضوع مافيهوش حاجه خالص عادي انا ليا قرايب اتقدملهم ناس ي اولي كليه وحصلت خطوبه نو بروبلم يعني يا جماعه بس حاليا يفضل لأ عشان هي صغيره مش هتعرف تختار او تحكم علي مشاعرها كويس والله اعلم

اوركيديا

12-05-2009, 06:43 AM

هههههههههه
حلو الموكوع ته
ارغى فيه شويه قبل ما اقوم انام:bosyht9:
المهم
اولا دلوقتى لو فرضنا جدلا اننا عايشين فى يوتوبيا
و ان الاتنين ملايكه
اول حاجه لازم اهلها يعرفوا مش حيستنى عليها زى ما بتقولوا لثانوى و يفضلوا يحبوا فى بعض يعنى
افرض هما مش موافقين ان بنتهم
(تتحجز)
(مفيش وصف تانى للى بتقولوه غير كده )
لغايه ما يوصل لثانوى
ده الاهل لما خطوبه بيتقعد 5 سنين
بيكونوا عايزين يولعوا فى العريس و بنتهم معاه من كلام الناس
:bosyht9:
مفيش حاجه اسمها يقعدوا عشر سنين تانى محجوزين و بيحبوا فى بعض
اولا هما مش ملايكه و واضح انه شاب و هى مراهقه

فيه حديث عن الرسول صلى الله عليه وسلم

عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح".
هذا الحديث أخرجه ابن ماجه والحاكم والبيهقي والطبراني وغيرهم.. وقال الحاكم: صحيح على شرط مسلم ولم يخرجاه.. والحديث حسن بمجموع طرقه.. وقد صحَّحه الشيخ الألباني رحمه الله في صحيح الجامع.

يبقى خلي بالك قوي من قوله –صلى الله عليه و سلم- : "لم يُر للمتاحبين مثل النكاح" .. هو ده الأصل اللي هنتكلم عليه ..

(حب = جواز) ...

و ليس ( حب = جواز + لما تُفرج )

و ليس (حب = جواز لما أمهد لأهلي)

و ليس (حب = جواز + بس لما نخلص الكلية ربنا يسهل)
:bosyht9:

يعنى حب جواز على طول
مش بعد ميت سنه و اسمها محجوزاله و مش عارفه ايه
:bosyht9:

رايي الشخصى
يبعد عنها تمامااااا و يتنقل من المدرسه كمان لو امكن مش الفصل بس
و تنقطع كل حاجه كانت بينهم
لغايه ما هو يبقى مستعد للجواز و هى تبقى مستعده كمان
و بعديها
يتقدملها عادى و يخطبها و يتجوزوا على طول
;)
اما بقى حته مدرس و طالبه
فهو عادى بس كل الموضوع انه حيكون مأثر عليها هى من ناحيه المهابه و كده
:006et4:
فى رعايه الله

أسيل رزق

12-05-2009, 07:44 AM

و الله يا جماعة انتو مكبرين الموضوع اوى

و بعدين يا ولاء كلام ناس ايه اللى هيقولوه فيه إيه لما يتخطبوا 5 سنين حرام ولا حرام؟؟

بالعكس دى فرصة ليهم أكبر مش أحسن من اللى يكروتوا الخطوبة فى شهرين ونلاقيهم مطلقين من تانى شهر جواز

عموماً انا قلت رأيى من وجهة نظرى الشخصية .. هو شاب ومن حقه يحب حتى لو كانت تلميذته و المطلوب منه يستناها لثانوى و يفاتح أهلها وافقوا كان بها ماوفقوش يصرف نظر خالص

و ربنا يوفقك الجميع

هانى الشرقاوى

12-05-2009, 12:02 PM

معرفش ليه ما أعتقدش انه ينفع
خصوصا الفرق الكبير اللى بينهم من ناحية السن والتكوين العقلى ...صعبة أوى
ازاى هيتفاهم معاها وكده ....دى لسه فى مرحلة المراهقة وهو المفروض ناضج
بصراحة الكلام ممكن يختلف كتير عن الواقع فانا مقدرش أقول ينفع أو مينفعش

¤¦sweet violet¦¤

12-05-2009, 01:45 PM

و الله يا جماعة انتو مكبرين الموضوع اوى

و بعدين يا ولاء كلام ناس ايه اللى هيقولوه فيه إيه لما يتخطبوا 5 سنين حرام ولا حرام؟؟

