الفرصة جت ... أدخل وقول رأيك [الأرشيف] - بوابة الثانوية العامة المصرية

Observer

20-05-2009, 03:25 PM

طول الوقت بننقد التعليم فى مصر ، وبنقول إنه نظام فاشل
ومتخلف و ... و ... و ... ومفكرناش فى مرة نعمل حاجة
أو خطوة نطور بها التعليم وتتحسب لينا كمان ، عشان كدة كل واحد يقول رأيه فى التعليم بصراحة وموضوعية شديدة يعنى بدون أى تحيز ويقول مشكلة واحدة بس ويقترح ليها حل منطقى ....ياترى هنكون قد المسئولية ؟!
اتفضلوا معانا ...

angel-girl

20-05-2009, 05:26 PM

انا مش هتكلم غير عن حاجة واحدة بس

فين راح ضمير المدرس جوا فصله

طبعا الكلام مش عن الكل

بس دلوقتى بقى اغلبية المدرسين مش بيتعملوا كويس غير مع اللى بياخد معاهم درس

او بيخش الفصل ومش يشرح عشان الطلبه تاخد معاهم

انا كل اللى نفسى فيه انا المدرس وهو داخل الفصل يحس ان دول ولاده او حتى يحط نفسه مكانا

ارجو انى اكون مش زعلت حد منى

عاشقة الموج

20-05-2009, 06:59 PM

أضم صوتى لصوتكم نعم
و و و لكن نحاول أن نأخذ خطوة إيجابية حتى لو لم يسمع لنا أحد يكونلنا فضل السبق ف التفكير لمستقبل أولادنا و من يأتى بعدهم و أعطونا
لنرى الحلول و نختار الأحسن و يتم مناقشتها و لتكن كل يوم فكرة شكل و نتناقش الأمر بيننا
و اللهم يولى من يصلح
و لا يصم الآذان عن عدم
السمع لأننا مسئولون أمام الله عن ذلك .....
رأيت اعوجاج !!!
و لم تصلحه ؟؟؟؟؟؟ماذا فعلنا بالتعليم ؟؟؟؟؟ساعدنا الآخرين على هدمه و ذلك من علامات الساعة ............

هنا الفقي

21-05-2009, 02:09 AM

ياسلاااااااااااااااااااااااااااام
عز الطلب
والله انا ان شاء الله يعني ليا رغي كتير هناهو
بس انا لاني فقط عاوزة انام بطريقة بشعة جدا
اول ما اقوم ان شاء الله هاجي ارد
يعني بسجل عندكو بس وراجعة
يللا اصبح على خير
وانا من اهله

عاشقة الموج

24-05-2009, 10:21 AM

BaNZeR

24-05-2009, 11:13 AM

احنا عندنا مشاكل بسيطة جداً وحلها أيضاً في غاية البساطة

عشان المدرسين يشرحوا بضمير لازم الدولة تراعي مكانتهم مادياً وعلمياً في المجتمع

وعشان الطلبة تحترم المدرسين لازم نحسسهم بقيمة المدرس والمدرسة

وعشان الطالب يحس بقيمة المدرسة يبقى مش لازم يعتمد عالدروس الخصوصية

وعشان منعتمدش عالدروس الخصوصية يبقى اولياء الأمور ميسرفوش في الدروس مرحلة الابتدائي والاعدادي

كفاية مادة مثلاً او اتنين بالكتير في حالة عدم تفرغ الاب والام للمذاكرة مع ابنائهم

وعشان الطالب يقبل عالتعليم ولا ينفر منه لازم نزين المادة بطريقة مشوقة تجذب الطالب لها

وعشان الطالب يكون ناجح لازم نقلل من تكدس المناهج ونخلي المدرسين يشرحوا كمية بسيطة بضمير
بحيث الطالب يستفيد بيها فعلاً

تفتكروا اللى انا قلته ده جديد ؟؟؟

كل الناس بتتكلم وتقول رأيها من 20 سنة فاتوا
وبالعكس التعليم بينزل للأسوأ

حل الموضوع ده كله في حاجة واحدة بس
تغيير طاقم وزارة التربية والتعليم

بحيث تزويد مرتبات المدرسين لا يعقبه امتحانات وارقام جلوس
وإجبار طلبة الثانوية على عدم أخذ دروس خصوصية بجعل الثانوية (سنتين)
وتطوير التعليم الذي يقتصر على ألوان الجلدة الخارجية للكتاب
ويوم ما غيروا مناهج اعدادي المدرسين مش قادرين يخلصوا المنهج المطلوب في ضعف كمية الوقت حتى

