اكد الدكتور يسرى الجمل وزير التربية والتعليم انه تم تخصيص 322 مليون جنيه فى الموازنة الجديدة للتعاقد مع 81 الف معلم جديد فى اول يوليو من بين العاملين بعقود مؤقته او بالحصة .
نقلا من جريدة المساء يوم الخميس 4 يونيو 2009 .
عاوزين نعرف دى تعاقدات جديدة ولا تعديل القديم يعنى من الاخر ايه نظام التعاقدات دى ؟؟؟؟

عاوزين نعرف دى تعاقدات جديدة ولا تعديل القديم يعنى من الاخر ايه نظام التعاقدات دى ؟؟؟؟ وخايف أقول حسبي الله ونعم الوكيل
بصراحة الأمر بدأ يخبطني أنا شخصياً شوية يقول في امتحان وسوية يقول في تعديل في العقود وشوية في عقود جديدة بدل القديمة
لو سمحتم ارسوا على حل وعرفونا رأسنا من رجلنا
علشان كده ضغط علينا في الأعصاب والجسم وده حرام وميرضيش حد
نريد معرفة الأخبار الصحيحة

حضرتك دي تعاقدات جديدة مدرسيت تعاقد زينا بس دفعة جديدة يعني غيرنا احنا وضعنا زي ماهو يعني دي عقود جديدة مش تعديل لعقودنا ولا بدل منها

لا تقريبا من نفس النتعاقدين مع تعديل عقود لانه قال من بين العاملين بعقود مؤقتة او الحصة
بيلعبوا باحلام الشباب الله ينتقم منهم

السلام عليكم
ياجماعة دى عقود جديده كانوا مقدمين من شهور

يا إخوانى لا تضعوا أمل كبير على هذا السفه ، فهذه التعاقدات إما بالتقدير (جيد جدا طبعا) و إما كما يعلم الجميع بالواسطة.
فى البحيرة الأسماء ظهرت و كان المعيار الوحيد هو التقدير بغض النظر عن الأقدمية ، هل هذا عدل ، ثم أنه منذ متى و كان المعيار التقدير ، فهناك ألاف مؤلفة قد ألتحقوا بالتربية والتعليم فى التعاقدات الماضية و ليس لهم أدنى صلة بالتربوى إما تجارة أو حقوق ، بل و الأدهى أن حملة دبلومات متعاقدين و مدرسين فصول أيضا ، فمن أين حصلوا هؤلاء على التقدير ، أم أن السياسة الحالية هى الكيل بمكيالين.
حسبنا الله و نعم الوكيل

يا إخوانى لا تضعوا أمل كبير على هذا السفه ، فهذه التعاقدات إما بالتقدير (جيد جدا طبعا) و إما كما يعلم الجميع بالواسطة.
فى البحيرة الأسماء ظهرت و كان المعيار الوحيد هو التقدير بغض النظر عن الأقدمية ، هل هذا عدل ، ثم أنه منذ متى و كان المعيار التقدير ، فهناك ألاف مؤلفة قد ألتحقوا بالتربية والتعليم فى التعاقدات الماضية و ليس لهم أدنى صلة بالتربوى إما تجارة أو حقوق ، بل و الأدهى أن حملة دبلومات متعاقدين و مدرسين فصول أيضا ، فمن أين حصلوا هؤلاء على التقدير ، أم أن السياسة الحالية هى الكيل بمكيالين.
حسبنا الله و نعم الوكيل
انا مش معاك فى الكلام ده يا باشا.. لازم يكون التقدير هو معيار الاختيار والمفاضلة فعلا.. امال نفرق ازاى بين اللى تعب واجتهد فى الكلية وبين اللى قضاها لعب.

وبعدين الدبلومات اللى بتتكلم عنها دى كلها طلعت بره التعاقدات.. اما بالنسبة للحقوق والتجارة فالشرط واضح جدا وهو انهم لازم ياخدوا دبلومة تربوى علشان يتساوا مع خريجى تربية

وبكده انا شايف ان الموضوع عادل جدا.. وبعدين فكر فيها لو كنت مكان اللى بيختار هاتعمل ايه فى الاعداد دى كلها وهاتنصف بينهم ازاى الا بالطريقة دى ؟!!