بالعكس دى فرصة ليهم أكبر مش أحسن من اللى يكروتوا الخطوبة فى شهرين ونلاقيهم مطلقين من تانى شهر جواز

يا بنتى انا قصدى انه مثلا على كلامكوا
حتفضل محجوزاله يعنى يعتبر مخطوباله غير رسمى لغايه 3 ثانوى كده
يعنى حوالى 3 سنين
و بعدين يتخطبوا لغايه بقى ما هى مثلا مش اقل من 3 كليه كده
يعنى 3 سنين تانى

و الرسول صلى الله عليه و سلم اوصى ان الخطبه مش تبقى بالطول ده
عشان انتى عارفه مفهوم الخطوبه دلوقتى ايه
الواحد بيتعامل كانه بقى جوزها خلاص
و الحاجات دى بنشوفها حوالينا و فى اهلنا اساسا و بقت كانها حاجه عاديه و هى الصح
مش كده بردو
;)

معلش المنتجع كرهنى و مش راضى يدخلنى باوركيديا
حضربه بجد
:bosyht9::bosyht9::bosyht9:

فى رعايه الله

مدرس الغد

12-05-2009, 02:02 PM

بصوا انا رايى حاجه واحده داه لو مدرس مش يستحقها لانه بيدمر كده حياه طالبه صغيره وازاى يعمل كده ديه اد اولاده الصغيرين عيب والله مش يصح الكلام داه

تقبلوا مرورى

براءة

12-05-2009, 02:33 PM

الموضوع من ابسط ما يكون
هو دلوقتى المفروض مياخدش اى خطوة لحد ما يبقي قادر يتقدم لاهلها
ولا يحسسها بحاجة طبعا لحد الوقت ده
انا مش شايفة مشكلة بصراحة

fantoosha

12-05-2009, 03:26 PM

انا من رأيى انه فى مرحلة المراهقة ما تقدرش ترتبط
وهو فعلا ياريت يبعد شوية لغاية ماهى تكبر
ولو لسه بيحبها يتقدم وساعتها هى حتقدر تختار

مستر محمود المصرى

12-05-2009, 06:17 PM

يا جماعة الراجل والله عاقل جدا جدا جدا وبجد مش اتصرف مع البنت اي تصرف يظهر ليها اي حاجة

بقولكم انه مر بتجارب كتير ايم كليتنا ودايما كان هو الشخص المرغوب فيه وليس الراغب

وكان دايما اللي بيمنعه من انه يستمر في اي علاقة -بعد ربنا طبعا - انه دايما يقولي ( ((إن المشاعر ديه زيها زي اي حاجة بتقل مع كتر الاستعمال بمعني ان كل واحد فينا عنده كمية مشاعر محددة كل ما يشوف واحدة ويعجب بيها الواحدة دي بتاخد من المشار بتاعته جزء فلو عرف اكتر من واحدة يجي علي ما يفكر يتجوز مش هيلاقي مشاعر يتعامل بيها مع اللي مفروض تستحقها كلها وهي زوجته ...لييه ؟؟؟؟لأنه استعمل كل مشاعره قبل كدة علي البنات اللي عرفهم )))
ومن هنا كان بيرفض انه يقيم اي علاقة مع اي بنت ...
وزي كتير من الناس اللي ردوا قالوا فعلا هو مش غلط ...هو قال انه معجب بعقلها وتفكيرها وعمره ما كلمني عن شكلها أصلا ...
ووكمان هو مش عايز منها حاجة حرام - لاسمح الله - هو قال انه هينتظر بكل هدوء لحد ما توصل ثانوي ويتجوزها وكتير حصلت حاجة زي كدة ...

وفعلا اللي محيرني ان ليا صديق شخصي اتجوز طالبة عنده وهي في تاالتة ثانوي وحاليا جابوا اول مولود وعايشين تمام والحمد لله..
ومسألة السن ديه انا شخصيا -رغم اني رافض الموضوع من الأصل - انا شايف ان الفرق مش كبير اوي ولا هو وصل لسن الرجولة - فضلا عن اكتمال الرجولة والمرحلة الشيخوخة - ولا هي هتكون طفلة لما يتقدملها ...

