بسم الله الرحمن الرحيم


اولا انا جديدة في المنتدى ارجو تقبلوني عضو فيه

ثانيا وهي دي مشكلتي اني انا السنة دي انا في تالتة وجبت في تانية 90 وانا خلاص قررت اني ادخل السنة دي ادتين فقط واجل الباقى للسنة الجاية لعدة اسباب اعتقد انكو عارفينها ومنها اني مش قدرت اذاكر كويس بعد الصدمة :(:(:angry2:


المهم دلوقتي انا خلاص رضيت بقضاء ربنا لكن المشكلة في اخواتي اللى كلهم في طب وصسدلة كل شوية باسمع تلميحات وتصريحات من بابا و ماما غبية جدا وجارحة جدا وانا عندي اكتئاب شديد جدا انا حاسة اني في منتهى الغباء مع اني كنت طول عمري الاولى ليس عى الفصل فقط ولا على المدرسة فقط ولكن على المدينة :(:(:(

انا اسفة لو طولت بسسسسسسس انا حزينة انا حاسة ان بقى كل الاهل والاقارب بيبصولى نظرة عبط:blush: وغباء وخيابة خيابة خيابة خيابة :(:(خيابة

احب اضيف اني اخوية لسة ذللني دلوقتي بقولو ( الناس اللى جايبين 50% متعقدين من ي انا دكتور كان يقصد واحد تاني بس مش راعى مشاعري
كل شوية انا دكنور انا دكتورة

اولا اهلا بيكي بجد نورتي المنتدي

بالنسبه للمجموعك هو 90 % هو كده وحش :)

رحم الله امرئ عرف قدر نفسه

صوابع ايدك مش زي بعضها اخوكي طب بس انت مش زي اخوكي

انا اختي هندسه وانا اداب عاااااااااااااادي جدا

انت ممكن تتدخلي كليه قمه ومش تنفعي فيها

لكن كليه عاديه ممكن تتفوقي فيها

انا كليه اداب انا بقول لو كنت دخلت هندسه مش كنت حفلح فيها

وانت علشان مش تزعلي منهم ولا هما يزعلوا منك

انجحي وتفوقي في الكليه اللي حتدخليها ان شاء الله

وربنا يوفقك ومش تشيلي هم لانك محتاجه كل تفكير في الثانويه امتحاناتك قربت اهي

ربنا معاكي والله حاسه بيكي وبالضغط عليكي

بعد كده حتستريحي اوي ان شاء الله

ربنا يوفقك

متشكرة على اهتمامك بالموضوع

أولا ً أهلا ً بيكي معانا ف المنتدي
ثانيا ًعايز أقول لحضرتك حاجه
الثانوية العامه مش نهاية المطاف
مدرس الانجليزي بتاعي أشهر مدرس ف أسيوط ( بسم الله ما شاء الله عليه ) و مالهوش 3 سنين بدأ يدي دروس
و كان مختار أحياء ف ثانويه عامه و بيتكلم عن ساعات المذاكره بطريقه خرافيه ( يقول تطبق يومين و حاجات كده )
و حصل موقف بيني و بينه سؤال ف الأحياء أنا جاوبته غلط و هو جاوبه صح
يعني كان بيذاكر بضمير
عمل اللي عليه ربنا إبتلاه ف مجموعه ف ثانوي
صبر و ربنا عوضه ف الحياه العمليه
و بعدين أنتي عديتي نص السكه و لسه النص التاني
إعملي اللي عليكي و ربنا هايوفقك إن شاء الله

نورتى المنتدى معانا يا قمر
واحب اقولك ان مجموع 90 فى الميه ده مجموععععععع كبيرررررررر اوى
اما بالنسبه لاخواتك هما مش بيعيروكى ولا حاجه بس هما وماماتك وباباكى بيحمسوكى علشان عاوزينك احسن واحده طبعا
واتمنالك التوفيق فى امتحناتك وان شاء الله تدخلى الكليه الى انت بتتمانيها
وهلا بيكى مرة تانيه

thanks على اهتمامكم وردودكم وانا ان شاء الله ه بذل كل ما ويوسعي لكي التحق باخوتي

هو الواحد عشان يبقي ناجح لازم يدخل طب ولا صيدلة

انتي دوري ع ميولك انتي
وملكيش دعوة بأخواتك


انتي ممكن تدخلي الكلية اللي انتي بتحبيها وتذاكري فيها وتجيبي تقديرات عاليه وتتعيني وتبقي دكتورة جامعية و ممكن الله اعلم تبقي انجح من اخواتك وهم هيفتكروا وقتها وهيزعلو

اهم حاجه دوري انتي عايزة واعمليه واعملي زييي(:

هههههههه

والله هو دة حالنا

مبندخلش الكلية الى بنحبها
لا بندخل الى غيرنا بيحبة

ربنا يوفقك

اللى حيعيش على كلام الناس افضله ينتحر

لكن اللى عايز يعيش ويعمل اللى عايزه يبقى يسيبه من كلام الناس
ومع احترامي لاخواتك انا مش بحب اللى يدخل كلية معينة عشان يتمنظر بيها
كان في معيدة في آداب كانت بتدينا كانت بتحكيلنا عن الثانوية بتاعتها
وضاعت منها كلية القمة على دريجات ودخلت آداب وكانت زعلانة
بس ربنا وفقها وبقت معيدة دلوقتي وربنا ادخرلها الخير
يمكن كانت حتفشل في طب او هندسة


فمحدش يزعل من رزقه اللى ربنا مخليه
وانا عارف إنه ضغط البيت ده مش سهل بس ربنا معاكي وسيبك من أي كلام بره
و90 مش وحشة أبداً