انا شغال مدرس علوم بالحصة منذ ثلاث سنوات وانا خريج علوم قسم كيمياء خاصة تقدير عام جيد جدا وانا ليس موجود بالتعاقدات الجديدة وكان الوزير بيقول ان التعاقدات لمن يعمل بحقول التربية والتعليم كلة في الهواء علشان كدة ادعوا جميع مدرسي الاجر بمصر الي الاعتصام امام مبني وزارة التربية والتعليم ويكون لنا وقفة بعد ثلاث سنوات حروح فين الشارع مصيرنا

بالنسبة لموضوع التعاقدات
حضرتك بتقولى انهم اللى مقدمين من شهر مش فاهم هم قدموا فى محافظات ومحافظات تانيه لا ولا ايه بالضبط .
ثانيا انا عندى فى الغربية كانوا من حوالى شهرين ثلاثه كانوا طالبين من الناس الذين كانو يعملوا بالحصه من قبل وحصلوا على مكافأة امتحانات ان يحضروا خطاب من المدرسة يثبت انهم حصلوا على مكافأة امتحانات وبالفعل ذهبت الخطابات الى الادارة التعليمية وبعدها تم تبييض الكشف بالاسامى وذهب الى المديرية ومن بعدها لا حس ولا خبر فهل هذا سيكون له علاقه بالتعاقدات الجديدة .
ارجوا سرعه الرد

السلام عليكم
فى الغربية بس ادارة غيرك قدموا عادى فى الادارة وجابوا ورق يثبت انهم بيشتغلوا بالحصه حتى المكافاه 110 كمان قدموا وفى البحيرة كمان زمايلى قدموا عادى للادارة وعلى فكره اسمائهم منزلتش يعنى راحت عليهم الحصه والعقد وحسبى الله ونعم الوكيل

السلام عليكم
يا اخ فاشوش يعنى الى ضيع عمره فى الحصه وتعب واتبهدل وانت عارف ازاى بيتعامل نقوله باى خلاص مع السلامه لازم يكون فيه عدل مش عشان التقدير يطلع يعنى هو مستحمل ده كله على انه يتعاقد ويمكن ضيع شغل تانى عشانه يعملوا فيه كده انا اعرف ناس بقالها خمس سنين بالحصة واسمائها منزلش الظلم حرام برده

الى الأخ fashosh585 إسمح أختلف معاك كل الإختلاف
1- هل يعتبر التقدير هو المعيار فعلا ؟ هل نحكم على كل أصحاب التقديرات أنهم كانوا بيتعبوا و الباقى قضوها لعب إسمح لى هذا كلام غير صحيح بالمرة فأنت تعلم جيدا كيفية الحصول على تقدير بالكليات الأن، كان معى زميل ينقل كل الملخصات على التختة و طلع طبعا بتقدير جيد جدا، أما فلأننى أخاف الله طلعت بقدير جيد مرتفع ، و عندك ناس باتخد كورسات عند الدكاترة أو عند المعيدين، يعنى بيشترى التقدير. و بعد ده كله تقول لى بيتعبوا و بيشتغلوا و نعينهم عن غيرهم ، أسف أنا مش معاك.
2- أما بالنسبة للدبلوامت مين قالك أنهم طلعوا بره التعاقدات ، فى البحيرة تم عمل إحصائية ,جدوا فيها أن حملة الدبلومات الحاصلين على تعاقدات يفوق أعداد التربويين مرتين أو مرة ونصف حتى أكون دقيقا، و إلى هذه اللحظة يتقاضون أجرا كمتعاقدين و مكافئات و كل الأمتيازات، لولا أنه لا يصح لكنت كتبت لك قائمة بأسمائهم ، أسف برضه مش معاك فى ديه كمان.
3- بالنسبة للحقوق و التجارة و غيرهم لم يشترطوا أبدا الحصول على شهر واحد دراسة أخرى ، مش تقولى دبلومة تربوى و برضة عندى آلاف الأسماء المتعاقدين فى البحيرة و هم لا يمتون للتدريس بأدنى صلة، أسف كمان مش معاك فى ديه.
4- هل أبو تقدير اللى كان لسه بيدرس من شهر أو شهرين عنده خبرة بالتدريس زى اللى أشتغل بالحصة سنين و صبر على قرفها على أمل أنه يتعاقد بعد كده ، و ده حصل أمام عينى واحد جيد جدا حضر للمدرسة و بسببه إتقطع عيش واحد تانى بحصة له خبرة سنين و لكن معلش أصل تقديره جيد بس ، وبعدين واحد قاعد بقاله سنين إزاى نسيبه و نشغل واحد لسه حديث التخرج ، و أقسم بالله أن كل كلامى واقع مرير رأيته أمام عينى، برضه مش معاك فى ديه.
مع الأسف كما ذكرت السياسة الحلية هى الكيل بمكيالين.
و حسبنا الله ونعم الوكيل

السلام عليكم
والله بجد كلامك صح وفعلا انا كان لى زميلى مش بتحضر ولا بتعمل اى بحث كل الى كانت بتعمله انها كانت تيجى فى الاخر وتصور وخلاص واخدت تقدير جيد جدا

السلام عليكم ورحمة الله انا المهندس سعيد السيد عضو جديد بالمنتدى ياريت تساعدونى على التعارف الجاد وتقبلونى صديق

السلام عليكم ورحمة الله انا المهندس سعيد السيد عضو جديد بالمنتدى ياريت تساعدونى على التعارف الجاد وتقبلونى صديق

السلام عليكم اهلا بيك يااستاذ سعيد

مرحبا بالمهندس سعيد السيد فى هذا المنتدى الجميل

اخوانى.. انا عندما تحدثت عن الدبلومات والكليات الغير تربوية الاخرى كنت اتحدث بناءاً على مارأيته فى محافظتى.. فعندنا هنا فى شمال سيناء تم تسريح جميع الدبلومات من التعاقد.. اما بالنسبة لكليات التجارة والحقوق والخدمة الاجتماعية والاداب فأنا معك انهم متعاقدون حتى هذه اللحظة ولكن شرط من شروط تثبيتهم هو الدباومة التربوى..

وانا اقتنعت فعلا بنقطة الأقدمية والتقدير من كلامكم.. وان شاء الله ربنا هايفرجها على كله جديد وقديم

مع خالص تقديرى واحترامى

انا عضوه جديده واسمى غاده
خريجة دراسات انسانيه جامعة الازهر قسم تاريخ
ومعاى كمان دبلومه عامه ودبلومه خاصه تربوى
وتقديرى جيد جدا

ولما قرأت تعلقاتكم اتعجبت جدا لانى خريجة 96
ودبلومتين يبقى 1998
ومن هذا التاريخ وهما معينوش مدرس واحد فى الازهر تاريخ
من محافظة القليوبيه
والعام طبعا مش سهل يقبلو فيه الازهر الا اذا كانو مضطرين
ايه رايكم
ومفيش فى الازهر بالحصه وضاع تعب الكليه والدبلومه والتقدير
وانا موجوده فى البيت تحت الطلب
وشكرا
واهلا بالجميع

السلام عليكم
شكرا لاقتناعك يا استاذ فشوش بس يعنى ايه تم تسريحهم دى

السلام عليكم
اهلا بيك اخت غادة وعلى فكره كل سنه الازهر بيعمل مسابقه بتكون تقريبا فى شهر 6او 7

الحمد لله على إقتناع الأخ fashosh585 و لك مزيد من التقدير

و أهلا بالأخت غادة فى هذا المنتدى الرائع

و أود أن ألتفت نظرك أنك لست وحدك ، فأنا أعلم شاب طموح قد حصل على 2 ليسانس قسم إنجليزى (تربية أساسى 2003 + آداب 2008) و بتقدير جيد مرتفع لكليهما ، هذا بالأضافة للعديد من الدورات المعتمدة و غيرالمعتمدة فى مجال الحاسب الألى و كان فى طريقه للحصول على تمهيدى ماجيستير ولكن مرض والدته و تدنى العائد المادى جعلاه يعكف عن ذلك، و قد عمل بالأجر لفترة بالأزهر و لكن كما ذكرت تم إلغائها بعد ذلك ، و حتى المدارس الخاصة العمل بها بالواسطة كما هو معروف ، و هو الأن كما ذكرت موجود فى البيت تحت الطلب فعلا.

حسبنا الله و نعم الوكيل

و تحياتى لكل من بالمنتدى

بعد تظاهر 3 آلاف خريج
أسلوب جديد للتعاقدات في مديرية تعليم البحيرة

قرر اللواء محمد شعراوي محافظ البحيرة تشكيل لجنة برئاسة حسن مرسي وكيل وزارة التنظيم والإدارة بالمحافظة لبحث تظلمات الخريجين الذين تم تخطيهم في التعيين لوظيفة معلم مساعد بمديرية التعليم وعرض النتيجة خلال 48 ساعة وتعيين من يثبت حقه فوراً.. أشار شعراوي إلي أن جميع التعاقدات والمسابقات القادمة لتعيين معلم مساعد والتي ستبدأ أول يوليو القادم سيتم تقسيم الخريجين المتقدمين للمسابقات إلي دفعتين.. الأولي: للخريجين أصحاب التقديرات الأعلي والأقدمية في التخرج.. والثانية: للعاملين بالحصة في التربية والتعليم ويتم ترتيبهم حسب تقديراتهم وسنوات خدمتهم.
جاءت قرارات المحافظ عقب تظاهر حوالي 3 آلاف خريج لتخطيهم في التعيين خلال مسابقة مديرية التربية والتعليم.
ودى اخر الاخبار ونقدر نقول فيه عدل شوية

السلام عليكم
انا قريت تعليقاتكم وححبيت اشارك معاكم
انا خريج تربية ازهر كيمياء وطبيعة سنة2005 جيد جيدا
وكل سنة بقدم فى مسابقات الازهر وطبعا واستطى ربنا وهو اعلى واعظم من اى شئ
وزى ما انتو عارفين الواسطة فى البلد دى هى اللى بتشغل
طبعا فى كل مرة اسمى لا يدرج فى الكشوفات اللى حيتعقادوا لان معنديش واسطة
حسبى الله ونعم الوكيل فى ادارة طنطا الازهرية بطنطا
طبعا انا دلوقتى مصيرى البيت ونفسى اتسدت بجد انى اكمل دراسة لان كل دا ملوش لازمة زمايل ليا اشتغلوا بتقدير جيد ومقبول وانا قاعد فى البيت شوفتوا الظلم

اتمنى من الله ان يتم تغيير نظام التعاقدات وان يتم النظر الى الاقدمية فانا مثلا خريج كلية التربية من عام 2000 وحتى الان لم اتعاقد وكل من هم اصغر سنا منى قد تعاقدوا فاتمنى ان ياخذوا ولو ربع عدد المتعاقدين بالقدمية والباقى بالتقدير
اعتقد وان هذا ربما يكون به بعض العدل

فعلا حكاية الاقدمية دى مشكلة يا جماعة.. عندنا هنا فى شمال سيناء لسه منزلين اعلان عن تعاقدات جديدة.. ومن شروط التعاقد ان يكون المتقدم من خريجى 2003 فما فوق !!
اشمعنى يعنى 2003 ؟ طيب واللى قبل 2003 يعملوا ايه؟
انا مش فاهم الناس دى بتفكر ازاى؟ وايه المغزى من ده؟

السلام عليكم
لا نقول الا حسبنا الله ونعم الوكيل وافوض امرى لله

خليها على الله

شكرا جزيلا
موضوع يستحق التحية
تقبل مرورى

وما مصير خريجى تربية عام لغة عربية

:av4056bb7jp3:وما مصير خريجى تربية عام لغة عربية

السلام عليكم
تربية عام معظم متعاقد ى 2005 فى المرحلة الابتدائية اى مسابقه للتعاقد قدم فيها

حسبى الله ونعم الوكيل
طيب احنا كنا بنضيع اربع سنين فى الكليه(تربية عين شمس e )عشان الاخر يقولوا لااااازم خبرة ،الخبرة هتيجى ازاااااااااى كده انا مش فاهم ، وبعدين ايه ذنب الناس اللى اتخرجوا بقالهم فوق العشر سنين بالاجر ،بكام ياسيدى ب 40 جنيه فى الشهر فعلا انا تايه، انا للاسف بعشق مهنة تم اغتيالها من كل مسئول فى التعليم
انا والله والله والله مش عارف اعمل ايه العمر بيعدى وانا زى ما انا ،لكن فليعلم الجميع الوزير والغفير ،الصغير والكبير ان الله سبحانه وتعالى اسمه العدل واسمه الحق وهو نعم المولى ونعم النصير
ربنا يرحم شباب مصر
امضاء: شاب مصرى مازال يعشق مصر رغم ..............(حسبى الله ونعم الوكيل)