يا جماعة انا كنت عارض الموضوع بس عشان أجمع رأي شخصي ابلغه ليه ...لأنه بيثق فيا جدا ...
وتقريبا انا حيرتي ازدادت لما عرضت الموضوع وخاصة انا عارضه في منتدي الجامعة بتاعتنا -اللي كنا فيها- وبرده في خلاف في الأراء ....

ولكن الرد الوحيد اللي مش اقدر ارده هو كلام النبي - صلي الله عليه وسلم - واللي ورد في رد الأخ اوركيديا ...
((((لم ير للمتحابين مثل النكاح))))

باسم باشا

13-05-2009, 05:20 PM

مفيش مانع_____

مصرية وبحب بلدي

13-05-2009, 06:32 PM

السلام عليكم اولا انا عايزة اقولكم حاجة انا بنت مش ولد لان اخويا هو اللى سجل هنا
ثانيا انتو مكبرين الموضوع جدا ودى مش مشكلة ولا حاجة لان نفس الحاجة حصلت معايا انا دلوقت فى تالتة ثانوى وهو كان مدرسى فى تانية اعدادى ودرسلى كمان فى تالتة واعترفلى انه بيحبنى وانا كمان بحبه جه اتقدملى لبابا وبابا رفض وبعدين استنا سنتين كمان وانا فى تانية ثانوى وقال لبابا هاخطبها دلوقت وبعد ما تخلص ثانوي نتجوز وبابا وافق واحنا مخطوبين دلوقتى وهانتجوز فى الاجازة وعلى فكرة الفرق بينى وبينه 11 سنة انا عندى 17 سنة وهو 28 بس اظن الحكاية سهلة يعنى

ymymym

13-05-2009, 06:33 PM

MIMA16

13-05-2009, 06:34 PM

انا من رأيى ان الموضوع عادى جدا
والشخص باين عليه ما شاء الله على خلق
لانه كل اللى لفت نظره تفكير وعقل البنت واخلاقها
وايه المشكله لما يعجب بيها
وهو اصلا محافظ على موقفه كمدرس يعنى قدوة
وما أظهرش للبنت اى حاجة

بس ياريت يصبر شوية لغاية ثانوية عامة
تكون البنت عدت المرحلة العمرية اللى هيا فيها
ويتقدملها ولو هو نصيبها اهلها مش هيرفضوه
وهيبقى هو قد المسؤلية وهى تكون فى سن يسمحلها فيه تتحمل المسؤلية

وربنا يوفقه

lover rose

13-05-2009, 10:52 PM

انا شايفه ان الموضوع عادى خالص
وان فرق السن مش كبير اوى
يعنى ممكن حد فى كليه زى طب يدبلر سنتين ولا حاجه ويتخرج فى السن ده
وكمان هى مش نونه وعادى تعرف معنى الحب
يعنى لو هى موافقه ممكن يخطبها فى اولى جامعه او تالته ثانوي
وهيبقى هو مش كبير اوى عادى كل الشباب بيتجوزوا فى السن ده
وكمان انا شايفه انه مش عنده مراهقه متاخره ولا حاجه وانه عاقل جدا
وكمان محترم لانه مش فكر فى شكلها

novice teacher

14-05-2009, 11:02 AM

بسم الله الرحمن الرحيم
اولا اخي الكريم لم يفكر في شئ محرم و العديد من الفتيات يسبقن سنهن الحقيقي
اولا يجب علية استخارة الرحمن
و لو كان لا يزال عند رايه يمنكنه محادثة ايها
و لو وافق يتوكل علي الله و يتزوجها
ولكن ليس قبل الاستخارة
وفقكم الله لمل يحبه و يرضاه

dodysindrila

14-05-2009, 11:17 AM

انا علي فكره قلت رايي قبل كده ومحدش رد عليه وعبرني شكلي كده عضوه تقيله عليكم انا اسفه

Its My Life

14-05-2009, 12:36 PM

الموضوع ده مينفعش على الاطلاق
انا شفت حاجات كتير زي دي واقعيه وفشلت
بجد نصيحه اخويه لازم تنصحه
مستحيييييييييييييييييييلوبعدين دي لسه عيله ومشاعرها مشاعر عيال ولما تكبر هتعرب ان ده اكبر غلط

