ارجو الرد :lol: :o :blink: :P :(

ارجو التصويت

الجغرافيا السنة اللي فاتت جه فيها مقالب كتييير و كفايه خريطة نيويورك

الانجليزي اسئلته عايزة واحد متمكن جدا من اللغة بتاعته عشان يجيب 10

الفلسفة ماده صغيرة سواء انت كنت علمي و لا ادبي هتفهمها بسرعة و تخلصها و و ان شاء الله ربنا يوفقك فيها

فيه علفكرة رياضة مستوي رفيع بس دي دمااااااااااااار هتخلي دماغك عالية جا و انت ممكن ماتجبش فيها الا 6 او 7

بس هتخليك تجيب 50 في رياضة 2

انا السنة دى فى 3 ث و اخترت جغرافيا فى الاستمارة الى بنكتبها فى 2 ثانوى

الفلسفه سهله اوي ومن غير ما تفتحها هتجيب فيها 10
اما الجغرافيا كانت صعبه السنه اللى فاتت وعلى فكره خريطه نيويورك انا عملتها بالبركه وطلعت صح
بس درجات الجغرافيه جت غريبه اوي يعني المدرسه كلها اللى حل و اللى محلش جاب 8 او 8.5
يعني انا مثلا كنت حله حلو اوي وجبت 8.5 و واحده صحبتي حلت وحش وجابت برضه 8.5


نسيت اقولك ان الجغرافيه دمها خفيف اوي وانا كنت بحبها اوي وكنت بحس انها معلومات عامه

والله المفرض الجغرافيا
بس كله انخدع فيها السنه دى
وعشان كده شايف الفلسفه أحسن
وكله جاب 50فى الفلسفه السنه دى

---------------------------------------- بسم الله الرحمن الرحيم --------------------------------------------------
---- انصحكم وأنا أكبركم سناً واستاذكم - علي إفتراض أني مدرس - فأنا أنصحكم هذا العام أن تأخذوا مادة الجغرافيا المستوي الرفيع ،
---- مع العلم أني مدرس فلسفة وعلم نفس ، ولكن أنتم جميعاً لستم بحاجه الي شغل ذهنكم بمادة الفلسفة من الاخر ( خليكم في المواد الاساسية )
----- --- أما الجغرافيا فهي مادة المجموع دائماً إن شاء الله ، ولا تهتم بها الا قبل الامتحان بفترة قليلة .
------------ وهذه نصيحتي لمن يريدها .... واتمني من الله التفوق والنجاح يارب العالمين ..
-------------------------------------- وأتأسف لطول الحديث ولكن لكي يكون ذلك خلاصة الحديث في هذا الموضوع .. وشكراً .

يا جماعة من فضلكم التصويت

حتى يستفيد الجميع

الجغرافيا دي روحي وجميله جدا علي الاقل ماده للمعرفه وليس للحفظ ولانها مرتبطه بالحياه

وانصحكم جميعا بها لانها تفيد مهما كان صعوبتها او سهولتها هيا وماده الاقتصاد وللعلم الاقتصاد هيجي سهل والطالب الذكي يختار اقتصاد لان السنه الي فاتت جت صعبه والسنه دي هتيجي سهله انشاء الله لانها ماده جميله والصعب كان في الاحصاء وليس الاقتصاد وشكرا لمتابعتكم وسلام الله عليكم

أنا أرجح إنكم تاخدوا إنجليزى مستوى رفيع
أنا أخدت جغرافيا السنة اللى فاتت وجبت فيها 8 من 10 لكن بتمنى لو كنت أخدت إنجليزى لإن درجة الإنجليزى المستوى الرفيع بتتضاف للدرجات لأى كلية فيها قسم إنجليزى وبتزيد من فرصتك لدخولها
وربنا يوفقكم كلكم بإذن الله

السلام عليكم ورحمة الله وبركاته
أنا حبيت أشارك في الموضوع ده لأنه جمييييييييل ومؤثر كمان على المجموع بالتأكيد
أنا أتفق مع أستاذ الفلسفة في أن الجغرافيا كمادة مستوى رفيع أفضل كتيييييييييييير
لأن رغم ان كلامها كتييييييييير وفيها رغي بالهبل إلا ان استيعابها يكون أسرع من الفلسفة
وكمان الشرط الأساسي عشان تجيب فيها درجة عالية أنك متعتمدش على ملخصات الدروس ولا حتى الكتب الخارجية بس عليك وكتاب المدرسة لأما تستنى وتشتريه أو انك تجاول تجيب واحد بتاع السنة اللي فاتت وتقرأ فيه كمعلومات تضيع بها وقت لغايت ما يجي وقت الجد تكون عرفتلك كام معلومة وتكون سهلة عليك شويه
وأهم حاجة برده انك متسدقش اللي بيقولوا أنك تذاكر الجغرافيا قبل الأمتحان بليلة لأنهم نصبييييييين عشان المادة تقيله وكبييييييرة ومحتاجة فترة تركيز خاصةً وأن الجدول ممكن يخلو في يوم الجغرافيا مادة تانية تاخد منك وقت وانت مش حاسس

وأنا في رأي ان الجغرافيا جت صعبة السنة اللي فاتت لأن كل الناس ذاكرتها من المذكرات المتكررة يعني كلامها متتكرر من سنيييييين ومبيتغيرش عشان كده اللي بيحطوا الإمتحان لما حطوا الأسألة من كتاب المدرسة مباشرةً طلع بتوع الدروس الخصوصية يولولوا ويقولوا لأولياء الأمور ان الإمتحان مش من المنهج مع إنهم لو بيراعوا ضميرهم وبيبصوا في كتاب المدرسة هيحسوا بغلطهم
وكمان الشرط الأساسي في الإجابة عن إمتحان الجغرافيا أو أي مادة مستوى عشان تجيييييب درجة عالية أنك تكتب على قد ما تقدر كلام ليه علاقة بالسؤال لازم تكتب حتى لو نقلت جزء من السؤال و وبعدين هجصت بس انا قصدي يعني لو مش عارف الإجابة لف حولين السؤال وحاول تجيب أقربجواب للسؤال وكل المصحح بشوية كلام يبينله انك فاهم
وكمان المصححين في المستوى وخاصة الجغرافيا بيتساهلوا في الدرجات بشرط انك تكتب

اللي عايز يجيب 10 /10 يا خد فلسفة و بس ........... نصيحة مجرب لأن حوالي 99% من اللي خادوها جابو 10 والباقي جابو 9.5

يا عمي هقولك انا زاكرت البتاعه دي الجغرافيا صابح الامتحان وكانوا عشر ورقات ودخلت حليت كده بالبركة وجبت 9.5 من 10


يا عمي متشغلش بالك ركز ع الاساس ابله وبعدين فكر في المستوى

الناصر احمد خليل بيقول نزاكر المستوى من كتاب المدرسه مش من مزكرات المدرسين
انا بقى عايزه اسأل .......... فين كتاب المدرسه ؟؟؟؟؟؟؟؟؟؟؟؟؟؟؟؟؟؟؟؟؟
والناس بتشتريه منين ؟؟؟؟؟؟؟؟؟؟؟؟؟؟؟؟؟؟؟؟؟
وانت زاكرت منه ؟؟؟؟؟؟؟؟؟؟؟؟؟؟؟؟؟؟؟؟

كتاب المدرسة يتم شرأه من المدرس اللي بيوزع الكتب او من المدرسة ودا بيكون في شهر واحد تقريبا مع قرب نزول الدليل التقويمي للطالب وبيكون من سبعة لعشرة جنية مش فاكر

انا اشتريته ورميته في الزبالة سوري يعني كتاب 280 ورقة عشان 10 درجات قصدي خمسة ليه دا انا ازاكر اللي عليه قبليه واحسنلي

انا كنت منازل اصلا و معرفتش اشتري كتاب الفيزيا من المدرسه واشتريته من راجل نصاب فاتح مكتبه وجبهولي من المخازن
بس انا مسعتش ان في حد بيشتري كتاب المستوى او بيستلموا من المدرسه

يا اخت جميلة انا اشتريته بنفسي بس وربنا ما فتحته دا كتاب كان قد الاحياء ليه عشان خمس درجات :blink: طيب انا زاكرت عشر ورقات وشوية همبكة اخدت 4.5 :D مش كدا احسنلي

ف ي الواقع افضلهم الجغرافيا بس السنه دي اخت مقلب كبــــــــــــــــــــــــــــــــــــــير فيها بس الحمد لله

الجغرافيا ليست صعبة ومادة تستفيد منها بصرف النظر عن الامتحان
الحصول علي الدرجة سهل بشرط
:D الدريب علي كل الخرائط بصوره جيدة
:) التركيز علي باب الحدود السياسيه وخاصة حدود الانهار والجبال من اجل الاختيارات
:o قراءة الماده بفهم وحل الاسئلة من الفهم مع كثرة الكتابة [b]



http://www.lila.15x.com/

انا الحقيقة من رائى ان الجغرافيا هى افضل مادة للمستوى الرفيع وكفاية اوى ان تلات تربعها معلومات عامة
والباقى عايز مذاكرة زى الخرائط مثلا . وانا الحمد لله جبت 9.5 فى الجغرافيا عشان ذكرت الحاجات المهمة
بس وسبت بقيت المنهج عشان معلومات عامة واقدر اتكلم فيه وهذه هى افضل طريقة لمذاكرة الجغرافيا
محمد احمد ( بترول وتعدين )

انا الحقيقة من رائى ان الجغرافيا هى افضل مادة للمستوى الرفيع وكفاية اوى ان تلات تربعها معلومات عامة
والباقى عايز مذاكرة زى الخرائط مثلا . وانا الحمد لله جبت 9.5 فى الجغرافيا عشان ذكرت الحاجات المهمة
بس وسبت بقيت المنهج عشان معلومات عامة واقدر اتكلم فيه وهذه هى افضل طريقة لمذاكرة الجغرافيا
محمد احمد ( بترول وتعدين )