المُعضلة السقاوية الناصرية [الأرشيف] - بوابة الثانوية العامة المصرية

احمد رضا

25-05-2009, 08:27 PM

السلام عليكم ورحمة الله وبركاته

السقاوية : نسبة إلي اسم عيلتي
الناصرية : نسبة لمحمد ناصر
:friendsxs3:
اما (المُعضلة) فده توصيفي للمشكلة القائمة دلوقتي ألا وهي ( رفع الإشراف بدون سابق إنذار ) ( ولا كارت احمر ولا أصفر ولا حتي فاول )
وطبعاً دي قضية شبه مُعضلة ابيقور كدا في كينونة الإله هل هو شر أم خير وبالمناسبة دي مُعضلة ملهاش حل مرتب يستند عليه وتقريبا ابيقور اتجنن بعدها
:D
ما علينا من الكلام الفارغ ده
المعضلة بقي والمشكلة الأساسية هي سؤال يطرح نفسه

هل الإدارة مش فاضية ؟
طيب لو الإدارة مش فاضية
إزاي تم ترقية اللورد لنائب إدارة ؟
طيب لو الإدارة فاضية هل هيا شايفة الصلاحية الجديدة في نائب الإدارة
هتبقي أهم من الرد علي المشكلة القائمة وهي ( رفع إشرافنا ) ؟
طيب لو هيا فعلاً شايفه ان الترقية اهم من الإجابة علي الاستفسار
هيا مثلا شيفانا عيال ؟
طيب لو شيفانا عيال ده يصح ؟
:006et4:
طيب نرجع لأول سؤال
لو الإدارة مش فاضية ؟
يبقي مين اللي عين اللورد ؟
ومين المعني بذلك ؟
اشرح المَعني ولا هيا مفهومة ؟

( كلاكيت رابع مرة )

ده طبعاً شرح المعضلة اللي هنزله قريب في ويكبيديا عشان الناس تستفاد
ونتمني الرد من الإدارة

فيه التماس بقي

أولا : اثناء الإجابة علي موضوعي أي غلطة الإدارة شايفه انها ارتكبتها ياريت يتكتب اعتذار ويبقي لونه متغير
عشان الناس تشوفه والإعتذار يكون موجه لصاحب الشأن
ثانيا : ياريت يبقي فيه صدرٍ رحب للنقاش وتبقي الردود مختصرة وموجه ومفيهاش أي تمييع
ثالثا : أي عضو ملهوش علاقة بالموضوع ياريت مياخدش من موضوعي أي مجال للسخرية او فتح مشكلات جديدة عشان الإدارة الكريمة ترد

شكراً
:)

Lost Dreamer

25-05-2009, 08:55 PM

سقاوي او نصراوي معاكوا علي طول

الحق قبل العرض ما يخلص

((لفتره محدوده))

ازيك يا احمد باشا يا صباح النور

بص يا باشا

الاداره بتكيل علي ما اتذكر في اخر احصائيه

ب 687 مكيال

وللاداره وجه اخر

في ملحوظه الاول

الادارهخ كانت رافضه بتاتا تعين اي نائب اداره جديد

وقالت احنا عاوزين واحد بس

وكلمه من الادارين من هنا

ومن هنا

مرديتش الاداره

بقدرة قادر راحوا معين استتاذ محمود القالع

واستاذ حسام

وقالوا مش معينين تاني

ودلوقتي راحوا معينين محمد

كده طبعا القرارات بتتطلع

من غير مسئوليه

او بمعني اصح

المنتدي ماشي بالمذهب البرجماتي

علي راي مصلحة الضرائب في الشعار المعدل

مصلحتي اولا

من فين الاداره مشغوله

ومش عاوزه ترد علينا حتي بحجة الانشغال

ومن فين تم تعين نائب اداره كبير

الي مفرود تعينه ياخد وقت وجهد كبير

عشان ده منصب مسئوليه كبيره جدا

الله واعلم

اللي يعيش يا يشوف

:006et4:

طيب نرجع لأول سؤال
لو الإدارة مش فاضية ؟
يبقي مين اللي عين اللورد ؟
ومين المعني بذلك ؟
اشرح المَعني ولا هيا مفهومة ؟

كانت فيه عضويه مسجله شارلوك هولمز مش عارف راحة فين

عموما هندور عليها عقبال ما تردوا علي الموضوع

مع ان استاذ احمد مشغول الايامدي خالص بحاجات خارج المنتدي :)

وللحديث بقيه

mR . mOstafa Fathi

25-05-2009, 08:56 PM

هل الإدارة مش فاضية ؟

الادارة فاضية وميه ميه
بس الدنيا تلاهى

طيب لو الإدارة مش فاضية
إزاي تم ترقية اللورد لنائب إدارة ؟

!

بلاش اكمل كومينتات على الباقى

الخلاصة

اللى ليه الكلام اتنين

صوت الحق
admin
وال admin قال ان صوت الحق هو اللى مسوؤ والله اعلم

يعنى اللى ليه رد هنا وتوضيح هنا
هو صوت الحق بس

علشان مفيش حد يدخل بس
يعملنا فيها دكتور ويتكلم كتير
وهنبعد تانى عن الموضوع وعن المغزى
فياريت اللى هيضيف حاجة فى الموضوع او على الكومينات اللى فى التوبيك
يضيف
مش هيضيف فبلاش منها

Travel

25-05-2009, 08:58 PM

هههههههههه
عجبنى اسم الموضوع اوى

(http://thanwya.com/vb/showthread.php?t=123795)المُعضلة السقاوية الناصرية (http://thanwya.com/vb/showthread.php?t=123795)
(http://thanwya.com/vb/showthread.php?t=123795)
ع هيئة ان حضرتك بتعمل شكوى لهيئة القضاء العليا او مجلس الدولة :unsure:
انا هرد رغم ان جه تحذير انى بعمل تحريض للاعضاء ع اثارة الشغب:huh:
بس ما علينا
والله انا النهاردة كنت هبعت رسالة لمستر/عصام
او
لعضوية صوت الحق
ايا كانت مين:rolleyes:
علشان يدخل الموضوع بتاع خلطة ادارية يرسونا فيها ع كلام نهائى
بس ملحقتش:(
....
اصبروا شوية .. انتوا عارفين وقت الادارة غالى
بيستخدموا الوقت ف التعيينات وحذف الاشراف بس :cool:
انما توضيح الاسباب .. كمان شوية :rolleyes:
اه
نسيت
مبروك نائب الادارة الذى لم يتجاوز عمره 20 عام

مجرد استفسار
تبع القوانين المركونة ف التلاجة :078111rg3:
زى
ان مفيش تعيينات جديدة هتم الا بدون استطلاع من طقم الادارة
.. .. .. ..
ايام
مستر/احمد نجم
لما كان نائب ادارة .. والسادات والمرشد
اتقال ان ممنوع نائب الادارة سنه يقل عن 20 سنة
والله اعلى .. واعلم
هو اللورد كام سنة
اصلى مش واخدة بالى :romarioxp6:
كفاية عليا كده .. علشان محرضش الاعضاء ع اثارة المشاكل والشغب
سلامو عليكوا

MoHaMeD ELsHeRbEnY

25-05-2009, 09:10 PM

بما ان انا مينفعش ارد

فطبعا كلامك هنفذة مع ان عندى رد على كل حرف موجود هنا والمفروض ان الاول مكنش ينفع ارد لانى ادارى بس بردة مش هرد بناء على طلب حضراتكم وخصوصا طلب مصطفى فتحى مفيش حد هيعمل فيها دكتور ويرد :d

وان شاء الله سيتم الرد من الاستاذ محمود سرحان على الجزء الخاص بتعين اللورد نائب ادارة

والمعنى من ذلك

وايضا من صوت الحق ان شاء الله على باقى الموضوع

بس ملحوظة

مصطفى فتحى حضرتك ليك حجرة اسمها حجرة الادارين

شوف كل الموضوعات الى فيها بدات تتناقش بكل جدية ولا لا

وشوف موضوع محمود طة الاخير بخصوص الموضوع دة

ولو ليك راى جديد

تقدر تضيفة هناك

سورى اقتراحات دى خاصة بالاعضاء يا مصطفى

لو هناك من بعد دلوقتى

كلامك ماخذش فى الاعتبار او مفيش حد من الادارة برد عليك

يبقى تكلم قدام الاعضاء عشان يعذروك

اعتقد كدا كلامنا مفيهوش حاجة غلط

وهدى نفسك ياحمد باشا وانت كمان ياناصر

اهدو وان شاء الله كل شئ هيتحل لان كلنا اخوات ياباشا

يلا فى رعاية الله

المشرف

25-05-2009, 09:16 PM

ان مفيش تعيينات جديدة هتم الا بدون استطلاع من طقم الادارة -----> عشم ابليس في الجنة و منتظر معاك رد الادارة بكل احترام بس انا هقوم انا بقا دلوقت اصل بعيد عنك عارف ان الموضوع هياخدله ايام و كده و الواحد مش فاضي زي ما انت عارف

MoHaMeD ELsHeRbEnY

25-05-2009, 09:16 PM

مضطر ارد على ترافيل

اول مرة اسمع ان التعين بالسن والله

الشئ الوحيد الى كان بالسن هوة ان منشغلش الطالب عن مزاكرتة

وكان لطلبة الثانوية العامة فقط

لما رفعنا اياميها شرين وشريف لو تفتكرو

يبقى اية الفرق بين 20 سنة و سنتين حتى بس شغال :)

كلام غريب وتبرير ملوش اى معنى

عموما انا اول مرة اسمع الكلام دة والله العظيم

ثانيا بالنسبة لترافيل حضرتك ليكى حجرة اسمها حجرة مشرفين الاقسام

لو ليكى اى راى فى الموضوع تقدرى تنزلى موضوع هناك

والكل هيرد عليكى هناك

هنا الحجرة دى خاصة بالاعضاء فقط معلش محدش يزعل منى

بس هوة دة الصح

فى رعاية الله

احمد رضا

26-05-2009, 01:21 AM

المشرف

26-05-2009, 01:49 AM

اول مرة اسمع ان التعين بالسن والله -----> لا اكيد ليه دور بس مش اوي يعني مش تعين طالب اعدادي مثلا اداري ولا حاجة تاني حاجة لفتت انتباهي معلش انا ما اتشالش مني الاشراف انا اللي طلبت انه يتشال ( ممكن يكون ملهاش علاقة بالموضوع بس بحب اوضح الامور اكتر )

