بقلم : - محمد الراصد
الزمالك تولبار

حين شاهدت اعاده هدف معشوق الاهلى الجديد .واخر نسخه من سلسله الحمراء ابو تريكه.
شعرت بالغثيان .والمراره .وانتقلت بى ذاكره الايام الى ملعب الاسماعيليه فى اواخر السبعينات..حين كان الزمالك
يلاعب الاسماعيلى ..وكان مهزوما بهدف واحرز الفارس الخلوق(على خليل)هدفا واطلق الحكم احمد بلال
صافرته محتسبا الهدف .وسط احتجاجات لاعبى الاسماعيلى .. الذى سأل على خليل .فاقر بان الكره دخلت من
خارج الشبكه .فالغى الهدف وخرج الزمالك مهزوما 1/صفر. ولم يحدث ان اطلق احد على(على خليل )لاقديسا
ولا شيخا ..بل انه انزوى بعد سنوات فى طى النسيان.حتى ان الكثيرين ..الان عندما يتكلمون عن جيل السبعينات
يذكرون جعفر وبصرى وشحاته .ونادرا مايذكرون .ذلك الفارس الخلوق.(على خليل) هداف جيل السبعينات
واحد ابرز نجوم الزمالك ومصر..الذى لم يعترض ولو لمره واحده فى حياته ولا حتى بالتلوييح باشازه على قرار
وحتى عندما الغى له احمد بلال هدفه ضد الاهلى الذى كان يحسم بطوله الدورى للزمالك .ثار كل فريق الزمالك
واكتفى على خليل .بالجلوس وحيدا على الكره بعيدا عن الاحتجاج .فى صمت وحزن ورضا بقضاء الله
ولم نطلق عليه الخلوق .. ولا رجل البر والتقوى . انه الفارق بين فارسنا الذى نسيناه ..وبين شيخهم المزعوم
المحزن انه يصر على تكمله دور القديس .فيسرق الاهداف ويدعى السقوط عامدا .
.وما احزننى هو انه ذهب ليسجد لله شكرا فى بجاحه اعجز عن وصفها لانى ساخرج عن
حدود الادب . وسريعا مر امامى شريط من الذكريات القريبه مع اهداف هذا القديس ونجاحاته فى سرقه الفوز بطرق
لاتمت للشرف ولا للامانه ولا حتى للرجوله باى صله ..هاجمتنى صوره وقوعه خارج منطقه الجزاء .دون ان يلمسه
احد وبطريقه مقصوده وكانه على اتفاق مع الحكام على اشاره معينه .الا وهى السقوط منبطحا على بطنه.
وتملكتنى حاله من الغثيان حين فكرت لماذا يصفونه بالقديس ..!!؟؟
ومع كل تكرار لحاله السقوط المنبطح لهذا الدعى ..اجد التهليل واجد المبررات ..بل الكارثه وصلت الى حد اباحه
مثل تلك الافعال ..وتسميتها بالذكاء...ربما لانستنكر مثل تلك الافعال بنقس القدر لو صدرت من وقح مثل شادى
او اى لاعب بالاهلى فكلهم يمتلكون اخلاق تسمح لهم بفعل كل ماهو دنيئ..ووضيع..وجميعهم لايدعون التدين
بل ان من بينهم من قدم الرشوه .ومن زور الشيكات .. ومن كذب علنا بانه لم يسب الحكم كاحمد حسن .ولا بلطجى
كوائل جمعه وعاشور وجلبرتو مثلا.. اقول ربما لو خرجت مثل تلك التصرفات من احد هؤلاء .فلن يكون
شعورنا بنفس تلك المراره .ولكن اعلامهم الذى تخصص فى صناعه الشيوخ الحمراء ..اعتبارا من الشيخ الاكبر
الذى لولا انه انتقل الى جوار ربه لسردنا تاريخه ..ولكن يمنعنا ديننا الحنيف
ومع ذلك يعتبرونه المثل والقدوه والرمز والمبادئ .وكل تلك المسميات ..وهم بالفعل يسيرون على نفس الدرب
وعلى هدى قديسهم الاكبر..ولو كانوا يملكون لمسحو ا من ذاكرتنا وذاكره الايام ..ما فعله فى زملائه وخصومه
فى الملعب.. لفعلوا ...مثلما تم اخفاء كل مايدل على بطوله (دورى القاهره)والذى كان بمثابه الدورى العام
لان الزمالك فاز به عشر مرات قبل ان تسمى المسابقه بالدورى العام..
الم اقل سابقا اننا مازلنا فراعين ..نصنع اصنامنا ..وما الاعلام الاحمر سوى كهنه فى معابد بنى الاحمر
فالتسقط كل اقنعه الزيف الحمراء .تحت اقدام الحقيقه الواضحه الا فى مخيلتهم. .
ولتسقط مبادئهم القذره من تزوير وسرقه القاب وبطولات واكاذيب وبلطجه..
اعتز كزمالكاوى ببطولات الزمالك على قلتها لانها بشرف وجهد ..ولم تاتى بصافره قذره ولا رايه مغرضه
اعتز بفانله الزمالك التى لم تدنسها شعارات كاذبه بالتعاطف مع غزه مثلا .على سبيل المتاجره
اعتز بكل هدف احرزناه وبكل بطوله لم يمنحها لى حكم ولا حامل رايه ولا اتحاد كره
اعتز بانى لست نادى القرن ..بتفصيل اللقب .بواسطه ترزيه بنى الاحمر فى الاتحاد الافريقى
اعتز بان خصومنا فى كل الانديه لايحتقروننا مثلما يحتقرون بنى الاحمر .. وليسوا (يكرهونهم) بل هو احتقار
اعتز بفارسنا النبيل الذى نسيناه .. .واخجل ان يقال ان صنمهم من بنى وطنى ..
ذلك الوطن الذى يجمعنا جميعا للاسف الشديد وحولوه الى كوكب قرود تحكمه قوانين القرود
حتى كدنا ان نكرهه .وننسى اننا ننتمى لهذا المكان.... ولا غرابه ابدا.ان تكون بطولاتهم ثلاثه اضعاف
ما حصلنا عليه ..فما اغنى وما اكثر اللصوص فى بلدى ...