Its My Life

14-05-2009, 12:39 PM

((إن المشاعر ديه زيها زي اي حاجة بتقل مع كتر الاستعمال بمعني ان كل واحد فينا عنده كمية مشاعر محددة كل ما يشوف واحدة ويعجب بيها الواحدة دي بتاخد من المشار بتاعته جزء فلو عرف اكتر من واحدة يجي علي ما يفكر يتجوز مش هيلاقي مشاعر يتعامل بيها مع اللي مفروض تستحقها كلها وهي زوجته ...لييه ؟؟؟؟لأنه استعمل كل مشاعره قبل كدة علي البنات اللي عرفهم )))
تمام كده

Mr. Good

16-05-2009, 02:03 AM

هههههههههه

حلو الموكوع ته
ارغى فيه شويه قبل ما اقوم انام:bosyht9:
المهم
اولا دلوقتى لو فرضنا جدلا اننا عايشين فى يوتوبيا
و ان الاتنين ملايكه
اول حاجه لازم اهلها يعرفوا مش حيستنى عليها زى ما بتقولوا لثانوى و يفضلوا يحبوا فى بعض يعنى
افرض هما مش موافقين ان بنتهم
(تتحجز)
(مفيش وصف تانى للى بتقولوه غير كده )
لغايه ما يوصل لثانوى
ده الاهل لما خطوبه بيتقعد 5 سنين
بيكونوا عايزين يولعوا فى العريس و بنتهم معاه من كلام الناس
:bosyht9:
مفيش حاجه اسمها يقعدوا عشر سنين تانى محجوزين و بيحبوا فى بعض
اولا هما مش ملايكه و واضح انه شاب و هى مراهقه

فيه حديث عن الرسول صلى الله عليه وسلم

عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح".
هذا الحديث أخرجه ابن ماجه والحاكم والبيهقي والطبراني وغيرهم.. وقال الحاكم: صحيح على شرط مسلم ولم يخرجاه.. والحديث حسن بمجموع طرقه.. وقد صحَّحه الشيخ الألباني رحمه الله في صحيح الجامع.

يبقى خلي بالك قوي من قوله –صلى الله عليه و سلم- : "لم يُر للمتاحبين مثل النكاح" .. هو ده الأصل اللي هنتكلم عليه ..

(حب = جواز) ...

و ليس ( حب = جواز + لما تُفرج )

و ليس (حب = جواز لما أمهد لأهلي)

و ليس (حب = جواز + بس لما نخلص الكلية ربنا يسهل)
:bosyht9:

يعنى حب جواز على طول
مش بعد ميت سنه و اسمها محجوزاله و مش عارفه ايه
:bosyht9:

رايي الشخصى
يبعد عنها تمامااااا و يتنقل من المدرسه كمان لو امكن مش الفصل بس
و تنقطع كل حاجه كانت بينهم
لغايه ما هو يبقى مستعد للجواز و هى تبقى مستعده كمان
و بعديها
يتقدملها عادى و يخطبها و يتجوزوا على طول
;)
اما بقى حته مدرس و طالبه
فهو عادى بس كل الموضوع انه حيكون مأثر عليها هى من ناحيه المهابه و كده
:006et4:

فى رعايه الله

رائع رأيك يا أوركيديا

نفس اللي كنت هقوله

بس ليه بتسمي الكلام الجميل ده رغي؟

دا عين العقل

والله الموفق

مجدى عواض

16-05-2009, 03:02 AM

اخى الفاضل بما انك مدرس وليك سمعتك بين زملائك انت فىمرحلة اختبار ربانى تجنب اساءة الناس اليك فى مثل هذه العلاقه البرئيه وهذه النماذج من الطالبات وارد ان تصادفه مرار وتكرارا فليس بالضروره الزواج من هذه الفتاه مع بالغ تقديرى للمشاعر الانسانيه لانك ستكون الطرف الخاسر اما لوكانت تبادلك هذه المشاعر فهذا وضع اخر وعجل بالزواج مع تمنياتى للجميع بالتوفيق والسداد اخيك مسعد الغندور

street man

16-05-2009, 08:12 AM

الجواز ستره
يتوكل علي الله ويخلص

أحمد بهدر

16-05-2009, 09:20 AM

السلام عليكم

ماذا لو انتظر حتى تقضي المرحلة الثانوية والسنة الأولى من دراستها الجامعية وطلببها من أهلها وتزوجها على سنة الله ورسوله

