القطة الروشة
15-08-2006, 06:54 AM
الموضوع استفزنى ايرادات فيلم كتكوت من اول يوم عدت المليون
الفيلم لانسان لا يفقه شىء عن الكوميديا والمفروض يسيب الكوميديا لناسها
طبعا اول ما الفيلم ينزل المنافسة الناس كلها عايزة تلحق تشوفه الاول علشان تقول انا شوفت الفيلم بتاع محمد سعد انت
شوفته مع انه انسان ميعرفش يعنى ايه كوميديا ولو اسماعيل ياسين كان عايش كان دبحه
اه ولا ايرادات فيلم بوحه الى عدت ال20 مليون جنيه انا شوفت الفيلم قلت لما اشوف الفيلم الى الناس كلها رايحه تشوفه ده
شكله اه وجدته يا سلام فيلم روعه كله زباله معلش اصلى مش لقيه وصف تانى اوصفه بيه
انا مستنيه ردودكم و تقولولى انا عندى حق ولا ببالغ
midoragab
15-08-2006, 07:09 AM
و الهي يا قطة انا كنت لسه في السيما امبارح بس كش لقيت في السيما غير كتكوت و وش اجرام
و لقيت الناس كلها بتقول كتكوت حلوووو قمت دخلت و اتفرج يمكن يضحكني
و الهي انا ندمت اني خرجت امبارح اصلا
الفيلم أقل حاجة يتقال عنه انه فيلم فيه هطل و عبط
متعرفيش ايه اللي دخل الملاكمة في السياسة في المترو في النيل جاحة تأرف
و محمد سعد حاصد المليارات ليه حق يتنطط و يقلع كل شويه هدووومه و يورينا أرفه كل شويه عشان هوه بياخد 10 مليون جنية في فيلم واحد ده ممكن يعمل اكتر من كده
تشويه في شخصية الانسان المصري و حركات هبلة و الهي نفسه يقلد جيم كاري بس للاسف شتان بين الاتنين
كلمات هطلة و هبله و نص كلامه عبط في عبط هوه ده رأيي
و في الاخر فيلم حليم يسقط
عجبت لحال السينما المصرية الذي يستمر في الانحدااااااااااااار
نصيحه اخوية اوعي تقرب من سيما يكون فيها اي كتكوت
القطة الروشة
15-08-2006, 07:15 AM
انا عمرى ما احب اروح سينما فيها فيلم لمحمد سعد اساسا وهو فعلا بيشوه صورة الانسان المصرى لان الفيلم بيتزاع فى اكثر من دولة عربية
الللللللللللللللللللللللللللللللللللللف شكر على المرور
جميلة وجدت درجة فى الرياضة واخذتها
اينشتاين
15-08-2006, 07:18 AM
شكلكم كده هتخلونى ابطل اروح السينما مع انى لفترة قريبة كنت باحب اروحها جدا
والله انا مش عارف اقول ايه
للاسف مفيش كوميديان حاليا زى نجيب الريحانى او اسماعيل ياسين او فؤاد المهندس او عادل امام
الناس دى قدمت كوميديا حقيقية بدون ابتزال وكمان كوميديا هادفة ونقد لواقع المجتمع
للاسف كل حاجة دلوقتى بقت وحشة حتى الكوميديا
القطة الروشة
15-08-2006, 07:23 AM
عندك حق والله يا ابنى السينما دلوقتى الى عقله صح و فايق يمشى من جنبها و ميبصلهاش
الللللللللللللللللللللللللللللللللللللف شكر على المرور
بورسعيدى
16-08-2006, 03:22 AM
ياجماعة رزق الهبل على المجانين
والعيب مش فى محمد سعد او غيرة
لان احنا الى بننجح العمل بدخولنا له
وزوقنا هو المقياس
وهو شايف ان باسلوبة الهايف ده بيجمع ايرادات خيالية يبقا يغير ليه ؟؟
ونفس القضية فى الاغانى الهابطة
للأسف بتحقق ايرادات خيالية فلماذا يغير المطرب اذن؟؟
محمد البري
16-08-2006, 03:27 AM
اولا محمد سعد مش ممثل واانا في قراره نفسي لا اقتنع بيه
Flower
16-08-2006, 03:48 AM
لا حول ولا قوة الا بالله...
فعلا افلام محمد سعد بقت حاجه صعبه اوي....
والكارثه ان الاطفال الصغيرين بيحفظوا الكلام ده وبيرددوه...!!
وشفت شباب كمان...بيقلدو شخصياته..
يعني مثلا شخصيه زي اللمبي دي..بتفيد الناس في ايه...؟؟
مجرد انها بتعلم الشباب والاطفال الفاظ مش كويسه....
وعجبني توقيع اينشاين
in our country
science is now offline
مفيش اي اهتمام بالعلم...
وكله بيتجه للتفاهات...
القطة الروشة
16-08-2006, 07:53 AM
الللللللللللللللللللللللللللف شكر على المرور
عندكوا حق فعلا هو مش ممثل اساسا
LA STELLA
16-08-2006, 10:34 AM
احنا بيتنا كله بيكرهه و مش بيحترمه و الحمدلله
بس تعملى ايه
الايرادات..؟
هو ده شعبنا و ذوقه
عشان كدة لما يعملوا افلام زى دى
ملناش حق نيجى نعاتبهم
لان الجمهور هو اللى بيختار الفيلم مش بيدخل اجبارى يا اختى
و بصراحة
انا اشكرك بجد على طرح الموضوع بجد:)
عبد اللطيف
16-08-2006, 10:07 PM
أققول زى عادل أمام
أحنا فى زمن المسخ