المقالة منقولة من الزمالك تولبار قبل اى اهلاوى ما يثور وييكدب يتاكد من الكلام دة الاول ويشوفة جوة عقلة ويحكم ضميرة

الجون اتحسب
ولو كان الحكم شايف انه غلط كان مش هيحسبه
وبعدين الحكم بشر ولما يغلط مش هنموته علشان غلطة
والموضوع دة كان قديم يا نادال
يوم ماكان فى اخلاق للعيبة الزمالك
لكن دلوقتى اشك ان اى لاعب ممكن يعمل كدة من الزمالك

يعنى التفويت ماشى و مفيش مشكله
انما ان الواحد يضرب و يوقع يبقى بيمثل
بعدين نفس الجون بتاع ابوتريكة دخل فى مصر فى ماتشها مع زامبيا
و اتحسب عادى يعنى مش غلط

هو كل حكم يغلط ف ماتشات الاهلي يبقي قابض ؟؟؟
ريشه لما الهدف دخل هو حسبه هدف حتي لو كان قراره غلط دا مايديش الحق لأي لاعب إنه يحتك بيه
هو ليه طلع كارت أصفر بعد ما حسب الهدف ؟؟؟ لأن اللاعب ضربه و المفروض ف الحاله دي يطلع أحمر مش أصفر و مش هايبقي غلطان هايبقي نفذ القانون
و بعدين مركزين قوي ليه مع تريكه ؟؟؟
علشان دخل ست أو سبع أهداف ف الزمالك ؟؟؟
ولا علشان ما عندكمش زيه ف المهاره ولا الاخلاق ؟؟؟
أعتقد بعد ماتش الطلائع هاتركزوا شويه ع فتحي

و م الآخر هاقولك حاجه
الدوري مكتوب للأهلي
تقولي الأهلي ف شده
اللاعيبه عواجيز " هما مش عواجيز قوي يعني أنتوا اللي بتستعينوا برضع "
الـ 3 ماتشات بتوع الأهلي شديده و بتوع الاسماعيلي سهله
تفوت للإسماعيلي الماتش
برضو أخده الأهلي

