بسم الله الرحمن الرحيم
اعزائى الطلاب ..وانا اقلب فى صفحات أحد المواقع عثرت على تلك الفتوى للشيخ عبد العزيز بن باز تحرم الوقوف للمدرسين عند قدومهم للفصول مع الإستناد ..الموضوع استوقفنى ..قلت اجيبهولكم ....

من عبد العزيز بن عبد الله بن باز ، إلى حضرة الأخ المكرم / معالي وزير المعارف - وفقه الله - .
السلام عليكم ورحمة الله وبركاته ، أما بعد [1] :
فقد بلغني : أن كثيراً من المدرسين يأمرون الطلبة بالقيام لهم إذا دخلوا عليهم الفصل ، ولاشك أن هذا مخالف للسنة الصحيحة ، فقد ثبت عن رسول الله صلى الله عليه وسلم أنه قال : ((من أحب أن يمثل له الرجال قياماً فليتبوأ مقعده من النار))[2] . أخرجه الإمام أحمد وأبو داود والترمذي عن معاوية - رضي الله عنه – بإسناد صحيح .
وخرج الإمام أحمد والترمذي بإسناد صحيح عن أنس - رضي الله عنه – قال : ((لم يكن شخص أحب إليهم – يعني الصحابة - رضي الله عنهم – من رسول الله - صلى الله عليه وسلم - وكانوا لا يقومون له إذا دخل عليهم ؛ لما يعلمون من كراهيته لذلك))[3].
فأرجو من معاليكم التعميم على المدارس ، بأن السنة عدم القيام للمدرسين إذا دخلوا على الطلبة في الفصول ؛ عملاً بهذين الحديثين الشريفين وما جاء في معناهما .
ولا يجوز للمدرس أن يأمرهم بالقيام ؛ لما في حديث معاوية من الوعيد في ذلك ، ويُكره الطلبة أن يقوموا ؛ عملاً بحديث أنس المذكور .
ولا يخفى أن الخير كله في اتباع سنة الرسول - صلى الله عليه وسلم - والتأسي به وأصحابه - رضى الله عنهم - .
جعلنا الله وإياكم من أتباعهم بإحسان ، ووفقنا جميعاً للفقه في دينه والثبات عليه .
والسلام عليكم ورحمة الله وبركاته ...............
.................................
وفى اللآخر تلاقى المدرسين مش عاجبهم و يقولولنا مفيش احترام! حاجة غريبة

ياسلام يعنى لما نقف للمدرس يبقى حرام
الله اعلم
شكرا يا محمد ع الموضوع

شكرا هند لمرورك ..وعلى فكرة الشيخ ابن بتز -صاحب الفتوى من كبار مشايخ عصره _ و الموضوع انا سمعته قبل كدة بس مش عالمدرسين ..و لمزيد من الثقة إليكم بمصادر الأستشهادات حسب الأرقام فى الموضوع
1] نشر في مجلة البحوث الإسلامية ، العدد : 26 ، عام 1410هـ ، ص : 347 .
[2] أخرجه أحمد برقم : 16311 مسند الشاميين ، باب حديث معاوية بن أبي سفيان - رضي الله عنه ، وأبو داود برقم : 4552 كتاب الأدب ، باب في قيام الرجل للرجل والترمذي برقم 2679كتاب الأدب باب ماجاء في كراهية قيام الرجل للرجل .
[3] أخرجه أحمد برقم : 11895 باقي مسند المكثرين ، مسند أنس بن مالك - رضي الله عنه - ، والترمذي برقم : 2678 كتاب الأدب ، باب ما جاء في كراهية قيام الرجل للرجل
..............................
شكرا لمرورك

اولا الوقوف للمدرس ماهو الا تعبير عن التقدير
لكن حرام!!
غريبه ومش منطقيه

طاب والمدرسين يعرفوا الكلام ده منين
يعني انا مثلا قرأت الموضوع
لكن لما المدرس يدخل وكل الفصل يقف
وانا افضل قاعدة
هاتهزق بكل تاكيد
انما لو المفتي او شيخ الازهر يكتب حاجة زي كده
متهيألي المدرسين هيعرفوها ويرحمونا
شكرا ع الموضوع
جزاك الله خير

و جزاك الله خيرا على الموضوع
انا شخصيا هبدا البحث على طول
لانها بتتكرر فى اليوم الواحد 4 مرات يمكن فى الدراسه

