بسم الله الرحمن الرحيم
السلام عليكم ورحمة الله وبركاته

معايا النهار قصيده عباره عن خلاصه تجربه واحد عاطل
اتفضلو




وانا واقف على باب الـــــــحاره
باشرب شاى وف ايدى سيجاره
لابس كاجــــــــول فيرى نيولوك
وعنيا اعليها النــــــــــــــضاره
واقف اشاكل خلق الــــــــــــــله
وبعاكس بنت بصــــــــــــــفاره
ضحكت ضحــــــــكه تهز قلوب
انا قلت اهى غمزت ســــــناره
والله يازهره انا دايـــــب فيكى
اسمك ايه ؟ انا اسـمى سماره
فجأه لقيته جــــــــــــاى عليا
شخص طويل وكأنه عمــــاره
قالى بتعمل ايه يا عنـــــــــيا
فاكر ان دى يا ابنى شــطاره
قلت له دخلك ايه يا زمـــــــيل
قال لى دى اختى وادى اماره
ايده بقت فى الجو بتـــــهوى
قابلت راسى كأنـــــــها غاره
راح الكاجــــــــول والنيولوك
وكمان كســـــــر لى النضاره
وقال لى انا هشرب من دمك
وهقطر منــــــــــــه بقطاره
وهاقطع من لــــــحمك كفته
وهفرق على اهل الــــحاره
الدنيا يا صاحبى دارت بــيا
حوشنى ياعم حوشى يا جاره
والناس كلها ضحكوا علـــيا
وسابوه يضربنــــى بنشاره
فكرت بسرعه ولقيـــــــتنى
بجرى صاروخ وكمان طياره
ومن يومها حلفت انا بــربى
امشى فى حـــالى بكل جداره
ولا اشاكل ناس وابعد عنهم
ولا اعاكـــــس بنت بصفاره
واغير من كل طــــــــباعى
لا اشرب شاى ولاحتى سيجاره
كلمة اخيره بقلــــــــها بغيره
الدنيا يا صاحبى دى غداره
مهما هتعمل فــــيها يا خال
راح ترجع وعــــليك دواره
تاخد منك حــــــــــق الغير
وتسيبك لو حــــوش جباره
__________________

ما اقل المعتبرين !!!!
وما اكثر العاطلين !!

بخصوص العاطلين
احنا اتفقنا مع قرمط على تكوين حزب العاطلين في مصر
وكنا هنكتسح البلد دول يجي تمنشر مليون
طبعا في ناس قلقت فشكلت الموضوع
فاهمين ؟!!! ها
بس كده احسن
المنتدى متراقب

عفوا .. الموضوع مكرر