سيقال بينهما فارق في السن

أقول هو متخرج من عامين أي أن بينه وبينها تسعة أعوام

وهذا الفارق العمري بينهما ليس بكبير في هذه الأيام

فزوج أختي يكبرها بعشر سنين وحياتهما ما شاء الله تمام وأنجبا إسلام ورحيق ويعيشان حياة كلها تفاهم وانسجام

والفترة التي سينتظر نضوجها فيها يكون هو بيجهز نفسه إن لم يكن جاهز

وهو مجرد رأي

ولا تنسوا غن سفهتم فسفهوا الرأي لا صاحبه

والسلام

**تسابيح**

16-05-2009, 05:32 PM

(محدش بيتجوز زوجة حد)
كل شيء قسمة ونصيب لو هي نصيبه يبقي هيتجوز ها مش نصيبه يبقي ربنا هيعوضه باحسن منها

الشويحى2

16-05-2009, 06:56 PM

أنا مدرس وكنت أعانى نفس المشكلة بس
فى ثالثة ثانوى
يعنى كنت أكبر منها بحاجة بسيطة
ورأى إن مش حرام ولا حاجة ولا يمس لكرامة التعليم
ولا المعلم فى شىء
وكما حضرتك ذكرت أنه لم يذكر شكلها ولا جمالها
ولكن ذكر أخلاقها

مصرية وبحب بلدي

16-05-2009, 10:41 PM

BaNZeR

16-05-2009, 11:22 PM

خلاص يا جماعة يروح يسألها ويشوف رأي أهلها

مهو ممكن هي متوافقش والموضوع يخلص باسرع ما نتخيل

وممكن توافق بس تقوله اكيد مش دلوقتي
ويبقى برده الحيرة انتهت

مستر محمود المصرى

17-05-2009, 07:59 PM

طيب يا جماعة
انا عرضت عليه أغلب الآراء اللي تم عرضها وكان منها راي دودي و مجدي و نو فويس وكتير من الاراء وكان مسك الختام اللي رجعنا لاصل المشكلة كان راي أوركيديا (لم ير للمتحابين مثل النكاح))).
واللي زاد الطين بلة التجارب الشخصية اللي عرضها بعض الأعضاء وخاصة راي أخت أحمد أبو كامل

ولكن العقدة اتحطت في المنشار لما عرضت عليه بعض الردود العملية اللي تنهي الموضوع تماما مثل :
ازاي نقدر نعرفها بمشاعر مدرسها بدون ما تشعر ؟؟؟

او راي آخر (أحمد بهدر ) أنه ينتظر ....
او راي بانزير اللي الاخير واللي قال فيه انه يروح يكلمها بصراة وهو نفسه اعرب لي عدم قدرته على ذلك خوفا من الاضطرابات التي قد تنتج عن ذلك إذا رفضته البنت ....وده شئ محتمل بنسبة كبيرة ((انه يترفض )))))

طب يعمل ايه ؟؟؟

انا تعبت

**تسابيح**

17-05-2009, 08:17 PM

طب يعمل ايه ؟؟؟

انا تعبت
ان الجواز قسمه ونصيب
وبعدين مش الانسان اول لما بيتولد بيتكتب هو هيتجوز مين والساعة كام وامته وكل الحاجة دي
يعني زوجته مكتوبله
انا شيفه انه يصرف نظر عن البنت دي لانها صغيره
واللي بيحب حد مش يضره لانها لو عرفت بمشاعر استاذها ممكن يشغلها عن الدرراسة ويبقي كدا ضاعت وهتقعد تفكر وموال بقي
هي لو البنت دي نصيبه انه يتجوزها هيتجوزها مهما حصل مش نصيبه يبقي ربنا هيرزوقة بالزوجة الصالحة وبعدين ناس كثير بتجوز ومش بيبقوا عرفين بعض تماما اللي في فتره الخطوبة وتلقيهم بعد الجواز يبقي اسعد الازواج
وربنا يرزوجة بالانسان اللي تستحقه:d:022yb4:
(ولازم تعزموناع الفرح):blush:

sadlove

18-05-2009, 01:03 AM

السلام عليكم
اولا الموضوع دة واخد اكبر من حجمة كتير جدا
لان هوا موضوع سهل شخص حب واحدة يبقى المفروض ان هوا يتقدم علشان يخطبها وساعتها نعرف رايها وراى اهلها
يا جماعة المدرس دة شخص لة مشاعر زى كل الناس من حقة ان هوا يحب ويتحب ويختار شريكة حياتة
وبعدين هوا ماجرمش لما حب بنت فى الفصل المشاعر دى بايد ربنا محدش يعرف يتحكم فيها
وهوا كمان لما حب يتكلم عنها اتكلم عن اخلاقها وادبها وعقليتها متكلمش عن حاجة وحشة لسمح الله
وبعدين مش كدة احسن لما هوا يفكر فى الجواز منها بدل ما يحاول يضحك عليها
يعن بدل ما نشجعة ونقوية نقوم احنا ننقدة كدة
انا بصراحة مش شايفة ان هوا غلطان نهائى وان هوا يتوكل على الله
مع احترامى طبعا لكل الأراء