من أحب أن يمثل له الرجال قياماً فليتبوأ مقعده من النار))[2] . أخرجه الإمام أحمد وأبو داود والترمذي عن معاوية - رضي الله عنه – بإسناد صحيح .
يا جماعة هو دة الاقصد .....................
بس برضه النية ليها مكان هنا يعنى كل اللى فى الفصل وكمان المدرس بيبقول نيتهم الاحترام وبس
وشكرا على الموضوع يا محمد

شكرا تويتى جيرل و اسماء و يا عينى ع المرور
لكن الموضوع بسيط .هو مين الأولى بالحترام..الرسول صلى الله عليه و سلم و لا المدرسين ؟!
طبعا الرسول صلى الله عليه و سلم .. ..فإذا كان الرسول يكره قيام الصحابة له ..فإذن الوقوف ليس دليلا على الإحترام
وبالنسبة لأسماء ..المدرسين يعرفو الكلام دة منين..اممم هى صعبة ..احنا ممكن نطبع الفتوى و نحطهالهم على باب الفصل
:D ... عشان ميتعشمش فى حاجة و هو داخل
شكرا لمروركم

السلام عليكم

انا ليا رأي في الموضوع ده

ان كان منك ذوقيا بتحتر الاخ ده وقمت ده عادي ولكن هو موش واجب عليك

بس احنا عرفنا الوقفه دي رمز الاحترام بس لوكانت حرام انا مش واقف خالص


والي عاوز يقف يقف كويس انها جات من عند ربنا



هههههههه :D :D

عندك حق يعم البحار انت كدة جبت الخلاصة...ونفكر بقى فى طرق تانية للإحترام غير الوقوف
شكرا لمرورك

اساسا بصراحة
انا ضد ان احنا نقف للمدرس اساسا
حتي لو ماكنش حرام
يقول السلام واحنا نرد
انما مرة حصلت وكنت بكتب حاجو والمدرس دخل وما خدتش بالي
كله وقف .. وانا ماخدتش بالي فكنت قاعدة
وبمجرد ما اخدت بالي قمت
ليه وليه بقي اتهزأت وكان يوم ما يعلم بيه الا ربنا
يعني بصراحة انا ضد الوقوف للمدرس

السلام عليكم

بصراحة الموضوع ده سمعته قبل كده

ولكن قلت ممكن يكون مقصود به شىء اخر

..

احنا لما بابا بيدخل علينا بنقوم نقف ...هل ده تابع لنفس القاعده الشرعية اللى انت ذكرتها ...؟؟

عموما اكتر حاجة تهمنا هو شرعنا

اللهم اجعلنا ممن يستمعون القول فيتبعون احسنه

ااااامين

شكرا محمد

بارك الله فيك وجعله فى ميزان حسناتك

خلاص يعم محمد بلاش نقف للمدرسين تاني
ولما نشوف هيحصل فينا ايه....

فاكر مستر عبد الباقي؟؟

<div class='quotetop'>إقتباس(Assmaa @ Aug 10 2006, 10:34 PM) 186070</div>
اساسا بصراحة
انا ضد ان احنا نقف للمدرس اساسا
حتي لو ماكنش حرام
يقول السلام واحنا نرد
انما مرة حصلت وكنت بكتب حاجو والمدرس دخل وما خدتش بالي
كله وقف .. وانا ماخدتش بالي فكنت قاعدة
وبمجرد ما اخدت بالي قمت
ليه وليه بقي اتهزأت وكان يوم ما يعلم بيه الا ربنا
يعني بصراحة انا ضد الوقوف للمدرس
[/b]
خلاص احنا نعمل ثورة بقى ...مهو بصراحة مينفعش كدة نقوم حرام نعقد نتهزأ ..المهم منعملش حاجة حرام ..الباقى مقدور عليه

<div class='quotetop'>إقتباس(مهرة @ Aug 10 2006, 10:47 PM) 186078</div>
السلام عليكم

بصراحة الموضوع ده سمعته قبل كده

ولكن قلت ممكن يكون مقصود به شىء اخر

..