الكلام كتير وملهوش لازمة
حنقول رأينا وبعدين
مش احنا المتحكمين فيها ومش احنا اللى حيسمعوا رأينا

Observer

24-05-2009, 11:56 AM

ايه الجمال دة

كل تعليق أحلى من التانى

والله يا جماعة آراء روعة

بس فين التطبيق ؟

Not Allowed

24-05-2009, 12:10 PM

طب لزمتة اية لما نقعد نقول اراء من غير تطبيق ؟

نتعب دماغنا وبس ؟؟؟؟

مهما تقول ومهما تعمل الواحد عندة كلام يااااااااامة بس الواحد زهق لأن الكلام ملوش فايدة

*NODY*

28-05-2009, 02:31 AM

لو هقول انتقاد:المناهج اللى بنقعد ندرسها مش بتفيدنا ومواضيعها قديمة ومملة
يعنى المنهج اللى بندرسه كان بيدرسه والدينا من40ولا50 سنة
حتى المناهج اللى بندرسها مش بتفيدنا فى ميادين العمل لما بنكبر
لو هقول حل:عاوزين مناهج تكون مرتبطة بواقع وبنعيشه وتكون طريقة عرض الدروس
جديدة مش روتينية مملة

Observer

28-05-2009, 10:18 AM

رأى جميل من نودى

ألا وهو تجديد المناهج التى عفا عليها الزمن

انتو عارفين فى بعض مقررات الأزهر بتدرس زى ماهى

من سنة 1965 بدون أى تغيير سوى فى الطبعات !!!

وبعدين يقولك تطوير التعليم !

طب إزاى وانت المناهج بتاعتك غير قابلة أصلاً للتطوير !

شكراً نودى

قلبتى علينا المواجع ..

Observer

28-06-2009, 04:04 PM

طب لزمتة اية لما نقعد نقول اراء من غير تطبيق ؟

نتعب دماغنا وبس ؟؟؟؟

مهما تقول ومهما تعمل الواحد عندة كلام يااااااااامة بس الواحد زهق لأن الكلام ملوش فايدة

ادينا بنتكلم يا أستاذ مدكور

يمكن ربنا يلهم حد فكرة عبقرية مثلاً

وتكون قابلة للتنفيذ !!

onlygrob

29-06-2009, 09:53 PM

يعنى هي جت على التعليم دحنا معندناش حاجة واحدة عدلة نقول عليها إنها تمام ومفيهاش أي مشاكل
أنا رأي إن نظام البرتفوليو الجديد إلا مطبق في المدارس دة هيشجع المدرسين الاستغلاليان إنهم يتحكموا بمصير الطلبة ، يعنى مش أي حاجة تنجح برة تبقي لازم تنفع عندنا يعني النظام دة مش عشان نجح في الصين خلاص نجري نطبقة من غير تفكير لازم تبحث الظروف والأجواء إلا إحنا فيها إذا كانت هتتناسب مع هذا النظام والا لا ومش معنا كدة إني رفضاه هو زي كل حاجة له عيوبة ومميزاته وجزاكم الله خيراً

eng.sabry elbrins

29-06-2009, 11:47 PM

:av4056bb7jp3:موضوع جميل وننتظر المزيد.:av4056bb7jp3:

khas123

30-06-2009, 12:19 AM

المناهج طويلة جدا وملهاش فايدة بالذات في اولى ثانوي وده بيهدم الطالب
والحل اننا ننتحر
بس انا محتار انط من على انهي كوبري قبل الثانوية

