السلام عليكم ورحمة الله وبركاته

إن شاء الله الموضوع هيكون مخصص لمادة البيولوجى .. أولى علم نفس .. جامعة عين شمس

و دى بعض إمتحانات السنوات السابقة لمادة البيولوجى

دور مايو 2006 ( تخلفات )
أجب عن ثلاثة أسئلة فقط مما يلى :
السؤال الأول :
أ.اذكر أهمية دراسة علم البيولوجى ؟
ب.اذكر تعريف علم النفس الأحيائى ( البيولوجى ) ، علم النفس الدينامى ، الأسرة ، الضغوط ؟
ج.اشرح بالتفصيل الفص الأمامى للمخ ؟

السؤال الثانى :
أ.اذكر تأثير الجهاز العصبى اللاإرادى و وظائفه على العين ، الغدد اللعابية ، الجهاز الهضمى ، القلب ؟
ب.اكتب أثر الغدة النخامية و الغدة الدرقية على الحالة النفسية للإنسان ؟
ج.اكتب عن مرحلة الإعداد للزواج ، مرحلة بداية الزواج حتى إنجاب الطفل الول ، و أهميتها فى نشأة المرض النفسى ؟

السؤال الثالث :
أ.اذكر ضغوط الحياة غير الصحية ( الهدامة ) ؟
ب.اذكر كيفية التأرجح بين الضغوط الصحية و الضغوط غير الصحية (الهدامة ) ؟
ج.اذكر نبذة مختصرة عن الاضطرابات المختلفة للقلق ؟

السؤال الرابع :
أ.اذكر تعريف الانفعال ، الوجدان ، الشعور ، المزاج ، الطبع ؟
ب.اذكر دواعى استخدام الصدمات المحدثة للتشنجات الكهربائية ؟
ج.اشرح النظريات المختلفة للنسيان ؟

*-*-*-*-*-*-*

دور مايو 2008
أجب عن سؤالين فقط مما يلى:
السؤال الأول:
أ.أذكر تعريف علم النفس الأحيائى ،وعلم النفس الدينامى وعلم السيكوباثولوجى ،ولماذا ندرس علم النفس البيولوجى؟
ب.أذكر تعريف الأسره ودوره حياتها مع التركيز على مرحله الإعداد للزواج ،وكيفيه إختيار شريك الحياه؟
ج.أشرح بالتفصيل محتويات الفص الصدغى للمخ ووظائفه؟

السؤال الثانى:
أ.اذكر تأثير الجهاز العصبى اللاإرادى "السيمبثاوى ،الجار سيمباثاوى" على الأجهزه المختلفه للجسم؟
ب.اشرح كيف يتعامل الإنسان مع الخطر ،مع ذكر المراحل التى يمر بها عند التعرض للخطر؟
ج.اذكر تعريف الإنفعال والعوامل المؤثره فى التعبير عنه؟

السؤال الثالث:
أ.اذكر تأثير الظروف غير المناسبة على صحه الطفل النفسيه "الحمايه الزائدة ، التسلط والسيطرة ، الزواج غير السعيد ، إنفصال الوالدين ، أخطاء التربية الجنسية ، المثالية" ؟
ب.ارسم منظر تليدى للنيرون مع كتابه البيانات عليه، واذكر أثر الغدد الدرقيه والنخاميه والفوق الكلويه على الحالة النفسية للشخص؟
ج.اذكر تعريف المزاج والتغيرات الفسيولوجيه التى تحدث مع الإنفعال؟

*-*-*-*-*-*-*

دور مايو2007
أجب عما يلى :
السؤال الأول :
أ.اذكر أهميه دراسه علم البيولوجى؟وأذكر أهميه تعريف علم النفس الأحيائى؟
ب.ارسم المنظر التقليدى للنيرون مع كتابه البيانات عليه؟
ج.اشرح بالتفصيل محتويات الفص الأمانى للمخ؟
د.أذكر أنواع الذاكره ونظريات النسيان؟
و.ما المقصود بالنوع الإجتماعى ،وأذكر الأدوار الإجتماعيه الأربعه التى يتطلبها المجتمع؟

