مشاهدة النسخة كاملة : إنجدووووو مــــ مشكووور ـــن وووووونا
أسيل رزق 12-05-2009, 07:58 AM السلام عليكم ورحمة الله وبركاته
لا إزيكم ولا أخباركم إيه ؟؟ بلاش وجع دماغ :slap1qk6:
كنت همسك فى خناق عضو إنهارده و أخلى نهاره مش معدى:bosyht9:
أكتر شىء بيستفزنى بعد الرسايل الخاصة ..الأعضاء اللى كل ردودهم مشكور و بارك الله فيك وجزاك الله خيراً
تلاقى الموضوع نقاشى وهو داخل يقول مشكور:slap1qk6:
و اللى يغيظ إن يكون مكتوب تحت إسمه عضو قدوة .. مش فاهمة على أى أساس مشاركاته اكتر من ال2000 ويمكن ال3000
يا ريت الاداريين لما يشوفوا حاجة زى دى ينبهوا العضو
أنا خلاص بقى فى مواضيع ليا أول ما أشوف حد معين رد فيهم كلمة مشكور وخلافها مش بدخل الموضوع تانى :mad:
من الآخر ده لينك لعضو/ه بشوفه/ا على طول فى مواضيعى و مواضيع غيرى بس المرة دى دخل/ت فى موضوع ماينفعش أرد عليه/ا ولا أسيب الموضوع ولا أخلى رد فيه مش مفيد زى رده
http://www.thanwya.com/vb/search.php?searchid=509052 (http://www.thanwya.com/vb/search.php?searchid=509052)
أرجوكم نبهوا العضو ده أرجوكم و لو تكرمتم إحذفوا ردوده دى ولو من مواضيعى بس :(
و لكم جزيل الشكر:078111rg3:
thequeenlove 12-05-2009, 09:36 AM معلش يا اسيل
فى اعضاء كتير كدة
فاكرة ان لما تااخد لقب عضو قدير
يبقى هى كدة بقيت حاجة على المنتدى
متزعليش نفسك انتى بس
انتى غالية علينا كلنا يا قمر
كوكى
أسيل رزق 12-05-2009, 12:04 PM لو عضو جديد هقول ماشى عايز يوصل لعدد كبير من الردود و كلنا كنا كده فى الأول
بس فى ناس بتمشى على النمط ده بعضويتها
بصراحة يبقى وجودهم زى عدمه .. بتهيقلى إن اللى بيسجلوا بإيميل ماينفعش يتوقفوا و فى ناس موجودة وجودهم زى عدمه ماتتوقفش
يا ريت حد من الادارة يدخل ويشوفوا حل للناس دى
هانى الشرقاوى 12-05-2009, 12:46 PM عندك حق والله
فى ردود بتغيظ أوى زى
جميييييييييييييييييييييييل
مشكووووووووووووووووووووور
ههههههه والاسلوب ده كتير أوى
وفيه عضو كده الصورة الرمزية بتاعته تقريبا حمامة أو عصفور مش فاكر كل ردوده كده
معرفش هو ده اللى تقصديه ولا ايه
بس برده اعتقد ان ده من حقه واالادراة لو حذفت ردوده يبقى عملت حاجة مش من حقها
يا ريت يتم لفت نظره للموضوع ده والتاكيد عليه ان ردوده تبقى أحسن من كده شوية لا أكتر
بنفس الطريقة بقا
مشكوووووووووووووووووووووووووور ة يا أستاذة أسيل
مدرس الغد 12-05-2009, 01:37 PM موضوع حلو لانه تم فتحه جميل والله تفكيرك سليم اخى بصراحه حاجه مش تغيظ وبس تحس انك عاوز تقتل الى بيعمل كده بس مش معاك عنوانه ههههههههههههههههههه
