عفوك ورضاك
01-06-2009, 08:31 AM
انا زهقت وكرهت حاجة اسمها مستوى رفيع
انا كنت احياء وبعدين قلت لأ خليني عربي احسن !
وبعدين " واه ندماه " لسة حتى الان مزاكرتش
غير " ابن النديم - ايزيس-الشعر العصري-الجرجاني "
:abdoog8: only!!!!:abdoog8:
المشكلة مش في كدة ...........>لأ
============
المشكلة اني عندي كتاب خارجي وجرنال الجمهورية
ومش عارف انهي صح لانهم مختلفين قوي
والمشكلة اني لما احمل برضه ملازم من النت يطلع مختلف مع الاتنين ؟؟؟؟؟؟؟
اعمل ايه ؟؟
:giljotiiniug3:شكلي مش رايح الامتحان في المستوي : والله اعلم :giljotiiniug3:
افيدوني افادكم الله !!!
انهي مصدر ازاكر منه ؟
:slap1qk6:
Bent 3bdo
01-06-2009, 09:14 PM
انا مفتحتش حاجه فيه خالص وربنا يستر
وعندى يوم واحد بس قبليه ربنا يستر
fatac2
01-06-2009, 11:21 PM
يابني اعقلها وتوكل علي الله
اللي مكتوب لك حيكون
انا جنبي واحد مفتحشي حاجة خالص اسمه محمد عباس
فاحمد ربنا انك قريت 4 مواضيع
اهم حاجة البلاغة تكون كويس فيها
مااااان
02-06-2009, 01:17 AM
والله انا زيك بالظبط يا نغم ومش عارفة اعمل ايه
عفوك ورضاك
03-06-2009, 03:34 AM
والله ياجماعة انا قلت انتوا هتهونوا علية وتقولولي الحل لقتكوا زي ( جبتك يا عب المعين تعين لقيتك ....... )
انا برضه عندي يوم واحد مش عارف هفتح فيه التربية الوطنية ولا العربى .
يلا ربنا معانا ان شاء الله .
Mezooo
22-06-2009, 01:02 PM
انا زيك مفتحتوش
هروح وانا ونصيبى
كده كده انا مش خسران
واحدة وخلاص
26-06-2009, 04:56 PM
انا كمان كنت احياء وكنت باخد درس فيها بس العربى ارحم ولسه مفتحتوش بس انا باخد درس يعنى عندى فكره واهم حاجه انك ذاكرت ايزيس لانه مهم وذاكر من الكتاب الخارجى احسن وربنا يوفقنا كلنا
محمود زاهر
02-07-2009, 01:25 PM
ياعم خليك متفائل دحنا ذاكرنا العربى كله فى 4 ايام المستوى ده يخلص فى يومين والله بس بتركييييييييييز
النمس 2009
04-07-2009, 12:09 PM
بص يا أخي والله نصيحة أخ في الله لك حاول تجيب الأضواء 2009 وتقرا النص علشان تضمن بس اهم حاجه تفهمها لأنها مواضيع جديده علينا .... وعلى فكرة أحب أبشرك انك ذاكرت اصعب تلاته في المنهج ايزيس-الشعر العصري-الجرجاني )) والباقي كله مهضوم .... وبالله التوفيق
Basma2
04-07-2009, 01:45 PM
ياجماعة بيقولوا الموازنة مش هتيجى فعلا والله اريح
بس ركزوا ع شعر شوقى لانه رخم ومتوقع جدا
ربنا يستر وكلنا نقدر نلم فيه درجات لان املى كله انى الم المستوى بالرياضة
سكالينا
04-07-2009, 09:20 PM
يابني اعقلها وتوكل علي الله
اللي مكتوب لك حيكون
انا جنبي واحد مفتحشي حاجة خالص اسمه محمد عباس
فاحمد ربنا انك قريت 4 مواضيع
اهم حاجة البلاغة تكون كويس فيها
والله انا معاك في كل اللي قولته
أستاذ محمد الشمبابي
05-07-2009, 12:11 AM
سؤال الموازنة الشعرية يأتى على النحو التالى :
نموذجان من قصيدتين لشاعرين مختلفين يتفقان فى الغرض ( الموضوع) على سبيل المثال ( الغزل ) أو ( الرثاء ) أو ...
ثم يسأل واضع الامتحان عدة أسئلة وتكون فى الغالب على النحو التالى :
أ - الموازنة بين النموذجين من حيث ( الفكرة الرئيسة لكلا النموذجين - ثم الأفكار الجزئية للنموذجين )
ب - لماذاجمع الشاعران فى النموذجين بين الأسلوبين الخبرى والإنشائى ؟ مع ذكر المثال .
ج - استخرج صورة بيانية من البيت ..... من النموذج ..... واذكر سرجمالها و أثرها فى المعنى .
د - سؤال فى النحو ( ربط جواب الشرط بفعل الشرط بأداة شرط جازمة مناسبة مع تغيير ما يلزم --- أو استخرج .... من النموذج ..)
مع رجائى لجميع الطلاب بالنجاح والتفوق الباهر والأمل المنشود
وأى استفسار يرجى مراسلتى على البريد الالكترونى msh5msh***********
الاستاذ / محمد رفعت فضل
05-07-2009, 11:33 AM
شكرااااااااااااااااااااااااااااااااااااااااااااااا ااااااااااااااا ليك
Mohamed_MA
05-07-2009, 11:44 AM
تو كلي على الله وربنا مش هيضيع تعبك على الفاضي وباذن الله تعرفي تحلي
BlackGhOst
05-07-2009, 02:05 PM
يا ابنى جه حال الكل انا مذاكرتش حاجه فى لقاء الحضارات وربنا يستر بكره
انا هروح يمكن ربنا يكرمنى بالعلم اللدنى ينزل عليا فى اللجنه
^^