</STRONG>

بسم الله
بناءا على طلب البعض
هحاول ابسط الحكايه
صلوا على النبى
احنا حاليا فى المعدة والاكل لازم يتهضم بواسطة انزيم الببسين اللى بيهضم البروتين
مظبوط ؟؟؟؟؟؟؟؟؟؟
طيب المعدة هتجيبه منين ؟؟؟؟
مش هتجيبه دى هتصنعه ................ ايوه اصل عندها اكتفاء ذاتى ......... مش بستورد كل حاجه من الصين
طيب هتصنعه ازاى ؟؟؟؟؟؟؟؟
لازم تكون عارفه المكونات بتاعته
طيب هيه مكوناته ايه ؟؟؟؟؟؟؟؟؟
اى بروتين بيتكون من سلاسل عديد ببتيد مرتبطة مع بعضها بروابط هيدروجينيه
والسلسلة الواحدة بتتكون من احماض امينية مرتبطة مع بعضها بروابط ببتيديه
طيب والاحماض دى كام نوع ؟؟؟؟؟؟؟؟
20 نوع بس ممكن الحمض الواحد يتكرر اكثر من مره فى السلسلة وممكن لأ وممكن ما يكونشى موجود خالص فى السلسلة

الله طيب والخليه هتعرف ده كله ازاى
هنا تيجى فائدة المكتبة المعجزة الكبيرة جدا جوه الخليه اللى هيه DNA
المكتبه فيها كل المعلومات لتصنيع كل البروتينات اللى الجسم عايزها
طيب احنا دلوقتى فى المعدة والخلايا عايزه البببسين هتجيب طريقة تصنيعه ازاى من المكتبه الضخمه دى دى الخليه على بال ماتدور على اللى هيه عايزاه يكون الاكل خرج من المعده من زمان ويكون السؤال الخليه هتوصل ازاى للشفرة المطلوبه من غير ما تفك الصبغى كله وال DNA كله وتدور ؟؟؟؟؟؟؟؟؟؟؟؟

هنا تاتى اهمية البروتين الوظيفى الموجود فى الصبغى
(( يحدد ما اذا كانت الشفرة ستستخدم لبناء البروتين ام لا ))
يتفك الصبغى فى المكان المطلوب (( من عند بداية الشفرة الخاصة بتصنيع الببسين )
يرتبط انزيم RNA POLYMERAS
بتتابع معين على DNA يسمى المحفز
وتبدا عملية نسخ mRNA اللى هيشيل المعلومات الخاصة ببناء الببسين

وبعدين يا جماعة يخرج الرسول( mRNA ) اللى شايل رسالة مهمة جدا من النواة الى السيتوبلازم (على اساس ان احنا فى حقيقيات النواه ) فى الانسان يعنى
يروح يالرسالة فين ؟؟؟؟؟؟؟؟
الى الستوبلازم باحثا عن قارىء لهذه الرسالة المشفرة وترجم لها من هذا القارىء والمترجم ؟؟؟؟؟

انه الريبوسوم
من هو؟؟؟؟؟؟؟؟
انه المتخصص فى قراءة الشفرة وترجمتها الى ترتيب معين من الاحماض الامينية المرتبطة مع بعضها لتكون سلسلة عديد الببتيد التى ترتبط مع غيرها بروابط ببتيدية لتكون البروتين المطلوب اللى هوه مين ؟؟؟؟
الببسين
هذا الريبوسوم ممكن نبصله من ناحيتين
الاولى ناحيه وظيفية وفى الحالة دى هنقول انه جزئين او تحت وحدتين الاولى كبيرة بها موقعين A,B والثانية صغيرة
او نبصله من ناحية المواد اللى بتدخل فى تركيبه وهى البروتين و rRNA
هذه هى مقدمة تخليق البروتين وان شاء الله لو عجبتكم
هكملكم عملية التخليق نفسها
والى اللقاء قريبا ان شاء الله

.....thanks

بسم الله نبدأ
mRNA ماشى فى السيتوبلازم 00000 ممكن انزيم يهاجمه ويقطعه ؟؟؟؟؟؟؟؟
لأ مش هيحصل لان عنده وسيلة حماية هى ذيل عديد الادينين
وبعد شويه يتقابل مع قارىء الرسالة ومترجم الشفرة وهو الريبوسوم الذى يتكون من تحت وحدتين
ترتبط التحت وحده الصغيرة بالرسول لتترجمه
بس فيه مشكلة هترتبط بيه من عند الطرف 3 واللا 5
المفروض 5 عشان تقرا الرسالة صح من البدايه
لو احنا فاكرين ان mRNA بيتكون فى اتجاه 5 الى 3 يعنى الطرف 5 هو البدايه وعشان كده لازم الطرف 5 هوه اللى يتقرأ الأول &&&&&&&&&&&&&&&&&&&&&&&&
طيب ايه اللى يمنع التحت وحده الصغيره انها تقرأ من الطرف 3 ويجبرها انها تقرأ من الطرف 5؟؟؟؟؟؟؟؟؟