محمود الخياط

18-05-2009, 01:54 PM

الجواز ملوش سن ولا الحب ليه سن
وبتحصل الحركه دى كتير مع مدرسين
واساتذة جامعه كمان
ومش حرام
بس المشكله فى التناسق الفكرى اللى بين المدرس والتلميذه
وايضا النضوج العقلى
على قدرة استيعابها هذه المسؤليه
لان الزواج حياة ومسؤليه كبيره لازم نكون قدها
علشان مش يحصل اى اختلال فى النظام ومما يؤدى الى الأنفصال
اما عن رأى يستنى شويه علشان مش يندم
ويتفاجئ ان هو اتجوز طفله عقليا
وليس جسمياً

ياسمينايا

18-05-2009, 04:16 PM

السلام عليكم ورحمه الله وبركاته ..
طيب خليني معاكو للاخر ان هو بيحبها وهي كمان هتحبو(مثلا يعني) ويخطبها في اولي ثانوي ويتجوزها في اولى جامعه...
طبعا حرام لان البنت دي صغيره جدا قدري هي عندها طموح عايزة تبقى حاجه كبيره....الجواز بدري كده هيمنعها من كل حاجه..
غير ان هي ممكن تحبو وهي صغيره كده بس لما تكبر ممكن تكوون عقلت شويه وترووح تحب واحد تاني ...
ولو كان المدرس بيحبها بجد يبقى يستناها عل الاقل لحد ما تخلص الجامعه وطبعا كده هيضيع مستقبلو لان معنى كده انو هيستناها 7 سنين ده كان يبقى زمانو اتجوز وخلف وعيالو دخلو المدرسه كمان...
بس انا بشكر صاحب الموضوع لانو عرض قضيه مهمه في الزمن ده...
وبحترم معظم الاراء ...
وميرسي ليكو ..

SMSMA 2010

18-05-2009, 07:15 PM

يا جماعة انا من رأيى عادى يعنى
هو متخرج من سنتين بس يعنى اكيد صغير مش فى سن ابوها مثلا

يعنى ممكن يستناها لحد اولى جامعة ويخطبها

بس من غير ميلمحلها بأى حاجة لأن ممكن مشاعره تتغير بعد كده

وبعين انا اعرف بنت فى الصف الاول الثانوى 15 سنة تقريبا بتحب مدرس عندنا اكبر م والدها فى الاربعينات او الخمسينات وهتموت عليه وهو ميعرفش
انا من رأيى كده غلط

thequeenlove

19-05-2009, 07:44 AM

انا شايفة ان الموضوع عادى
لان الانسان دة لسه صغير مش كبير
يعنى مش قد ابوها
ولو استنى عليها شوية
مش هتبقى مشكلة
بس سؤال مهم
هى البنت تعرف انه بيحبها ولا لا؟؟؟
لو تعرف وموافقة يبقى يكمل ويتوكل على ربنا
ويفضل مستنيها
لكن البنت لو مش تعرف
يبقى من الافضل ميعلقش نفسه بحد
لانها لسه بردة فى تالتة اعدادى
والحياة قدمها لسه
وسنها دة مش بيستمر على حاجة
يعنى هى لسه هتدخل الثانوى
وهتقابل شباب ويمكن تعجب بحد
وهى متعرفش ان المستر دة بيحبها
وساعتها يبقى هو ظلم نفسه قبل ما يظلم اى حد
انا من رايئ لو هى متعرفش يقولها ويصارحها بدة
ولو تعرف يحاول يسالها هتقدر تستنى معاه ولا لا
ويحاول مش يحسسها بفرق السن
رغم انه مش كبير اوى يعنى
وعمر ما فرق السن كان مشكلة
(الحب خارج العقل والمنطق)

