السلام عليكم ورحمة الله وبركاته
انا عضوه جديده هنا وشدنى السايت اوى لانه بجد ممتاز جدا وانا متعشمه فيكم خير وطالبه المساعده انا راحه اولى ثانوى عام ان شاء الله وجبت 97% ف الاعداديه السنه الى فاتت ومكنتش باخد غير درس انجليزى لانه محتاج تاسيس ودرس علوم لان ميس الفصل ماكنتش بتقول حاجه اصلا المهم انا عايزه حد يقولى اذاكر رياضه منين واخد درس ولا لا لانى بصراحه مش لاقيه حاجه ميفيده ف كتاب الوزاره بتاع الرياضه ف اى سنه ياريت اى حد يقدر يساعدنى يساعدنى لانى بجد محتاجه حد يحط رجلى ع الطريق الصح لمذاكرة الرياضه مع انى ماشيه فيها بس مش اوى يعنى اجتهاد بس انا عايزه تفوق

اهلا بيكى انتى اسمك ايه ...؟؟

بصى ماتقوليش على نفسك دحاحه علشان محدش يحسدك

اولى ثانوى متذكريش كتير اوى ...اشترى كتاب خارجى وهو هيقوم بالواجب

انا اسمى تسنيم وشكرا على اهتمامك وردك بس المشكله انى لما بحل مسائل ببقى مش عارفه احل بتاعى صح ولا غلط او كامل ولا لا

مانتى لو اشتريتى مثلا المعاصر الحلول الصحيحه بتكون مكتوبه فى الجزء الخاص بالحلول

انصحك بالمعاصر

يعنى انتى شايفه انى اعتمد ع شرح مستر المدرسه بس وممكن ابقى اروح سكاشن قبل الامتحانات
شكرا ع المساعده جدا جدا وطمنتينى وياريت اتشرف بمعرفتك اكتر ده لو مش يضايقك طبعا

اهلا بيكى الاول معانا
واحب اقولك التفوق فى الاعداديه ليس مهم لتفوق فى الثانويه لأن كله بيجتهد فى الثانوى مش زى الاعدادى
وزى ماقلتلك بسمله اعتمدى على الكتب الخارجيه وبصى برده فى كتاب الرياضه واتمرنى كتير
وممكن تتأكدى من الحل الى بيبقى ورا فى الكتاب

فعلا تفوق اعدادى حاجه والثانويه العمه حاجه تانيه خالص ودنيا تانيه خالص

وياريت مذكريش اوى فى اولى ثانوى ...يعنى مش لازم تجيبى اكتر من 91

شكرا جدا ياجماعه بس اعتقد ان احنا عندنا حساب مثلثات ف اولى ثانوى مش عارفه معنديش حد اكبر منى اسالوا فدى هتبقى جديده عليا مش عارفه حاسه انى قلقانه يعنى انتقال من مرحله لمرحله والكلام ده

السلام عليكم

اولا اهلا بيكى فى المنتدى معانا


بصى ده هيعتمد غلى مدرس الفصل لو بتفهمى منه يبقى هاتى كتاب خارجى وامشى مع نفسك

لكن لو وحش انصحك تاخدى درس فيها لان حساب المثلثات مرتبط بسنه 2


والله الموفق للجميع :)

طب محدش يعرف مدرس رياضه كويس قريب م بولاق او المهندسين او بين السرايات
شكلى هتضطرد م السايت اصلا

بصى يا دحاحه

انتى لما تدخلى المدرسه هتعرفى المدرسين كلهم ومين كويس ومين لا


انصحك انك تبتدى دروس مع المرسه عادى لو عايزة قبلها يبقى موش كتير عشان متزهقيش انا كنت فى 1ث

وبدات مع الدراسه عادى

... والله الموفق للجميع

اولا اهلا بيكى

ثانيا يا ريت ما تقلقيش خالص وزى ما الاعضاء اللى قبلى قالوا اشترى كتاب خارجى وهو هيقوم بالواجب وانا انصحك بالمعاصر

ثالثا انتى حظك حلو لانك ساكنة قريب من بولاق وكده لان انا اعرف مدرس قريب من هناك لو حبيتى تاخدى درس يعنى

رابعا بقى مش عارف اقدر اقولك اسم المدرس ولا لاء لان احنا ف الموقع مفروض بنحارب الدروس الخصوصية

بصى ريحى دماغك وخدى سكشن قبل الامتحان وعندك الشيمى حلو لو تعرفيه او الكمال ( بما انك بقى ساكنة هناك )


اتمنى اكون قدرت افيدك

سلام

اولا اهلا بيكي في المنتدي
وسوف يقوم المنتدي يدور مدرس الدرس ان شاء الله
علي فكرة في موضوع مثبت في اولي ثانوي فية تلخيص لجزء من المنهج
وان شاء الله سوف اتابع مع جميع الاعضاء المنهج كامل ان شاء الله
واي سؤال في الرياضة ان شاء الله في الخدمة للجميع

شكرا جدا جدا جدا يا جماعه ع اهتمامكوا

شوف التلخيص الموجود في اولي ثانوي ولو عندك سؤال
ان شاء الله
موجاب

ا[size=7] ع فكرة فية مدرسين مشهورين جدا فى الرياضة وملا زمهم مشهورة وانا من بورسعيد
وانا اقدر اساعدك ان شاء اللة [ان انا هطبعليك ملازم المدرس دا وابعتها ليكى والللة الموفق وانا ايميلى اهوة ahmed_hakim19@yahoo.com

أهلا بيكي يا دحاحة هانم عضوة جديدة معانا

أظن الأعضاء ردوا على استفساراتك رد كويس جدا

بس عندي ملاحظة بسيطة

لو عايزة كتاب خارجي تذاكري منه الدروس (شرح يعني) فالمعاصر مش بطال

أما لو هتعتمدي على شرح المدرس سواء بتاع المدرسة أو بتاع الدرس و عايزة كتاب خارجي لحل التمارين بس

فأنصحك بكتاب اسمه

<div align="center">لامي</div>


الكتاب ده جبار ف مسائله و انا مجربه عن نفسي ف تانية ثانوي و مكمل عليه ف تالتة ان شاء الله

انا هقلك حاجة الرياضة مادة جميلة جدااااااااا بس لازم تاخد فيها درس علشان تتاسس فيها علشان تتوعد على رياضة 2
وانصحك بالحل الكتير من اى كتاب خارجى ومتنساش تحل تمرينات كتاب الوزارة دى اهم من اى كتاب خارجى