احنا لما بابا بيدخل علينا بنقوم نقف ...هل ده تابع لنفس القاعده الشرعية اللى انت ذكرتها ...؟؟

عموما اكتر حاجة تهمنا هو شرعنا

اللهم اجعلنا ممن يستمعون القول فيتبعون احسنه

ااااامين

شكرا محمد

بارك الله فيك وجعله فى ميزان حسناتك
[/b]
شكرا أخت مهرة لمرورك الرائع و جزاك الله خير
بالنسبة للأستفسار ..الفتوى أعتقد جائزة التعميم لإن ايام الرسول علية الصلاة و السلام مكنش فيه مدارس و الأستناد عام لأى حاله ..والدليل ان الصحابة مكنوش بيقوموا يقفو لقدوم الرسول صلى الله عليه و سلم ..فرأى و الله اعلم ان الفتوى تعم فى المدرسة و فى البيت و فى المحكمة يعنى برضه مش لازم القاضى يخش يقوم كله يقف..مثلا
شكرا لمرورك و جزاك الله خيرا


<div class='quotetop'>إقتباس(hassan_23690 @ Aug 10 2006, 10:49 PM) 186081</div>
خلاص يعم محمد بلاش نقف للمدرسين تاني
ولما نشوف هيحصل فينا ايه....

فاكر مستر عبد الباقي؟؟
[/b]
فاكر يسيدى ..احنا نبقى نفهمهم بالراحة السنة الجاية ..او نقولها فى الأذاعة واللى يحصل يحصل..هو رفد و لا أكتر :P

خلاص مش هنقف لمدرسين تانى.
لكن لما أضرب .
هبعتلك تدافع عنى

انا فعلا سمعت فى المسجد قبل كده انه مش صح اننا نقف لحد مثلا عشان نسلم عليه لكن مكنتش اعرف السبب

جزاك الله خيرا يا محمد

<div class='quotetop'>إقتباس(أحمد2025 @ Aug 11 2006, 12:39 AM) 186116</div>
خلاص مش هنقف لمدرسين تانى.
لكن لما أضرب .
هبعتلك تدافع عنى
[/b]
شكرا أحمد لمرورك ..بس لو اضربت و لا اعرفك ..مش ما اخوش عن روحى الأول
بص و انت بتتضرب اقعد قول البيت دة
لا يسلم الشرف الرفيع من الأذى ... حتى يسال على جوانبه الدم
لازم نعمل مؤسسة لحقوق التلاميذ ;)


<div class='quotetop'>إقتباس(Maramero @ Aug 11 2006, 01:50 AM) 186152</div>
انا فعلا سمعت فى المسجد قبل كده انه مش صح اننا نقف لحد مثلا عشان نسلم عليه لكن مكنتش اعرف السبب

جزاك الله خيرا يا محمد
[/b]
جزاك الله خيرا و شكرا لمرورك

انما الاعمال
بالنيات
وربنا بيحاسب على النية اللى انا عملت بيها حاجة معينة
وحد مثلا بيطيق الاساتذة عشان يقف لهم

واحنا يعنى
كيفنا
ان احنا نقوم للاساتذة

وزى ما قلت انما الاعمال بالنيات

شكرا أخى خالد لمرورك..بس مش لازم نفهم حديث انما الأعمال بالنيات غلط
يعنى مينفعش تبقى حاجة حرام و بسند و صحيح و اعملها و اقول نيتى خير
شكرا لمرورك و جزاك الله خيرا

معاك والله
مش قصدى
بس هو الحرمانية
للى يقف ولا اللى يتوقفله
ولا الاتنين :unsure:

جزاك الله خير انا كنت قرأت فتوى زى دى فى موقع طريق الاسلام قبل كده

وياريت يا محمد تذكر المصدر حتى لو موقع دينى لعلى حد يستفاد من فتوى اخرى او من معلومع دينيه ويكون ليك انتا الاجر والثواب

بالنسبه للموضوع ...انا اعرف مدرسين اول ما يدخلوا بيقولوا لينا اتفضلو اقعدوا وبعدين يسلموا

وفى مدرسين تانين ممكن مايكونوش يعرفوا الموضوع ده ...بس لازم نقف ليهم

<div class='quotetop'>إقتباس(خالدالجن @ Aug 11 2006, 02:45 AM) 186229</div>
معاك والله
مش قصدى
بس هو الحرمانية
للى يقف ولا اللى يتوقفله
ولا الاتنين :unsure:
[/b]
هو من نص الحديث يا الخالد الذنب على اليتوقفله ..والله أعلم..بس اعتقد برضه ان مدام احنا وقفنا و احنا عارفين ان الوقوف حرام نأثم ...والله أعلم


<div class='quotetop'>إقتباس(basmala @ Aug 11 2006, 02:53 AM) 186241</div>
جزاك الله خير انا كنت قرأت فتوى زى دى فى موقع طريق الاسلام قبل كده

