مشاهدة النسخة كاملة : ممكن نتفق على حاجه لمصلحتنا كلنا
mo0ny 21-05-2009, 07:04 PM السلام عليكم ورحمه الله وبركاته
ياجماعه انا شايفه ان المنتدى تحفه واسئلتكم حلوه اوى وروحكم حلو ه
بس مفتقدين التنظيم خصوصا موضوع مراجعه جماعيه احنا ممكن نتفق اتفاق
اننا نراجع الاول عدد معين من الفصول مثلا زى 1 و2 و3 ونحط فى الموضوع ده كل الاسئله اللى عليه
بحيث يبقى موضوع شامل لكل اسئله 1 و 2و3 ويكون منظم اكتر وكده الكل هيرتاح فى البحث ونعمل زيه
4 و5 ونحط فيه برضه اسئله الرابع والخامس بحيث اللى عايز مسائل فصل معين ميدوخش بين الصفحات على
مسأله لكن يلاقيها فى موضوع محدد
ويارب مكونش ضيفه تقيله عليكم
لان بصراحه كلكم بلا استثناء دمكم زى العسل ربنا يوفقكم يارب وكل واحد يدخل اللى نفسه فيه
فى حفظ الرحمن
Its My Life 21-05-2009, 07:32 PM اولا اهلا بيكي في المنتدي وطبعا منوره قسم الفيزياء
ثانيا بما انك عضوه جديده فانت مش عارفه حاجه عن اعضاء المنتدي
فاحب اعرفك بيهم وانا طبعا واحده منهم
على اد مهما ممتازين جدا ما شاء الله ومتعاونين جدا
وكل واحد فيهم بيخاف على مصلحه التاني
الا انهم مفتقدين عنصر النظام
انا مقدرش اعدلك المرات الي اتفقنا فيها على ابواب معينه تتذاكر ونراجعها مع بعض وكده
ومفيش ولا مره الموضوع ده مشي تمام
فمش معقول هنعلمهم النظام على اخر السنه
فسيبي الموضوع ماشي كده
وانت لو عايزه تراجعي مثلا اي ابواب في المنهج
هتدخلى على اي موضوع تكتبي اسئلتك الي انت مش عارفاها
وان شاء الله هتتجاوبلك
وكمان هتلاقي اسئله شامله على المنهج
اهم حاجه تنسي موضوع التنظيم ده خالص
لان احنا اعضاء اعداء النظام
صفه مميزه جدا صح
واخيرا اقولك تاني ان انتي منوره المنتدى بس شيلي موضوع النظام ده من دماغك خالص علشان متتعبيش:028ja7:
mo0ny 21-05-2009, 08:01 PM ^^ هههههه تعرفى انى انا كمان كده يعنى اقعد انظم مذاكره وفى الاخر اذاكر ماده واحده وفى الاخر بيجيلى احباط بس صدقينى لو شجعنا بعض هينفع لان كده هتقدرى تلمى الفصل 1 و2 و3 فى موضوع ولو مساله مش فهماها هتلاقيها هنا تعرفى لو انتى وافقتى على اقتراحى وانضميتى وحد كمان انضم وهكذا لما نشوف ايجابيات الموضوع ده الكل هينضم صدقينى وبعدين مش هنخسر حاجه لما نحاول
ها ياجميل ايه رأيك بقى تعالى حاولى معايا^^
ayakhalifa.eng 21-05-2009, 08:09 PM فعلا مفتقدين النظام شويه انا بدوخ عبال ما الاقى الحاجة اللى عايزاها
mo0ny 21-05-2009, 08:32 PM خلاص تعالوا نكون جروب وان شاء الله الكل ينضم لينا قولتم ايه موافقين ولالا علشان نبدا مع بعض ونحدد اللى هنذاكره؟؟
Its My Life 21-05-2009, 09:00 PM مفيش مشاكل خالص
بس والله انا انضميت كتير اوي في حاجات زي دي
بس عموما براحتك
هتكتشفي بنفسك كل حاجه
وهتقولي البت بسبوسه قالت يارتني سمعت كلامها
الفتى المصري الأصلي 21-05-2009, 09:38 PM بصي ياmoonyاقتراحك كويس بس المشكله اننا دلوقتي في اخر شهر خمسه ومعظمنا خلص مراجعه ...عشان كده احنا بنحط أسئله على طول وعلى كل المنهج لأن مش هنلحق نعمل اللي بتقولي عليه..........معلش..الأحسن تكوني معانا وخلاص
mo0ny 21-05-2009, 10:32 PM خلاص اوك اللى يريحكم^^
ايات عادل 21-05-2009, 10:33 PM اهلا بيك ياmoony في المنتدي يسعدني نكون اصدقاء انا موافقة علي اقتراحك بس هيبقي عاوز صبر شوية
mo0ny 21-05-2009, 10:38 PM شكرا ياايات بس للاسف مش هينفع علشان مفيش جروب كبير انا راجعت مع المستر كذا مره بس دى بقى مراجعتى مع نفسى يعنى الم الاجزاء الواقعه منى كده يعنى على العموم لو لقيت مسائل هبقى احطها
عادل احمد حسنين 21-05-2009, 11:58 PM انا بقترح اننا مضع الاسئله الهامه حتى لو نعرف الاجابه علشان نستفيد
mo0ny 22-05-2009, 01:58 AM اقتراحك حلو ياعادل احمد وانا هبدا من بكره ان شاء الله احط الاسئله المهمه على 1 و 2 و3 و4 و5
ولولقينا حدبيحط معانا نكمل باقى الابواب ملقناش يبقى نكمل فى الموضوع ده
وشكرا للاقتراح
يالا بينا 22-05-2009, 06:53 AM ازيك يا عسل ,وأهلا بكي على منتدانا
فكرتك تمام,بس أنا رأيي من رأي الفتى المصري الأصلي..الوقت متأخر شوية.....
يالا بينا
Its My Life 22-05-2009, 09:59 AM ممكن تبطلوا رغي ونبدأ الاسئله
عموما انا هبدأ
1- ما هو الشرط اللازم لجعل كثافه الفيض المغناكطيسي الكلى عندنقطه في مجال سلكين مستقيمين متوازيين يمر بهما تيار كهربي في اتجاهين متضادين = صفر
2- عندما يدور ملف في مجال مغناطيسي فإن اتجاه القوه الدافعه التأثيريه يتغير كل ( 1/4 ، 1/2 ، 3/4 ، 1 )
3- يتحرك ملف خارجا من مجال مغناطيسي فيولد ق . د . ك مستحثه وعندمااعيد لف الملف بسلك أطول فزادت المساحه 1.5 مره وزادت عدد الفات للضعف فاذا ظل زمن خروج الملف ثابت تكون ق . د . ك الناتجه اكبر من ق . د . ك الأصليه ( 1.5 ، 2 ، 3 ، 6 ) مرات
ياله حلوا المسائل دي علشان عندي مسائل تنيه كتير
محمد حسن ياسين 22-05-2009, 01:41 PM بقلكم ايه يا جماعه بنين وبنات انا فسى نظل على هذا التواصل حتى بعد الثانويه وبعد ما كل واحد او وحده يدخل الى هوه نفسه فيه (طب _هندسه _صيدله_علوم_...................الخ)انا عن نفسى هدخل على الموقع ده بعد النتيجه مباشرة ولا انتوا رايكم ايه (انا محمد
محمد حسن ياسين 22-05-2009, 01:42 PM بقلكم ايه يا جماعه بنين وبنات انا فسى نظل على هذا التواصل حتى بعد الثانويه وبعد ما كل واحد او وحده يدخل الى هوه نفسه فيه (طب _هندسه _صيدله_علوم_...................الخ)انا عن نفسى هدخل على الموقع ده بعد النتيجه مباشرة ولا انتوا رايكم ايه (انا محمد ياسين كفراااااااوى اصيل) وبحب كل الناس
Its My Life 22-05-2009, 04:26 PM طبعا مفيش حد هيسيب المنتدى بعد الامتحانات وكلنا اتففقنا على كده من زمان بس خلينا في الي احنا فيه الوقت
|