بسم الله الرحمن الرحيم
إندهشت كثيرا عندما رأيت على النت ايرادات فيلم كتكوت
أنا مش عارف ياجماعه ذوق الشعب وحش ليه طبعا مش كله
ماشى هو هيروح يتفرج على محمد سعد وهو عارف ان محمد سعد ملوش فى التمثيل
بس علشان يقول لصحابه أنا اتفرجت على محمد سعد
مش معقوله ياجماعه أفلام تفهه زى دى تححق ايردات عاليه كده
وأفلام بتكلم عن شخصيه ناس تحقق ايردات مش كبيره
ماله يعنى فيلم (واحد من الناس) فيلم كل حاجه فيه صح
لما كريم عبد العزيز راح يشهد على واحد وكيل النيابه يتصل بمحامى رجل الأعمال المشهور علشان ابنه ارتكب جريمه قتل وفى واحد شافه
ويتهدد كريم انه لو مشهدش زور هيقتله مراته وبضمير يقظ يشهد كريم الحق ومراته تقتل وكريم اللى يتحبس
موقف أخر
فى فيلم ابو على لما كريم عبدالعزيز رئيس المباحث قتل عسكرى المرور وقال إن كريم هو اللى قتله
ورئيس المباحث كتب حاجات فى المحضر متكتبش
موقف تالت :
فيلم عماره يعقوبيان فيلم بيتكلم عن أصحاب مناصب كانوا ساكنين فى العماره (يعقوبيان)
وصلوا للمناصب دى ازاااى
أنا اسف جدا ياجماعه إذا انا حكيت مقطوعات صغيره من قصص الأفلام
بس اللى عايزه اوصله إن الحاجات دى بتحصل فى مصر بجد بتحصل فى مصر
أنا مش عارف ليه الشعب المصرى ملهوش شغله غير محمدسعد
والله العظيم لينا حق نكون متأخرين
نتفرج على الكوميديا ونضحك ونسيب البلد تولع.
أنا يجماعه مبقلقوش متتفرجوش عن محمد سعد ولا هنيدى
أنا بقول خلينا نتفرج على حاجه صح بقى نشوف ايه اللى بيحصل فى بلدنا بجد
خلونا نتختار حاجه صح لو مره واحده فى حياتنا ,خلونا نشوف الدول المتقدمه بقت كده ازاااى.
فى انتظار أرائكم.

انا كنت اتكلمت فى الموضوع ده قبل كده
هو فعلا مبيعرفش يمثل
وبيشوه صورة الممثل الكوميدى فى مصر
الللللللللللللللللف شكر على الموضوع

أنا قرأت الموضوع بتاع حضرتك.
واللى مكتوب ده كان المفروض أعمله رد فى موضوعك.
بس أنا حبيت اعمله موضوع جديد.
والموضوع ده مبيتكلمش عن محمدسعد بس
بيتكلم عن حاجات تانيه
وشكرا جزيلا لإهتمامك.

اما ردى على موضوع محمد سعد بس
الللللللللللف شكر على ردك

أوك
وشكرا لإهتمامك.

انت فعلا معاك حق
لكن بعترض على فيلم عمارة يعقوبيان لانه فيلم ليس له هدف أو معنى بل ان الثورة الإعلامية هي التي اشهرته بطريقة وبحجم أكبر من حجمة

ذلك الفيلم الذي ليس له اي هدف

أما فيلم واحد من الناس فقد نجح نجاحا بارعا ولم يفشل ابدا

لدرجة أني رحت الساعة 4 العصر علشان أحجز في جرين بلازا وجدت كل الحفلات مكتملة الى الثالثة والنصف صباحا وهذا يدل على نجاحة
أما اعتراضك على فيلم محمد سعد فاعتقد ان الشعب المصري دائما ينظر الى كل ما هو هايف

مش عارفة فعلا الافلام اللي مالهاش قصة الناس بتقبل عليها إقبال شديد
بس مش كل الناس
فيع ناس عندها ذوق في اختيار الافلام
شكرا ع الموضوع يا احمد

شكرا لمرورك يازيزو
وعندك حق الشعب المصرى ينتظر كل ماهو هايف
بس فيلم واحد من الناس محقق ايرادات زى كتكوت ازاى بقى متعرفش
وشكرا لإهتمامك ياأسماء.

فعلا يا أحمد كلامك عن محمد سعد صح
لإنه ممثل فاشل و اهبل زي الشخصيات اللى بيمثلها

اما بالنسبة لعمارة يعقوبيان
فأنا اعترض مع الأستاذ زيزو
لإنه فيلم بيعرض بجد الفساد اللى بيحصل ف مصر من نواحي كتيرة جدا بتتمثل ف سكان العمارة
الاعتراض اللى عليه هو ان عادل امام لازم يدخل كام لقطة ........ في الفيلم و ملهاش لزمة ف السياق خالص ومش تبع الأحداث
و ده واضح ف جميع أفلامه الأخيرة
أما فيما عدا ذلك فالفيلم جيد جدا
و ارجو انك تتقبل وجهة نظري

وجهه نظررر صحيحه.
وشكر لمرورك يابلال.
ياجماعه اللى عايزه اوصله فى أفلام (واحدمن الناس,وعماره يعقوبيان,أبوعلى,وغيرهم)
إن الأحداث دى بتحصل بجد فى مصر أيوه بتحصل بجد
منتظر أرائكم.

انا معاكم ان محمد سعد تافه وافلامه هايقه وانا كمان مبحبوش ولكن الشعب المصرى دلوقت بقى بيحب يروح على الحاجه اللى تضحكه وتنسيه همومه مبقاش عاوز يتفرج على افلام الدراما اللى تزيد همومه تقريبا دى نظرتى لسبب دخولهم للافلام دى

شكرا لإهتمامك ياlovemoon