السؤال الثانى:
أ.اذكر تأثير الجهاز العصبى اللاإرادى "السيمبثاوى والجارسيمبثاوى" ووظائفه على العين والقلب والجهاز الهضمى والغدد اللعابية؟
ب.اذكر كيفية إختيار شريك الحياه ودوره حياه الأسرة؟
ج.اذكر تأثير الظروف غير المناسبه على صحه الطفل النفسيه "الحمايه الزائده ، التسلط والسيطره ، والزواج غير السعيد ، إنفصال الوالدين ، المغالاه فى المستويات الخلقية المطلوبة"؟
د.اذكر نبذه مختصره عن الإضطرابات الناتجه عن إضطراب وظيفه الإنفعال؟
و.اذكر أشهر أنماط التفكير فى المجتمع المصرى مع ذكر أمثله؟

اذكر تأثير الظروف غير المناسبة على صحه الطفل النفسيه "الحمايه الزائدة ، التسلط والسيطرة ، الزواج غير السعيد ، إنفصال الوالدين ، أخطاء التربية الجنسية ، المثالية" ؟
اذكر تأثير الظروف غير المناسبة على صحه الطفل النفسيه "الحمايه الزائده ، التسلط والسيطره ، الزواج غير السعيد ، إنفصال الوالدين ، المغالاه فى المستويات الخلقية المطلوبة"؟

1.الحماية الزائدة : عدم القدرة على مواجهة الضغوط البيئية و مواجهة الواقع - الخضوع - القلق - عدم الأمن - كثرة المطالب - عدم الاتزان الانفعالى - قصور النضج - الأنانية .
2.التسلط أو السيطرة : الاستسلام و الخضوع أو التمرد - عدم الشعور بالكفاءة - نقص المباداة - الاعتماد السلبى على الآخرين - قمع وكبت استجابات النمو السلبية - عدم التوافق مع متطلبات النضج .
3.الزواج غير السعيد : القلق - التوتر - عدم الشعور بالأمن - الحرمان الانفعالى - الميل نحو النظر إلى العالم كمكان غير آمن - ظهور اضطرابات نفسية جسمية و الاكتئاب و القلق .
4.انفصال الوالدين أو الطلاق : عدم الشعور بالأمن - عدم الاستقرار - العزلة - عدم وجود من يتمثل قيمهم و أساليبهم السلوكية - الخوف من المستقبل .
5.أخطاء التربية الجنسية : الخجل - الشعور بالذنب - اضطراب التوافق الجنسى - الانحرافات الجنسية .
6.المثالية و ارتفاع مستوى الطموح : الاحباط - الشعور بالأمن - استخدام الحيل العصابية التى يستخدمها الوالدين .
7.المغالاه فى المستويات الخلقية المطلوبة : الجمود - الصراع النفسى - الاحساس بالاثم - اتهام الذات - امتهان الذات .

هو ايه ده
بيولوجى فى اداب والنبى منا فاهم حاجة خالص

سؤال بس يا مها للناس التعبانه اللى زينا
هو ده علم نفس ؟
ولا بيولوجى ( احياء يعنى ) اللى كانت مطلعة عينى فى ثانوى ؟؟؟

هو ايه ده
بيولوجى فى اداب والنبى منا فاهم حاجة خالص

سؤال بس يا مها للناس التعبانه اللى زينا
هو ده علم نفس ؟
ولا بيولوجى ( احياء يعنى ) اللى كانت مطلعة عينى فى ثانوى ؟؟؟
بص .. فى قسم علم النفس بناخد كل حاجة
بناخد إجتماع و فلسفة و منطق و إنجليزى و بيولوجى و حقوق انسان و إحصا و كمبيوتر .. كلو كلو :bosyht9:
هتقولى طيب إيه علاقة دول بعلم النفس .. هقولك معرفش :d