mostafa kernawy

01-07-2009, 10:59 PM

احسن حاجة

انهم يرجعونا ورق اجابة الامتحانات بتاعتنا بعد التصحيح

هما بيعملوا بيها ايه ؟؟

دي هتبي حاجة كويسة

وانهم يعملوا انتخاب

كل فصل يختار

مدرسين مواده

كده ميه ميه

شهدالجنة

02-07-2009, 05:06 PM

موضوع حلو اوى ياكومادو معلش برد متأخر

لانى كان عندى ظروف بس انا من رايى المشكلة فى

الاتني الطالب والمدرس الطالب مش بقى زى زمان

اللى بيزاكر وبيسمع الكلام وبيشجع الاستاذ على مجهودة عشا يزيد

ى جهده الاستاز بجد بس ياترى الاستاز بيشرح بضمير

بيحب مجاله فعلا بجد ولابيشتغل عشان يجيب قرش وخلاص

لازم نعمل وقفه للطلبة ونصلح فيهم الجزئية دى والمدرس كمان

شكرا ليك ياكوماندو

yomna1993

02-07-2009, 08:33 PM

GAMALEWEES

02-07-2009, 08:48 PM

يا جماعة التعليم فى مصر افشل و اصعب تعليم فى العالم التعليم هنا ميعتبرش تعليم دة يعتبر جهل احنا مش بنستفاد حاجة من المناهج و الكتب الدراسية لان كل همنا نحفظ و نكب فى الامتحانات الاحنا حفظناة و دى فعلا تعتبر سلبية مننا احنا بس فعلا التعليم محتاج تعديل جامد اوى على الاقل يحبب الطلبة فى المدارس و التعليم بصفة عامة شكرا لحضرتك على الموضوع الهايل البيمس كل الشباب و الطلبة

سيف عبد العظيم

03-07-2009, 10:58 PM

السلام عليكم

التعليم كوي واللى اجمل منه الدروس الخصوصيه
يا صحبى اذ كان مش لقيين لحل للدروس الخصوصيه يبقى هنلاقى حل للتعليم
تقبل
مرورى

Observer

04-07-2009, 02:43 PM

بارك الله فيك

الله يبارك فيك

Observer

04-07-2009, 02:45 PM

Observer

04-07-2009, 02:46 PM

:av4056bb7jp3:موضوع جميل وننتظر المزيد.:av4056bb7jp3:

إنت اللى أجمل يا برنس

Observer

04-07-2009, 02:49 PM

المناهج طويلة جدا وملهاش فايدة بالذات في اولى ثانوي وده بيهدم الطالب
والحل اننا ننتحر
بس انا محتار انط من على انهي كوبري قبل الثانوية

هو فى حد بينط قبل الثانوية يا راجل ؟!

النط بيكون بعد الثانوية لما النتيجة تظهر والفاس تقع فى الراس

خليك ناصح :p

Observer

04-07-2009, 02:52 PM

وانهم يعملوا انتخاب

كل فصل يختار

مدرسين مواده

كده ميه ميه

بس كدة فى مدرسين هتشتغل 24 ساعة متواصل

ومدرسين تانيين مش هتدخل ولا حصة واحدة طول اليوم !!

Observer

04-07-2009, 02:55 PM

Observer

04-07-2009, 02:59 PM

النقد: ان التعليم في مصر بيخلي الطالب يكره المذاكرة
و يتعب منها ..و ان المناهج الدراسية تعتبر لحد دلوقتي روتين بس يعني مش بتفيد الافاده الي تخلينا يطلع مننا العباقرة خالص

الحل لو اتنفذ;): التعليم يكون بالحب في اننا ناخد المعلومة مش مجرد ناخد الي حفظناه و نرميه ف الامتحان عشان نجاح او مجموع يكون تعليم بجد ..

و مرسي ع الموضوع المهم جدااا

كلامك جميل يا يمنى

وفعلاً الطالب محتاج إنه يحب المادة قبل ما يفهمها

ودى مهمة المعلم والطالب كمان

والوزارة فى إنها تحدث المناهج وتطورها وتخليها لذيذة

أدينا بنحلم ونتكلم

وعلى رأى المثل :

آى كانت فلاى

بت آى كان دريم !!

شكراً على المرور ..