*-* كـــــــــــــوكــــــــــــــى *-*

الماساة

19-05-2009, 08:00 AM

والله الموضوع مكنش المفروض يتعرض كده على الملأ اهى الناس فسرته غلط واساءوا للاستاذ ايه يعنى واحد بيحب واحدة وعايز يتجوزها وبيحبها عشان شخصيتها كمان ومش اكبر منيها اوى ليه ما يتجوزهاش بس اهم حاجة رأيها هى وعائلتها

العفو عند المقدره

19-05-2009, 01:54 PM

aelsoudy

12-06-2009, 02:48 AM

السلام عليكم ورحمة الله وبركاته
بداية الموضوع ليس بالموضوع التافه كما ذكر البعض
وليس من الائق ان نستخف بمشاعر هذا الانسان -قبل ان يكون مدرسافهو انسان-

الموضوع ليس بسيطا بل هو غاية في التعقيد فمؤكد ان هذه الطالبة لاحظت من بعض تصرفات مدرسها هذا الاعجاب الذي قد يصل الى الحب
بالتالي قد تتصرف هي كمراهقة تصرفات غيرمدروسة وعفوية جدا فهي اصبحت مرغوبة ومحبوبة ومن مين ؟؟؟!!! ده استاذها
وقد تتباهى امام صديقاتها بهذه العلاقة بشكل مباشر او غير مباشر مما يضع هذا المدرس في صورة محرجة
وحتى لو فكر ياخد الموضوع بجد فهو متردد بسبب ما يتوقعه من رد فعل اهلها فقد يبعدوها عنه خوفا على ابنتهم وغالبا ما سيقابل هذا الموضوع بالرفض وساعتها هيندم انه اتسرع
بصراحة انا مشعارف انصحه بايه
الله يكون في عونه
ويستحمل الكام سنة دول لحد ماييجي الوقت المناسب ويتقدم رسمي
ويحاول يركز في شغله اللي هيساعدة في تحسين وضعه في اللحظه دي
كمان يحاول يسيطر على مشاعره امامها حتى تكمل دراستها على الاقل الثانوية وتجتازها بنجاح
وساعتها ممكن يبقى في كلام تاني

:d:d:d:d:d:d:d:d:d:d:d:d:d:d:d:d:d:d:d:d:d:d:d:d

Amethyst

12-06-2009, 03:02 AM

هو جواز و خلاص
و مال هي مؤهلة إنها تتجوز و تربي أطفال
و تقوم بالمسئوليات دي
لأ طبعاً
مستحيل
و هما بيستعجلوا ليه
يعن هي تستنى لحد ما تكبر شوية
على الأقل تيجي 20 سنة
و بعدين فرق السن بينهم أكيد كبير
و ده غلط طبعاً

مستر محمود صادق

12-06-2009, 04:23 AM

انا شايف من وجهة نظرى ان الموضوع ده عادى واتكرر كتيير وبعدين فرق السن مش كبير عشان يبقى زى والدها يعنى
وانا من رأي ( فاظفر بذات الدين تربت يداك )

JASSY

12-06-2009, 05:16 PM

مش شايفة فيها اي حاجة خااااالص يا جماعة.....

واحد حب واحدة وغرضه شريف وكويس صحيح هي صغيرة احنا مقلناش انه يقولها حاجة دلوقتي هيستنى لما تكبر شوية ويتقدم

وحسب رغبتها في الاخر...

يعني اللي بيقول ان كده بنقضي على طموحها وبنضيع عليها فرصة احسن وكده .. هي مش هتتغصب على حاجة هو بالعافيه

كله في الاخر برضاها هي .....

هو اما يبقى كويس وغرضه شريف مش عاجب واما يصاحب وله سكك تانيه مش عاجب برده...

انا اعرف مستر كان عنده طالبة في تالتة ثانوي اعجب بيها واستنى لحد ما دخلت الكلية وخطبها والحياة ماشية عادي جدااا..

المهم بس في الموضوع كله انه يستنى لحد ما تكبر شوية ... مش اكتر... لكن حرام بقى نحكم عليه بانه مش كويس هو

معملش حاجة غلط لا صاحبها ولا عاكسها ....

