amrlover.com
22-05-2009, 07:21 PM
انا بجد ضايع ف الانجليش مش عارف اعمل ايه ارجوكوا حد يساعدني انا ف تالته ثانوي انا عايز اضبط الانجليش ف خلال اسبوع بالضبط عايز كتاب يكون جامد لحسن بجد ضايع خالص
|
مشاهدة النسخة كاملة : ياجماعه انقذوني ارجوكوا amrlover.com 22-05-2009, 07:21 PM انا بجد ضايع ف الانجليش مش عارف اعمل ايه ارجوكوا حد يساعدني انا ف تالته ثانوي انا عايز اضبط الانجليش ف خلال اسبوع بالضبط عايز كتاب يكون جامد لحسن بجد ضايع خالص soha fouad 22-05-2009, 07:27 PM في كتاب سربريز بس مأعتقدشي ان الكتب لسه موجودة في المكاتب اكيد رجعت المطابع بس ان شاء الله تلاقي وبالنسبة للأنجلش تظبطه في اسبوع لوقدرت تمسك اربعة يونيت كل يوم تبقي جامد وهتنقذ نفسك ان شاء الله والشباتر امسك كل يوم 3 وبعدين راجع كل يوم جزء حتي لو ساعة عشان الانجليزي بيتنسي لغاية امتحان العربي amrlover.com 22-05-2009, 08:21 PM انا معايا سيربريز بس مش قادر افهم الجرامر خالص وخايف م الترجمه والديلوج Rien 23-05-2009, 02:48 AM الترجمة والديالوج حاول تحل امتحانات وتتدرب عليهم كتير وطبعا لما تاخد 4 يونيت كل يوم هاتحفظ الفوكاب ف هاتلاقى الموضوع بقى ابسط باذن الله الجرامر حاول لما تذاكر القاعدة تشوف امثلة كتير عليها وتطبق عليها القاعدة اللى ذاكرتها وبعد كدة تحل انت بنفسك عاللى ذاكرته وتراجع اجاباتك وتشوف الغلطات فين وتاخد بالك منها بعد كدة ربنا يوفق حضرتك الجويرية 23-05-2009, 07:44 AM استعين بالله وان شاء الله هاتقدر تخلصه خلال الاسبوع ويكون سهل ان ىشاء الله واهم حاجة تحط ايدك على العناصر الاساسية زى الديلوج زم تضمنه تعرف ازاى تحل الكومبرهنشن والبراجراف دول تقريبا تراكمى ملهومش دعوة بى سنة فلو كويس فيهم ابداا قسم اليونتات على الاسبوع د واليونت فيه يااما جرامر يافوكاب قسمهم وان شاء الله يبقى خير وفى غرف صوتية هنا اساتذة بيشرحوا فممكن تحضر معاهم واى سؤال واقف ممكن تسالهم كلهم هايفدوك ان شاء الله وربنا يوفقك amrlover.com 23-05-2009, 09:06 AM طب من رأيكوا اذاكروا الاسبوع ده ولا قبل الامتحان انا عندي قبل الانجليش 4ايام و نصف الاء_الرحمن 23-05-2009, 09:38 AM انا من رايى ما دمت عاوز تزبط المادة تبدأ من دلوقتى علشان لما تيجى تراجع يبقى عنك وقت تحل امتحانات وتشوف تقاط الضعف الى فى المادة عندك وتحاول تقويها وكده يعنى وربنا معاكم كلكم يا رب اتمنى لك التوفيق soha fouad 23-05-2009, 04:35 PM ابتديت ولا كسلت النهاردة؟؟؟؟؟؟؟؟ Rien 23-05-2009, 06:00 PM طب من رأيكوا اذاكروا الاسبوع ده ولا قبل الامتحان انا عندي قبل الانجليش 4ايام و نصف لا اكيد تبدأ من الاسبوع ده افضل عشان لو وقفت قدامك اى حاجة تلحق تقولها ف المنتدى او تسأل اى حد عليها ولو سألت ف حاجة ماحدش هنا هايتأخر ربنا يوفق حضرتك amrlover.com 23-05-2009, 07:44 PM انا بجد نفسيتي تعبت وماذاكرتس حاجه انا تعبت الجويرية 23-05-2009, 09:33 PM هاتفضل تقول كدة مش هاتوصل لحاجة ياريت حضرتك تبطل عبارات الياس وهاتتحل ان شاء الله ومتقولش هاتبدا من بكرة او انهاردة لا انا هابدا من دلوقتى وربنا يوفق حضرتك amrlover.com 24-05-2009, 12:51 AM انا يأست من الانجليش الاستاذ قالي الامتحان جاي صعب الجويرية 