هنا تاتى فائدة موقع الارتباط بالريبوسوم ********* التحت وحده الصغيره لا يمكن ترتبط الا بموقع معين هذا الموقع يوجد بالطرف 5 فقط اذا هي مظطرة للبدايه من الطرف 5
طيب ارتبطت خلاص المفروض تقرأ وتترجم الشفرات بس لازم الاول تتأكد ان الرسالة كاملة مش ناقصة حاجه
وهنا تأتى اهمية كود البدأ AUG لما التحت وحده تلاقيه يبقى كل شىء تمام والرساله كامله من البدايه

فتطلب الحمض الامينى ميثيونين ايوه ماهى حافظه جدول الشفرات وعارفه ان الشفره دى معناها حط هنا ميثيونين بس مين اللى هيجيب لها الميثيونين ؟؟؟؟؟؟؟؟؟
مسئول النقل طبعا وهو tRNA
احنا عارفين ان كل واحد من tRNA متخصص فى نقل حمض امينى معين
طيب الريبوسوم يتاكد ازاى انه tRNA اللى شايل الميثيونين

هنا تأتى اهمية موقع مضاد الكودون اللى بيشيل 3 نيوكليوتيدات يتكاملوا مع الشفرة عل mRNA يعنى مثلا الشفره اللى بنتكلم عليه حاليا هى AUG
فيكون مضاد الشفرة هو UAC موجود على tRNA
فاذا حدث التكامل فهذا يدل على انه هو المطلوب ويترك حمضه الامينى الذى يحمله
وان لم يحدث التكامل يخرج حاملا حمضه الامينى دون ان يتركه
وبعد دخول tRNA الذى يحمل الميثيونين والتأكد من انه هو المطلوب
************************************************** **********
تأتى التحت وحده الكبيره لتكمل العمل بعد ان تاكدت الصغيرة من كل شىء
الكبيره ترتبط بالصغيره ويعملان معا فى ترجمة كل الشفرات التاليه

نعلم ان الكبيره بهاموقعين هما A,B الموقع A حاليا مشغول بـ tRNA الذى يحمل الميثيونين
اما الموقع B فيقابله الشفره الثانيه يقرأها ويطلب الحمض الامينى المناسب
يأتى به tRNA المناسب ويتم التأكد من ذلك عن طريق مضاد الشفرة التى يحملها كما سبق مع الاول
&&&&&&&&&&&&&&&&&&&&&&&&&&&&&&&
هنا يجب ربط الحمض الامينى الاول مع الثانى برابطة ببتيديه يتم فيها نزع جزىء ماء ولكن تكوين الرابطه يحتاج انزيم ......... ما تقلقوش موجود ايوه مش الريبوسوم فى تركيبه عديد ببتيد (شويه منهم يعملوا الانزيم المطلوب ) (((((( وبالتحديد شويه من عديدات الببتيد اللى فى التحت وحده الكبيره ))))))))))
هذا التفاعل يسمى تفاعل نقل الببتيد
وفى هذه اللحظة يصبح الحمض الامينى الاول مرتبط بالثانى ومحمولين معا على tRNA الثانى

الله يعنى tRNA الاول بقه مش شايل حاجه 0000 طيب يبقه يمشى بقه
ايوه يمشى ************* طيب يروح فين ؟؟؟؟؟؟؟؟؟؟؟؟؟؟؟ السيتوبلازم طبعا يدور على الحمض الامينى بتاعه ويقف لحد ما يطلبه الريبوسوم تانى


طيب نركز كده فى الحته دى
لما tRNA الاول اللى كان واقف فى الموقع A مشى يبقى معناه ان الموقع اصبح فاضى ولكن الموقع B مازال مشغول بـ tRNA الثانى اللى شايل الحمضين المرتبطين مع بعض
طيب ده هوه اللى المفروض اللى يقرا كل الشفرات هيقرأها ازاى وهوه مشغول ؟؟؟؟؟؟؟؟

محلوله تحصل حركه بمقدار شفره واحده بحيث ان tRNA اللى شايل الاتنين حمض امينى يصبح فى الموقع B مش A وبكده يبقى الموقع A فاضى فيقرا الشفره اللى عليها الدور ويجى tRNA المناسب ويحصل رابطه ببتيدية بين الحمض الامينى التانى والثالث ويخرج tRNA الثانى ويفضل الثالث شايل الثلاث احماض امينيه
وتحصل نفس الحركه بمقدار شفره وهكذا 00000000000000000000



حتى يصل الموقع A الى احد شفرات الايقاف مثلا UAA فيطلب بروتين اسمه عامل الاطلاق
يحضر فورا ليطلق البروتين المتكون ويطلق tRNA ثم يطلق التحت وحدتين ثم ينطلق هو وبذلك يكون قد انتهى تخليق البروتين المطلوب وهو انزيم الببسين فى خلية المعده
ارجو ان اكون قد وفقت فى العرض
وفقكم الله الى مافيه خيركم وخير المسلمين

شكرا جزيلا لحضرتك

ما الفرق بين انزيمات القصر وانزيم الدى ريبو نيوكليز

جزاك الله خيرا

شكرا شكرا يا معلم

شكرا طريقتك جميلة وبتفهم بسرعة بارك الله فيك