طلب مني بعض الزملاء الاعزاء أن أقوم بعرض نماذج لملفات المدارس التي تم إعتمادها
أوفي طريقها للإعتماد وقالوا لي بالحرف عايزين شغل جاهز مجرد نشيل اسم المدرسة ونضع اسم مدرستنا

أولا يازملائي الاعزاء الموضوع مش ورق وبس دة الورق وسيلة لتوضيح الخطوات التي قامت بها المدرسة

وسوف تتأكد الهيئة أن جميع الاوراق تم تنفيذها علي أرض الواقع من الممكن أن نسأل عن محتويات ملف
أوكيفية تنفيذ مرحلة ما

أريد ان أعرف هل فعلا انتم مؤمنين أن الجودة ورق وخلاص يعني ملفات منسقة ومرتبة نقوم ناخد الاعتماد
طيب ياتري الهيئة بتيجي ليه المدارس وتجري المقابلات الفردية والجماعية وكنا أرسلنا الملفات وخلاص
ويتم فحصها وبلاش نتعب حد

السلام عليكم
بالتاكيد اختنا الفاضلة الجودة ليست مجرد اوراق وملفات وسجلات
هذا فى جوهرها
اما لما هو حادث فعلا من وجهة نظرى المتواضعة فانه ربما يكون هناك تركيز عالى جدا على الورق للاسف
بدليل ومتاسف يعنى
اننا ننفذ البرامج بالاستعانة بكتب مترجمة
اليس المفروض ان يكون فكرنا الخاص بنا؟
ثانيا ترى لو ان هناك من يطبق قواعد الجودة او غيرها دون سجلات مش سجلات وبس دا شكل السجلات ولون السجلات و.... زى ما تقولى قولى - هل سيحصل على الجودة
للاسف ربما كثير منا يهتم بالمنظر ولا يهتم بالجوهر
ثالثا انا مثلا ارى ان الشغل الموجود عن الجودة فى الموقع هنا وغيرة نظرى اكثر منه عمليا
يعنى شوية كتب سهل قوى اجيبها وحتى اترجمها - وفيها ايه لما اشوف التصور العملىللمدارس الاخرى عن طريق ملفاتها او حتى زى ما بتقولى اشيل الاسم واحط الاسم طالما ان زى ما حضرتك بتقولى بيدوروا على التطبيق
شىء جميل جدا ان يكون هناك متابعة فعلية والبحث عن الاصول والجذور
وياريت حضرتك تشوفى لنا المدارس الحاصلة فعلا على الجودة وتحطى ملفاتها ربما نغير الاسماء فعلا ونقدر نستفيد مع تقنين العمل وفق ظروفنا وزى ما حضرتك بتقولى فيه متابعة ودا حاجة حلوة خالص
ياريت حضرتك لو ممكن ولو مش ممكن هنقدر نجيب من اى مكاناو مواقع نت او حتى كتب مترجمة او غير مترجمة ان شاء الله ونستفيد منها- طب ماهى النماذج اللى بتشتغلوا بيها ماهى من الكتب الموجودة عالنت والمترجمة - مش حسبة برما هى - دا حتلى حسبة برما دى بتتحسب
فى النهاية انا طلبت كدا فعلا من ناس كتير ويمكن من حضرتك ودا مش عيب بردو بكرر طالما فيه متابعة وبحث للموضوعات ومناقشتها وبحث الية تنفيذها - اعتقد ان احنا ممكن نستفيد من اى حاجة زى خبرات الاخرين
دمتى بخير والجميع
ياريت حضرتك تساعدى لو ممكن او اى حد بالسجلات ويسيبنا واحنا هنتصرف ان شاء الله وهنتعلم وهنعمل كل حاجة صح ومطابقة عن طريق تقنين السجلات دى اسهل من انشاءها من الاول

يمكن انا طلبت كدا من حضرتك وغير حضرتك واكرر طلبى للجميع مش بس لحضرتك
شكرا جزيلا وتحياتى

طبعا انا لما بحط امتحان او موضوع هنا او فى اى مكان دا مش معناه ان مفيش لا قبلى ولا بعدى - كل الناس واى حد يقدر يعمل احسن منه بالتاكيد - بس ربما ظروف كل واحد بتختلف -
ممكن مثلا اكون عندى وقت وغيرى معندوش - ممكن بردوا انشغل انا وغيرى يبقى عنده وقت وكدا
وعلى فكرة بالنسبة لى انا شخصيا مع احترامى
انا مقتنع ان الجودة دى مثلا تنبع من داخل كل انسان او مدرس مثلا طالما احنا مدرسين
فيه ناس كتير زى كتير من اللى بيسموهم مدربين واخدنها منظرة وتلاقيه بيتمنظر عالناس رغم ان خبرات الناس ربما تكون احسن منه
بالنسبة لنا مثلا المدرسين عندنا فكرهم عالى اكتر بكتير من كتير من المدربين بتوع الجودة دول واحنا عملنا شغل جامد دون تنظير من احد
هما اصلا اتعلموا مننا ونقلوا الشغل
عندنا مثلا ناس خبراتها كبيرة مثلا انا عندى خبرات عالية وحصلت على اى تدريب تعمله الوزارة فى حاجات كتير ودراسات كمان ومع هذا انا ارفض وهارفض ان اشتغل فى غير تخصصى وهو مدرس رياضة لانى ببساطة اجيد عملى او شاطر فيه
وكتير من المدرسين اللى بيشتغلوا فى حاجات نتانية زى الجودة وغيرة ربما كانوا مدرسين فاشليين او مش شاطرين( دى وجهة نظرى)
انا احيانا اقوم بالتدريب بس مش على حساب عملى كمدرس رياضة ورفضت اشتغل فى التطوير او فى الاشراف على ما يسمى الجودة مثلا
فقط ادرب فى مدرستى وادارتى ولا يخل ذلك من جدول حصصى ولو اخل يبقى كفاية حصصى لانها اساس عملى وانا مش ادارى ولا موظف
* احيانا لما الناس تطلب من حد حاجة تتمنظر عليها وتعمل كانها خلاص لا قبلها ولا بعدها وهذا طبعا من وجهة نظرى نوع من الغرور او انا بسمية جهل وتخلف لان الاصل فى الحياة مساعدة الاخرين باى طريقة ودون محاسبتهم الا ان اكون موكلا بذلك
او مسئول اشرافى مثلا وهذا ما يدفع واحد مثلى الى انه يخليه فى شغله وخلاص واحيانا يندم انه عمل لحد قيمة وذلك بطلب عون منه او بسؤاله
شكرا لحضرتك ومتاسف لو اخدت جزء كبير من موضوعك الرائع ياريت نشوف اراء الناس
وطبعا اختلاف الاراء لا يفسد للود قضية
فى امان الله

إلي الأخ العزيز الأستاذ /جمال
أولا أنا لم أقصد حضرتك بالذات لأن في كثير من المدارس والأفراد بتطلب نفس الطلب
ثانيا : مش عارفة حضرتك تقصد شخصي أنا بهذا الكلام
وحتي يا اخي العزيز إذا كنت تقصد فأنا مش زعلانة لأاني والحمد لله لا ينطبق علي هذه الصفات
وإدارتي كلها تشهد علي ذلك أما بالنسبة لمادتي فلم أتركها لفشل بل إني منتدبة لبعض الوقت لتوجيه مادتي وأقدم برامج
تعليمية في مادتي بالأذاعة والتليفزيون المحلي
والحمد لله لست بمغرورة لأنها ليست من صفات المؤمنين فقد خلقنا الله من تراب وسنعود إليه
وأنا أردت أن أعرف الردود علي الموضوع
وشكرا علي أي حال

رحاب جابر

مشكلتنا الحقيقية إن إحنا مش قادرين نفهم إن أي عمل لازم يوثق ووسيلة التوثيق هي كتابته فالورق فقط لتوثيق المعلومة بينما للأسف الغالبية العظمى ممن ليس عندهم ضمير اتخذوا من الورق كل شيئ فهو الأساس. وهذا ليس بجديد فنجد أن الوزارة تلزم المعلم بكشكول التحضير لكي يوثق درسه ولغيره من الفوائد التي تعود عليه نتيجة تحضيره المسبق للدرس. نجد أن الغالبية العظمى منا اكتفت فقط بكتابة الدرس في كشكول التحضير بدون أي شرح للطلاب أو استفادة أو غيره هذا للأسف سائد عند الكثير ممن انعدم ضميرهم وتسببوا للأسف في إنهيار المنظومة التعليمية وتفريغها من محتواها الحقيقي.

إلي الأخ العزيز الأستاذ /جمال
أولا أنا لم أقصد حضرتك بالذات لأن في كثير من المدارس والأفراد بتطلب نفس الطلب
ثانيا : مش عارفة حضرتك تقصد شخصي أنا بهذا الكلام
وحتي يا اخي العزيز إذا كنت تقصد فأنا مش زعلانة لأاني والحمد لله لا ينطبق علي هذه الصفات
وإدارتي كلها تشهد علي ذلك أما بالنسبة لمادتي فلم أتركها لفشل بل إني منتدبة لبعض الوقت لتوجيه مادتي وأقدم برامج
تعليمية في مادتي بالأذاعة والتليفزيون المحلي
والحمد لله لست بمغرورة لأنها ليست من صفات المؤمنين فقد خلقنا الله من تراب وسنعود إليه
وأنا أردت أن أعرف الردود علي الموضوع
وشكرا علي أي حال

رحاب جابر
بالتاكيد لا اقصد حضرتك ولا اقصد احد معين - انا اتكلم على العموم - كما لا اخص احد معين باى كلام- كلامى عام
وانا شخصيا ربما طلبت ملفات من ناس كتير منهم حضرتك وبالفعل لدينا الكثير ولنا تصورنا الخاص اللى ربما يفوق تصورات كتير مع احترامنا للاخرين - مش معنى كدا ان احنا هنشيل الاسم ونحط الاسم بصحيح حتى لو قلنا كدا - يا مس دا حتى اللى بيعمل كدا لازم يكون له تصوره
المسالة كلها اجتهادات وتصورات ووجهات نظر تكمل بعضها بعضا
وبعدين الجودة والتميز واى كلام زى دا موجودة بالفعل فى تعاليم ديننا قبل ما نخدها من كتب مترجمة ل س او ل ص
هو مش ربنا بيقول: ( صنع الله الذى أتقن كل شىء)
ومش الرسول صلى الله عليه وسلم بيقول : ( إن الله يحب إذا عمل أحدكم عملا أن يتقنه)
وغيره وغيره
ودى نقطة مهمة المفروض بنصلها قبل ما نقول س بيقول او ص بيقول نشوف عندنا ايه فى ثقافتنا وهويتنا وامكاناتنا البشرية
وطبعا سيدتى يشرفنى ويشرف الموقع وجود شخصية نشيطة وشاطرة زى حضرتك تقدمى تصورك او وجهة نظرك او حتى تساهمى فى نقل وجهة نظر اخرى مترجمة مثلا
كلامى على العموم بس عشان محدش يحط فى دماغه انه خلاص ما فيش لا قبله ولا بعده
دمتى بكل خير والجميع
واليكى تحياتى

شكرا لزميلتنا العزيزة /رحاب علي مجهوداتها
وقد قرأت تعليق الأستاذ جمال
وأقول يا أستاذي العزيز مينفعش إني اتكلم علي إنسان بدون أن أعرفه وفيه كتير يعرفوا إن هذا الوصف لا ينطبق علي الزميلة العزيزة
وليه كدة الموضوع وصل لهذه الدرجة

وشكرا للأستاذة رحاب علي حسن ردك

ارجو الا نصل بالحوار بيننا الى درجة الاساءة الى بعضنا فنحن زملاء قبل كل شئ واختلافنا فى وجهات النظر ارى انه شئ جيد لان باختلاف وجهات النظر نصل الى العمل الجيد

ولكن وجهة نظرى فى هذا الموضوع اعرضها واحترم كل الاراء

اولا ارى ان هناك سجلات لابد ان تكون موجودة فى كل مدرسة مثل السجلات الخمسة وسجلات التسعة وهى تتشابه فى كل المدارس وارى انه لامانع من انزالها لان العناوين واحدة والبيانات تختلف من مدرسة الى مدرسة

ثانيا
استمارات التقييم الذاتى او البطاقات واحدة ولكن تختلف فى التقييم من مدرسة الى مدرسة ولا مانع من نشرها كنموذج

ثالثا
طريقة تحديد الاولويات استماراتها يمكن ان تنشر ولكن الاولويات تختلف من مدرسة الى مدرسة
رابعا
الخطط الاجرائية نموذج موحد لكل المدارس ولكن تختلف الخطط من مدرسة الى اخرة

اما هناك سجلات خاصة بكل مدرسة من اعمال خاصة بها وتدريبات خاصة بها ارى انه لايجوز نشرها لان هذا هو ابتكار المدرسة ومجهودها

وقد قرأت تعليق الأستاذ جمال
وأقول يا أستاذي العزيز مينفعش إني اتكلم علي إنسان بدون أن أعرفه وفيه كتير يعرفوا إن هذا الوصف لا ينطبق علي الزميلة العزيزة
وليه كدة الموضوع وصل لهذه الدرجة

وشكرا للأستاذة رحاب علي حسن ردك


يا سيدتى الفاضلة انا لم اذكر اسماء لا ذكرت ولا اقصد استاذة رحاب او غيرها وانا شخصيا لا اعرفها ولا اتعامل معها مطلقا ويشرفنى التواصل مع الجميع من خلال الموقع والاستاذة رحاب من الشخصيات النشيطة والممتازة بالموقع وحضرتك ماتقولنيش او توقعينى فى الغلط

ولكن وجهة نظرى فى هذا الموضوع اعرضها واحترم كل الاراء

اولا ارى ان هناك سجلات لابد ان تكون موجودة فى كل مدرسة مثل السجلات الخمسة وسجلات التسعة وهى تتشابه فى كل المدارس وارى انه لامانع من انزالها لان العناوين واحدة والبيانات تختلف من مدرسة الى مدرسة

ثانيا
استمارات التقييم الذاتى او البطاقات واحدة ولكن تختلف فى التقييم من مدرسة الى مدرسة ولا مانع من نشرها كنموذج

ثالثا
طريقة تحديد الاولويات استماراتها يمكن ان تنشر ولكن الاولويات تختلف من مدرسة الى مدرسة
رابعا
الخطط الاجرائية نموذج موحد لكل المدارس ولكن تختلف الخطط من مدرسة الى اخرة

اما هناك سجلات خاصة بكل مدرسة من اعمال خاصة بها وتدريبات خاصة بها ارى انه لايجوز نشرها لان هذا هو ابتكار المدرسة ومجهودها

شكرا لحكمة حضرتك وآراءك الصائبة وبالتاكيد محدش يقدر يطلب اكتر من كدا ومحدش من الاصل يلزمه لا تدريبات ولا حتى خطط المدارس الاخرى ولكن يلزمنا فقط طريقة عمليه او زى ما حضرتك ذكرت أمثلة تطبيقية زى الجداول مثلا والحاجات اللى زى كدا

واعتقد ان سيادتك عارف ان كل المدارس او الغالبية العظمى واعتقد كلها لازم تحصل فى وقت ما بعد عدة سنوات على الجودة والاعتماد
أمال يعنى هيحولوها مساكن شعبية - المسالة مسالة وقت مش اكتر - دا وجهة نظرى بالاضافة الى جوائز اسبقية التنفيذ
والجودة مثلا كان قبلها ما يسمى تحسين التعليم ولسة ربنا العالم هيكون بعد كدا ايه
المهم مرحبا باى جديد يدعوا الى التطوير الحقيقى للتعليم وليس المظهرى او شغل الورق ويؤدى فعلا الى التطوير

اكيد سيدى اختلاف الاراء لا يفسد للود قضية وانا مطلقا لا اقصد بكلامى شخصا بعينه كما اعتقد اننى لم اوجه لوما لشخص معين
واذا حدث سوء فهم او غيره فانا متاسف جدا باى حال

بارك الله فى حضرتك وفى اختنا النشيطة جدا الاستاذة رحاب وفى جميع من ساهم بالرد

دام الجميع بكل خير واليكم تحياتى