الاستاذ محمد الطنطاوى

13-06-2009, 08:18 PM

السلام عليكم
اولا يا اخى الفاضل انت سنك قريب من الطالبة دى وانت عشان بتشوفها كتير وبتتكلم معاها كتير اعجبت بيها ويمكن هيا كمان اعجبت بيك بس يا اخى الفاضل كمدرس مش كحبيب كلمة حبيب دى هيا متعرفش معناها
لانها لسة صغيرة ومهما كانت طريقة تفكيرها بردو لسة صغيرة متقدرش تتحمل اى خطوة فى الجواز
وانا من راى ان دى مجرد تجربة انت بتمر بيها
وانا متاكد ان حيقابلك طلبة تانين فى السنوات القادمة وبردو يمكن تعجب بحد فيهم
من راى سيبها تكما دراستها ومتشغلهاش بالكلام دة
عشان سمعتها وسمعتك انت كمان كمدرس لسة بادئ حياتة
نصيحة ياريت متفكرش فى اى طالبة بتاخد عندك درس لان انا تقريبا سنى صغير انا كمان وبدرس لطالبات فى ثانوى
يعنى فى سن مراهقة مينفعش طبعا تبص لاى واحدة فيهم
دايما خلى علاقتك بيهم مدرس وتلميذة او اخت صغيرة ليك
ولو اعجبت بواحدة فيهم حاول متبنش الاعجاب دة لان دا خطر عليك
حتى ولو كنت ناوى تتقدم ليها
المفروض اللى انت ناوى تتجوزها متكونش بتاخد عندك درس علاقتك معاها كمدرس تكون انتهت وبعد كدا ممكن تتقدم لها فى بيتها
اتمنى ان تكون رسالتى اتفهمت

وشكرا

Dr.Gehad

14-06-2009, 12:48 AM

السلام عليكم
والله انا مش شايفه فى الكلام دا اى حاجه غلط ومش مع الناس اللى اعترضت ووجهت نقد للمدرس لانه هو مقالش حاجه غلط دا قال انه عاوز يتجوزها يعنى علنى وقدام الناس وحلال ربنا فين بقي الغلط
انا شايفه ان المدرس يروح يتقدم لو اهلها وافقوا انها تتجوز بدرى كدا يتوكل على الله

dr.asmaa

29-06-2009, 10:48 AM

هو يخطبها ويستنى لما تخلص تالتة ثانوى على الاقل وبعدين تكمل الجامعة بعد كدة بس كل دة متوقف على البنت

A.ra7man1

29-06-2009, 12:04 PM

!!!!!!!!!!!!!!!!!!!!!!!!!!!!!!!!!!!!!!!!
No comment

سيف عبد العظيم

29-06-2009, 03:04 PM

لالالالالالالالالا انتو مكبرين الموضوع اوى

البنت النهرده بتبقى عرفه كل حاجه عرفه الصح والغلط والاخوانى اللى بيقولو عليها صغيرة دى يروحو ينقشوها كدا وهى هتعلمهم النقاش يبقى ازاى مع انها فى الاعدادى
انا لوم مكانه هتجوزها افضل من بنات النهرده تحلف وتقسم بالله وتقول عمرى معرفت حد غيرك وهى مولعه الدنيا

تقبل مرورى سيف

yomna1993

29-06-2009, 05:44 PM

على فكرة الموضوع دا بيحصل كتير جدا
و عادي طبعا مدام مفيش حاجة غلط في تفكير او نيه غلط يبقى عادي
و كون انه يشعر باحساس اعجاب او حب دا مش عيب حتى لو هي كانت تلميذته بس ميكونش بيهزر
انا من رايي انه يتكلم مع بباها و مامتها و لو هو بيحبها بجد هيستناها لغاية متخلص الدراسه و يساعدها على تفوقها طبعا و بعدين يرتبط بيها رسمي بس يعرف باباها و مامتها الاول

pureheart

30-06-2009, 01:27 AM

البنات فى السن الصغرى دة مينفعش انهم يقرروا
انهم يجوزوا و لا لا
و بالذات انه كبير
بعدين اغلب البنات فى السن دة بتعجب باولاد ادهم و دة عادى فى سن المراهقة
ييعنى بتبقى المشاعر هوائيه
كمان فى حاجة مهمة اوى
انا و انا فى اولى ثانوى كان معايه واحدة مخطوبة لوحد فى طب وكانت لبسة الدبلة
و بعدين واحد معانا حبها و هى كمان حبته و هى مخطوبة طب ازاى امال اللى هى مخطوبالوا ده ايه ؟؟؟؟