هقولك المفيد .. علم النفس ليه فروع كتير .. يعنى بندرس إجتماع لاننا هندرس علم نفس إجتماعى و بندرس بيولوجى علشان فى فرع اسمه علم النفس البيولوجى psychobiology يعنى بندرس أحياء من خلال علم النفس يعنى الوجدان والانفعال و تأثيره على العصب و المخ والكلام المقرف ده :d
لو فاكر فى ثانوى لو كنت بتاخد علم نفس يعنى كان فى فصل خاص بالانفعال و الفسيولوجى والكلام ده .. إحنا بقى بندرسه بس بتوسع :bosyht9:

شكلك فاهم يا نصه :p
وبعدين تعالى هنا .. انت ايه اللى جابك كليتنا أصلاً .. يلا هش من هنا :stickjo4:

بص .. فى قسم علم النفس بناخد كل حاجة

بناخد إجتماع و فلسفة و منطق و إنجليزى و بيولوجى و حقوق انسان و إحصا و كمبيوتر .. كلو كلو :bosyht9:
هتقولى طيب إيه علاقة دول بعلم النفس .. هقولك معرفش :d

ههههههههه كل ده لا ربنا معاكى يا اختى

هقولك المفيد .. علم النفس ليه فروع كتير .. يعنى بندرس إجتماع لاننا هندرس علم نفس إجتماعى و بندرس بيولوجى علشان فى فرع اسمه علم النفس البيولوجى psychobiology يعنى بندرس أحياء من خلال علم النفس يعنى الوجدان والانفعال و تأثيره على العصب و المخ والكلام المقرف ده :d

زى الفل :d
لو فاكر فى ثانوى لو كنت بتاخد علم نفس يعنى كان فى فصل خاص بالانفعال و الفسيولوجى والكلام ده .. إحنا بقى بندرسه بس بتوسع :bosyht9:

شكلك فاهم يا نصه :p

طبعا طبعا بس هو انتى كنتى بتتكلمى عن ايه أصلا :bosyht9: مش واخد بالى

وبعدين تعالى هنا .. انت ايه اللى جابك كليتنا أصلاً .. يلا هش من هنا

أهش هههههه أمال بقا لو قلتلك أنا بحضر عندكو فى الجامعة كتير كمان فى كورس انجلش عندكو :stickjo4:


ههههههههه أحلى حاجة فى الموضوع ده
حقوق الانسان :022yb4:

طيب لو سمحتم انا عندى سوال مهم جدا ارجو الاجابة علية بسرعة جدا لكى يطمئن قلبى ما هى شروط الالتحاق بكلية الاداب قسم فرنساوى بجامعة كفر الشيخ مع العلم بان انا جابية 47 فى الفرنساوى والفرنساوى لغة اجنبية ثانية لان كلنا بناخد الانجليزى لغة اجنبية اولى ارجو الرد سريعا من فضلكم

أذكر تعريف علم النفس الأحيائى ،وعلم النفس الدينامى وعلم السيكوباثولوجى ،ولماذا ندرس علم النفس البيولوجى؟

علم النفس الأحيائى Psychobiology
هو العلم الذى يدرس العلاقة بين الجسد و العقل و أسسه ادلوف ماير و قال بضرورة دراسة البناء و الميول الوراثية و خبرات الحياة و ضغوط البيئة للمريض إذا أردنا فهم سلوكه فهماً حقيقياً، فهو العلم الذى يدرس الشخصية الكلية و التاريخ الكلى لحياة الفرد .
علم النفس الدينامى Psychodynamics
هو العلم الذى يرد الظواهر العقلية إلى ألوان الصراع بين أجزاء الشخصية ، و هذا العلم يتحدث عن الظواهر الطبيعية النفسية فى الانسان و ليس الظواهر الطبيعية النفسية فى الانسان و ليس الظواهر المرضية فهو لا يفسر المرض فى أصله نشأة أعراضه و إنما يفسر التفاعل الداخلى النفسى والطبيعى للإنسان .
علم السيكوباثولجى sychopathology
أشهر من عرف هذا العلم هو فيش قال : هو علم دراسة الأعراض النفسية ، و هناك من قال أنه دراسة الظواهر النفسية و ثالث قال أنه دراسة أسباب المرض النفسى Etilolgy .
و يقولوا آخرين أنه العلم الذى يبحث فى جذور السلوك العادى .
فمن الواضح أنه العلم الذى يبحث فى أصل المرض و كيف نشأ لذا فهو يبحث فى الأمراض و ليس فى الأصحاء و هو أقرب ما يكون إلى علم النفس الدينامى الذى يبحث فى ديناميات الأصحاء و ليس فى أصل و نشأة المرض النفسى .

