السلام عليكم ،
يا رب تكونوا ف احسن حال ،
بصوا يا جماعة
انا عملت لنفسى جدول لمراجعة العربى ف 10 ايام قبل الامتحانات
ووريته لاصحابى وعجبهم وهايمشوا عليه معايا
ف قولت اكتبه هنا
احتمال ينفع حد فيكم

بالنسبة لى هابدأ باذن الله يوم 31 / 5 وهاخلص يوم 10 / 5
نبدأ بقى ..

اليوم الاول :
نص غربة وحنين ( حفظ )
مدرسة الاحياء والبعث ( المدرسة الكلاسيكية )
درس قيم انسانية
الفصل الـ 1 للفصل الـ 5 من الجزء الاول

اليوم الثانى :
نص المساء ( دراسة )
المدرسة الرومانسية
درس العلم فى الاسلام
الفصل الـ 6 للفصل الـ 9 من الجزء الاول

اليوم التالت :
نثر الصغيران ( حفظ اخر 11 سطر بس .. من اول " وبينما نحن ... " )
فن المقال
الفصل الـ 10 والـ 11 من الجزء الاول
الفصل الـ 1 من الجزء التانى

اليوم الرابع :
نص الشاعر وصورة الكمال ( حفظ )
مدرسة الديوان
درس القدس مدينة عربية
من الفصل الـ 2 للفصل الـ 4 من الجزء التانى

اليوم الخامس :
نص صخرة الملتقى ( دراسة )
مدرسة ابوللو
درس الارقام العربية الاصيلة
من الفصل الـ 5 للفصل الـ 8 من الجزء التانى

اليوم السادس :
نثر نظرة ( دراسة )
فن القصة القصيرة
درس اسلوب واسلوب
من الفصل الـ 9 للفصل الـ 11 من الجزء التانى

اليوم السابع :
نص كم تشتكى ( دراسة )
مدرسة المهجر
درس قضية السكان
من الفصل الـ 1 للفصل الـ 3 من الجزء التالت

اليوم التامن :
نص النسور ( حفظ المقطعين الـ 3 والـ 4 فقط )
المدرسة الواقعية ( المدرسة الجديدة )
درس سقط القناع ( اليوجينيا )
من الفصل الـ 4 للفصل الـ 6 من الجزء التالت

اليوم التاسع :
نثر سيد قرارك ( دراسة )
فن الرواية
درس العقاد
الفصل الـ 7 والفصل الـ 8 من الجزء التالت

اليوم العاشر :
نص مصرع كليوباترا
فن المسرحية
من الفصل الـ 9 للفصل الـ 11 من الجزء التالت

واليوم الاخير ده بقى هايكون لمراجعة قواعد النحو واسئلة البلاغة
والتعبير الوظيفى ( مش بييجى كتير بس لو جابه ماحدش هايقدر يتكلم )

وهايتبقى يومين قبل الامتحان
دول هاراجع فيهم مراجعة شاملة لاى حاجة بقى انا عايزاها
اى درس حاسة انى نسيته
واكيد الـ 3 نصوص النثر
وطبعا الدين

كدة الجدول انتهى الحمد لله
ممكن حد يشوف ان 10 ايام كتير وكدة
بس انا ماكنتش باذاكر عربى كويس اوى من الاول
ف عشان كدة لازم اديله حقه ف المراجعة

نصيحة ..
بلاش تسيب الجزء التالت ف القصة
او اى درس قراءة صعب مثلا
وتقول انه هاييجى اختيارى
لان ممكن جدااا
يجيلك ف الدرس اللى انت سايبه اسئلة سهلة جداااا
والدرس اللى ذاكرته يجيلك فيه سؤال محتاج تفكير وممكن تتلغبط ف اجابته
وبجد بتحصل معايا
ان النص او الدرس اللى باكرهه طول السنة ومش عايزة احله
الاقى ف الامتحان اسئلته تافهة واختاره
حاول تعمل اللى عليك ف كل حاجة
والدروس الصعبة حاول فيها
على امل انها تنفعك لو جت اسئلتها سهلة

حاجة اخيرة بقى
اهتموا كويس جداا بالتعليق على النص اللى ف الاخر ده
عشان باحس ان فيه ناس كتير مش بتقراه حتى
وهو مهم جداا وكل المدرسين اللى شوفتهم من ساعة ما دخلت ثانوى بيقولولى كدة

يا رب تكون فيه اى فايدة ولو بسيطة لاى حد
بالتوفيق ياا رب للجميع ،
فى رعاية الله

تسلم ايدك جدول جامد
بس لولا اني ماشية ع جدول تاني ونظام عملاه عشان اذاكر العربي جنب المواد التانيه كنت استخدمته
بس ان شاء الله يستفيد منه كتير وبجد تسلم ايدك

حلو أوي الجدول ومنظم صح
جزاك الله خيراً
ربنا يكرمك

ما شاء الله
جدول جميل جدا و منظم
و طبعا مش هيكون طول اليوم عربي بالنسبه لي
هحل امتحان لماده تانيه جنبه
عشان ما ننساهم بس :)

تسلم ايدك جدول جامد
بس لولا اني ماشية ع جدول تاني ونظام عملاه عشان اذاكر العربي جنب المواد التانيه كنت استخدمته
بس ان شاء الله يستفيد منه كتير وبجد تسلم ايدك
ميرسى .. ربنا معاكى
:)

حلو أوي الجدول ومنظم صح
جزاك الله خيراً
ربنا يكرمك
ياا رب
ولك مثلما دعوت ان شاء الله

