هل العرب متخلفون؟!!!
عباره مللنا من سماعها .. بل و ربما كثيرا ما قرأناها في المنتدى ..

و لكن هل حقا العرب متخلفون ؟!! كيف ! و اين الخلل ؟

لنحلل الموضوع بطريقه علميه ..

هل العقل العربي يختلف عن العقل الغربي بشيء او هل يوجد لدى عقول العرب جينات تمنعهم من التقدم .. الإجابه هي لا فجميع البشر يتمتعون بنفس التركيب العقلي و الحيوي .. و قد انجب العرب الكثير من العلماء في الماضي و الحاضر الذي يشهد لهم العالم بتفوقهم ..

هل الاعتقاد الديني هو السبب .. السبب ايضا لا فديننا الاسلام يدعونا دائما الى السعي نحو العلم و طلبه و لو كان في الصين ..

هل النسيج الاجتماعي هو السبب .. الاجابه ايضا معروفه فربما ما يميز المجتمع العربي عن غيره هو الترابط الاسري و الاحترام بين افراده .. و ان بدا بالاونه الاخيره تخرج بعض الحالات الشاذه !

هل ما يسمونه " غياب الحريات و الديمقراطيه " هي السبب .. ان كانت هي سبب التخلف فلماذا الصين في تقدم مستمر على الصعيد الاقتصادي و العلمي و واحده من اكبر دول العالم المتقدمه في جميع الصناعات ..

و يبقى السؤال هو السؤال ..

هل تعتقد بصحه العباره التي تقول ان العرب متخلفون ؟!

و ان كانت الاجابه بنعم فبرأيك ما هي الأسباب ؟!

منقول من منتدى سندباد
http://sindbadsoft.my-place.us/vb/index.php?

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لا



العرب مش متخلفين

هما اللي بيعملوا وهم و يسموا نفسهم متخلفين

لسبب واحد

انهم مكسلين يفكرو و يعرفو انهم احسن من الغرب بس لو هما عاوزين

طيب هما ليه مكسلين يفكروا .
وتسمى اللى مبيفكرش ده ايه.

اولا الموضوع مش مكانه هنا
مش مشكلة
الموضوع كويس كله
بس لما تنقل حاجة يا ريت متقولش جبتها منين
الا لو كانت حاجة دينية

بسم الله
الاجابة على سؤال هلى العرب متخلفون؟
الجواب: حاليا ,نعم وبالثلث

الاسباب (لو عرفنا هنعمل ايه يعنى؟)
وشكرا يا احمد على الموضوع

<div class='quotetop'>إقتباس(خالدالجن @ Aug 14 2006, 12:55 PM) 189496</div>
الاجابة على سؤال هلى العرب متخلفون؟
الجواب: حاليا ,نعم وبالثلث

[/b]

طبعا متخلفين بالثلث

شكرا للمرو الجميل ياخالد.
وأنا مش هعمل زى اما بتقول تانى.
وشكرا لإهتمامك يا معتز.

العرب كعقلية مش متخلفين لكن للأسف عندهم نقص فى الموارد و انعدام فى الثقة و كســــــــــــــــــــــــــــــل ..
والدليل موجود على مر العصور..ابن سينا ..الخوارزمى..ابن الهيثم.. العقاد ..زويل ,,وغيرهم
لكن المشكلة اننا مش بناخد باسباب التقدم

كلام صح يامحمد.
لكن هنفضل فى موضوع الكسل ده كتيرررر.

:rolleyes: كسل مين يا عم انت
وهو
نسيت تاكل
نسيت تشرب
نسيت تعوم فى الفيسيه
نسيت تلعب كورة بعد الضهر

على رأى الحاجة المانيا
بالنسبة للتساؤلات فى الموضوع
ف2 من التلاتة موجودين
فلا ترابط اسرى ولا بتاع
ولا ديمقراطيه ولا الهوا
الاسباب سياسية بحته
ثم ان ربنا قضى علينا بذلك
لنصبر على قضائه

والله ياجماعه أنا مش عارف حال العرب ده هقعد كده كتيررررررر؟؟؟؟؟؟؟؟؟؟

متخلفين وجهلة كمان

واللى يقول غير كده يبقى بيوهم نفسه

لا احترام للديمقراطية
لا احترام للمرأة
لا احترام لحقوق الانسان
لا احترام للعلم
لا احترام للرأى

العرب حاليا اسوأ شعوب الدنيا

والله أنا بقول كده برضه يا انشتاين.
وشكرا لإهتمامك.

العرب عمرهم ما كانو متخلفيين

والحضارة الغربية قامت على اساس الحضارة الاسلامية ( اى العرب )

وعلماء كثيرون فى يومنا الحالى عرب

ولكن ما نحن فيه من قلة الرأى

والاختلاف من الافضل مصر ام السعودية ام تونس ام .. ام ..


شكرا احمد

وكل واحد علق على الموضوع لا ينسى انه عربى..............!!

اتفق معكي يا مهرة في رايك

شكررررررا لكى يامهره.
ولكن احنا اتفقنا ان العرب مش متخلفين قلنا انهم كسلا .
وبالتالى الكسل يؤدى الى التخلف.
وشكرا لك يازيزو باشا.

الموضوع رائع

العرب مش متخلفين يمكن مش عارفين يستخدموا عقلهم صح بدليل اننا طلعنا نماذج مشرفة من علماء واطباء و كتير جدا غيرهم

الاوربيون عرفوا ازاى يستخدموا عقلهم صح جدا علشان كده احنا دول العالم الثالث

الف شكر على الموضوع

لم انسى انى عربى ولى كل الفخر انى عربى لكنى اتكلم عن واقع

لا اتكلم بعاطفة بل بعقل

لا ينكر احد ان العرب هم من اناروا ظلمات اوروبا

لكن اين نحن الآن

مجرد اناس تستهلك

شكرا جزيلا لإهتمامك ياقطه.
وكلامه صح ياانشتاين.

ايه يا جماعة اللى انتوا بتقولوه ده

ازاى العرب متخلفين؟!

يعنى اللى بيقول على العرب متخلفين من امريكا؟!

وبعدين هما اللى سمونا العالم الثالث واحنا صدقناهم ولا ايه؟!

والمفروض احنا نحاول نغير الصوره دى؟

احنا اللى خلناهم يقولوا علينا عالم تالت
احنا اللى استسلمنا ليهم
هما اللى ضحكوا علينا
وشكرا لمرورك ياجيفارا

<div class='quotetop'>إقتباس(أحمد2025 @ Aug 15 2006, 11:47 PM) 191423</div>
احنا اللى خلناهم يقولوا علينا عالم تالت
احنا اللى استسلمنا ليهم
هما اللى ضحكوا علينا
وشكرا لمرورك ياجيفارا
[/b]

انت قصدك ايه يعنى؟

متخلفين بس
دول متخلفين اوي

معلش ياجيفارا أنا لسه واخد بالى من الرد دلوقت مختش بالى ان فى صفحه تانيه.
أنا قصدى إحنا أعطنينا لهم كل شىء واستطاعوا أن يضحكوا علينا ونحن لن نواجههم.
وشكرا لإهتمامك يا أسماء.

العرب حاليا اسوأ شعوب الدنيا

هو كان موضوع لوحدة لكن هنقله هنا عشان اوضح الصورة
.................................................. ..........................
العرب متخلفون..المسلمون بدائيون..الأمل مقطوع.. كلمات سئمنا سماعها من ألسنتنا ..من أنفسنا..!
كثيرا ما نسب العرب و نتجاهل اننا أمه عربية...... كثيرا ما يلقى الواحد منا بمسئولية التراجع و التخلف على كل عربى...والعجيب انه يستثنى نفسه من ذلك دون ان يشعر ..ألم تسمع يا أخى بقول رسول الله صلى الله عليه و سلم.
(إذا قال الرجل هلك الناس فهو أهلكهم) ....
وقد اختلف البعض فى تفسير كلمة أهلكهم..فمن من قال أنه أكثرهم هلاكا ( اسم تفضيل ) ..ومنهم من قال أنه هو الذى أهلكهم ( فعل )..
فهل عرفت أخى ما تصنع بأمتك من كلماتك تلك التى تفتت صخور الأمل ..وتبقى بشباك اليأس...إذا كنت أنت يا عربى لا تتوقف عن السباب و اللعن فى أمتك العربية ..فماذا تنتظر من الغربى و الأوربى نحونا..لماذا تغضب إذا سبنا و أنت من علمه ذلك..
ألم تعلم أن أمتنا العربية الإسلامية هى خير الأمم فى الأرض..
(كنتم خير أمة أخرجت للناس تأمرون بالمعروف و تنهون عن المنكر و تؤمنون بالله )
فأخبرنى يا مؤمن ..كيف تسب خير الأمم....أعلم أنك تقول الآن أن الخير فى الأمة انقطع و زال من قديم الزمان...ولكن لا و الله الخير فى أمة محمد صلى الله عليه و سلم أبد الآبدين...ويقول رسول الله صلى الله عليه و سلم فى حديث فيما معناه...
(الخير فى و فى أمتى إلى يوم الدين)
لماذا انخدعت بتلك الصحوة الغربية الزائفة الزائلة..والله ما لها من أساس..وهى لا محالة زائلة..حضارة الغرب و قوة بطشهم الآن ليست شيئا مقارنة بما كان عليه حال الفرس و الروم عندما كسرهم المسلمون ..بالنظر لفرق الحقبة الزمنية...ألم تسمع لقول الله عز و جل ...
(لا يغرنك تقلب الذين كفروا فى البلاد * متاع قليل و مأواهم جهنم و بئس المهاد )
فاخبرنى يا مؤمن لماذا غرك تقلبهم فى البلاد.....إن الحضارة الغربية بكل زينتها و زبرجها قائمة على سابقتها الاسلامية فى إطار صراع الحضارات..وفى شتى المجالات...انظر كيف ترجموا لابن سيناء و تعلموا من ابن الهيثم و درُسوا للخوارزمى ..واخذوا يستسقون من بئر حضارتنا ختى نضب و جف...حتى إذا على بناينهم و اشتد عودهم..تنادوا انهم هم الغالبون..... المنطق الذى نفكر به الآن انما هو حصاد بذور السلبية التى زرعوها فينا ليقطعوا في نفوسنا اى أمل للعودة إلى حضارتنا..والمؤسف اننا نستجيب...علينا الا ننتظر الفرج..فلن يظاتى لنا يسعى ونحن له ناظرون
(إن الله لا يغير ما بقوم حتى يغيروا ما بانفسهم )
لا بد أن نحطم قيود الياس و أغلال التأخر..ونتمسك بحبل الله جميعا و لا نتفرق..
(إن تنصروا الله ينصركم و يثبت أقدامكم )
انها دعوة للإيجابية و الأمل و التفاؤل الذى ظهرت بوادرة...والأمة ان شاء الله منصورة بنا أو بغيرنا..ونامل من الله أن يعز الإسلام على أيدينا
فمن فضلك اخى لا تسب العرب..ولا تلعن أمتك..تكن خائنا ومعاديا لها .....من فضلك اخى لا تطعن امتك من ظهرها...
تذكروا قول سيدنا شعيب لقومه فى القران الكريم
(إن أريد إلا الإصلاح ما استطعت و ما توفيقى إلا بالله)
وقول الله تعالى
(وما كان ربك ليهلك القرى بظلم واهلها مصلحون )
ومن هذا يتجلى أن طريق العودة هو الإصلاح فى الأرض..وكيف ان الله عز وجل لم يقل و اهلها صالحون ..وانما قال مصلحون ومعنى ذلك ان تكون صالح و مصلح فى الأرض..وتنزع عنك عباءة السلبية إلى غير رجعة ان شاء الله..
أتمنى ان تطفو النخوة العربية فى نفسك فتشعل صدرك همة ..لتعيد إلى أمتك مجدها ..وعزتها..إن شاء الله

شكرا لمرورك ياطماطم.
وشكرا لإهتمامك يامحمد
لكن يامحمد خلينا بعيد عن العواطف والمشاعر العرب دلوقتى متخلفين100%