Observer

04-07-2009, 03:00 PM

Observer

04-07-2009, 03:02 PM

السلام عليكم

التعليم كوي واللى اجمل منه الدروس الخصوصيه
يا صحبى اذ كان مش لقيين لحل للدروس الخصوصيه يبقى هنلاقى حل للتعليم
تقبل
مرورى

على رأيك :slap1qk6:

guest87

04-07-2009, 04:55 PM

Observer

04-07-2009, 06:11 PM

في حشو في المناهج
مثلا منهج الرياضة
plan geometry
فضلنا ندرسها 5 سنين و مش احتجنا منهم غير حاجات قليلة اوي

المفروض نتخطب الكلام ده سريعا
الهندسة مبنية على التفاضل و التكامل دزل اللى لازم نتهم بيهم
كمان لازم في العلومم نتخطي الحاجات اللى مش مهمة و نكبر عقول الطلاب

فى أوروبا والدول المتقدمة قبل ما يقرروا أى منهج دراسى على الطلاب

بيعملوا حاجة إسمها المشاركة المجتمعية

بمعنى إنهم بياخدوا آراء المعنيين فى المجتمع فى محتوى المنهج قبل إقراره

ودى مرحلة مهمة جداً أثناء وضع المنهج تسمى بالتخطيط أو تخطيط المنهج

بعد كدة بيمر بالمراحل التالية اللى هيا التصميم والإختبار التمهيدى ثم إعادة بناء المنهج

بعد تلافى الأخطاء السابقة ثم التجريب على نطاق أوسع وتسجيل الملاحظات إلى أن نصل

إلى آخر مرحلة وهى مرحلة التعميم ...

تفتكر الكلام دة بيحصل أو بيطبق فى مصر :(:(

JASSY

04-07-2009, 08:38 PM

انا رايي برده مش هيختلف كتير اهم حاجتين:

المدرس ياخد حقه ماديا كويس عشان ميطلعش همه في الطلبة.....

والمناهج اللي بقت غريبة ومالهاش لازمة ... وتحس ان مالهاش علاقة بالواقع ...

يعني تريح المدرس ماديا والطالب نفسيا.....سهلة اوي مش كده!!!!

شكراااا جداااااااااا على موضوعك..... تقبل مروري

محمد على ابوزياد

04-07-2009, 09:43 PM

Khaled Soliman

04-07-2009, 10:01 PM

السلام عليكم ورحمة الله
الادارة (بجميع مستوياتها من الوزارة الى المدرسة)
نظام التعليم (المناهج)
المعلم (ودة مربط الفرس)
الطالب (ربنا يتولاه فى المنهج - وربنا يتولانا منه ؟؟؟؟؟؟؟؟؟؟)
أيه الجمال والحلاوة دي بجد كبير كبير كبير
الطالب (ربنا يتولاه فى المنهج - وربنا يتولانا منه ؟؟؟؟؟؟؟؟؟؟
الطالب (ربنا يتولاه فى المنهج - وربنا يتولانا منه ؟؟؟؟؟؟؟؟؟؟
خير الكلام ما قل ودل

MOHAMEDSHOMAN

05-07-2009, 12:13 AM

جميع حلول الأعضاء رائعه لذا:friendsxs3: ليس عندى الجديد

Observer

05-07-2009, 08:46 PM

Observer

05-07-2009, 08:49 PM

السلام عليكم ورحمة الله
الادارة (بجميع مستوياتها من الوزارة الى المدرسة)
نظام التعليم (المناهج)
المعلم (ودة مربط الفرس)
الطالب (ربنا يتولاه فى المنهج - وربنا يتولانا منه ؟؟؟؟؟؟؟؟؟؟)

بسم الله ماشاء الله عليك يا أستاذ محمد

دة كدة مفيش حاجة نافعة خالص فى التعليم :d

بس بصراحة عندك حق لأن ساعات فى مشاكل الحل الوحيد فيها هى طريقة

إنسف .. تخلص من حمامك القديم !!! :stickjo4:

Observer

05-07-2009, 08:51 PM

أيه الجمال والحلاوة دي بجد كبير كبير كبير
الطالب (ربنا يتولاه فى المنهج - وربنا يتولانا منه ؟؟؟؟؟؟؟؟؟؟
الطالب (ربنا يتولاه فى المنهج - وربنا يتولانا منه ؟؟؟؟؟؟؟؟؟؟
خير الكلام ما قل ودل

أنا قلت زماااااان

إن الأستاذ محمد بيحب يجيب من الآخر :078111rg3: