دلوقتى كلكم عارفين انا مين ومشرف للغرفه 2 دلوقتى بحاول ادخل بيدخل طالب مش مشرف اعمل انا ايه

والله انا ما ناقص انا انسان ارحمونى اما يتشال الاشراف هوه كمان يبقى موت عم ابويا وابويا الضغط يزيد عليه ويكون 220 على 120 ويجيله نزيف بس الحمد لله خارجى اجى ادخل وانا مستريح لان الى فات داه كله كان امبارح وبقول ادخل واشوف صحابى الاقى الاشراف اتشال طيب ضربتين فى الراس توجع كده 3 حرام وارحمونى انا خلاص اروح انتحر احسن ما انا بقيت مش ناقص حاجه المشاكل نازله على دماغى زى الرز

انا خلاص وصلت لمرحله ممكن اموت نفسى خلاص ارجوا منكم وقف عضويتى كمان خلاص

يا جماعة شوفوا ايه الحكاية
وبص يا مدرس الغد
فيه حاجة
الكراسي مش دايمة
انا كنت مشرف الركن الرياضي وقصرت ومبقتش بدخل واتشلت عادي جدا وعينو مشرف بدالي ورحت مهنيه
الكراسي لا تدوم

بس داه مفيش حد قالفى انى اتشلت من الاشراف وليه السبب داه الى انا عاوزوه

انا عمرى ما قصرت فى اى حاجه فى الغرفه هات حاجه واحده بس وانا موافق لرفعى

عادي ياحمد الايام دي هما معذورين الامتحانات شاغلة جميع المشرفين غير انهم بيحضروا للنتائج
وحصص الثانوية العامة يعني عادي

انت تعتبر من اهم المشرفين لانك ماسك اشراف الغرفة الصوتية اللي بيدخلها اغلب المشتركين فتقصيرك في يوم قديكون مصيبة في هذه الايام لانها ايام امتحانات وانت المسئول عن الضبط والربط جوه الغرفة

عارف لو قصرت فى حاجه حد يقولى انا قصرت فى ايه داه انا بدخل والحمد لله مع انى طالب ثانوى وكمان بحل مشاكل الطلبه الى بتحصل وكمان لو ولد كلم بنت والبنت ديه قالتلى اتفرج انا بعمل ايه انا حليت 3 مشاكل ولاد مع بنات والحمد لله محدش كلم بنت تانى بطريقه وحشه او كده لانى اما بتدخل مش بخلى اى طرف يكلم التانى لان داه ممنوع يعنى انا بعمل الصح للمنتدى اتوقف ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا عاوز تعيين المشرف بلانتخاب احسن وهتشوف هيكون ليه كام صوت داه انا 90 % من المنتدى عملت لهم حاجه وكمان صحاب من الكبير للصغير ليه بس كده الاشراف اتوقف عيب اوى اوى عيب كده

طالما مفيش تقصير نرجو التوضيح من الادارة الرجل لم يخطئ
ارجو انكم توضحوا الامور ليه اتشال؟؟؟؟؟

شكلها ولا مشرف عنده رد يحطه يغلطنى بيه او يطلعنى انا الخطاء والمنتدى صح انا مستنى ردود المشرفين الاداريين والمديرين

هي حكاية الانتخابات حلوة جدا
ولو تمت مش عيكون فيه مشاكل
لان الاعضاء هما اللي عيختارة
احييك علي الفكرة

انا عنتظر معك اخي لاني احيانا بدخل الغرفة ويهمني امر الغرفة الصوتية انها تفضل كويسة
متابع

احنا مشوفناش حاجه وحشه منك خالص يا مدرس الغد وعمرك ما قصرت فى حاجه
اصبر شويه لحد لما الادارين يدخلو
ان الله مع الصابرين

الصبر مفتاح الفرج
وانشاء الله خير

وانا والله بس كده الغرفه هتبقى مفيش حد ماسكها غير المدرسين وكده المدرس بيدخل فى حصته وبس اما ادخل بدخل كتير وبتابع وبحل مشاكلها لو حد عنده اى مشكله بيكلمنى وانا بحلها فى المنتدى او خارج المنتدى كمان يعنى انا شغال مشرف وحلال مشاكل للطلبه والمشرفين كمان الى بيدخلوا ومش عارفين ازاى يشتغل بالبورد يعنى انا بعمل كتير للغرفه ليه بقا اتوقف

صبر مين يا عم داه انا باعت رساله لاكتر من ادارى بقالها يجى 30 دقيقه ومحدش رد اصبر اكتر من كده ماشى انا مستنى اهوه يا اخد الاشراف تانى يا اتوقف لانى من غير مشرف مش هدخل

والله ي أحمد احنا معاك ومنتظرين حد يخش يعلق على الموضوع لان دى مش أول مرة تحصل حكاية زى دى فى المنتدى


نرجوووووووووو التوضيح ؟

والله ياحمد انا مش بدخل كتير بس يبدو ان الناس بتحبك
وبلاش حوار الاشراف لو مختدوش تمشي
الموقع مش بيتلوي دراعه
انت تاخد حقك بهدوء وبدون عصبية او تهديد
وانت موقفك كويس الناس بتحبك وده الاهم

شكرا جدا لكل الى هيقف جنبى بجد اخواه بصراحه محدش فيكم بيسيب اخوه فى زنقه ومش بيساعدوه شكرا عبدوا ومحمد

بص ياحمد لوعايز حقك
ابعت للمجاهد في سبيل الله
او برومثوس احمد رضا
وهما عيدخلو لانهم مش بتاخروا خاصة انهم موجودن حاليا

اقصد ان كلنا اخوه ومحدش بيسيب اخوه فى زنقه ويقف جنبه اسف لان كلامى مش هيكون مفهوم اوى بس لانى متلخبط بسبب الموضوع داه وكمان اخى the champion الحمد لله نعمه حب الناس ديه ليه لانها ربنا بيحبى وبكده بيحبب خلقه فيه

السلام عليكم ورحمه الله
انا فعلا كنت بدخل الغرفه الصوتيه على طول وخلال الفتره اللى احمد مسك فيها الاشراف على الغرفه فعلا حصل اشياء كتير جدا
اولا : وضع اسئله للطلبه للحل بدل ما يدخلوا يكلموا بعض على اعتبار انه شات مضمون على الاقل مفيش حد هيدخل غريب معروفين 3 ثانوى كان احمد يضع الاسئله وكان بيشغل الطلبه فى الحل بتاعها بدل الدردشه
ثانيا:حل اى مشكله موجوده بالغرفه ازا لم يتم تواجد المدرس وكان فى مشاكل كتير بين الا ولاد والبنات وكان احمد بيتدخل وكان الحمد لله بتتحل
ثالثا:حكايه الايقاف دى بقيت كتيره اووى فى المنتدى وحتى لو مفيش سبب وادى احمد قدامنا اهوه حد يقولنا هو عمل ايه علشان يحصل كل ده وانا عارف اكيد انا كمان هتوقف على الكلام بتاعى ده اكيد بس مش مشكله علشان الساكت عن الحق .........................
وياريت اى مشرف او اى مراقب يدلنا بكلمه او اى سبب نعرف احمد اتوقف ليه بس بجد كلمه لله سوف احاسب عليها امام الله احمد كان فى الغرفه بيعامل صديقه زى العضو فى القوانين ودى مجربها بنفسى

فياريت اى مشرف يدينا فكره وياريت المشرف على الغرف علشان هو اكتر واحد هيبقى عارف ايه الحكايه

يا احمد اصبر ومش انت لواحدك اللى اتعمل فيه كدا فى ناس اتعمل فيهم وكانوا بيقدموا خدمات كبيره للمنتدى
ومش تخاف بعد كلامى ده هحصلك هتوقف من المنتدى
اخوك احمد الفضالى

الواضح ان احمد مظلوم ده بيحاول يفيد الطلاب يعني غير الدور الرقابي بيفيد
نرجو التوضيح
ونرجو منك يا احمد ابعت رسالة لاستاذ عصام
هو جوه المنتدي دلوقتي؟؟؟؟؟؟

شكرا يا احمد يا فضالى كلامك سليم لانى وقفتك كتابى قبل كده لسبب مع انى مش فاكره وكمان كلامك كله سليم والله العظيم كلام احاسب به ومش عاوز اقول اسماء الناس بحل مشاكل لناس بتدخل هنا وليس لها شان بالغرفه خالص لانى مش بحب اشوف حد زعلان ولا حد عنده مشكله وفى الاخر الاشراف يتاخد منى يا حول الله

اقسم بالله بعت له رساله مش هوه الادمين بردوه لا ايه اصل هوه مش فاتح صوت الحق وانا عارف انه المدير للمنتدى وكمان مستر عصام عارف انى بحب المنتدى قد ايه وكمان بحب اساعد الكل والحمد لله كل اما يدخل الغرفه يلاقيها تمام بس مشكلتها الدخول بتهنج ساعات وبتفصل وبتطرد الكل

الحمد لله ياحمد
زي ماقلتلك المجاهد او احمد

والله اكتر من مره احط مسائل انجليش والكل يشارك فى حلها يعنى مش مشرف وبس يعنى كانى مدرس للغرفه بس احتياطى وكمان اما مدرس مش بيدخل او يتأخر بخليها نقاش فى اى ماده علميه فى المنهج ونتناقش فيها زى اما بنعرض سؤال ونحله سوا يعنى بس داه لوجه الله لانى الطلبه دول اخواتى واكتر من الاخوات كمان والكل عارف كده وانا مستنى دخول مشرف يقولى ليه الوقف

اخ مشرف ادارى دخل بص وخرج من الموضوع ولم يضع حتى رد يقول هشوف الموضوع يعنى اعتبر داه تقصير منه مع ان بعض الاعضاء قالولى اكلمه وهوه هيحل المشكله يا حول الله حتى الموضوع المشرفين بيدخلوا ويخرجوا شايفين اداره المنتدى

انت مزعل نفسك ليه كده يا أحمد
اشراف ايه ده ياعم الله يزعلك بالشكل ده
نفض ياعم ومتشغلش نفسك
وركز فى المذاكرة
وصدقنى كده احسن
عيش حياتك فى المنتدى بعيدا عن المشاكل ووجع الدماغ اللى مبيخلصش وصدقنى مستقبلك ومذاكرتك اهم مليون مرة

يارب نلاقي حل

مين قال ان الاشراف عاملى وجع دماغ داه انا عاوز اكون مشرف ثابت لو المنتدى حب

والله انا اول ما دخلت الغرف
وعرفت مدرس الغد
مش سمعت غير كل خير عنه
وعرفت انه محبوب من كل اصحابه
والى فى الغرفة كلهم اخواته
فا ياريت حد من الاداريين يدخل يقولنا هو عمل ايه
دة انسان محترم جداااااااا بشهادة كل الى يعرفه
مستنين راى الادارة

ايه بقيت الناس فين ؟؟؟؟؟؟؟؟؟؟؟؟؟ عاوز ردود

شكرا كوكى ربنا يبارك فيكى

ما قصرت رحم الله والديك دعاء بحرينى d:

بص

ان شاء الله خلاص السنة خلصت وكل شىء هيتظبط فى الاجازة وهيتم انشاء نادى صيفى فى الغرفة

ومسابقات وجوائز وسيتم ترشيح مشرفين ساختارهم وسنكون مع الثانوية فى القمة وعموما هبلغ الادارة وارجعك اطمن

لو الموضوع انتخابات كلنا عاوزين مدرس الغد لانه بجد بيحل مشاكل كتييير جداااااااااااا وعمره ما عمل حاجه غلط وبجد هو حد كويس جدااااااااااااااااااا

واتمنى انه يرجع مشرف تانى

شكرا حبيبى والله واحشنى

شكرا سراب لردك الجميل داه وشكرا لكل اصدقائى الى حطوا رد

صراحة انا معرفش مدرس الغد

بس من كلامكوا عليه واضح ان هو انسان

كويس ومحترم وياريت فعلا ترجعوه الاشراف تانى

وهذا ما اتمناه وما يتمناه الجميع

شكــــــــــــــــــــــــــــــــــــــــــــــــ ــــــــــــــــــــــــــــــــــــــــرا:022yb4:

أضم صوتى لصوت مدرس الغد
وجوده معى فى الغرفة الصوتية له فوائد كثيرة وعديدة . وقد سبق وأستعنت به ولم يتأخر فى أى طلب
ولذلك أتوجه بحديثى إلى الاستاذ عصام مدير المنتدى بأن يجعل ( مدرس الغد ) مشرف دائم حسب رغبته ورغبتى كمدرس للحصص الصوتية .
وكلنا نعمل لصالح المنتدى ولصالح أبناءنا . جزاك الله خيراً يامدرس الغد .

ايوه فعلا يا ريت يرجع تاني مشرف للغرفة لان الغرفة لما بيكون مش فيها مشرفين غالبا بتقلب شات و انا الحمد لله مش شوفت لغاية دلوقتي انه عمل حاجة وحشة بالعكس يعني ده انا حتى كنت شايفة انه ممكن يعطله على المذاكرة لانه دايما بيكون موجود في الغرفة

الصراحة

كلام يرضي ربنا

أحمد أفضل مشرف اتعين في الغرفة

طول فترة إشرافة كان مشغل الغرفة كفصل

و عمره ما عمل حاجة وحشة أو زعل مدرس حتى أو طالب

ده غير انه روحه خفيفة و بيعرف يدير الغرفة باتقان

الصراحة أنا أعتقد ان طرده من الإشراف ربما كان خطأ غير مقصود

أرجو في النهاية من بابا عصام أو أي حد من الإداريين

انه يشوف الموضوع بأسرع ما يمكن

لان الغرفة من غير مشرف مش تنفع

لسبب بسيط

هو ان المدرس بيخش بيلاقي الفصل (الي هو الغرفة يعني) مترتب و كل الطلاب في اماكنها

في النهاية احب اوجه تحياتي الى كل الاداريين الذين يسهرون من أجل فائدتنا

شكراً لكم و السلام ختام

أولا عذرا على التقصير لاننى امر بظروف صحية صعبة جدا هذه الايام ومازلت مريض حتى الان
ثانيا تم سحب اللوجة من الجميع ولا توجد الا معى فقط الان
ثالثا سوف تعود الى الاشراف غدا باذن الله
بالتوفيق للجميع
وأنتظرو صوت الحق بعد الشفاء باذن الله من غدا على قدر استطاعتى حتى يوم الاحد باذن الله

ايه يا بنى انت عامل قلق ليه ؟
وافرض الاشراف انسحب منك تعمل قلق كده ؟
وجايب معاك عصابتك وبتهدد كمان ؟
جبته لنفسك انتظرنى قريبا لانى هعمل حفلة عليك ان شاء الله فى الغرفة
والله يا احمد على الموضوع اللى انت عملته ده ..... هتشوف وكله بالاصول
هههههههههههه و يا انا يا انت فى الاشراف ههههههههه عيش حياتك بقى

داه انا بعتذر للاستاذ عصام لانى كلامى مش حلو وكمان ممكن يكون خارج ربنا يخليك لينا يا رب وتكون بصحه وعافيه

ثانيا : ماشى يا مستر بدوى انا تحت امرك وفى الخدمه بهدل زى ما انت عاوز

ثالثا : اقدم شكر لكل الى حطوا رد هنا وطلبوا اعداه الاشراف تانى وبالخصوص العصابعه بتعاعتى ههههههههه على رأى مستر بدوى

وشكر خاص جدا لمستر على مدرس الرياضيات وانا فى الخدمه وتحت امرك فى اى وقت يا باشا داه انا ابنك الصغير

والسلام عليكم

ايه يا بنى انت عامل قلق ليه ؟ لا قلق ولا حاجه داه انا غلبان هههههه

وافرض الاشراف انسحب منك تعمل قلق كده ؟ مش قلق والله

وجايب معاك عصابتك وبتهدد كمان ؟ اولا انا مش بهدد وكمان انت عارف

جبته لنفسك انتظرنى قريبا لانى هعمل حفلة عليك ان شاء الله فى الغرفة اها شكلى هتضرب وهتبهدل ههههه

والله يا احمد على الموضوع اللى انت عملته ده ..... هتشوف وكله بالاصول عارفها والله ديه حاجه معروفه اوى

هههههههههههه و يا انا يا انت فى الاشراف ههههههههه عيش حياتك بقى


ديه بقا عاوزه وقفه اخر حته ديه ازاى انا او انت يا مستر ديه معروفه ازاى اكون انا انت طبعا انت حبيب الكل ولا ايه كلامك وعلى العموم مستنى حصتك فى اى وقت اوكى وشكرا اوى لردك بس بلاش ديه انت اخويا الكبير :d:d:022yb4:

الله عليك يا احمد
وقعت ومحدش سمى عليك
مستر بدوووووووى بنفسه دخل رد
دة انت مشهور على كدة
هههههههههههههههههههه
ربنا يرحمك والله كنت طيب
بس علشان خاطرى ابقوا اعزمونى على الحفلة الى هتتعمل عليك

قولى الحصة امتى وانا اجى احضرها علطول

حصه الانجليش يوم الاحد الساعه 12 او ادخلى يوم الجمعه فى حصه المستوى ولا اقولك انا هدخل الاحد 10.30 عندكم فى الغرفه وهيزقنى هناك احسن

لقد تم اعاده الاشراف والحمد لله والبركه فى مستر عصام شكرا يا مستر

هههههههههههههه
طب خلاص مستنياك يوم الاحد الساعة 10.30
اهوا تتهزق قدمنا احنا ارحم بردة
ههههههههههههههههه
الله يعينك يارب
بس ادعى ان مستر بدوى يدخل بس
ويعمل الى هو عايزه فيك
وبعدين هتدخل مشرف عندنا بردة ولا ايه نظامك؟؟؟

لا بقيت طالب تانى ههههههههه اصل كان حصل غلط وتم تصحيحه كنت مشرف عندكم ليوم هههههههههه كان يوم black ربنا يكون فى عونك

هههههههههههههه
علشان تعرف انا بتعب قد ايه
ادعيلى انى اقدر على المسؤلية دى
دةابقى رئيسة جمهورية كوالالمبور اسهل
هههههههههههههههه
بس ايه رايك انفع مشرفة ولا؟؟؟؟

كده الحمد لله الموضوع خلص وتم حل المشكلة ورجوعه إالى اشرف الغرفة الثانية
بالتوفيق لجميع الطلبة