وياريت يا محمد تذكر المصدر حتى لو موقع دينى لعلى حد يستفاد من فتوى اخرى او من معلومع دينيه ويكون ليك انتا الاجر والثواب

بالنسبه للموضوع ...انا اعرف مدرسين اول ما يدخلوا بيقولوا لينا اتفضلو اقعدوا وبعدين يسلموا

وفى مدرسين تانين ممكن مايكونوش يعرفوا الموضوع ده ...بس لازم نقف ليهم
[/b]
شكرا أخت بسملة لمرورك
مصدر الفتوى من موقع الداعية عبد العزيز بن باز
http://www.binbaz.org
والفتوى نفسها من هنا
http://www.binbaz.org.sa/index.php?pg=mat&...=article&id=368 (http://www.binbaz.org.sa/index.php?pg=mat&type=article&id=368)
ودليل المواقع الإسلامية الرائع بالمرة من هنا

http://www.sultan.org/a/
....................شكرا لمرورك و جزاكى الله خيرا

مش عارف ياجماعه حضرتكم مكبرين الموضوع ليه.
إحنا بنقف للمدرسين من أجل الإحترام مش أكتر.

انت شكلك مش معانا خالص يعم أحمد..بنقولك حرام..تقولى احترام :lol:

اتمني يعني ان حكايه زي دي
تتنشر بسرعه قبل الدراسه ما تبدأ
علشان المدرسين يفهموا النقطه دي.. جزاكم الله خيرا يا محمد

قولوها فى الإذاعة المدرسية أول يوم (الفتوى كاملة مع ذكر صاحبها ابن باز ) .... مش هيحصل حاجة :lol:
او انشروها فى منتديات تانية

معلش اعذرنى مش داخلة دماغى

ما اقدرش ما اقفش لاستاذى ومش عشان هو اللى بيطلب منى
عشان انا عايز اقفله

لإن احنا اتعودنا على كدة يا اينشتاين و اعتبرنا غن كدة تعبير عن الاحترام..وهو فى باطنه ليس كذلك..وهو منهى عنه
وأكيد احترام الصحابة للرسول صلى الله عليه و سلم كان اكبر من احترام أى واحد مننا لاستاذة ومع ذلك لم يكونوا ليقوموا لقدومه!
شكرا لمرورك و تعليقك

احنا عندنا مدرسين كتييير بيكسلوا يقولوا السلام عليكم و بنفضل قاعدين و مش بنقوم:P

هى السلام عليكم نفسها مطلوبة و مش متعبة اوى و السلام عليكم ورحمة الله و بركاته ب 30 حسنة
الوقوف فقط هو اللى منهى عنه
شكرا لمرورك

جزاك الله خيرا
من الان فصاعدا
عندما ادخل الفصل
ساطلب من الطلاب عدم القيام
لكن احب ان اوضح شىء
مبرر وقوف الطلاب من وجهه نظرى
مجرد نوع من لفت انتباههم ومنعهم بشكل غير مباشر من الاحاديث الجانبية
التى تدور بينهم ولكن نحاول اتباع طريقه اخرى غير وقوف الطلاب
فى امان الله

انا مش معاك خالص
الطلبه لما يبيقفوا للمدرسين بيبقى للاحترام
زى مفى بعض الابناء بيقفوا لما باباهم بيدخل عليهم
و كمان الصحابة و الرسول كانوا فى سن متقارب من بعض
انما المدرسين بيكونوا اكبر منا بكتير

أنا فعلاً كنت بلاحظ مدرس العربى كان بيضايق جداً لما نقف له لما يدخل و بعد كده طلب مننا إننا مانقفلهوش تانى أبداً و نسلم و إحنا قاعدين بس معرفناش منه السبب بالظبط
و أنا شايفة إن مش لازم علشان نبين إحترامنا للمدرس يبقى نقف له !!
ممكن نحترمه و إحنا قاعدين
الحكاية مش مشكلة كبيرة يعنى .. مش مهم نقف ولا مانقفش
المهم نحترم المدرس سواء كده أو كده

انا فعلا سمعت كده كذا مرة
هو المقصود هنا يا جماعة ان المدرس مش يؤمر الطالب بالوقوف يعني
بس وقوف الطالب بدون امر يعني احترام للمدرس او لانتباه الطلاب زي ما ميس رانيا قالت

جزاكم الله خير

بسم الله الرحمن الرحيم
اعزائى الطلاب ..وانا اقلب فى صفحات أحد المواقع عثرت على تلك الفتوى للشيخ عبد العزيز بن باز تحرم الوقوف للمدرسين عند قدومهم للفصول مع الإستناد ..الموضوع استوقفنى ..قلت اجيبهولكم ....