ما شاء الله
جدول جميل جدا و منظم
و طبعا مش هيكون طول اليوم عربي بالنسبه لي
هحل امتحان لماده تانيه جنبه
عشان ما ننساهم بس :)
ما هو انا كمان هاذاكر اجزاء من الجيولوجيا ف الايام دى
عشان مفيش وقت كبير قبل امتحانها
وبتتنسى بسرعة
ربنا معاكى يا بوسى ويوفقك باذن الله
:)

انا ضايعه ف الرعبى ده ضيعان مفيش بعد كده

مكنتش بذاكرو خالص ربنا يستر

جدول لذيذ

انا ضايعه ف الرعبى ده ضيعان مفيش بعد كده

مكنتش بذاكرو خالص ربنا يستر

جدول لذيذ
ماتقلقيش ان شاء الله خير
ربنا معاكى ويوفقك
:)

تسلم ايدك ياجميل

انا كان بقيلى شويه واشحت جدول ..ههههههههههه

بصراحه مش بعرف اعمل اى جدول

وكمان العربى مش كنت مذاكراه كويس قبل كده ويمكن ضايعه فيه
وبقول يارب الحق المه كله

ده زائد انى مرعوبه من الامتحانات وجدولنا اللى مش عارفينله اتجاه(الرياضه)

ميرسى ياقمر وربنا يوفقنا كلنا يارب

تسلم ايدك ياجميل

انا كان بقيلى شويه واشحت جدول ..ههههههههههه

بصراحه مش بعرف اعمل اى جدول

وكمان العربى مش كنت مذاكراه كويس قبل كده ويمكن ضايعه فيه
وبقول يارب الحق المه كله

ده زائد انى مرعوبه من الامتحانات وجدولنا اللى مش عارفينله اتجاه(الرياضه)

ميرسى ياقمر وربنا يوفقنا كلنا يارب
طبيعى ان جدول الرياضة مايبانلوش اتجاه
هما كل سنة كدة
ربنا معاكى ياا رب ويوفقك
وحاولى تراجعى حاجات تانية مع العربى لو هاينفع معاكى
انجليش مثلا
او علم نفس لو بتاخديه

الرد ده لتنشيط الموضوع
الجدول هايبتدى من الاحد .. يعنى بكرة ان شاء الله
:)

بجدا شئ جميل جدا وانشاء الله انا همشى عليه انشاء الله تعاله والهم بارك فى هذا العمل

تسلم ايدك ياجميل

تسلم ايدك والله
وماتخافوش هى بس شوية قلق من الامتحان بس انتو ذاكرو وصلو وربا هيوفقو
احنا وانتو يا رب وربنا معاكو يا بتوع علمى رياضة

بصراحة تسلم ايديكى بس اناعلمى رياضة وواخدة علم نفس ربنا يسهل واذاكر مع جدولك ده رياضة

شكراا جزيلا

تسلم ايدك انا كمان ماكنتش بذاكر عربى كويس وفرصة كويسة علشان ابقى ذاكرتة كويس

ميرسى على الجدول وربنا يوفقنا كلنا

لو سمحتم ممكن حد يقولى القصه طويله اوى المدرسين بيقولوا ذاكروا اسئله معينه كده وبس هل ده صح ولا ايه لو حد يرد بسرعه لو سمحتم وربنا يقف جنبى وجنبكم

بجدا شئ جميل جدا وان شاء الله انا همشى عليه ان شاء الله تعاله والهم بارك فى هذا العمل
ربنا معاك ان شاء الله

تسلم ايدك ياجميل
ميرسى يا غادة
ربنا معاكى

تسلم ايدك والله
وماتخافوش هى بس شوية قلق من الامتحان بس انتو ذاكرو وصلو وربا هيوفقو
احنا وانتو يا رب وربنا معاكو يا بتوع علمى رياضة
آمين يا رب
بالتوفيق ان شاء الله

بصراحة تسلم ايديكى بس اناعلمى رياضة وواخدة علم نفس ربنا يسهل واذاكر مع جدولك ده رياضة
فيه مساحة انك تذاكرى اى حاجة جنب الجدول
بس من غير تضييع وقت
:)

شكراا جزيلا
العفو يافندم

تسلم ايدك انا كمان ماكنتش بذاكر عربى كويس وفرصة كويسة علشان ابقى ذاكرتة كويس
باذن الله
ربنا يوفقك

ميرسى على الجدول وربنا يوفقنا كلنا
آميين ياا رب
العفو يا تقى
ربنا معاكى

لو سمحتم ممكن حد يقولى القصه طويله اوى المدرسين بيقولوا ذاكروا اسئله معينه كده وبس هل ده صح ولا ايه لو حد يرد بسرعه لو سمحتم وربنا يقف جنبى وجنبكم
بصى
لما تقريها هايبقى افضل ..
لو مش عارفة ومفيش وقت قدامك
اقرى ملخص كل فصل
وبعدين ذاكرى الاسئلة
ربنا يوفقك يا رب

شكرااااااااااااااااااااااا
علي هذا الجدول الجميل
وعلي النصائح الضاليه

و الله انت انسان عظيم ,,,,, روح يا شيخ ربنا يكرمك !!!!

الف شكررررررررررررررر انا كان نفسي الاقي جدول
شكرًا خالص

شكرااااااااااااااااااااااا
علي هذا الجدول الجميل
وعلي النصائح الضاليه

و الله انت انسان عظيم ,,,,, روح يا شيخ ربنا يكرمك !!!!

الف شكررررررررررررررر انا كان نفسي الاقي جدول
شكرًا خالص
ربنا يوفقكم ياا رب
:)

اليوم السابع :
نص كم تشتكى ( دراسة )
مدرسة المهجر
درس قضية السكان
من الفصل الـ 1 للفصل الـ 3 من الجزء التالت


يا جماعة كم تشتكى حفظ مش دراسة
انا اتلغبطت
اسفة جداا بجد
:blush: