|
مشاهدة النسخة كاملة : الاساتذة الكرام !! Tiestoooo_9 30-05-2009, 05:26 PM لو سمحتم ,,,, مطلوب ملخص لشروط التشابة و التطابق و أن يكون الشكل معين أو متوازي اضلاع أو اي شرط من هذا النوع ,,,,, لأن هي دي مشكلتي في الفراغية !!!! ياريت بسرعة علشان الامتحانات على الأبواب ,,,,, و مشكرون على المجهورد !!! الاستاذ محمد سرور 30-05-2009, 11:51 PM لو سمحتم ,,,, مطلوب ملخص لشروط التشابة و التطابق و أن يكون الشكل معين أو متوازي اضلاع أو اي شرط من هذا النوع ,,,,, لأن هي دي مشكلتي في الفراغية !!!! ياريت بسرعة علشان الامتحانات على الأبواب ,,,,, و مشكرون على المجهورد !!! طيب ركز معايا نمسك اولا تشابة المثلثات 1- ثلاث زوايا تساوى نظائرها فى مثلث اخر 2- زاويتين تساوى نظارئهما فى مثلث اخر .......لان بشكل تلقائى الثالثة = الثالثة فى الاخر 3- احدى زاويتى القاعدة فى مثلث متساوى الساقين تساوى نظيرتها فى مثلث متساوى ساقين اخر 4- زاوية حادة من زوايا مثلث قائم تساوى نظيرتها فى مثلث قائم اخر 5- زاوية تساوى نظريتها فى مثلث اخر ..والاضلاع التى تحصرها تكون متناسبة مع الاضلاع التى تحصر الاخر 6- ثلاث اضلاع فى مثلث تتناسب مع نظائرها فى مثلث اخر 7- اى مثلثين متساويا الاضلاع متشابهين خد بالك عند تشابه شكلين فى النسبة بين محيطيهما = النسبة بين اى ضلعين متناظريين فيهما والنسبة بين مساحتيهما = مربع النسبة بين اى ضلعين متناظريين فيهما ثانيا التطابق للمثلثين 1- ثلاث اضلاع تساوى نظائرها 2 ضلعين وزاوية محصورة بينهم = نظائرهم 3- زاوييتين والضع المقامين علية = نظائرهم خواص الاشكال اولا متوازى الاضلاع هو شكل رباعى فيه كل ضلعين متقابلين متساويين ومتوازيين....وكل زاويتين متقابلتين متساويتين وكل زاويتين متجاورتين مجموعهم 180 والقطرين ينصف كل منهم الاخر ثانيا المستطيل هو متوازى اضلاع بالاضافة الى ان زواياه قائمة والقطرين متساويين ثالثا المربع هو مستطيل بالاضافة الى ان جميع اضلاعه متساوية والقطريين متعامدين وينصفان زوايا الرأس الى 45 درجة لكل نصف رابعا المعين هو متوازى اضلاع جميع اضلاعه متساوية والقطريين متعامديين ينصفان زوايا الرأس a7mad3ali 30-05-2009, 11:57 PM الف شكر يا استاذ محمد لاني كنت محتاج الحاجات ديه فعلا بس لو مفهاش تعب ممكن حضرتك تحطلنا الحاجات اللي متعلقه بالمثلث بالتفصيل زي نظريه اقليدس وابولونيوس او بمعني اصح نظريات اعدادي لانها بتقابلني في مسائل كتير بتبقي فكره حلها معتمده علي نظريه من اعدادي ومشكور علي مجهود حضرتك الاستاذ محمد سرور 31-05-2009, 01:11 AM الف شكر يا استاذ محمد لاني كنت محتاج الحاجات ديه فعلا بس لو مفهاش تعب ممكن حضرتك تحطلنا الحاجات اللي متعلقه بالمثلث بالتفصيل زي نظريه اقليدس وابولونيوس او بمعني اصح نظريات اعدادي لانها بتقابلني في مسائل كتير بتبقي فكره حلها معتمده علي نظريه من اعدادي ومشكور علي مجهود حضرتك ابولونيوس:angry2:...دى اتشالت من جميع المناهج المصرية بس نقولك اللى حيفيدك فى المثلث المتساوى الساقين المتوسط المرسوم من الرأس ينصف القاعدة وعمودى عليها نقطة تلاقى متوسطات المثلث تقسم كل متوسط بنسبة 1: 2 من جهة القاعدة فى اى مثلث اذا رسم مستقيم ينصف ضلعين فى مثلث فانه يوازى الثالث ويساوى نصفه فى اى مثلث اذا رسم مستقيم يقطع ضلعين فى مثلث فانه يقسمهما الى مثلثين متشابهين فمثلا المثلث أ ب جـ رسم ء هـ يوازى ب جـ ويقطع أب , أجـ فان أ ء / أ ب = أ هـ / أ جـ = ء هـ / ب جـ .............ودى مهمة جدا فى مسائل النسب بتاعت تاليس والهرم اللى فيه مستويين متوازيين الزاوية المحيطية المرسومة فى نصف دائرة = 90 درجة .....اللى الضلع المقابل لها بيكون قطر فى الدائرة فيثاغورث فى اى مثلث قائم مربع الوتر = مجموع مربعى الضلعين الاخريين اقليدس فى اى مثلث قائم أ ب جـ قائم فى أ اذا رسم عمود من رأس القائمة أ ء على الوتر ب جـ فان أب تربيع = بء فى ب جـ أج تربيع = جـ ء فى ب جـ أ ء تربيع = بء فى جـ ء أ ء فى ب جـ = أب فى أ جـ Tiestoooo_9 31-05-2009, 07:27 AM الله يكرمك يا مستر محمد ,,,,,,, ربنا يخليك يا غالي !!!! a7mad3ali 31-05-2009, 03:00 PM متشكرين اوي يا استاذ محمد متعرفش حضرتك الحاجات ديه كانت مهمه قد ايه بالنسبالنا ومعلش علي حكايه ابولونيوس اصلي شفت مساله لاقت في حلها مكتوب نظريه ابولونيوس فخفت لاني مش فاكرها ومتشكرين علي المجهود الكبير ده وربنا يجعله في ميزان حسناتك ان شاء الله ولو حضرتك شايف ان في اي نظريات او خواص اشكال تاني مهمه متحرمناش منها لاننا ناسيين الحاجات ديه خالص والف شكر abdelRhman772007 31-05-2009, 03:31 PM أظن محدش درس أبوليونس فينا أصلاً و لكن أى مثلث تقدر تجيب اللى تجيبه أبو ليونس و أكتر باستخدام قانون الجتا و بعديه قانون الجا و قانون الجتا زى محصلة القوتين بس الإشارة فى النص سالب و قانون الجا زى قانون لامى المشرف 31-05-2009, 04:36 PM ربنا يجازيك خير يا استاذ محمد amour_amour88 31-05-2009, 10:20 PM الله جميل اوي يا مستر بس انا مستر لحد دلوقتي ما بعرفشي افرق بين التطابق والتشابه ازاي اقدر افرق بينهم وشكرا لحضرتك جدا |