انا فتاه مسلمة ومتدينه من زمان بس حصلت ليا صدمة نفسية بسبب مشكلة طويلة مش هوجع دماغكوا بيها وبعدها بكام شهر اصبت بالوسواس القهرى والمشكلة انه كان فى الدين قرات سور قران كتير زى ما ناس نصحونى وخفيت بس المشكلة رجعت تانى انا والله ساعات ببقى عايزه اتبرأ من مخى من الافكار البشعة اللى بتيجى فى دماغى وغالبا بنام كتير عشان مسمحش لمخى انه يفكر اصلا حد يقولى اعمل ايه وعلى فكرة انا متفوقة دراسيا والصدمه دي كانت فى دراستى جايز يكون هو ده السبب والله انا مبقيتش عارفه حاجه حد يساعدنى بالله عليكوا

اهلا بيكي يا اخت ساره
بصي يا حبيبتي
حاولي انك تتقربي اكتر من ربنا
يعني لما تلاقي نفسك كده قومي اتوضي وصلي
حاولي دايما تشغلي وقتك باي حاجه واشغلي تفكيرك دايما في اي حاجه
علشان مخك يبعد عن اي افكار وحشه ومتخليش اي فرصه تخليكي تسرحي بعيد
ولما تلاقي نفسك كده قومي اعملي اي حاجه تشغلك
قعدي مثلا اتكلمي مع اخواتك
او مع مامتك او حد من اصحابك المقربين
ودايما متعضيش لوحدك علشان متفكريش وتجيلك الافكار البشعه
ودايما ما تروحيش علي السرير الا اذا جالك نوم
بردوا علشان متفكريش كتير
وانت بتقولي انك متدينه من زمان يعني اكيد عندك اراده وقوه وعزيمه
وادعي ربنا سبحانه وتعالي واكثري من الدعاء
خصوصا عند السجود وبين الاذان والاقامه
وقولي بس يارب:rolleyes:
وذاكري كويس علشان تبقي دائما متفوقه
ويمكن نقولك يا دكتوره ساره
وخلي ايمانك في ربنا كبير
وانشاء الله محنه وهتعدي
والمؤمن دايما مصاب
ده بس اختبار من ربنا سبحانه وتعالي
وربنا معاكي يارب
انتي في سنه كام
وانا سعيده جدا بمعرفتك
اختك \ريم

بسم الله
بصي ياسارة يا جميلة
شايفة كلام ريم الامورة اللي فوق دي
انا مش هازودعليه كتير
لكن بس
كفاية انك تثقي ف ربنا
وتحسني الظن بيه
تدعيه وتتوقعي بل تتيقني الاجابة

وماتقوليش انا عندي مرض كذا
لا
انا اقوى من المرض
انا بايماني بالله صحيحة باذن الله
فكري ف حاجة انتي بتحبيها
فكري ازاي تساعدي حد اضعف منك
فكري الناس الي حواليكي ازاي محتاجينك تساعديهم
ووقت ما تحسي انك قادرة فعلا على المساعة ما تتاخريش
ربنا ما بيضيعش حد يا سارة
وماتخافيش من حاجة
احنا اخواتك بردو
وان شاء الله نكون جنبك على طول

أنا عارف على فكرة اللى عندك وبيحصلى ليا كتير
وهو إن الإنسان بيقاوم ويجاهد نفسه كتير ويجى فترة ويضعف فالشيطان بيعرف ساعتها يعمل عمايلها
وفعلاً زى ما قال اخواتك إن أهم شئ التقرب من ربنا
وأقولك سر بس تقوليه لكل الناس
تضرعى لله عز وجل فى الخفاء
فى الثلث الأخير من الليل
يعنى قبل الفجر كده بشوية
تقومى من النوم مخصوص مضحية بالنوم من أجل الله عزوجل
وتتضرعى له فى شجودك
وتسأله الصبر على البلاء
وكذلك تستعينى به
واحسن الظن بالله زى ما قالوا
يعنى تتيقنى إن الله منجيك بإذن الله وتحطى كده فى بالك

معلش طولت عليكم
آسف :)
أخوكم محمود

عليكي باذكار الصباح والمساء وكله هيبأى تمااااااااااام