حكايتنا في ايجاز اننا مدرسة بنات ثانوي صناعي في مركز تابع لمحافظة المنيا بنشتغل من سنتين في الجودة منذ ان تولت المهندسة / تهاني على احمد خليل ادارة المدرسة واكيد حضرتكم سمعتوا عن التعب والجهد اللى بيشوفه فريق قيادة التقييم الذاتي بكل افرادة علشان المنظومة تكتمل ولاننا وصلنا لقرب زيارة فريق التقييم والمراجعة الخاص بالهيئة القومية لضمان الجودة و شفنا من التعب والعذاب الوان علشان نحقق اكبر قدر من المعايير والممارسات وفعلا حفرنا فى الصخر لكن اعداء النجاح مش ممكن يسيبوك في حالك والحرامية اللى للاسف موجودين فى كل مكان ومع الاسف فى مناصب حساسة ابتدوا الحرب على المهندسة علشان ما وافقتش تدفع لهم زى ما متعودين من سنين ومنن هنا بدأت الحرب المهم وصلنا ليوم زيارة رئيس فريق التقييم والمراجعة الخاص بالهيئة ودى الزيارة اللى بتكون قبل زيارة الفريق كله بأسبوع وبعد وصوله بوقت قليل بيقولوا انه دخل واحد لابس كويس جدا و قال انه مراسل فى برنامج 90 دقيقة وانه صحفي ولان الوقت طبعا كان صعب جدا والكل مشغول مع رئيس اللجنة ماحدش اعترض وقالوا له اهلا وسهلا ولما اخدته الاستاذة اللى اسمها ف .ا .ح. ودى من المدرسات اللى عملت مشاكل كتيرة من ضمنها مسح ملف الجودة واخراج الاشاعات وتحريض الناس ضد المدرسة وغيره المهم لما قعدت معاه العامل انتبه فاخبر المديرة خوفا انها تقوله كلام كدب وتشوه صورتنا فكان من المديرة انها راحت له وطلبت منه انه يمشي لاننا مشغولين دلوقتى ودى هى الفترة اللى قعدها فى المدرسة وبعد يومين او ثلاثة اكتشفنا انه دخل قبل ما يجى عندنا وقعد فيها ثلاثة ايام و انه كان بصحبة افراد من لجان المتابعة للادارة التعليمية و انه ادعى انه تابع للجنةالعليا للتعليم وانه جاى لمصلحة المدرسة و دة اللى سمعناه يبقى ازاى تتساوى الجزاءات والعقوبات ظروفنا زى ما وضحت ولا هى الحكاية فيها إنه ولا ايه ؟
بالله عليكم هل دة عدل ؟
ولما دخل الشخص دة عندنا عمره ما كان يقدر يعمل اى شيء لانه كان هينكشف بسرعة وتعرفوا لولا زيارة رئيس الفريق لينا وانشغالنا بيه مش هاوصف لكم اللى كان هيحصل له لو شخصيته اتعرفت
للاسف دة العبيط اللى جاب لاهله البلا .

الأخ العزيز / احمد
من رسالتك يتضح أن شخص تغار على عملك وعلى مستقبل العملية التعليمية في مصر
وثق أخي العزيز أن كل تغير وجديد تجد من يقف أمامه ولكن ثق يا عزيزي ان قطار الجودة والتجديد قادم لا محالة وإما أن تكون عجلة القيادة في أيدينا وإما أن نكون تحت عجلاته
فالله سبحانه وتعالي سوف يجازي كل إنسان بعمله (( يابن أدام افعل ما شئت فكما تدين تدان ))
المهم : طمني على أخبار مدرستك هل تم اعتمادها ويارب يكون حتى نبارك لك ولكل العاملين
ثم طلب شخصي أرجو أن تكتب ما أعجبك في فريق المراجعين وما لم يعجبك فهذا يهمني كثيرا
وأخيرا استودعكم الله
أبو معاذ
Abomoaz.boshta@yahoo.com (Abomoaz.boshta@yahoo.com)

*شكرا لك اخى ابو معاذ على كلماتك الرقيقة والقوية في نفس الوقت .
*لقد عملنا لوجه الله تعالى ولم نعمل لمنصب او مقابل . نحن نعمل من اجل اولا : مرضاة الله عز وجل ثانيا : حق اولادنا علينا في ان نحاول ولو بفكرة في تحسين ما هم مقدمين عليه في مراحلهم التعليمية ثالثا : لقد مللنا واختنقنا من رتابة العملية التعليمية ومناهجها وطرق تدريسها فوجدنا في بعض برامج التطوير جزء جعلنا نتنفس ولكن الناس اللى بالى بالك لم تهنينا وسرقت الاموال وشكرا وعندما جاءت الجودة كنت في غاية السعادة وبدأت اعمل ولم استسلم رغم كل الحرب و العقبات والعراقيل التى وضعوها لكى ابتعد وانضم لركب الفاسدين ولكن دون جدوى لان المبدأ عندى مترسخ منذ سنين ورفضت بشدة وتحديت انا وفريق العمل معي كل هذة الحروب والعداءات وحسبي الله ونعم الوكيل .
*من ناحية الاعتماد نحن ننتظر النتيجة من قبل الهيئة القومية لضمان الجودة و حتى الان لم تصل الينا.
* اما من ناحية المراجعين الذي اعجبنى انهم :-
1- يلاحظون بدقة كل ما حولهم وآذانهم صاغية لما تقول وما لا تقول
2- يستطيع بسهولة ويسر ان يكتشف فهمك للمعايير والممارسات بدون ان يسألك بشكل مباشر او محرج
3- التواضع والهدوء في التحدث سواء مع الطالبات او العاملين بالمدرسة او افراد المجتمع المحلي او اولياء الامور
4- كانوا على درجة كبيرة من الثقافة والوعى فى التعامل مع الامور والمواقف التى اثارها اعداء التطور والنجاح
* ام ما لم يعجبنى فيكاد يكون ليس له وجود لانهم تعاملوا بمنتهى الرقة مع كل الفئات وعندما كانوا يطلبون تكملة اوراق معينة كانت الابتسامة الرقيقة واللطف حتى انهم في اخر يوم للزيارة كان الحزن يملأ اعيننا لوصولنا واياهم لآخر يوم وبعدها نفترق

هذا بإيجاذ وشكرا لك مرة اخرى على مداخلتك واهتمامك

أخى العزيز الاستاذ / أحمد
كم كانت كلماتك الراقية مؤثرة فى نفسى لما فيها من صدق ورغبة فى التغيير
بكل حب وأمل أرجو أن تنشر هذه الروح الطيبة الساعية للتطوير لكل من تقابل
وتحاول أن تتواجد فى الاجتماعات بين زملائك وأولياء الأمور وأهل بلدتك لنقل لهم
فكرك الجدير بكل إحترام عن الجودة والتطوير والعمل من أجل مستقبل بلدنا
الذى لاح نوره من خلال روحك المتطلعة للمستقبل
وفقك الله وأكثر من أمثالك

اخى الاستاذ / احمد التازى
اشكر لك كلماتك الرقيقة والمفعمة بالغيرة على مستقبلنا ومستقبل اولادنا وكل الشكر لاهتمامك وتقديرك .
نحن يا اخى فى بلد كثر فيها الفساد ولكن علينا ان نحاول لا نقف هكذا مكتوفي الايدي واولادنا يضيعون