المجاهد فى سبيل الله

26-05-2009, 01:56 AM

السلام عليكم ورحمة الله وبركاته

ونواصل بعد الفاصل .. ونواصل بعد الفاصل
( سيد ابو حفيظه )
:d
استاذ شيبسي في أول مشاركة
اسكت ساكت
واتقلللللل ياما في الجعبة ياحاوى
:078111rg3:
---
مصطفي فتحي
درشو عندك حق
فعلا مش عايزين حد يعمل دوكتور
احنا جايين نقدم مشكلة مش جايين نحلل
:D
--
ترافيل
كنت فاكر اني بعرف اسجل واتابع واسترجع وكدا
بس بتظهريلي ان فيه ناس أحسن مني في الحكاية دي
ههههههههههه
محتاجين ذاكرتك
ومستنيين الرد والتصديق او التكذيب علي الإدعاءات الواهية بتاعتك
--
بترد علي ترافيل ليه يااللورد
:D
طيب هيا غلطت اهي مشرفه سوبر بس انت نائب إدارة ليك غرفة اسمها مش عارف مين تقدر تشتكيها
:d
--
وبعدين ياراجل ده الموضوع كله هدوء اهوه انت اهدي شوية كدا خليك ريلالالالالاكس خالص اهم حاجة متتعصبش
:006et4:
بيقولك الإنسان لما بيتعصب وبيكشر بيحرك اكتر من 40 عضلة
انما لما بيضحك ويبتسم زيي كدا بيحرك 16 عضلة بس
:)
ابتسم للإدارة تبتسملك
ههههههههههههه
---
وبعدين محدش طلب رأيك يااستاذ محمد
:)
انت اللي ليك تقعد تتابع الناس الكبيرة لما ترد
لان انا مستني القائمين ( الجهات المعنية ) القائمة علي الأمر
عايز تحذر المشرفين وترد عليهم يبقي ترد علي راسيل خاصة ترد ف حجراتهم اللي عندهم
لكن ترد في موضوعي وتعمله مضمار ( اشرحها ؟ ) للتعليمات فده اعتقد انه مينفعش علي حسب آخر أب ديت للنظام في عقلي
أما بالنسبة للرد اللي عندك علي كل جزئية عندي فأنا عندي رد علي الرد اللي عندك اللي علي كل جزئية عندي
:D
يعني نخلي الموضوع موجه والجهات المعنية ترد وتفضي لينا شوية .. ده الرد أسهل من النقل من مجموعة لمجموعة وإضافة الصلاحيات مش فاهم في المنتدي ده بتبقي صعبة ليه
:d
يلا بالشفا
:)
ومستني بردو رد الجهات اللي ليها دعوة بتنفيذ الأمر ( اسهل من معنية )

اولا السلام عليكم
ثانيا
وحشنى ولله يا ابو حميد
ثالثا
للاسف يا حماده مش حينفع اقول للورد ملكش ان انت تتكلم
لانه بقى فعلا نائب ادارة
يعنى لازم غصب عننا يرد دوقتى
دى قوانين يا عم احمد وانت فاهم الاول لما كان مشرف ادارى زينا
قولنا متردش
المهم
اولا عايزك تهدى كدا يا ابو حميد
بى كووووووول
واحنا اتفقنا لما يدخل الاستاذ عصام
يعنى تجريح فى محمد او فى غيرة
معلش كدا حنشيل غلط يا حماده
واحنا مش عايزين نشيل غلط من حد
وانتى يا ترفل
تختلفى معايا لو قولتلك ان محمد فعلا يستحق انه يكون نائب ادارة ؟
دا بس رد على كلامك
معتقدش ان فى حد فى السايت دوقتى يستحق انه يكون نائب ادارة غيره
سيبيك من السن
اذا هما ماخدوش رائينا فى شيل وتعيين الاداريين يبقى حيروحوا يسالوا القوانين ولا حيشوفوا السن
وكمان فين روح القانون :078111rg3:
بى كول يا حماده
بى كول يا ناصر
منتظرين رد الاستاذ عصام

احمد رضا

26-05-2009, 02:00 AM

ههههههههههههه
والله وانت كمان واحشني يامجاهد
بالنسبة اني بقوله متردش ياريس
انه مش الجهه اللي انا اقصدها
نائب إدارة في القرارات الخاصة بمجلس الإدارة
انا دلوقتي مبسألش عن قرار متخد من قِبل مجلس الإدارة
انا بسأل عن منفذ القرار لانه غالباً ما بيبقي قرار تعسفي
انا مجرحتش في حد ياابو حميد علي فكرة اكيد انت عارف التجريح هيبقي ازاي
وخصوصا مني
رابعاً : رأيك علي عيني وعلي راسي ياحمادة
وعنيا الاتنين هستني استاذ عصام بردو
بس همتك معانا بقي ياحمادة
وانا كول اهوه
:d

MoHaMeD ELsHeRbEnY

26-05-2009, 02:09 AM

السلام عليكم

برغم انى نائب ادارة والمفروض انى ارد

بس بعد كلام اخويا الكبير احمد المجاهد وكلام برومثيوس

والله ما هقول ولا كلمة احتراما لاحمد المجاهد

ولكلامة

واحتراما لصاحب الموضوع وموافقة على طلبة

وكل كلمة قولتها احمد رضا معاك حق فيها

ربنا يكرمك يارب :)

ومنتظرين رد الجهات الى نفذت :romarioxp6:

فى رعاية الله

JusT DreaM

26-05-2009, 06:17 AM

والله انا النهاردة كنت هبعت رسالة لمستر/عصام
او
لعضوية صوت الحق

وتبعتي لمستر عصام ليه يابنتي
ماالعضوية كانت موجوده امبارح ومتابعة موضوع معها وبترد ع كل رد فيه
وانا اما شوفتها استنيتها ف موضوع بروميثيوس (ع اساس ان امبارح كان الاتنين )
بس اتأخرت:d
مش مشكله
بردو احنا ف انتظار الرد هنا عشان حل المعضلة دي:romarioxp6:
انا بجد بقيت متشوقه
حاسه اني بتفرج ع مسلسل بكلاكيتاته:d
وعاوزة اعرف النهايه بقى:bosyht9:

هو اللورد كام سنة

يابنتي العمر العقلي يختلف عن العمر العادي:078111rg3:
اسكتي بقى:romarioxp6:

صوت الحق

26-05-2009, 08:00 AM

الادارة فاضية الحمد لله خلصت امتحانات وفاضية اربعة وعشرين ساعة للمنتدى
لما تخلصوا المناقشات ارد
ولعلم الجميع انا المسؤول عن التعيينات وكل شيء بالمنتدى

احمد رضا

26-05-2009, 12:38 PM

~WEGDAN~

26-05-2009, 12:41 PM

لما رفعنا اياميها شرين وشريف لو تفتكرو
انا مكنتش ناوية ارد
انا عندى تعليق صغير
انا محدش رفعلى اشرافى عشان سنى بالعكس
انا كنت ناقص ابوس كيبوردهم عشان يشيلوا اشرافى :d
و هند كانت شاهدة عالحوار كله
و اتكتبلى ساعتها مشرفة فى اجازة تعليمية
عشان بس فى ناس كانت مش عايزة تقطع الود و المحبة ;)
لكن انا اتعرض عليا الادارى مرتين
مرة فى اول الدراسة
و مرة تانية لما كان المترشحين للادارى
محمود طه و اللورد و محمد ناصر و دكتور سعيد و هند و انا
يعنى مش عشان الدراسة خالص

_GUIDE_

26-05-2009, 02:40 PM

ممكن اقول رأى
أنا بقول ان مانول جوزيه مناسب للمنصب ده :d
بس للاسف انجولا خطفته
بس انا موافق على محمد وده لعدة اسباب
اولا الاكثر تواجد ونشاط
اصل الموضوع مبقاش ينفع لا بالسن ولا بالاقدمية
لان لو بالسن يبقى المدرسيين احق بيها
ولو بالاقدمية يبقى ندور على الناس اللى سابت المنتدى من سنين ونمسكهم مناسب
هى حاليا بقيت بالمجهود وكل واحد مجهوده
ده رأى فى النقطة دى
باقى الكلام ميفرقش معايا
وبالنسبة للجملة دى

الراجل للاسف مش فاضى داخل على مشروع خطوبة عقبال عندكم جميعا:d

حسبى الله ونعمة الوكيل
ودى اشاعة :blush:
هو كلمنى على الرجوع وانى امسك او ارجع عضو تانى بس انا ظروفى متسمحش
وانا بدخل ساعات وبشارك فعلا

وفى النهاية هقول تانى وهكررها
الف مبروح يامحمد
وهارد لك يادراويش :d

عالم فاضية ^_^

_GUIDE_

26-05-2009, 02:43 PM

كان ليا طلب كمان
ياريت ترجعه خاصية تحرير المشاركات

صوت الحق

26-05-2009, 03:27 PM

خلاص المناقشات انتهت
بس مش عارف يااستاذ عصام
اوصف ردك بالشكل ده بأي صيغة ؟
حتي لو بنتناقش تقدر معاليك توقف كل مناقشاتنا دي بأن حضرتك ترد
مش فاهم ليه حضرتك مردتش واكتفيت اك تقول لما تخلصوا مناقشات ابقي ارد
عموما هبعتلك اللينك تاني
واتمني اني اشوف رد
حتي لو كانوا بيتكلموا في الأزمة الإقتصادية
:)
وهل ردى هيغير من الواقع اى شيء
ولعلمك اغلب المناقشان لا اشوفها مش تقصير طريقة الكتابة والالون تجعلها صعبة على عينى ومش معقول اغيرها كلها
على العموم اهلا وسهلا بك احمد عضو مفيد وانا اعلم بانه لا تفرق معاك الالوان

صوت الحق

26-05-2009, 03:27 PM

كان ليا طلب كمان
ياريت ترجعه خاصية تحرير المشاركات

حاضر الان بعون الله

صوت الحق

26-05-2009, 03:29 PM

تم والحمد لله تعديل خاصية تحرير المشاركة

الاسطورة

26-05-2009, 05:58 PM

بسم الله الرحمن الرحيم
نبدأ الرد
اولآ " انا شايف دلوقتى ان كل واحد عمال بيتكلم فى وادى تانى خالص غير اللى الموضوع معمول عشانه
الموضوع معمول عشان نعرف سبب رفع اشراف احمد رضا ومحمد ناصر _واللى لازم عاجلآ او اجلآ ها نعرفه _
مش كل شوية واحد يدخل يفتح حوار ويتكلم فيه
الموضوع ده عشان مشكلة معينة
نفرض حد عنده مشكلة تانية
وماله يعمل موضوع تانى وها نناقشها برضو
ياريت اللى يعرف سبب رفع الاشراف يقوله واللى مش يعرف يستنى لحد ما حد عارف يبقى يرد

ثانيآ"

· انا شايف بم ان حضرتك متواجد يا استاذ عصام يبقى يكفى كلمة من حضرتك تقول ان مش عايزين حد يتكلم وهو مش عارف
وتتفضل مشكورآ تضع حد للحكاية دى بذكر سبب رفع الاشراف عن الثنائى رضا وناصر
ثالثآ"

حكاية تعيين اللورد نائب ادارة انا مش ها افتى واقول يستحق او لأ لانى مش متابع الحقيقة
انا ها اعلق على شرط السن بس
مش لازم حكاية السن دى يا جماعة لان يعنى مثلآ 20 سنة يبقى كبير وعاقل ومناسب...الخ
و19 يبقى لأ ؟
اعتقد يا ترافيل ان الشرط ده كان موضوع من قبل اشرف عبقرينو عشان يبعدنى انا واحمد رضا عن اننا نفكر نكون نائبين ادارة باعتبارنا اصغر اتنين ف طاقم الادارة ايامها

ودمتم بود....

صوت الحق

26-05-2009, 06:06 PM

mR . mOstafa Fathi

26-05-2009, 06:34 PM

سورى اقتراحات دى خاصة بالاعضاء يا مصطفى

والله انا بعتبر نفسى عضو قبل ادارى
والمكان اللى ارد فيه دا يرجعلى انا
بتبقى راحات
وثانيا
كل واحد مسوؤؤل عن تصرفاته
يعنى كل واحد فى حاله
جميل

dr.zomba

26-05-2009, 06:35 PM

خلاصة الموضوع فى كلمتان
الاخ احمد رضا كان مقدم اعتذار عن التغيب لانه مش فاضى واتضح انه بيحضر ندوات على الياهو خاصة باشرف وحضرت ندوة بالصدفة وتمت الخناقة امامة على وضع لينك الراعة للندوة بينى وبين زيزو والسادات وانتهت الى عدم وضع اى لينكات لانه لانه كان يضع لينك اشرف كنت اضع لينك البوابة والمنتديات الصديقة ولم تاتينى الدعوى على اميل على ابنى بشرط راعية لهذه الندوة ده سبب من الاسباب والاخ ناصر مش متواجد وهذا للعلم انه كان مقدم استقالة وصبرنا عليه لحين مراجعه نفسه
والان الوضع اتغير وممكن نسئل الاداريين على ما يدور فى الحجرة الخاصة بهم وحجرة المشرفين ايضا
ده خلاصة الموضوع

كلام جميل جدا
بس دلوقتي يبقي سؤال ليه القرارات بتاعت حضرتك وبس وبدون اخذ مشورة باقي طاقم الاداره مع العلم ان المفروض الادارة دي اداره(ديموقراطيه) وبدون اعلام اصحاب الشأن ( اللي اترفعوا من الاشراف )

وشكرا

الاسطورة

27-05-2009, 05:17 AM

خلاصة الموضوع فى كلمتان
الاخ احمد رضا كان مقدم اعتذار عن التغيب لانه مش فاضى واتضح انه بيحضر ندوات على الياهو خاصة باشرف وحضرت ندوة بالصدفة وتمت الخناقة امامة على وضع لينك الراعة للندوة بينى وبين زيزو والسادات وانتهت الى عدم وضع اى لينكات لانه لانه كان يضع لينك اشرف كنت اضع لينك البوابة والمنتديات الصديقة ولم تاتينى الدعوى على اميل على ابنى بشرط راعية لهذه الندوة ده سبب من الاسباب والاخ ناصر مش متواجد وهذا للعلم انه كان مقدم استقالة وصبرنا عليه لحين مراجعه نفسه
والان الوضع اتغير وممكن نسئل الاداريين على ما يدور فى الحجرة الخاصة بهم وحجرة المشرفين ايضا
ده خلاصة الموضوع
حضرتك انا ها اعلق على اللى اعرفه ف الكلام ده
بالنسبة لموضوع الاجتماعات دى انا حضرت احدها قبل كده
كل الحكاية انه وصلنى دعوة للكونفرنس لا اتذكر من الباشمهندس زيزو او من محمد السادات
حضرت مرة وفهمت المحتوى ومش حضرت تانى
جايز يكون رضا نفس النظام
عمومآ منتظرين تعقيب رضا
.................................................. .................................................. ...
ناصر بقى بيقول انه كان طلب انه يتشال
وبعدين الموضوع فات عليه فترة و انتهى من الساحة
وبعدين اتشال فجأة

المشرف

27-05-2009, 10:57 AM

ترافيل خلاص كفاية كلام في الموضوع ده و انت يا محمد كفاية علشان الامتحانات و الظروف دي ركزوا في الامتحانات و المذاكرة و بعدين نبقي نتكلم في الموضوع ده مش عاوزين تستنوا لما نخلص و نتشاكل مع بعض لازم تتشاكلوا لواحدكوا ناس انانية صحيح ممكن الموضوع يتقفل بعد اذن احمد رضا صاحب الموضوع

المجاهد فى سبيل الله

27-05-2009, 12:14 PM

يا جماعة
احنا كنا مستنين رد الاستاذ عصام
و الاستاذ عصام رد يبقى باقى الكلام
ملهوش لزمة
بعد اذن الجميع
الموضوع حيتم غلقه
وحذف الردود
ولو عندى صلحية يا محمد انى اديلك مخالفة كنت عملتها
وكذالك لزينب
لان ده اسمه كلام فاضى

الاسطورة

27-05-2009, 01:29 PM

معلش احمد المجاهد كان ليا رأى
الاستاذ عصام قال رأيه
لا رضا ولا ناصر دخلوا لسا عشان يوضحوا موقفهم
ها ييجوا يشوفوا الرد وها يعملوا موضوع تانى يردوا فيه
يبقى كننا نسيب ده وخلاص مع حذف اى رد من حد تانى
لو عجبك رأيي تقدر تفتح الموضوع

MoHaMeD ELsHeRbEnY

27-05-2009, 02:04 PM

اولا معلش ياحمد باشا ان ردى كان فية حدة شوية

بس كان لازم اوضح راى

اقنعة ايه يا عم محمد
والى تشوفة ياباشا موافق علية

بالنسبة لراى محمود الاسطورة انا موافق علية

واى رد لاى شخص داخل الموضوع غير احمد رضا ومحمد ناصر والاستاذ عصام

يحذف فورا ولو فية اى تطاول صاحب الرد يتعاقب اى ان كان مين

منتظر ردك احمد المجاهد وفتح الموضوع وحذف ردى ورد الاسطورة كمان

فى رعاية الله

المجاهد فى سبيل الله

27-05-2009, 03:33 PM

يا جماعه
ان شاء الله الموضوع حفتحه
بس حيتفتح لمدة يومين بس مفيش غيرهم
اتمنى ان احمد رضا يدخل يرد هو و ناصر
ولو مردوش خلاص الموضوع انتهى
و ححذف الموضوع
وكلنا اخوات واصحاب
احسن من اننا نزعل من بعض

احمد رضا

27-05-2009, 06:56 PM

السلام عليكم ورحمة الله وبركاته
طبعاً الخط كبير بما يكفي لإراحة عيونكم جميعاً
هتكلم بس علي آخر مشاركة لاحمد المجاهد
منطقياً كدا ياحمادة يعني الإدارة تقعد إسبوع متردش علينا وتتقفل مواضيع وتتفتح مواضيع ولما احنا ننشغل الموضوع يتحذف ؟
طبعا دي فكرة غير منطقية بالمرة وغير عادلة ارجو إعادة النظر فيها حتي لو كان المبرر ان هتحصل مشاكل ممكن المشاكل تتهبط بحذف المشاركات والتحذيرات والوقف كمان لكن انك تضيع حق دي زي ما قولتلك مش عادلة ياحمادة
نسحب خط بقي ونيجي من أول السطر
-------
استاذ / عصام علي ( صوت الحق )
استخدامك لمعلومات متفرقة يؤسفني انه اقولك انه خاطئ

أولا الأمر كالتالي

الندوة اللي حضرتك اتبعتلك دعوة فيها وقعدت تبعت لينكات منتديات وتم رفض عمل حضرتك من قِبل منظمي الندوة دي كانت الندوة الأولي والأخيرة
وطبعاً كنت ضيف الندوة بناءاً علي طلب صديقي وأخويا وحبيبي الباشمهندس زيزو
ولأخت فاضلة تانيه بعتبرها اختي الكبيرة
وطبعاً الاتنين دول خصوصاً مقدرش ارفضلهم أي طلب .. مع العلم اني أقسم بالله العظيم ما قرات ولا موضوع في منتدي أشرف وطبعاً انا مش مضطر أحلف لان انا مش مضطر أكذب أصلا ً ولكن تأكيداً للأعضاء وللناس كلها

ثانيا : موضوع التغيب لو حضرتك متابع وبصيت علي التاريخ هتلاقيه حديث العهد يعني قبل رفع إشرافي تقريبا بتلت أسابيع اما الندوة فكانت من فترة كبيرة نسبيا ًواعتقد ان حضرتك مشوفتش موضوع تغيبي أصلا عشان تقارنه بالميعاد اللي دخلت فيه حضرتك الندوة لذلك فبطلب من حضرتك متابعة أكتر وملاحظة أكتر وياريت تجيب للأعضاء تاريخ الموضوع بتاع ظروفي النفسية والصحية وتكلف حد من المشرفين يجيب كونفرنس عز وحيد ( مناصرة ) اللي احمد المجاهد عرضه وهو بيسبني فيه الحمدلله التاريخ كان فيه بالساعه
وده طبعاً كان نفس يوم الندوة وبعدين ملحوظة الوقت اللي حضرتك كنت حضرت فيه الندوة كان فيه اقتراحات كتير في حجرة المشرفين وكان فيه قرارات كتير مطلوب البت فيها كان ممكن وقت الندوة يفيد شوية دهه من وجهه نظري يااستاذي ولك حق قبولها ورفضها ولكن التبرير عليها فضلا

ثالثاً : بكررها من حق القائمين علي الندوة رفض الروابط اللي حضرتك كنت بتبعتها لانه مش منتدي صديق .. وبعدين مش حضرتك كنت عامل موضوع تهنئة وبتقول المهم الخير والفايدة ؟ طيب مهو انا بعمل خير وفايدة بردو لو كنت حضرتك بس شغلت المايك هتلاقيني كنت بتكلم ف مواضيع مهمة وجانب أدبي ممكن يفيد الناس ..

رابعاً : طبعاً كلامي كله اللي فوق 100 % صح ومفيهوش ولا غلطة والأدلة في ايديكم ولما يدخل مشرف يساعدني اني اجيب الحاجات بالتواريخ وساعتها هوثق للاعضاء كلامي .. ولكن نفترض جدلاً إني عملت الكلام اللي انا اثبت انه مش صح بالشكل اللي حضرتك قولته ده .. من حقي اني قبل ما اتعزل يوصلني رسالة تحذير .. او يتم تحذيري وبعدين عزلي .. اعتقد ان دي الأصول اللي مش هقدر اذّكر حضرتك بيها لاني أقل من ذلك ( في الناحية دى )

خامساً : مستني رد حضرتك بالتفصيل وهتدرج معاك إلي النهاية وزي ما انت عايز
انا بحب المناقشات الهادية اللي زي دي ونتفق من الاول اللي غلط هيعتذر سواء الغلطة كانت بقصد او بدون قصد او عن جهل او عن علم ومن أي طرف مهما كان واعتقد ان ده الحق اللي بردو مش هقدر انوه عنه لانك صوت الحق

:)

المجاهد فى سبيل الله

27-05-2009, 07:13 PM

طبعاً الخط كبير بما يكفي لإراحة عيونكم جميعاً
هتكلم بس علي آخر مشاركة لاحمد المجاهد
منطقياً كدا ياحمادة يعني الإدارة تقعد إسبوع متردش علينا وتتقفل مواضيع وتتفتح مواضيع ولما احنا ننشغل الموضوع يتحذف ؟
طبعا دي فكرة غير منطقية بالمرة وغير عادلة ارجو إعادة النظر فيها حتي لو كان المبرر ان هتحصل مشاكل ممكن المشاكل تتهبط بحذف المشاركات والتحذيرات والوقف كمان لكن انك تضيع حق دي زي ما قولتلك مش عادلة ياحمادة
نسحب خط بقي ونيجي من أول السطر

معلش يا ابو حميد
حرد على النقطه دى
واوعدك ان شاء الله
ان مفيش اى رد تانى حقبل بيه فى الموضوع ده غير ردك ورد الاستاذ عصام
لا يا احمد
انا مش بظلم حد
لما اشوف مناقشات ملهاش لزمة
يبقى انسب حل انى اقفل الموضوع لحد ما حضرتك تيجى
انما اسيبه علشان اتنين مشرفين يقفوا لبعض
ده مسمحش بيه قدام الاعضاء ومن قبلهم قدام المشرفين التانيين
اتمنى انك تكون فهمت النقطه دى
وليه قفلت الموضوع

احمد رضا

27-05-2009, 07:14 PM

تمام موافقك في نقطة اغلاق الموضوع
لكن انك تحذفه وارجع لردك شوف لفظة تحذفه
هيا دي اللي جائرة شوية
ولو مردوش خلاص الموضوع انتهى
و ححذف الموضوع
ومنتظر رد استاذ عصام وطبعاً استاذ عصام فاضي ( وده كلامه )
فهيرد علينا بسرعة
:)

المجاهد فى سبيل الله

27-05-2009, 07:33 PM

وبرضه يا ابو حميد
ارجع لردى وحتلاقى انى سايب مهله
يومين

احمد رضا

27-05-2009, 09:35 PM

طيب مهو ياحمادة يومين مش كفاية
افرد اني مشغول يومين ونص
اجي ألاقي موضوعي محذوف
ينفع كدا
:d
هههههههههه
عموما استاذ عصام موجود
بس مش فاهم هو مش عايز يرد علينا ليه
هبعتله اللينك سادس حاضر عنيا الاتنين

المجاهد فى سبيل الله

27-05-2009, 09:44 PM

جرى ايهيا ابو حميد
احنا حنلعب على الاطار ده كتير ولا ايه
ايه الى يومين مش كفاية امال اخليه اسبوعين يعنى
خلاص يا جماعه نخليه اسبوعين علشان خاطر احمد بس
ورجاء
محدش يرد غير الاستاذ عصام
وانا برضه حبعتله اللنك

..Just Stop

28-05-2009, 02:42 AM

طبعا واضح انى جيت متأخر جدا
وزييى زيك يا احمد يارضا
عايز اعرف كل حاجة بالتفصيل
لو هنتكلم بديموقراطية
انت قولت ردك والاستاذ عصام قال الاسباب
بس انت بررت الاسباب
يبقا ننتظر رد الاستاذ عصام
ان شاء الله هنعرف كل الحكاية
دمتم فى رعاية الله

mR . mOstafa Fathi

28-05-2009, 09:04 AM

السلام عليكم ورحمة الله وبركاته

طبعاً الخط كبير بما يكفي لإراحة عيونكم جميعاً
هتكلم بس علي آخر مشاركة لاحمد المجاهد
منطقياً كدا ياحمادة يعني الإدارة تقعد إسبوع متردش علينا وتتقفل مواضيع وتتفتح مواضيع ولما احنا ننشغل الموضوع يتحذف ؟
طبعا دي فكرة غير منطقية بالمرة وغير عادلة ارجو إعادة النظر فيها حتي لو كان المبرر ان هتحصل مشاكل ممكن المشاكل تتهبط بحذف المشاركات والتحذيرات والوقف كمان لكن انك تضيع حق دي زي ما قولتلك مش عادلة ياحمادة
نسحب خط بقي ونيجي من أول السطر
-------
استاذ / عصام علي ( صوت الحق )
استخدامك لمعلومات متفرقة يؤسفني انه اقولك انه خاطئ

أولا الأمر كالتالي

الندوة اللي حضرتك اتبعتلك دعوة فيها وقعدت تبعت لينكات منتديات وتم رفض عمل حضرتك من قِبل منظمي الندوة دي كانت الندوة الأولي والأخيرة
وطبعاً كنت ضيف الندوة بناءاً علي طلب صديقي وأخويا وحبيبي الباشمهندس زيزو
ولأخت فاضلة تانيه بعتبرها اختي الكبيرة
وطبعاً الاتنين دول خصوصاً مقدرش ارفضلهم أي طلب .. مع العلم اني أقسم بالله العظيم ما قرات ولا موضوع في منتدي أشرف وطبعاً انا مش مضطر أحلف لان انا مش مضطر أكذب أصلا ً ولكن تأكيداً للأعضاء وللناس كلها

ثانيا : موضوع التغيب لو حضرتك متابع وبصيت علي التاريخ هتلاقيه حديث العهد يعني قبل رفع إشرافي تقريبا بتلت أسابيع اما الندوة فكانت من فترة كبيرة نسبيا ًواعتقد ان حضرتك مشوفتش موضوع تغيبي أصلا عشان تقارنه بالميعاد اللي دخلت فيه حضرتك الندوة لذلك فبطلب من حضرتك متابعة أكتر وملاحظة أكتر وياريت تجيب للأعضاء تاريخ الموضوع بتاع ظروفي النفسية والصحية وتكلف حد من المشرفين يجيب كونفرنس عز وحيد ( مناصرة ) اللي احمد المجاهد عرضه وهو بيسبني فيه الحمدلله التاريخ كان فيه بالساعه
وده طبعاً كان نفس يوم الندوة وبعدين ملحوظة الوقت اللي حضرتك كنت حضرت فيه الندوة كان فيه اقتراحات كتير في حجرة المشرفين وكان فيه قرارات كتير مطلوب البت فيها كان ممكن وقت الندوة يفيد شوية دهه من وجهه نظري يااستاذي ولك حق قبولها ورفضها ولكن التبرير عليها فضلا

ثالثاً : بكررها من حق القائمين علي الندوة رفض الروابط اللي حضرتك كنت بتبعتها لانه مش منتدي صديق .. وبعدين مش حضرتك كنت عامل موضوع تهنئة وبتقول المهم الخير والفايدة ؟ طيب مهو انا بعمل خير وفايدة بردو لو كنت حضرتك بس شغلت المايك هتلاقيني كنت بتكلم ف مواضيع مهمة وجانب أدبي ممكن يفيد الناس ..

رابعاً : طبعاً كلامي كله اللي فوق 100 % صح ومفيهوش ولا غلطة والأدلة في ايديكم ولما يدخل مشرف يساعدني اني اجيب الحاجات بالتواريخ وساعتها هوثق للاعضاء كلامي .. ولكن نفترض جدلاً إني عملت الكلام اللي انا اثبت انه مش صح بالشكل اللي حضرتك قولته ده .. من حقي اني قبل ما اتعزل يوصلني رسالة تحذير .. او يتم تحذيري وبعدين عزلي .. اعتقد ان دي الأصول اللي مش هقدر اذّكر حضرتك بيها لاني أقل من ذلك ( في الناحية دى )

خامساً : مستني رد حضرتك بالتفصيل وهتدرج معاك إلي النهاية وزي ما انت عايز
انا بحب المناقشات الهادية اللي زي دي ونتفق من الاول اللي غلط هيعتذر سواء الغلطة كانت بقصد او بدون قصد او عن جهل او عن علم ومن أي طرف مهما كان واعتقد ان ده الحق اللي بردو مش هقدر انوه عنه لانك صوت الحق

:)

والله يا ابنى عداك العيب وعلى حق

ومنتظرين صوت الحق

المجاهد فى سبيل الله

28-05-2009, 09:39 AM

طب تمام اوى كدا
ولله من رائى
اننا نعمل قاعدة عرب
الموضوع وصل للصفحة التانية
وانا ابص بالعشرة ان احمد رضا ومحمد ناصر لهم حق
و الاستاذ عصام اقسملى انه رد امبارح بس المنتدى سقط
ابو حميد تحب ننهى الموضوع ده انت ومحمد ناصر
ولا ايه رائيك نسيبة مفتوح ونتكلم كتير
قدام الناس كدا
وننشر غسلنا كدا قدامهم
حلو الصيغة دى
الحل يا جماعه حنحدد معاد ان شاء الله
واعمل كونفرنس مع الاستاذ عصام
حيشملنى وحيشمل الادارة كلها بما فيهم طبعا احمد رضا ومحمد ناصر
ونتناقش ونطلع بنتيجة اصل كدا حرام بجد
اننا نفضل نتكلم كدا والى نعيده نذيده
وكدا مينفعش
احنا وانتم وراكم امتحانات
ومش فاضيين
مستنى رئيك يا احمد انت ومحمد