أنا بس هاقول كلمة واحدة . اى واحد يغلط فى النجم ابو تريكة ومحروق منه اقوله القافلة تسير وال.......... تعوى ;)

هو أكيد حارقكم علشان كده
http://videohat.masrawy.com/view_vid...22bf4c61f9dc4a (http://videohat.masrawy.com/view_video.php?viewkey=7f6a2822bf4c61f9dc4a)

معلش مش اهانة ليكوا بس دى حقيقة
كل الاهلوية اللى اتعاملت معاهم للاسف بياخدوا الامور بسطحية جدا
مفيش واحد فيهم اتكلم وقال ان القديس غلطان وانه الاخلاق اللى بتتكلموا عليها فى نادى المبادئ
كانت تتوجب على القديس ابو تريكة انه يقول اته عمل فاول
بس طبعا هى دى مبادئ النادى الاهلى اللى بيربي كل اللى بيخش المؤسسة العظيمة دى بيتعدى منها
واللى بيقول ان ريشة غلط والمفروض ما نهاجموش
طب ومدحت عبد العزيز اللى غلط غلطة عمرة وحكم بالعدل يوم ماتش انبى واتعادلتوا فى اليوم دة
كابتن المنتخب المصرى والقدوة والمثل احمد حسن اعترض باسلوب(محترررررم جد)طبعا من وجه نظركوا
والدليل على كدة انه محكمش ولا ماتش بعد الماتش دة
نفس الحكاية مع الحكم السيد حمدى حكم مباراة الاهلى والجيش الدور الاول وغلطتة ان الماتش خلص تعادل
والدليل على كدة الراجل مشفش تحكيم بعد الماتش
لكن ريشة لما يغلط ما هو من بنى ادم وكل ابن ادم خطاء ومش من حق لاعبى الجيش الاعتراض
والدليل على كدة ان بعد ما ريشة قام بالواجب اتجددلة السنة الجاية مكافاءة للواجب اللى عملة
بجد فعلا مقولة بيقولها الاهلوية لسه فاهم معناها حالا
احنا مصر:040vk0:
عرفتوا ليه حال مصر كدة

لو سمحت انا لما صدقت ان الروح الرياضية بقت فى القسم الرياضى

لو سمحت متجيش انت او اى حد غيرك يهد كل شىء ونرجع للعراك والكلام الفاضى الى حصل دة تانى

ارجوا الهدووووووووووووووء

والروح الرياضية موجودة وستظل موجودة

السلام عليكم

هدوووووووووووووء ياريت يا جماعة
هو الى احنا بنعمله هيتهدا
احنا بنحاول نهدى الامور
احنا عارفيبن ان الحكام بتغلط ودة مشهور فى كل دوريات العالم
لكن مش معنى ان غلط من حكم صادف اى حاجة تانية
نقول ان الحكم دة مرتشى
وادارة النادى اتديته فلوس علشان يحكم غلط
الجون لو كان دخل من فول او غيره
فا الحمد لله الفوز ب3 اهداف
يعنى مش جون واحد بس هو الى كان سبب
يبقى نبارك للفريق الكسبان ونقول هارد لاك للفريق الخسران
عملوا مباراة جامدة وربنا مش كتبلهم الفوز

اولاً ابوتريكة مش قديس اصل (الكلمة ديه مش عجبنى)
بعدين لو حنتكلم على الظلم و ان الاهلى بيكسب بالحكام
فده كلام غلط و الاهلى بيكسب بمجهوده
بعدين لو اصلاً الاسماعيلى كان بيكسب بمجهوده مش بالتفويت كان هو الل خد الدورى
انما خده اللى يستحق
و بالنسبة للفاول ففى اجوان كتيرة دخلت بالشكل ده و كان الحكام بيحسبوها
و مرة كان فى ماتش للاسماعيلى و الاهلى و اتحسب الجون للاسماعيلى عادى