24-05-2009, 11:56 AM لا اله الا الله بردوا كلمة الياس ياريت تعمل اللى عليك وبعدين كله على ربنا ذاكر بس واكيد ربنا مش هايضيع مجهودك Rien 25-05-2009, 02:27 AM انا يأست من الانجليش الاستاذ قالي الامتحان جاي صعب مفيش حاجة اسمها امتحان جاى صعب وبعدين ما ييجى زى ما ييجى .. المهم اننا نعمل اللى علينا عشان لو لا قدر الله حصل حاجة .. نبقى عالاقل راضيين عن نفسنا واللى عملناه ماقدرش اقول لحضرتك اكتر من كدة فى رعاية الله soha fouad 25-05-2009, 08:21 AM المستر بتاعك كان من اللي حطوا الامتحان ولا ايه ما ياما قالوا في امتحانات هتيجي صعبه وبتيجي سهلة وياما امتحانات بيقولو هتيجي سهله وبتيجي منيلة بنيله انا مش هقولك اني مقطعة السمكة وديلها بس احنا لازم نشجع بعض ياريت ردك بعدي تقول فيها انك وصلت ليونيت 2 حتي اوك وربنا يوفقك amrlover.com 25-05-2009, 09:07 AM انا ذاكرت القصه كلها بس بجد ماليش نفس اذاكر جرامر او احفظ كلمات خالص rose 2010 26-05-2009, 02:01 PM يعنى ايه مش ليك نفس حاول وربنا معاك وان شاء الله مجهودك مش هيضيع امسك شويه جرامر وحل عليه وشويه كلمات ومتزهقش بسرعه وربنا معاك ويوفقك soha fouad 27-05-2009, 08:02 AM بص يا عمرو صلي ع النبي كده وركز معايا وانت بتزاكر طول اليوم (اكيد عشان احنا في ثانوية عامة) ما بين كل ساعه ونص وساعه ونص خد نص ساعه احفظ فيها حتي لو ربع يونيت جربها وهتنفع معاك انا عملت كده في التاريخ عشان انا مش طايقاه فبمسك 3 صفحات مابين كل مزاكرة والتانية عشان اخلص حتي لو نصه abdelRhman772007 29-05-2009, 02:11 AM آسف مشوفتش موضوعك إلا دلوقت فيه كتاب اسمه المعلم المرابجعة فى أسبوع مقسم المنهج بطريقة المراجعة على 7 أيام هو إن شاء الله مش هيخرج منه الامتحان بس إن جيت للحق الانجليزى السنة ده فيه خفايا كتير بس لم يسبق أن جات فى امتحان قبلاً فهاته و توكل على الله هو فى الجرامر ظريف و الكلامات مختصر بس مش أوى يعنى بالمنايبة شوف الدعاية اللى عليه الأول اليوم الأول من الكتاب http://akhbarelyom.org.eg:81/moalem/english.pdf هو فعلاً جبت الكتاب ده فى الفيزياء و الانجليزى بس هموت على العربى بس أهه قدر الله و ما شاء فعل ادعى ربنا إنك تلاقيه لأن احتمال اتسحب من السوق لو ملقيتهوش ممكن تتصرف تصوره من واحد صاحبك أو مدرسك أو حتى تشتريه مستعمل قديم من السنة اللى فاتت و ربنا يوفقك و امتحان الانجليزى بيجى سهل و إن شاء الله ما يجيش معقد السنة ده Nemo_92 29-05-2009, 11:43 AM متيأسش ارجوك خليك مع المادة في البداية واحدة بواحدة وهي باذن الله هتشدك وتخليك تذاكرها اكتر وابقى طمننا عليك وان شاء الله الامتحان ييجي كويس وبالنسبة للقصة حاول تحل عليها اسئلة كتير حتى لو هتطلع الاجابات كلها من الكتاب لكن بعد كده هتتعود عليها وحتجاوب بنفسك لان الاسئلة بتتكرر وخد بالك كويس من الquotations amrlover.com 30-05-2009, 04:10 PM الحمد لله بذاكر فيه بس حد يعرف كتاب surprise مراجعه ليله الامتحان حلو ولا لا انا عندي بتاع المراجعه النهائيه الجويرية 30-05-2009, 06:55 PM اها اى كتاب هايكون كويس اصل هايكون مراجعة ومحتاج الامتحانات وتدريبات بس ساربرايز جميل بس حضرتك حل واستهدى بالله وكله على الله وربنا يوفقكم كلكم |