¤¦sweet violet¦¤ 12-05-2009, 01:46 PM ههههههههههه
مش عايزه اقولك بتغنى فى مالطه
بس انسى صراحه عشان انا فاكره ان مورا اتخانقت مع واحد كده قبل كده و قالها كلام مش ظريف
و فى الاخر مش حصل حاجه
هوففففففففف
:romarioxp6::romarioxp6::romarioxp6:
فى رعايه الله
المجاهد فى سبيل الله 12-05-2009, 02:17 PM ههههههههههههههههه
على فكره يا اسيل العضو غير طرقته
بس انتى شكلك مش واخده بالك
بجد
اللورد ربنا يديه الصحه كلمه
وهو فعلا استجاب
يعنى مش بتغنوا فى ملطه ولا حاجه يا اختى
الغريب انك لسه جديده
وبتقولى بتغنى فى مالطه
لا اله الا الله
واعتقد يا جماعه كل واحد حر فى رده
بس لو قصدك على العضو االى انتى قولتيلى عليه قبل كدا
لا ده غير اسلوبه خلاص وبقى بيكتبها بالانجليزى مش بالعربى
شوفتى بقى فى تطور كبير
بدل ما كان بيكتب مشكووووور بقى بيكتب thankssssssssssss
لا طبعا بهزر
بس بجد غيره خلاص
ومفيش حد تانى على ما اعتقد بيستخدم الاسلوب ده هنا تانى
أسيل رزق 12-05-2009, 03:26 PM ههههههههههههههههه
على فكره يا اسيل العضو غير طرقته
بس انتى شكلك مش واخده بالك
بجد
اللورد ربنا يديه الصحه كلمه
وهو فعلا استجاب
يعنى مش بتغنوا فى ملطه ولا حاجه يا اختى
فين الاستجابة؟؟ كلمه امتى من ساعة؟؟ دا لسه منزل رد فى موضوع معلومة من قسمك إمبارح بليل .. والله مش شايفة أى تغيير .. حصل إمتى ده ؟؟.. مش كان واجب تبلغونا فى ساعتها :romarioxp6:
الغريب انك لسه جديده
وبتقولى بتغنى فى مالطه
لا اله الا الله
هههههه مش جديدة ولا حاجة دا نيو لوك .. إشترت عضوية جديدة بمنافعها :d
واعتقد يا جماعه كل واحد حر فى رده
بس لو قصدك على العضو االى انتى قولتيلى عليه قبل كدا
لا ده غير اسلوبه خلاص وبقى بيكتبها بالانجليزى مش بالعربى
شوفتى بقى فى تطور كبير
بدل ما كان بيكتب مشكووووور بقى بيكتب thankssssssssssss
لا طبعا بهزر
لا ده مش هزار علشان الملل بيعملوا كده فعلاً
بس بجد غيره خلاص
ومفيش حد تانى على ما اعتقد بيستخدم الاسلوب ده هنا تانى
لأ فى كتير .. بس اللى يجرب :(
عموماً شكراً على الرد يا أحمد و يا رب ما نشوف النوع ده أبداً فى المنتدى
المنتدى مش ناقص ملل ولا حرقة دم
و بجد الرد اللى شفته للعضو ده من غير مشكور كان أسلوبه فى قمة الاحترام مش عارفة مخبى أسلوبه ده ليه
يلا ربنا يهدينا و يهدى الجميع
MoHaMeD ELsHeRbEnY 12-05-2009, 03:54 PM اولا هوة اتسبب فى ان مرمورة تمشى
ويوم ردة فى موضوعى بعت لة وحظرتة
ويلا ربنا يهدية ويهدينا جميعا
عموما انا نبهتة قبل كدة وتابعة ردوده بعدها كذا مرة
لو اخدتى بالك من خطبة الجمعة الى فى موضوعى بتاع المسلمون المنسيون
عموما عشان منبقاش ظلمناة هحظرة كمان مرة
ولو اتكررت هيبقى فية قرار معاة
لان انا قولتها مليون مرة بحس ان الرد دة نوع من الاستهتار بالاعضاء
ولو بعد النهاردة شوفتى رد زى دة تانى
ياريت تبعتية ليا او لاى ادارى واحنا هنتصرف معاة يامها
بس انا حاسك متعصبة قوى
ياريت تهدى الموضوع مش مستاهل انك تتنرفزى كدة
على فكرة ملحوظة هوة هيدخل هنا وهيكتب رد كبييييييييير زى موضوعى
ياريت تمسكى اعصابك بقى ومتعمليش زى مرمورة :bosyht9:
يلا هروح ابعت لة
فى رعاية الله
أسيل رزق 12-05-2009, 04:05 PM استفزنى أه بس أنا مستحملاه من زمان أكره ما عندى فى المنتدى إن حد يدخل برده يبوظلى الموضوع
دا موضوعى يا ناس .. اللى ما يزعلش على موضوعه يزعل على مين :p
دا انا مستنياه يدخل يرد رد كبير
نفسى أشوف رده الكبير قبل ما أموت :d
مبدأياً لو دخل ورد عايزة أقوله حاجة
لو سمحت يا أستاذ مشكور لو مش هتغير مشكور الالكترونية دى أرجوك لو حابب تشوف موضوع ليا أهلاً وسهلاً تنورنى .. بس ماشفش مشكور فى موضوعى أبداً لا من حضرتك ولا من غيرك .. و مشكور
و جزاكم الله جميعاً كل خير
MoHaMeD ELsHeRbEnY 12-05-2009, 04:11 PM استفزنى أه بس أنا مستحملاه من زمان أكره ما عندى فى المنتدى إن حد يدخل برده يبوظلى الموضوع
دا موضوعى يا ناس .. اللى ما يزعلش على موضوعه يزعل على مين :p
دا انا مستنياه يدخل يرد رد كبير
نفسى أشوف رده الكبير قبل ما أموت :d
مبدأياً لو دخل ورد عايزة أقوله حاجة
لو سمحت يا أستاذ مشكور لو مش هتغير مشكور الالكترونية دى أرجوك لو حابب تشوف موضوع ليا أهلاً وسهلاً تنورنى .. بس ماشفش مشكور فى موضوعى أبداً لا من حضرتك ولا من غيرك .. و مشكور
و جزاكم الله جميعاً كل خير
احم
تم ارسال الرسالة
و
مشكور :d
فى رعاية الله
أسيل رزق 12-05-2009, 04:32 PM أنا عايزة أضيف حاجة ويا ريت هو يشوف الكلام ده
حضرتك أكيد هتزعل من الكلام ده وتعتبره تريقة أو إستخفاف بيك بس برده زى ما محمد قال ردودك دى معناها انك بتستخف بصاحب الموضوع
و حاجة كمان أنا لما بشوف الردود اللى لا تعنى أى شىء دى من أى حد بتجاهلها تماماً و بتهيقلى حضرتك ماتحبش إن الناس يتجاهلوك أو مايدوش لحضرتك إعتبار ولا إهتمام
يا ريت بجد تغير من إسلوبك ومش حضرتك بس الكلام لكل الناس أحياناً إحنا نفسنا بنتهاون فى الردود و نرد أى رد وخلاص يا ريت نراعى إن صاحب الموضوع تعب فى موضوعه و يمكن مايكنش عايز ولا رد شكر فى موضوعه أو مش هيهمه الردود المهم اللى شاهدوا الموضوع فا من الذوق إننا لو ردينا على موضوعه نحترمه ونحترم موضوعه ونحط رد يليق بالموضوع وبصاحبه مش نقول مشكور ونمشى ..
يلا ربنا يهدينا جميعاً
و انت يا حاج محمد فى مخالفات فى القسم كتير روح إعملهم بدل ما أشتكيك انت كمان :stickjo4: ( إداريين آخر زمن :slap1qk6:)
MoHaMeD ELsHeRbEnY 12-05-2009, 04:46 PM اللورد ربنا يديه الصحه كلمه
مش عارف ياحمد اول ما شفت الجملة دى وانا هموت من الضحك لية
غريب انا صح
ههههههههههههههههه
يلا بقى نغنى هقابلة بكرة :d
بجد هيبقى يوم طحن اخر حاجة ان شاء الله
و انت يا حاج محمد فى مخالفات فى القسم كتير روح إعملهم بدل ما أشتكيك انت كمان :stickjo4: ( إداريين آخر زمن :slap1qk6:)
اوبص
تصدقى والله مكنتش واخد بالى خالص ان محمود مبيدخلش
وناسى شغلة
بجد انا متاسف والله
ان شاء الله الليلة كل المخالفات هتنضف
دعواتكم لمحمود ربنا يوفقة ويرجع لينا بالسلامة يارب
فى رعاية الله
nothing 12-05-2009, 05:41 PM هههههههههههههههه
مشكورة:p
والله يا بنتى انتى عندك حق
كل لما ادخل يقول مشكور ما علينا
ربنا يهديه ويكتب جنبها تسلمى مثلا:d:p
thequeenlove 12-05-2009, 08:03 PM ههههههههههههههههههه
لا هيبقى عمل تطور فظيع
انتى عايزاه يكتب تسلملى
ليه الكرم دة
دة حتى الاسراف حرام
ربنا يهديهم ويهدينا
لحسن انا ساعات بقيت اتخنق من الموضوع دة
وبعدين سيبوا حكاية مشكور دى لاقسام المواد
خد المرفق وابقى اكتب مشكور
مش داخل القسم العام تثبت حضور جوة
متزعليش نفسك انتى بس يا قمر
كوكى
مشكورة يا اسيل على طرحك للموضوع المهم جدا
مشكورة مشكورة مشكورة
:d
ymymym 13-05-2009, 03:23 AM مشكور يا اسيل:p
Travel 13-05-2009, 10:03 AM مشكورة يا اسيل على طرحك للموضوع المهم جدا
مشكورة مشكورة مشكورة
:d
احلى حاجة انك غيرتى اسمك للاسم اللى يليق عليكى B)
يا ماهى مش جديدة
قبل كده زوزو (مش انا) :huh: نزلت موضوع اسمه ....مشكور ع الموضوع ..لفين
دخلت برد فيه وعمالين نشتم ونرخم ع اللى بيقولوا كتة
لاقيت واحد داخل يقولها
مش هقولك مشكور ع الموضوع
بس
هقولك ثانكس ع الكلام الاكتر من رائع
يخربيت الرخامة
مسكت رده ده وطلعت كل الكبت اللى جوايا ..مش كله اوى يعنى ربعه بس:unsure:
ربنا معاهم ومعاكوا
يعينا اجمعين
شكرا ع الموضوع :d
..Just Stop 13-05-2009, 05:35 PM سلام عليكم
معاكى حق يا مها
بس الظاهرة دى بدأت تخف من المنتدى
معدتش زى زمن الف مشكور فى الموضوع
بس اللى بستغربله ان العضو دا سكون قديم معانا ومصمم على نفس الكلمة وكأنه ميعرفش غيرها
طب مهو ممكن يقول رايه فى الموضوع وبعد كدا يقول مشكووووووووووووور وعادى جدا
ربنا يهدينا
دمتم فى رعاية الله
thequeenlove 14-05-2009, 11:19 AM لو عمل زى مانت بتقول كدة يا محمود
هيحس انه زودها اووووووووى واسرف فى الموضوع
وزى مانا قلت ان الاسراف حرام
كفاية عليكم مشكوووووووووووووووور
بس والله ناس طيبة
بتكتب وووووووووووو كتير
علشان مش يكونوا حرموكوا من حاجة
انا لو مكان المشرفين الاداريين مخالفات علطول على الموضوع دة
الواحد يبقى جاى بكام مشكور معاه يخلصوا على المواضيع
مشكوووووووووووووووووووووووووورة يا اسيل على الموضوع
هههههههههههههههههههههههههه
MoHaMeD ELsHeRbEnY 14-05-2009, 12:23 PM الراجل الظاهر انة زهق مننا ولا اية مش عارف
لا دخل ولا رد على الرسالة ولا اى حاجة
عموما عشان الموضوع ميقلبش شات
موضوع مغلق وهسيبة لحد حضرتك ما يبقى يشوفة
فى رعاية الله
|