من عبد العزيز بن عبد الله بن باز ، إلى حضرة الأخ المكرم / معالي وزير المعارف - وفقه الله - .
السلام عليكم ورحمة الله وبركاته ، أما بعد [1] :
فقد بلغني : أن كثيراً من المدرسين يأمرون الطلبة بالقيام لهم إذا دخلوا عليهم الفصل ، ولاشك أن هذا مخالف للسنة الصحيحة ، فقد ثبت عن رسول الله صلى الله عليه وسلم أنه قال : ((من أحب أن يمثل له الرجال قياماً فليتبوأ مقعده من النار))[2] . أخرجه الإمام أحمد وأبو داود والترمذي عن معاوية - رضي الله عنه – بإسناد صحيح .
وخرج الإمام أحمد والترمذي بإسناد صحيح عن أنس - رضي الله عنه – قال : ((لم يكن شخص أحب إليهم – يعني الصحابة - رضي الله عنهم – من رسول الله - صلى الله عليه وسلم - وكانوا لا يقومون له إذا دخل عليهم ؛ لما يعلمون من كراهيته لذلك))[3].
فأرجو من معاليكم التعميم على المدارس ، بأن السنة عدم القيام للمدرسين إذا دخلوا على الطلبة في الفصول ؛ عملاً بهذين الحديثين الشريفين وما جاء في معناهما .
ولا يجوز للمدرس أن يأمرهم بالقيام ؛ لما في حديث معاوية من الوعيد في ذلك ، ويُكره الطلبة أن يقوموا ؛ عملاً بحديث أنس المذكور .
ولا يخفى أن الخير كله في اتباع سنة الرسول - صلى الله عليه وسلم - والتأسي به وأصحابه - رضى الله عنهم - .
جعلنا الله وإياكم من أتباعهم بإحسان ، ووفقنا جميعاً للفقه في دينه والثبات عليه .
والسلام عليكم ورحمة الله وبركاته ...............
.................................
وفى اللآخر تلاقى المدرسين مش عاجبهم و يقولولنا مفيش احترام! حاجة غريبة
لاحظ الحديث جيدا و افتح قلبك
الحديث عن وقوف الرجال للرجال وليس الطلاب للمدرسين

ووقوف الطلاب ليس للاحترام فقط بل للانتباه بدخول المعلم
يعني لو بنت مش في وضع محترم هتفهم
لو ولد بيضرب زميله هيفهم

ياريت كل واحد يقرأ عن اداب المتعلم تجاه المعلم

قولوها فى الإذاعة المدرسية أول يوم (الفتوى كاملة مع ذكر صاحبها ابن باز ) .... مش هيحصل حاجة :lol:
او انشروها فى منتديات تانية

لاتنسي ان الفقه ملئ للاجتهادات و هذه الفتوي ليست لزاما فهنهاك مذاهب اخري

احنا لما كنا في السعودية مكناش بنقف للمدرسين خالص
ولا عمر واحد منهم طلب ذلك

لما جيت مصر مكنتش اعرف انهم بيقفو
اول حصة ليا هنا الاستاذ طلعني بره وراح ضاربني عشان موقفتش

اروخ اوريه الحديث واخد طاري منه بقى :d

على فكره معظم المدرسين ممكن ميطلبوش منك انك تقف ليهم
يعني احنا اللي بنقف ليهم كتقدير لكن المقصود في الحديث
انو يطلبوا مننا اننا نقف كنوع من التعالي علينا

جزاك الله خيرا استاذ محمد
على هذا الموضوع الرائع جدا

فعلا لا يجوز يا جماعه اننا نقف للمدرس
حتى ولو على سبيل الاحترام
والا كان الرسول صلى الله عليه وسلم اولى بذلك زى ما قال استاذ محمد

طب الذنب على مين ؟؟ على اللى بيقف والا اللى بيتوقفله؟؟

احنا سئلنا فى الموضوع ده وعرفنا ان الذنب على الاتنين

طب ليه؟؟ اللى بيتوقفله لانه يسره ان يقف له الناس
بل ويصل احيانا الى حد الاكراه زى بالظبط اللى بيحصل فى المدارس

طب واللى بيقف ذنبه ايه؟؟
حاجتين :: اولا: لانه عارف ان ده حرام وبرغم كده وقف
ثانيا:: لانه ممكن بوقوفه يفرح اللى اتوقفله وممكن يعين شيطانه عليه
لان احنا كده بنساعده انه يستمر فى الموضوع ده

اعتذر عن الاطاله
جزاكم الله خيرا
وجعله الله فى ميزان حسناتك استاذ محمد

انا اسفه
فى موقف سريع كده كنت هاقوله ونسيت
وحصل معايا انا وواحده زميلتى

احنا لحد تانيه ثانوى مكناش نعرف ان الموضوع ده حرام
ولما قرأنا الفتوى وعرفناها اتفقت انا وزميلتى اننا ما نقفش لاى مدرس
وفعلا مكناش بنقف لاى مدرس وكنا بنرد السلام واحنا قاعدين
طبعا لفتنا الانتباه لينا وكانوا بقولونا اقفوا فكانت واحده مننا بتقول للمعلمه الحديث
ما كانوش مقتنعين اى نعم وكان بعضهم بيعمل معانا مشاكل بسبب كده
بس مع الوقت ومع تصميمننا بقوا يسيبونا بفضل الله اولا لاننا تركناه من اجل الله

وانا وصحبتى عملنا ورق مكتوب عليه الحديث وعلقناه على ابواب الفصول
وكتبنا الحديث على السبوره جنب التاريخ . فبقت كل مدرسه تدخل الفصل
تقرأه وهى بتكتب لحد ما الحمد لله فى بعضهم اقتنع وبقى يطلب مننا ما نقفش

بس والله عمرنا ما سمعنا كلمه تجرحنا او اتهزقنا نهائى بالعكس ده بعض المدرسات كانوا
بيتناقشوا معانا بهدوء تام

وكمان كسبنا احترام مدرسين كتير اوى اوى

صدقت يا رسول الله حين قلت ((( من ترك شيئاً لله عوضه الله خيرا منه وزياده )))




ملحوظه صغيره بس::
ما ينفعش الرسول ينهانا عن شئ او يأمرنا بشئ وانا اقول لا مش داخله دماغى
اصلى مش مقتنع والكلام ده
انا لاحظت بعض الاعضاء بيقولوا اانا مش معاك ومعترضين على كلام صاحب الموضوع
بس انا شايفه انكم كده بتعترضوا على كلام الرسول لان الكلام ده كلام النبى وصاحب
الموضوع مش جايبه من عنده وبعدين الفتوى لواحد من اكبر العلماء فى عصره والى وقتنا هذا

قال تعالى:: (( وما آتاكم الرسول فخذوه وما نهاكم عنه فانتهوا واتقوا الله ان الله شديد العقاب ))

جزاكم الله خيرا

انا اسفه
فى موقف سريع كده كنت هاقوله ونسيت
وحصل معايا انا وواحده زميلتى

احنا لحد تانيه ثانوى مكناش نعرف ان الموضوع ده حرام
ولما قرأنا الفتوى وعرفناها اتفقت انا وزميلتى اننا ما نقفش لاى مدرس
وفعلا مكناش بنقف لاى مدرس وكنا بنرد السلام واحنا قاعدين
طبعا لفتنا الانتباه لينا وكانوا بقولونا اقفوا فكانت واحده مننا بتقول للمعلمه الحديث
ما كانوش مقتنعين اى نعم وكان بعضهم بيعمل معانا مشاكل بسبب كده
بس مع الوقت ومع تصميمننا بقوا يسيبونا بفضل الله اولا لاننا تركناه من اجل الله

وانا وصحبتى عملنا ورق مكتوب عليه الحديث وعلقناه على ابواب الفصول
وكتبنا الحديث على السبوره جنب التاريخ . فبقت كل مدرسه تدخل الفصل
تقرأه وهى بتكتب لحد ما الحمد لله فى بعضهم اقتنع وبقى يطلب مننا ما نقفش

بس والله عمرنا ما سمعنا كلمه تجرحنا او اتهزقنا نهائى بالعكس ده بعض المدرسات كانوا
بيتناقشوا معانا بهدوء تام

وكمان كسبنا احترام مدرسين كتير اوى اوى

صدقت يا رسول الله حين قلت ((( من ترك شيئاً لله عوضه الله خيرا منه وزياده )))





بالنسبة للجزء اللى بالاحمر
انتو يمكن تكونو عملتو الصح بس عملتوه باسلوب غلط

لأنه السائد كان الوقوف كاحترام وانتو خالفتوه يبقى قلة ادب او استحقار للمعلم
على الاقل خلال النظرة الاولى للموقف
في مدرس ممكن يناقش ويقتنع ويعدل عن الموقف

وفي مدرس ممكن يزعق وحتى لو واجهتوه بالصح هو مبيحبش بعد ما اطلق قرار حد يعدل عليه
فممكن يتخذ مسار العند لمجرد العند

في الحالة ده كان يبقى من الافضل انك انتي وصاحبتك لو روحتو للمدرسين بنفسهم وقولتهم ده
وناقشتوهم بهدوء
ممكن يكون افضل

وبعد كده تنفذو الخطوة (اللى هو الكلام اللى بالموف ده)
وده حركة جميلة جداً في توصيل المعلومة للجميع


طيب في المحاضرة عندنا لما بيخش حد كبير مش حينفع افضل قاعد :d
ولو واحد فيهم مسكني فيها مجلس تأديب :d
بس ربنا يعيني واحاول انشر الفكرة بين الزملاء وممكن نبقى نوصل للناس الكبار دول ونوصلهم الرأي :d

السلام عليكم ورحمة الله وبركاتة
اولا احب ان اوضح حاجة ليكم جميعا
صلو على النبى
ان الفتوى الصادرة من فضيلة الشيخ ابن باز ( رحمة الله) على العين والراس
لاكن الى انا عاوز اوضحة هل قيام التلميذ لاستاذة يوثر فى عقيدة الانسان ؟ او يخالف امر من اوامر الشرع؟
اعتقد لا واعمال السنة افضل من اهمالها لكن لا نحكم بحرمة من قام للاستاذ او القيائم للاستاذ الى اذا اكرة الاستاذ التلميذ فان كانت هناك حرمة فهى على الاستاذ مش على الطالب خصوصا فى عصر انهارت فية القيم بين الطالب واستاذة فبينما كنا نسمع قول الشاعر( قوم للمعلم وفية التبجيلا كاد المعلم ان يكون رسولا )
وكم سمعنا من ابائنا واجدادنا ان الطالب لم يكن يمر من الشارع اذا كان فية استاذة احتراما لة كما كان الامام مالك يمشى على ارض المدينة حافيا فلما سئل عن ذالك قال لا البس نعلا وامشى بها على ارض وطاتها اقدام المصطفى صلى الله علية وسلم وايضا الامام الشعراوى ومما لا شك فية ان نبينا محمد صلى الله علية وسلم معلم الانسانية امرنا باحترام الكبير وقالو قديما ( من علمنى حرفا صرت لة عبدا ) سمعنا الان من يقول ( قم للمعلم وقية الطلطيشا كاد المعلم ان يكون شويشا ) وايضا ( قم للمعلم ولو كنت ماشى كاد المعلم ان يكون غباشى) بالله عليكم دة كلام ؟ واعتقد ان الطالب حر فى سلوكة وان الاستاذ هو الذى يستطيع ان يفرض احترام الطلبة لة دة من وجهة نظرى والله اعلم
واسف انى طولت عليكم
جزاكم الله خيرا
وبارك الله فيكم

:039uw8:

هناك فرق شديد بين الوقوف المنهي عنه في الأحاديث الشريفة وهو الوقوف للتعظيم الذي يبعث في نفس المدرس الكبر الغرور وبين لفت الإنتباه الحاصل لدخول المعلم إلي الفصل والقيام بإدارة الفصل وبدأ الحصة حيث أن أخلاق طلابنا اليوم تختلف كثيراً عما كنا عليه وعلي الرغم من ذلك أنا أرفض أن يقف لي التلاميذ إلا حين أن أجد أن هناك من لم ينتبه لدخول مدرس للفصل أو أجد تراخي في الإنضباط

احنا بنقف ادام المدرس لأنه دليل ع الأحترام

وفعلا لو احنا مش وقفنا عشان نرد التحيه يبقى كده قلة ذوق من الطالب

بس السادة الاساتذة هنا هيزعلوا

بصفة شخصية انا اطلب من طلابى
عدم الوقوف اقتداء بما تعلمته من استاذ
اللغة العربية وكان شيخ جليل ومن علماء الازهر الشريف وكان يتسم بالاعتدال فكان استاذى يطلب منا عدم الوقف ونحن طلاب فى المرحلة الاعدادية
عام 1975 وهذ امر قديم وصحيح ومن يعلمه من المدرسين يطبقه .
اللهم علمنا ما جهلنا وذكرنا ما نسينا
جزيتم خيرا على الموضوع

انتو بتقولو اية يا جماعة
اول يوم فى الدراسة
المدرس دخل الفصل قلت اجرب كدة ومقفش اشوفة حيعمل اية؟
والله كان حيطربنى بيقولى انت مش شايفنى داخل والحمد لله انو كان عارفنى قبل كدة
وفى الاخر ضحك وهو بيكلمنى فقلت انقشة
روحت قايلة الحديث ونقشتة لقيتو راح قافش وقالى اية
هاتلى فتوة من شيخ الازهر بكدة او من مصر عموما
قلتلو يا استاذ الشرع مش مقتصر على بلد واحدة الشرع يعنى الاسلام يطبق فى جميع اراضى المسلمين
وبعدين قالى كلمتين انما اية فلة :redface::frown:
وادانى درس فى الاخلاق
وكمان انا كنت بكلمة بادلة وبكلمة بالشرع وهو الى فى دماغة مصمم علية اعمل اية انا بقا؟ روحت مريحة وخلاص
وهوتة فى الكلام ولسة حنشوف اهو مدرس فى الازهر ومدرس ثانوى كمان لاكن حنقول اية
يلى ربنا يهدى
انا حبيت بس اذكركم بالنقطة دى
فى رعاية الله

الغالي محمد مشكووور على الموضوع
وارجو ان يكون دافع للزملاء لاحياء السنة
وعن نفسي اتبع ذللك من عدة سنوات
اول حصة ادخل فيقف الطلاب بحكم العادة اتركهم لحظات حتي تنتهي الهمهمات والحركة وبعده حين يجلسون
اقول لهم بعد كده عاوز لما ادخل الاقيكم كده ساكتين وقاعدين ولا داعي للوقوف ولا الرغي
عموما ارجو الزملاء ان يفكروا بجدية ا

طبعا كلام الشيخ ده تمام 1000% لانه و بغض النظر عما قال انه في ايه قرانية بتقو ل بسم الله الرحمن الرحيم (انما يقوم الناس لرب العالمين)صدق الله العظيم.

لا اله الا الله محمد رسول الله اللهم صلى على سيدنا محمد وعلى اله وصحبة اجمعين يارب اغفرلى واغفر لابى وامى والمسلمين اجمعين يارب العالمين

لا اله الا الله محمد رسول الله

انا فى حاجة مكررة بتحصلى انا لما مدرس يدخل بيوقفنا اكتر من ربع ساعة وانا لظروف صحية مش بقدر اقف ازاى بقى بتهزء وشتيمة وانا اعيط لكن احنا بجد لازم يكون فى نقابة للتلامذة فى كل محافظة عشان الظلم دة

انا فى حاجة مكررة بتحصلى انا لما مدرس يدخل بيوقفنا اكتر من ربع ساعة وانا لظروف صحية مش بقدر اقف ازاى بقى بتهزء وشتيمة وانا اعيط لكن احنا بجد لازم يكون فى نقابة للتلامذة فى كل محافظة عشان الظلم دة


اعتقد في مبالغة شويتين ؟ اتقي الله لان هذه شهادة سوف تحاسب عليها

أعتقد أن من الأولي عدم الوقوف لتحية العلم لما فيه من تكريم وتعظيم لراية بل والإنشاد لها وعزف الموسيقي والوقوف في وضع الإنتباه

أعلم قمة العلم هذا الحديث وأصدقه ووضحته للطلاب لدي وهو صحيح
فمن يحترم معلمه يحترمه في أي وضع لحبه له ومن يحتقر معلمه لا يقدره حتي ولو وقف له
ومن نيتي ونية الطلاب أن وقوفهم لسبب واحد
تهيئة الطالب نفسيا وعقليا وشد تركيزه للحصة الجديدة والمادة المختلفة
والدليل أني لا يقف لي إلا الفصل الذي أقوم بالتدريس فيه وأمر الجميع ألا يقفوا
وبذلك لا نخالف سنة النبي (ص) ولا يعتقد البعض أن هذا تأويل

تهيئة الطالب نفسيا وعقليا وشد تركيزه للحصة الجديدة والمادة المختلفة


احسنت القول

بسبعض المدرسين بيعتبرواها اهانة

:blush:واصبحت دي عادة عندنا لما المدرس يدخل

قف للمعلم وفه التبجيلا