لماذا ندرس البيولوجى ص13،14

اشرح كيف يتعامل الإنسان مع الخطر ،مع ذكر المراحل التى يمر بها عند التعرض للخطر؟

تفاعل الانسان مع الخطر : عندما يشعر الانسان بأى خطر أو تهديد لكاينه تنتقل عبر أجهزة الاستقبال الرادارية للحواس رسائل متتالية إلى المخ و منها إلى أعضاء الجسم الأخرى للتحفز و الاستنفار ، فتحدث تغيرات فسيولوجية غاية فى الدقة و النظام (متلازمة الهجوم أو الهرب ) ينتج عنها إفراز هرمونات ضغوط الحياة ( الكورتيزول - الادرينالين - النور ادرينالين ) التى تؤدى إلى الآتى :
زيادة سرعة ضربات القلب - رفع مستوى ضغط الدم - زيادة السكر فى الدم - زيادة سرعة التمثيل الغذائى - زيادة نشاط الجهاز العصبى و العضلات ... و يؤدى هذا كله إلى وضع الانسان فى حالة تأهب و إستعداد قصوى ، لإتخاذ موقف "الهجوم" أو "الهرب" .
و على المستوى العام لكيان الانسان تحدث الاستجابة الذاتية تلقائياً عند التعرض للخطر عبر ثلاث مراحل ( اطلق عليها : متلازم التكيف العام ) و هى :
1.مرحلة الانذار : يتنبه الانسان إلى الخطر المحدق به فتهبط مقاومة الجسم قليلاً ، ويزداد التوتر الانفعالى استعداداً للمواجهة أو الهروب .
2.مرحلة المقاومة : بعد أن يستجمع الانسان قدراته ومهاراته و يصل إلى أقصى درجات الاستعداد يرتفع مستوى المقاومة للضغط الذى يسببه الموقف المؤثر بهدف التكيف .
3.مرحلة الاجهاد : إذا استمر الضغط دون نجاح المقاومة فى التكيف مع الموقف المؤثر أو حله .. يحدث الاجهاد و تهبط مقاومة الجسم كثيراً وتنهار دفاعاته النفسية و المناعية ، وتبدأ الأمراض النفسية و الجسمية فى الظهور .. و إذا كان الضغط شديداً جداً و الشخص ضعيف فقد تحدث الوفاة فى هذه المرحلة (لازاروس) .

http://forum.net.edu.sa/forum/uploaded/141_11230246309.jpg
أشكرك على مجهودك فى القسم
................................................
هيثم
مشرف كلية الاداب

لا شكر على واجب

تتمثل الوظائف النفسية للأسرة تجاه وليدها بما يلى :
إشباع حاجات الابن النفسية :
1.الحاجة إلى الأمن و الطمأنينة
2.الحاجة إلى التقبل
3.الحاجة إلى التقدير الإجتماعى
4.الحاجة إلى النجاح و تأكيد الذات
5.الحاجة إلى الاستقلال
6.الحاجة إلى سلطة ضابطة و مرشدة
7.الحاجة إلى الأصدقاء
هذه الحاجات كلها ضرورية ولابد من إشباعها على خير وجه ممكن حتى يتحقق نمو شخصية الطفل نمواً سوياً متوازناً .

عجبنى أوى الموضوع ده
محسسنى انى قاعد فى مدرج فى كلية الطب
طب نفسى كمان
استرها معانا يارب
لا أبص ألاقيهم جايبلنا احنا كمان بيولوجى

اذكر تأثير الجهاز العصبى اللاإرادى "السيمبثاوى ،الجار سيمباثاوى" على الأجهزه المختلفه للجسم؟
العين ( سيمبتاوى ) : توسيع حدقة العين لزيادة كمية الضوء الداخل للعين ، رفع الجفن العلوى لزيادة مجال الرؤية عن طريق عضلة مولر و يتم هذا التحكم عن طريق العُقل الصدرية الأولى و الثانية و العنقية الثامنة .
العين( جار سيمبتاوى ) : انقباض حدقة العين يقلل كمية الضوء الدلخل للعين و زيادة قوة مدى الابصار عن طريق تقلص العضلات الهدبية لرؤية الكائن القريب مما يؤدى إلى التكيف و ذلك عن طريق العصب المخى الثالث .

الغدد اللعابية ( سيمبتاوى ) : قابض للأوعية الدموية للغدد اللعابية ( العصارة تكون صغيرة الحجم لزجة و غنية بالانزيمات ) ، إفراز العرق فى الجلد عن طريق العقل السابقة ( كما فى العين ) .
الغدد اللعابية ( جار سيمبتاوى ) : تمدد الأوعية الدموية ( إفراز عصارة مائية و كبيرة الحجم ) ، إفراز الغدد الدمعية و الافقية و الغدد المخاطية للبلعوم عن طريق العصب السابع الوجهى .

القلب ( سيمبتاوى ) : زيادة كل الخواص القلبية ( سرعة القلب - زيادة قوة الانقباضات ) ، إنبساط و تمدد الشريان التاجى ، تمدد الشعب الهوائية عن طريق ( ارتخاء ) تثبيط العضلات الملساء و ذلك عن طريق العُقل الصدرية الخمس العليا .
القلب ( جار سيمبتاوى ) : يقلل كل خواص الاذنين ( سرعة القلب - قوة الانقباض ) تمدد الشريان التاجى - ضيق الشعب الهوائية عن طريق العصب الحائر ( العاشر ) .

الجلد ( سيمبتاوى ) : إفراز العرق عن طريق الغدد العرقية - قابض للشعيرات الدموية الجلدية عن طريق العُقل الصدرية الأولى والثانية و العنقية الثامنة .
الجلد ( جار سيمبتاوى ) : لا دور له .

البقية ص67

عجبنى أوى الموضوع ده
محسسنى انى قاعد فى مدرج فى كلية الطب
طب نفسى كمان
استرها معانا يارب
لا أبص ألاقيهم جايبلنا احنا كمان بيولوجى
ما تقلقش مش هتاخد بيولوجى :d
المواد دى عايزة عقول عباقرة :bosyht9:

ما تقلقش مش هتاخد بيولوجى :d


المواد دى عايزة عقول عباقرة :bosyht9:



ههههههه
يا صباح التريقة
على فكرة بأه

أنا كنت علمى
ومجموعى كان ممكن يدخلنى أى كلية علمية فى البلد
بس هنقول ايه نصيب :d

بس أكيد انتى بقا يا أسيل ماشية فى المادة دى زى الصاروخ
عبقرية بأه :022yb4:
يسهلو ربنا

تصدق فكرتنى أنزل الامتحان هنا:romarioxp6:

أعوذ بالله حقدك وقرك ده هو السبب انى هنقص فى المادة:slap1qk6:

تعرف الاسئلة اللى حطتها فى الموضوع هنا وجاوبت عليها جت بالنص فى الامتحان :022yb4:

بس والله كان امتحانها أسهل من الامتحانات اللى فاتت .. إدانى أمل إنى أكمل:bosyht9:

يلا هش من هنا المادة خلصت بسلام .. مش عايزة أشوفك فى الكلية تانى ..:slap1qk6: