(( للكبار فقط )) لا يسمح باقل من 25 سنة ومدرسين العربى والاانجليزى [الأرشيف]

الاستاذ محمد سرور

10-06-2009, 06:08 AM

(( للكبار فقط )) لا يسمح باقل من 25 سنة

حنقول ليه ...لان زمان ايام ما كان فى شبه تعليم كان فى كتاب جميل قوى اسمه عمر وأمل
كان بيعلم كل حاجة من اول اللغة وحتى الادب والتربية ..وطبعا اعتقد ان اللى عنده اقل من 25 سنة ما شفهوش اعتقد او على الاقل ما شفهوش كله

ارجع بذكريات طفولتك وتذكر ايامك الجميله

http://i38.tinypic.com/imuomu.jpg (http://me.zorpia.com/link/http://tinypic.com)

http://i36.tinypic.com/2s92f6v.jpg (http://me.zorpia.com/link/http://tinypic.com)

http://i33.tinypic.com/6rhxky.jpg (http://me.zorpia.com/link/http://tinypic.com)

http://i35.tinypic.com/mk9ahk.jpg (http://me.zorpia.com/link/http://tinypic.com)

http://i34.tinypic.com/291eqnl.jpg (http://me.zorpia.com/link/http://tinypic.com)

http://i34.tinypic.com/5ej2oi.jpg (http://me.zorpia.com/link/http://tinypic.com)

طبعا انا عارف ان الجيل الجديد هيدخل يقول ايه دة ويتعجب ومش بعيد يتريق كمان وحقه
لانه ما استمتعش بالحاجات دى وذاق حلاوتها
لكنه هيتلمس جملها من كلام الكبار لما ترد على الموضوع

ودة بقى علشان مدرسين الانجليزى
وخصوصا بدو الدجوى حبيبى

http://photos-a.ak.fbcdn.net/photos-ak-snc1/v2192/237/11/60091104776/n60091104776_1298008_6128.jpg (http://ar-ar.facebook.com/photo.php?pid=1298009&id=60091104776)

وبعدها نتناقش مع بعض
هل كنت تحب تدرس الكلام دة ولا انت شايف انه ضعيف بالنسبة للمناهج الان
وانت استمتع بالمناهج اللى درستها

انا عن نفسى درست أمل وعمر وكنت مستمتع بيها جدا ومش عايز اقولكم احساسى بقى ازاى لما شفت الصور دة وافتكرت اجمل ايام
شارك معانا برأيك

Dido Diab

10-06-2009, 06:41 AM

ماحدش يقدر يتريق عالكلام ده لأنه علم والعلم لازم نحترمه ، وبعدين حضرتك باين عليك سعيد انك درست الكتب دي يعني كنت مستمتع بيها وده اهم حاجة في العلم انك تستمتع بيه ، مش زي دلوقتي ......................وشكراً

استاذ بدوى الدجوى

10-06-2009, 06:46 AM

يااااااااااااااااااااااااااااااااااه
انت يا محمد يا صاحبى من زمن الاصالة والذكريات الجميلة
بس يا حبيبى كان زمان المدرسين والمدرسات ليهم سحر غريب
ويخليك تحب ما تدرسه وتشجيع غريب نادر الان هذا التشجيع مع انه يتواجد فى اهم فترة
بالنسبة لما يخصنى الانجليزى طبعا المناهج الجديدة قوية وسريعة ومواكبة لعصرنا الى حد كبير بس لو تم تدريسها صح
welcome to engish انا شرحته اللى كان مقرر عليا كتاب احمر مش فاكر اسمه كان لتعليم الحروف تقريبا ههههه فى الاعدادية
بس احنا يا حبيب قلبى كنا طلبة بلا علم والان العلم موجود بس الطلبة مشغولين اكتر من المدرسين
عمر وامل كتاب مش ممكن يتنسى ابدا ايام مستر خوفو وميس نفرتيتى الله يرحمهم
موضوع مذهل يا محمد يا اخويا ميرسى كتير على ابداعاتك

استاذ بدوى الدجوى

10-06-2009, 06:50 AM

ممكن سؤال قبل ما انسى ؟
انت جبت الحاجات دى منين ؟
دور لنا معاك واسفين جدا للتعب كان فى كتاب بنى كده مش فاكر اسمه ومكتوب على ورق بردى هو مش بعيد فى العصر الفاطمى يعنى مش قديم زى عمر وامل

الاستاذ محمد سرور

10-06-2009, 07:03 AM

الاستاذ محمد سرور

10-06-2009, 07:06 AM

يااااااااااااااااااااااااااااااااااه
انت يا محمد يا صاحبى من زمن الاصالة والذكريات الجميلة

الله يكرمك ...صحيح انت توعى ايام ما كان الجنية 12 بريزة :d

بس يا حبيبى كان زمان المدرسين والمدرسات ليهم سحر غريب
ويخليك تحب ما تدرسه وتشجيع غريب نادر الان هذا التشجيع مع انه يتواجد فى اهم فترة
بالنسبة لما يخصنى الانجليزى طبعا المناهج الجديدة قوية وسريعة ومواكبة لعصرنا الى حد كبير بس لو تم تدريسها صح
welcome to engish انا شرحته اللى كان مقرر عليا كتاب احمر مش فاكر اسمه كان لتعليم الحروف تقريبا ههههه فى الاعدادية

كتاب احمر ...ليه كان محصب :blush:

بس احنا يا حبيب قلبى كنا طلبة بلا علم والان العلم موجود بس الطلبة مشغولين اكتر من المدرسين
عمر وامل كتاب مش ممكن يتنسى ابدا ايام مستر خوفو وميس نفرتيتى الله يرحمهم
موضوع مذهل يا محمد يا اخويا ميرسى كتير على ابداعاتك

والله كانت ايام جميلة

الاستاذ محمد سرور

10-06-2009, 07:13 AM

ممكن سؤال قبل ما انسى ؟

اتفضل
انت جبت الحاجات دى منين ؟

فاعل خير ..... وجاب لى الحاجات دى كمان شفتها قبل كدة
هتندم لو مشفتهاش
http://www.thanwya.com/vb/showthread.php?t=101854

دور لنا معاك واسفين جدا للتعب كان فى كتاب بنى كده مش فاكر اسمه ومكتوب على ورق بردى هو مش بعيد فى العصر الفاطمى يعنى مش قديم زى عمر وامل

للاسف دورت عليه ما لاقيتش منه غير الكام صفحة دول ...شوف كدة هو دة

http://www.thanwya.com/vb/showthread.php?t=89053

http://mcseman.jeeran.com/oldcairoegypt1.jpg
http://perso.orange.fr/passion-egyptienne/images/Metiers-porteurs-eau-1902.jpg

دة بقى كوبرى قصر النيل قبل الاسود ما تيجى :d

http://ommeddonia.jeeran.com/oldcairoegypt18.jpg

ودى بعد ما حطوا الاسود:d

http://mcseman.jeeran.com/kasragainold.jpg

محمود حسن عبدالعال

10-06-2009, 07:57 AM

جزاك الله خيرا يا استادنا على التوبيك

keko16

10-06-2009, 09:31 AM

شكرا جدا يا مستر أنا رغم أن عندي 17 سنه بس أنا ماما كانت جايبالي الحاجات دي بس كنت بقرأها كتسلية مكنتش أعرف انكوا كنتوا بتدرسوها وعايزة اقول لحضرتك اني لغاية دلوقتي لما بلاقي الكتاب ده بقعد اقرائه وببقي مستمتعة جدا بيه
يا خسارة مش ده أحين من الحاجات اللي بيدرسوهلنا أحسن من قرقرة الشيشة بتاعة طه حسين تخيل حضرتك طلاب في سننا يبقي عندهم في المنهج قرقره الشيشة وأنا بذاكر العربي لقيت سؤال غريب ما معني كأكأة الدجاج
لو السؤال ده جه لحضرتك يتري هتكتب إيه معناه وكتير من هذا القبيل
فعلا التعليم محتاج إلي إعادة النظر له
معلش طولت علي حضرتك
وشكرا علي الموضوع الجميل اللي بنغبطكوا أنكم درستوا الحاجات دي

الجويرية

10-06-2009, 09:41 AM

استاذ بدوى الدجوى

10-06-2009, 10:48 AM

Mr.Ahmed Fadel

10-06-2009, 11:02 AM

بجد فكرتنا بالزمن الجميل يا مستر محمد
والله انا فاكر عمر وامل دول وكأنهم ولادى هههههههههههههه
لا والقطة بسبس دى متتنسيش
ده الواحد طلع قديم اوى يا جدعان

dr.asmaa

10-06-2009, 11:34 AM

انا عندى 15 سنة بس كان عندى الكتب دى وبم ان ماما اسمها امل سمت اخويا عمرو هى بتحب الكتاب دة قوى ولما شافت الصور استرجعت الذكريات وفضلت تقولى دورى لاخوكى علية علشان يتعلم القراءة من النت او المكتبة
شكرا على الذكريات قصدى على الصور

عادل مجاهدمصطفى

10-06-2009, 11:45 AM

النجم الكبير

10-06-2009, 12:53 PM

ممكن سؤال قبل ما انسى ؟
انت جبت الحاجات دى منين ؟
بجد فكرتنا بالزمن الجميل يا مستر محمد
والله انا فاكر عمر وامل دول
لا والقطة بسبس دى متتنسيش
ده الواحد طلع قديم اوى يا جدعان

لا لا يا عمر لا تشد زيل بسبس
بسبس خافت وجرت الى امل

ههههههههههههههههه
على فكرة انا فاكر كل كلمة حتى الان

اما بالنسبة للانجليزى
انا درست الكتاب الاحمر الصغير
انا مش فاكر اسمه بصراحة فى اولى اعدادى
وكتاب اكسيل ان انجليش فى الثانوية اول لما غيروا المنهج وطبقوا علينا
اسف على كتابة اكسيل ان انجليش بهذا الشكل بس علشان السرعة وبعدين خطى وحش فى الانجليزى
هههههههههههههههههه

بجد فكرتنا بالزمن الجميل يا مستر محمد

Observer

10-06-2009, 01:16 PM

كانت أيام جميلة يا أستاذ محمد

دة فى نشيد كان فى كتاب اللغة العربية لسة حافظه بيقول :

النيل العذب هو الكوثر والجنة شاطئه الأخضر

ريان الصفحة والمنظر ماأبهىالخلد وما أنظر

البحر الفياض القدس الساقى الناس وماغرسوا

وهو المنوال لما لبسوا والمنعم بالقطن الأنور

وحاجات كدة

دة غير قصيدة مها مع أبيها اللى بتقول :

سارت مها مسرورة مع والد حان أبر

فرأت هنالك نخلة معوجة بين الشجر

فتناولت حبلاً وقالت ياأبى هيا انتظر

حتى نقوم عودها لتكون أجمل فى النظر

فأجاب والدها لقد كبرت وطال بها العمر

ومن العسير صلاحها فات الأوان ولا مفر

قد ينفع الإصلاح والتهذيب فى عهد الصغر

والنشء إن أهملته طفلاً تعثر فى الكبر

شفتو المعنى !!

حسين المغربى

10-06-2009, 07:37 PM

محدش يقدر ينسى الكنب دى
مع إنك رجعتنا ورى أوى بس كانت أيام جميله

الاستاذ محمد سرور

10-06-2009, 08:01 PM

جزاك الله خيرا يا استادنا على التوبيط المؤثر ده
وجعله الله فى ميزان حسناتك

وجزاك الله ما هو افضل منه

الاستاذ محمد سرور

10-06-2009, 08:03 PM

الاستاذ محمد سرور

10-06-2009, 08:06 PM

http://photos-a.ak.fbcdn.net/photos-ak-snc1/v2192/237/11/60091104776/n60091104776_1298008_6128.jpg (http://ar-ar.facebook.com/photo.php?pid=1298009&id=60091104776)
ايه ده البنات كانت محترمة ومتجحبة كمان:d
وبردوا هما على وهبة
بس انحرفوا فى المستقبل:stickjo4:

وبالنسبة للغة العربية
بجد شكلها حلو اوى
يحيا العلم المصرى القديم

بس اكيد لما اتطور بقى مناهجه اوسع وافضل
جزاكم الله خيرا استاذ محمد على الصور

يا سلام على قوة الملاحظة ( البنات محترمة ومحجبة) :)
يعنى ما شوفتيش الجامع المرسوم على كتاب الانجليزى وانه اعلى شكل فى الصورة
عمرك انتى شفتى جامع فى كتاب الانجليزى بتاعكم :bosyht9:
زمان كانت التربية قبل التعليم ............. دلوقتى ولا ..... ولا ......

اكمل الفراغات الناقصة :romarioxp6:

الاستاذ محمد سرور

10-06-2009, 08:11 PM

ههههههههههههههههههههههههه
بجد جامدة جدااااااااااااااااااااااااااااا

بقى انا يا استاذ محمد من ايام لما كان الجنيه بميه وعشرين قرش ؟ ماشى
وبعدين بريزة دى لغوها من سنة 1911 جبتها منين دى؟

انا رجعت البريزة تانى فى مانع :p

بدوى دة اخوى والله :friendsxs3:

الاستاذ محمد سرور

10-06-2009, 08:14 PM

بجد فكرتنا بالزمن الجميل يا مستر محمد
والله انا فاكر عمر وامل دول وكأنهم ولادى هههههههههههههه

اللى جاب لك يخليلك :)

لا والقطة بسبس دى متتنسيش

تحس انك كنت كل ما تشوف قطة تفتكرها بسبس ...صح :d
كلنا كنا كدة ;)
ده الواحد طلع قديم اوى يا جدعان

يعنى مش قديم قوى ولا حاجة ... بس العمر بيجرى بسرعة بينا واحنا مش حاسين

الاستاذ محمد سرور

10-06-2009, 08:16 PM

الاستاذ محمد سرور

10-06-2009, 08:20 PM

دايما لابالجديد القديم تأتى مستر محمد
على فكره أنا أول دفعه طبق درس هذا الكتاب ( الانجليزى ) وكانت اول طبعه من حظنا
إنما بالنسبه ل عمر وأمل ده تاريخ وهذه الأناشيد لسه حافظها إلى الآن
وفيه نشيد فى كتاب الانجليزى مش عارف اذا كنت فاكره ولا لا وهو
يو كان سى مى ان ذا سكاى تيل مى تيل مى هو اماى سمتايمز لو سمتايمز هاى ان ذا مورنينج اى جو اب ان ذا ايفيننج اى جو داون بس ( معذرة على الترجمة ) الكتابه بالانجليزى هتاخد وقت والعربى احسن
شكرا

صحيت فيك حاجات جميلة من ايام زمان .... صح :022yb4:

وعلى فكرة دلوقتى بفتخر مدراس اللغات بطلابها لما بيقولوا النشيد دة وبيعتبروه انجاز فى حين اننا كنا زمان بتاخد الحاجات دى وبنحبها مع ان تعليمنا عربى حكومى

بس تقول ايه
منك لله يا مرزوق ....انت اللى وصلت التعليم لشكلة دة :angry2:

الاستاذ محمد سرور

10-06-2009, 08:21 PM

الاستاذ محمد سرور

10-06-2009, 08:25 PM

الاستاذ محمد سرور

10-06-2009, 08:28 PM

محدش يقدر ينسى الكنب دى
مع إنك رجعتنا ورى أوى بس كانت أيام جميله

شكرا لمرورك مستر حسن ..واتمنى لك ذكريات سعيدة

khaled157

10-06-2009, 08:29 PM

sally2009

10-06-2009, 08:41 PM

كانت المدرسه جميله وكان التعليم متعه وعلى فكره كل الاجيال اللى اتربت على عمر وامل كلهم ما شاء الله فى مناصب مرموقه وبالرغم من بساطة المناهج الا انها كانت بتعلم الاطفال بطريقه جميله جداااااا و الاجيال دلوقتى مفتقداها......يا ريت الزمن ده يرجع تانى.....

Miro donia

10-06-2009, 09:03 PM

والله هو ده الزمن اللى طلع اجيال فاهمه مش احنا اللى بناخد مناهج الوزاره بتتحدانا بيها وفى الاخر اللى بيجبوا 100%وهما مش فاهمين حاجه على فكره انا فى تانيه جامعه وكنت جايبه96%وملحقتش كلية قمه ولايحزنون

abtoky

11-06-2009, 01:19 AM

صدقونى دمعت عيناى أثناء مشاهدة أوراق الكتاب
والله زمان يا علمممممممممممممم

keko16

11-06-2009, 01:50 AM

يا ريت لو تعرفى بيتباع فين علشا نفسى فى نسخة منه

اعرب ما تحته خط :d
عارف كنت جيباها منين كان كتاب ماما أصلها من كتر حباها فيه كانت محتفظة بيه فأنا لقيته ومن ساعتها كل شوية أقعد أقرأ فيه:)
أما عن الاعراب
فاغبطكم يعني أحسد مع التمني بعدم زوال النعمة من الاخرين :blush:

بازليا

11-06-2009, 04:57 AM

الموضوع جميل وانا نفسى كل الناس تشوفوا عشان تعرف قيمةالكلام الجميل دة مرسى على الموضوع الجميل دة

Amethyst

11-06-2009, 09:06 AM

http://photos-a.ak.fbcdn.net/photos-ak-snc1/v2192/237/11/60091104776/n60091104776_1298008_6128.jpg (http://ar-ar.facebook.com/photo.php?pid=1298009&id=60091104776)

شفتوا ازاي
الولد ده ماسك الكتاب بالمقلوب
عشان تعرفوا
كان تعليم بايظ صحيح
:d

أما عن الحاجات دي
و الأناشيد دي
أنا فاكرة إني كنت بقرأها و أنا صغنتتة

:006et4:

فين مش فاكرة
زهايمر مبكر و الله
:d

شكراً يا مستر محمد على التوبيك
Nice Topic
:)

عاشقـــ الانمى ـــة

11-06-2009, 10:31 AM

(http://me.zorpia.com/link/http://tinypic.com)http://i38.tinypic.com/imuomu.jpg (http://me.zorpia.com/link/http://tinypic.com) (http://me.zorpia.com/link/http://tinypic.com)
انا فاكرة ان النشيد دا موجود حاليا بس متزكرة فى انهى سنة تقريبا اولى ابتدائى
*****************
بالنسبة لرايى حاليا التعليم فى مصر بيخاطب العقول ال اكبر من سنها
حتى مبيشفوش دول عقلهم يستوعب اد ايه
وبالتالى المناهج بتنزل صعبة
وكل شوية عاوزين يطوروا التعليم على دماغنا احنا
لحد الواحد حاسس انه هيتخرج وهو عنده 30 سنة
واحتمال يتخرج يلاقى نفسه طلع على المعاش:d
هييييييييييييييييييييييييه
فين ايام زمان بس نقول ايه
كان زمان وجبر الدنيا بتتغير

E. 2H

11-06-2009, 11:04 AM

كادت عيناى أن تدمع عند رؤ ية هذا الكتاب الجميل
الذى إستمتعت جدا بدراسته ،
و ما زلت أحتفظ به إلى الأن
و على الرغم أن المناهج حاليا أشمل
إلا أنها يتم تدريسها بطريقة خاطئة
مما يجعل سلبياتها تفوق إيجابياتها
أما كتاب "عمر و سلمى" فوالدى رحمه الله
الذى إحتفظ به
و أحيانا أتصفحه الأن
جزاك الله خيرا أخى الكريم
على تذكيرنا بهذا الزمن الجميل

:: [ K A B B O W ] ::

11-06-2009, 02:59 PM

http://i86.servimg.com/u/f86/13/56/13/38/ououou10.jpg

ياااااااااااااااااه ده انا طلعت مواليد اول امبارح
بس شكل الكتب كانت لذيذه
هو مش مهم الكتاب شكله ايه المهم اللى ميدرسوه يحبوا يدرسوه
لا بس بجد اجمل حاجه كتاب الانجليزى كان كتاب محترم يعنى حجاب وكده
مش كتب دلوقتى بنت الـ...............................
بقى الملاك اللى على ايدك الشمال ميشتغل احلى شغل لما تفتح الكتاب
اوبا ..... انا غلطت فى الانجليزى كده مستر بدوى هيشعلقنى
على فكره كتاب الانجليزى دلوقتى احسن كتاب واكتر كتاب محترم وكل اللى فيه محجبين ومفبش اى مشاكل ( الجرى نص الجدعنه )
هههههههههههههههههههههههه
شكرا يا مستر على الموضوع الجميل ده

http://i86.servimg.com/u/f86/13/56/13/38/uu_ouo10.jpg

FRANKENSTEIN

11-06-2009, 03:10 PM

لو ع الكتب او القصص اللي كانت بتدرس زمان ودلوقتي
اكيد فيه فرق كبير

يعني مثلا كان قصه الانجلش بتاعه الثانوي كانت تلخيص لمسرحيات شكسيبر
وكانت قصه العربي عبقرية عمر للعقاد
اظن ان الكتب اللي كانت بتدرس مفيده وجميله

حتي لما فكروا يحطوا حاجه كويسه
اللي هيا كتاب الايام
شوهوا منظر واحداث الكتاب
دا غير ان دراسه الادب بصفه خاصه او الدراسه بصفه عامه بتعتمد ع الحفظ او التلقين

صحيح انا دخلت الموضوع دا ازاي :d
وبعدين ايه موضوع 25 دا
مش كانوا 18 بس :(

شهدالجنة

11-06-2009, 03:25 PM

ياااااااااااااااااااااااااااااه

ربنا يبارك فى حضرتك رجعتنى 10 سنين ورا

بجد احلى واجمل ايام فعلا والله

بارك الله فيك

العروبة2

11-06-2009, 07:13 PM

نشكر لكم جميعاً أنكم رجعتنوني للماضي الجميل والذكريات الرائعة وشكراً من كل قلبي على هذا الموضوع الرائع ... ملحوظة التعليقات رائعة وكذلك البسمات

الاستاذ محمد سرور

11-06-2009, 11:24 PM

تسلم ايدك فكرتنى بالدروس الجميله وباحلى ايام حياتى
وكان فى درس جميل قوى عن الامانه اسمه(قلم من؟)
تلميذ وجد قلم فى الفناء وسال اصحابه عليه وقال لهم : قلم من؟
فرد احدهم احمد عثمان 3/1
والله زمان..............
وتصدق حضرتك ان الواحد لسه حافظ الدروس والاناشيد دى....وساعات اقولها لاولادى...

ومان كان التعليم تربية واخلاق ( الامانه ) كان درس جميل وبسيط وواقعى
والاناشيد الجميلة دى استحالة تتنسى علشان كان التعليم ممتع مش تحفيظ واجبار

شكرا لمرور حضرتك وبوسى لى ولادك :d

الاستاذ محمد سرور

11-06-2009, 11:25 PM

الاستاذ محمد سرور

11-06-2009, 11:32 PM

صدقونى دمعت عيناى أثناء مشاهدة أوراق الكتاب
والله زمان يا علمممممممممممممم

مش عارف اقول اسف على دموعك ولا اقولك مبسوط ان الموضوع عجبك

شكرا لمرورك

الاستاذ محمد سرور

11-06-2009, 11:35 PM

عارف كنت جيباها منين كان كتاب ماما أصلها من كتر حباها فيه كانت محتفظة بيه فأنا لقيته ومن ساعتها كل شوية أقعد أقرأ فيه:)
أما عن الاعراب
فاغبطكم يعني أحسد مع التمني بعدم زوال النعمة من الاخرين :blush:

اغطبتكم .....هو دة اللفظ الصحيح :d

وياريت كان كتابى لسه بحالته
بس للاسف كله زيت من سندوتشات الفول والطعمية اللى كنت بحطها فى الشنطة :blush:

الموضوع جميل وانا نفسى كل الناس تشوفوا عشان تعرف قيمةالكلام الجميل دة مرسى على الموضوع الجميل دة

شكرا لمرورك

الاستاذ محمد سرور

11-06-2009, 11:37 PM

http://photos-a.ak.fbcdn.net/photos-ak-snc1/v2192/237/11/60091104776/n60091104776_1298008_6128.jpg (http://ar-ar.facebook.com/photo.php?pid=1298009&id=60091104776)

شفتوا ازاي
الولد ده ماسك الكتاب بالمقلوب
عشان تعرفوا
كان تعليم بايظ صحيح
:d

حد يشيل البت دى من ادامى لاقتلها :mad:

أما عن الحاجات دي
و الأناشيد دي
أنا فاكرة إني كنت بقرأها و أنا صغنتتة

:006et4:

فين مش فاكرة
زهايمر مبكر و الله
:d

شكراً يا مستر محمد على التوبيك
Nice Topic
:)

ايه الكائنات اللى عايشة معانا على الموقع دى .... هى مش انقرضت من زمان :romarioxp6:

Amethyst

11-06-2009, 11:45 PM

حد يشيل البت دى من ادامى لاقتلها :angry:

ايه الكائنات اللى عايشة معانا على الموقع دى .... هى مش انقرضت من زمان :romarioxp6:

إيه ده
مستر محمد
حضرتك متضايق مني في حاجة
:o

منال محمود سليمان

11-06-2009, 11:47 PM

السلام عليكم
بجد اشكرك جزيل الشكر فلقد رجعت لى من عشرين سنه احساس رائع وذكريات ممتعه وعهد من التعليم متميز جدا

الاستاذ محمد سرور

11-06-2009, 11:51 PM

انا فاكرة ان النشيد دا موجود حاليا بس متزكرة فى انهى سنة تقريبا اولى ابتدائى
*****************
بالنسبة لرايى حاليا التعليم فى مصر بيخاطب العقول ال اكبر من سنها
حتى مبيشفوش دول عقلهم يستوعب اد ايه
وبالتالى المناهج بتنزل صعبة
وكل شوية عاوزين يطوروا التعليم على دماغنا احنا
لحد الواحد حاسس انه هيتخرج وهو عنده 30 سنة
واحتمال يتخرج يلاقى نفسه طلع على المعاش:d
هييييييييييييييييييييييييه
فين ايام زمان بس نقول ايه
كان زمان وجبر الدنيا بتتغير

ولا اعرفك :romarioxp6:

كادت عيناى أن تدمع عند رؤ ية هذا الكتاب الجميل

الذى إستمتعت جدا بدراسته ،
و ما زلت أحتفظ به إلى الأن
و على الرغم أن المناهج حاليا أشمل
إلا أنها يتم تدريسها بطريقة خاطئة
مما يجعل سلبياتها تفوق إيجابياتها
أما كتاب "عمر و سلمى" فوالدى رحمه الله
الذى إحتفظ به
و أحيانا أتصفحه الأن
جزاك الله خيرا أخى الكريم

على تذكيرنا بهذا الزمن الجميل

صدقت فعلا ...اعتذر لانى جعلت عيناك تدمع

http://i86.servimg.com/u/f86/13/56/13/38/ououou10.jpg

ياااااااااااااااااه ده انا طلعت مواليد اول امبارح
بس شكل الكتب كانت لذيذه
هو مش مهم الكتاب شكله ايه المهم اللى ميدرسوه يحبوا يدرسوه
لا بس بجد اجمل حاجه كتاب الانجليزى كان كتاب محترم يعنى حجاب وكده
مش كتب دلوقتى بنت الـ...............................
بقى الملاك اللى على ايدك الشمال ميشتغل احلى شغل لما تفتح الكتاب
اوبا ..... انا غلطت فى الانجليزى كده مستر بدوى هيشعلقنى
على فكره كتاب الانجليزى دلوقتى احسن كتاب واكتر كتاب محترم وكل اللى فيه محجبين ومفبش اى مشاكل ( الجرى نص الجدعنه )
هههههههههههههههههههههههه
شكرا يا مستر على الموضوع الجميل ده

http://i86.servimg.com/u/f86/13/56/13/38/uu_ouo10.jpg

ايه اللى جاب الاطفال هنا ...يلا يا حبيبى روح اشترى حاجة حلوة :romarioxp6:
شكرا لمرورك
وابقى استخبى من مستر بدوى

لو ع الكتب او القصص اللي كانت بتدرس زمان ودلوقتي
اكيد فيه فرق كبير

يعني مثلا كان قصه الانجلش بتاعه الثانوي كانت تلخيص لمسرحيات شكسيبر
وكانت قصه العربي عبقرية عمر للعقاد
اظن ان الكتب اللي كانت بتدرس مفيده وجميله

حتي لما فكروا يحطوا حاجه كويسه
اللي هيا كتاب الايام
شوهوا منظر واحداث الكتاب
دا غير ان دراسه الادب بصفه خاصه او الدراسه بصفه عامه بتعتمد ع الحفظ او التلقين

صحيح انا دخلت الموضوع دا ازاي :d
وبعدين ايه موضوع 25 دا
مش كانوا 18 بس :(

18 ايه هو احتا بنعرض كرتون كوكب الفراخ :p
ايه معترض على ايه ....ممكن اخليها 30 لو تحب ;)
شكرا لمرورك

ياااااااااااااااااااااااااااااه

ربنا يبارك فى حضرتك رجعتنى 10 سنين ورا

بجد احلى واجمل ايام فعلا والله

بارك الله فيك

10 سنين بس ما شاء الله .. انتى درستى الحاجات دى من 10 سنين ازاى

شكرا لمرورك

نشكر لكم جميعاً أنكم رجعتنوني للماضي الجميل والذكريات الرائعة وشكراً من كل قلبي على هذا الموضوع الرائع ... ملحوظة التعليقات رائعة وكذلك البسمات

بس مش اجمل من تعليقك

الاستاذ محمد سرور

12-06-2009, 12:05 AM

إيه ده

مستر محمد
حضرتك متضايق مني في حاجة
:o

لأ انا ازعل منك

بقى التعليم كان بايظ :angry2:

نفسى بس اطول رقبتك .... وربنا يقدرنى على الباقى :049gc0:

أستاذة غادة

12-06-2009, 12:09 AM

Mr. Medhat Salah

12-06-2009, 12:20 AM

بارك الله فيك

Amethyst

12-06-2009, 12:32 AM

لأ انا ازعل منك

بقى التعليم كان بايظ :angry2:

نفسى بس اطول رقبتك .... وربنا يقدرنى على الباقى :049gc0:
هههههههه
رقبتي موجودة أهي
أنا بهزر و الله
عشان الكتاب مقلوب يعني
ف حبيت أهزر شوية
:bosyht9:
بس و الله
أنا عارفة إن التعليم زمان كان أجمل مليون مرة و أفضل مما هو الحال الآن
متأسفة جداً يا مستر
:)

الاستاذ محمد سرور

12-06-2009, 12:43 AM

هههههههه

رقبتي موجودة أهي
أنا بهزر و الله
عشان الكتاب مقلوب يعني
ف حبيت أهزر شوية
:bosyht9:
بس و الله
أنا عارفة إن التعليم زمان كان أجمل مليون مرة و أفضل مما هو الحال الآن
متأسفة جداً يا مستر
:)

تتأسفى ما تتأسفيش ماليش دعوة ... انا بقالى اسبوع ماقتلتش طالب :049gc0:

يا جماعة حد يجيب سكينة ...... فرصة اهى :d

الاستاذ محمد سرور

12-06-2009, 12:46 AM

السلام عليكم

وعليكم السلام ورحمة الله وبركاته
بجد اشكرك جزيل الشكر فلقد رجعت لى من عشرين سنه احساس رائع وذكريات ممتعه وعهد من التعليم متميز جدا

شكرا لمرور حضرتك .......... وذكريات جميلة

الاستاذ محمد سرور

12-06-2009, 12:49 AM

تسلم ايدك مستر محمد جزاك الله خيرا

فكرتنا بايام جميلة ومتعة التعليم ايامها

وهيبة المعلم المفقودة الان للاسف

وشطارتنا وحب المدرسات لينا

اما الان انا مرعوبة من اولى ابتدائى وصعوبتها

مع تعلق ابنى الشديد باسبيس تون وmbc3

وربنا يستر ويقوينا على مناهج اليومين دول

المكدسة زيادة عن اللزوم

ربنا يرحمنا برحمته

لا رعب ولا حاجة مس غادة
عيش معاه وقته ....ان شالله يكون بيحب يتفرج على افلام رعب اتفرجى معاه
عيشى معاه حياته وكأنك من سنه :d
بارك الله فيك

اللهم آمين

الفراشة 63

12-06-2009, 01:05 AM

محدش جاب سيرة عادل و سعاد ليه
اوعوا تكونوا مش فاكرينهم
عايز تقارن تعليم زمان بدلوقت مستحيل
امسك كتاب الصف الثاني وشوف منهجهم الله يكون في عونهم وعوننا

Amethyst

12-06-2009, 01:25 AM

تتأسفى ما تتأسفيش ماليش دعوة ... انا بقالى اسبوع ماقتلتش طالب :049gc0:

يا جماعة حد يجيب سكينة ...... فرصة اهى :d

أسبوع بس يا مستر
لأ لأ كده مش هينفع
;)
أنا جاهزة
قمت رحت المطبخ
فتحت البتاع ده
لقيت سكاكين كتير كده
أجيب أنهي واحدة ؟
:d
و متقلقش يا مستر
هقولهم إني انتحرت بمعرفتي
:d
ندخل ف الموضوع

http://i38.tinypic.com/imuomu.jpg

http://i36.tinypic.com/2s92f6v.jpg

http://i33.tinypic.com/6rhxky.jpg

http://i35.tinypic.com/mk9ahk.jpg

http://i34.tinypic.com/291eqnl.jpg

http://i34.tinypic.com/5ej2oi.jpg

طيب و الله الحاجات دي كنت باخدها كلها
I am sure
و كنت بحبها جداً
و قطتي صغيرة .. اسمها نميرة
و محدش يتريق عليا
:d
و كنت بألف أناشيد أطفال كده
و دخلت مسابقة مبارك و انسحبت
;)
و بعدين بطلت
بقيت بألف قصص أطفال
و بردو بطلت
و رجعت تاني قريب
;)
موضوع جميل أوي مستر محمد
جزاكـ الله الخير كله
في أمان الله
:)

الاستاذ محمد سرور

01-07-2009, 12:00 PM

محدش جاب سيرة عادل و سعاد ليه
اوعوا تكونوا مش فاكرينهم
عايز تقارن تعليم زمان بدلوقت مستحيل
امسك كتاب الصف الثاني وشوف منهجهم الله يكون في عونهم وعوننا

للاسف ما لاقيتش صور ليهم

شكرا لمرورك

أسبوع بس يا مستر

لأ لأ كده مش هينفع
;)
أنا جاهزة
قمت رحت المطبخ
فتحت البتاع ده
لقيت سكاكين كتير كده
أجيب أنهي واحدة ؟
:d
و متقلقش يا مستر
هقولهم إني انتحرت بمعرفتي
:d
تمام ربنا يوفقك :romarioxp6:

ندخل ف الموضوع

http://i38.tinypic.com/imuomu.jpg

http://i36.tinypic.com/2s92f6v.jpg

http://i33.tinypic.com/6rhxky.jpg

http://i35.tinypic.com/mk9ahk.jpg

http://i34.tinypic.com/291eqnl.jpg

http://i34.tinypic.com/5ej2oi.jpg

طيب و الله الحاجات دي كنت باخدها كلها
i am sure
و كنت بحبها جداً
و قطتي صغيرة .. اسمها نميرة
و محدش يتريق عليا
:d
و كنت بألف أناشيد أطفال كده
و دخلت مسابقة مبارك و انسحبت
;)
و بعدين بطلت
بقيت بألف قصص أطفال
و بردو بطلت
و رجعت تاني قريب
;)
موضوع جميل أوي مستر محمد
جزاكـ الله الخير كله
في أمان الله
:)

فى انتظار وضع قصص الاطفال الخاصة بيكى على الموقع

فى امان الله

the black rose

01-07-2009, 12:56 PM

ههههههههه
و حضرتك لسة محتفظ بيهم :d
ده انا ببقى عايزة اخلص السنة الدراسية
عشان اولع فى الكتب :blush:
بس جميل اوى
كتاب العربى بيفكرنى بمعلم القراءة ماما كانت بتعلمنى فيه قبل ما ادخل كى جى :006et4:
كنت بحبه :028ja7:
و حلو حتى فى الانجلش محترمين و محجبين ;)
خلاص اتطورنا
بس كاتب الانجلش شبه بتاعنا
معلش بقى يا مستر دخلت و اغنا اقل من 25 سنة
ممكن ازورلك فى شهادة الميلاد عشان تدخلنى :blush:
شكرا يا مستر انك وريتنا حاجة حلو من التعليم :d

الاستاذ محمد سرور

06-07-2009, 12:10 AM

ههههههههه

و حضرتك لسة محتفظ بيهم :d
ده انا ببقى عايزة اخلص السنة الدراسية
عشان اولع فى الكتب :blush:
بس جميل اوى
كتاب العربى بيفكرنى بمعلم القراءة ماما كانت بتعلمنى فيه قبل ما ادخل كى جى :006et4:
كنت بحبه :028ja7:
و حلو حتى فى الانجلش محترمين و محجبين ;)
خلاص اتطورنا
بس كاتب الانجلش شبه بتاعنا
معلش بقى يا مستر دخلت و اغنا اقل من 25 سنة
ممكن ازورلك فى شهادة الميلاد عشان تدخلنى :blush:
شكرا يا مستر انك وريتنا حاجة حلو من التعليم :d

سن ايه ولا يهمك ...القراءة للجميع :d

yomna1993

06-07-2009, 02:37 AM

الدراسة دلوقتي بقت روتين و خشد معلوماتممكن يكون نصها مش مهم و بيتنسي مجرد ما بيترص على ورقة الامتحان
مش افادة لينا انه يطلع جيل كويس فيه العالم و الاديب

ماما و بابا برده على فكرة بيعدوا يحكوا لي على المناهج دي و على فكرة انا بحترمها جداا و كان نفسي التعليم يكون زي الزمن دا ممكن يكون في تطور او زيادات للمنهج بس يكون نفس السستم الجميل
جزاك الله الجنة على التوبيك الجميل

**تسابيح**

06-07-2009, 10:04 PM

بصراحة يامستر فترة أبتدائي دي كانت جميلة أأأأأوي
ساعتها كنا بندرس وخلاص مش عارفين احنا بنتعلم ليه
أطفال بقي
لحطات جميلة أوي كلها لعب وهزار وضحك
محدش كان يقدر يعلق ع تصرفاتي اخر كلامه عيله صغيره سبوها:006et4::006et4:
طبعا كنت مدمنة حفظ الدروس وكنت بسمعها لماما
وكانت بتتريق كثير عليه
وتقولي هو فيه حد بيحفظ الدروس
ودلوقتي أخوية الصغير بيعمل كدا
وانا اللي بقعد اتريق عليه
ومامتي بتقول لأخوية: أصلك شبه واحدة صاحبتنا اول حرف من اسها تسابيح ;)
(بصراحة لحد دلوقتي مش عارفها )
بجد أيام ابتدائي جميلة بطريقة تحفه
بس احنا مش كان عندنا أمل وعمر
كان عندنا سمر وحسن مش فاكرة مين تاني
وان شاء الله في المنهجة الجديد
هينزل هيثم وتامر ورشا:d:d
شكرا ع التذكر بالأيام الجميلة دي
ياريت نقدر نرجعها بس اللحظات السعيدة صعب نرجعها:blush:

امؤنا

06-07-2009, 10:27 PM

رجعتنا لايام زمان اوى يا استاذ محمد والله كانت اجمل ايام انا عندى 18 سنة بس بجد زمان احلى من دلوقتى الف مرة زمان كان فى تربية فعلا بمعنى الكلمة وتعليم انما دلوقتلى عليه العوض زمان كنت بندرس حاجة فاهمنها لكن دلوقتى بندرس حاجات لافهمنها ولا حبنها اهى شهادة والسلام بجد نفسى يرجعوا مدرسين زمان انا كان عندى فى ابتدائى مدرسين كويسين جدا بجد حبيت المواد والتعليم كله طلعت ثانوية عامة كرهت نفس والجامعة انيل الحمد لله

MOHAMEDSHOMAN

06-07-2009, 10:33 PM

شريف sh

07-07-2009, 07:52 PM

الله يكرمك فكرتنا بايام زمان والكتب الجميلة اللى مش ممكن تتنسى ابا

bossrose2000

08-07-2009, 12:39 PM

فين الحاجات دى دلوقتى

لؤلؤة الإسلام

08-07-2009, 06:46 PM

والله هو التغيير مهم بس نظام التعليم فى مصر عاوز يتغير وفقا لتعاليم الإسلام ووفقا لعقليات الطلبة فى مصر
الموضوع راااااااااااااااااااااائع

sara aly

13-07-2009, 02:59 PM

شكرا على الموضوع الحلو ده
طبعا الكتاب ده ميتنسيش:d

E. 2H

13-07-2009, 03:57 PM

صدقت فعلا ...اعتذر لانى جعلت عيناك تدمع

أخى الكريم

لا يعتذر من صنع معروفا

فأنت جزاك الله خيرا

بأن أعدت لذاكرتنا الأيام الجميلة

ر بنا يبارك فيك

:d:d:d

محمد طرفاية

13-07-2009, 05:37 PM

المناهج دى كانت أحسن وأفيد مليون مرة من مناهج دلوقتى اللى عاملة زى الاطعمة المحفوظة لاطعم ولاريحة ولا استفادة:078111rg3::078111rg3::078111rg3::078111rg3 ::078111rg3::078111rg3:

بروباجندا

14-07-2009, 06:59 PM

فعلا احنا مش عارفين
اي حاجة عن عمر وامل ده خالص

مسطره

14-07-2009, 07:42 PM

السلام عليكم
انا سني اقل من 25 بس الموضوع عجبني واتمني انكم تقبلوا مشاركتي هو فعلا يمكن كان زمان شبه تعليم زي ماحضرتك قلت بس كان ليه تأثير السحر علي الطلبه والدليل ان حضرتك وكمان علي فكره بابا وماما لسه لحد دلوقتي فاكرين عمر وأمل

ليتني طفله وهمي لعبتي

15-07-2009, 06:42 AM

على فكره بقى تعليم زمان كان تعليم ممتع
أكيد مش زي تعليم دلوقتي
دا انا حاسه اننا فمجزره
الوزاره بتقتل فينا والله تعبنا
ده كفايه اللحظات اللي احنا بنعيشها نستنى النتيجه
أنا خلاص خلصت
وبعدين الكتب بتاعت زمان كانت البساطه اللي فيها
والرسوم للأطفال كنت تفتح النفس أكثر بكثيييييييييييييير من دلوقتي
أنا شفت كتاب عمر وأمل حد جابهولي وانا صغنتته
وكنت بحبه جدا
على العموم
جزاك الله خيرا على الموضوع الجميل ده

الاستاذ محمد الدشناوي

24-07-2009, 02:21 PM

ياااااااااااااااه فكرتوني بالذي مضي فعلا كانت مناهج بسيطة تتحب والمدرسين زمااااااااااااااااااااااااااااااااااان كانت اهم حاجة بالنسبة لهم انهم يعلمونا صح واحنا برده كونا عايزين نتعلم ورغم بساطة هذه الكتب الا انها كانت القاعدة التي انطلقنا منها واصبحنا نتابع الجديد في العلم والمناهج ومعلش باستخدم صيغة الجمع لاني باتحدث علي لساني واعتقد علي لسان الزملاء الذين فوق 25 وعن زملاء الدراسة السابقين اغلبنا ماشاء الله متميز في مجاله وعندنا حب للعلم
و شكر خاص لاستاذي الغالي محمد بك سرور :022yb4:
واهمس له همسة خاصة الجنيه علي ايامي كان 11 بريزة = 22 شلن
و علي فكرة معايا مخطوطة للملك لحلوح بن الجنية التي كتبت في سنة 3854 قبل الميلاد ذكر فيها اسماء العملات المصرية في الالفية الثالثة بعد الميلاد وكان منها
البريزة = 10 جنيه و الشلن = 5 جنيه و اوضح في نهاية المخطوطة ان بعض الاسماء سوف تظهر ولا يعلم لها قيمة منها
الحنطورة و الدولار و اليور وقال ان هذه الاسماء سوف تقضي علي الجنيه و تغرقه :039uw8:

عمرو كامل المصرى

25-07-2009, 06:47 PM

والله يا اخى ان صحيت فينا حاجات جميلة جدا
احيك يا اخى الكريم
الزمن ده عمره ما حيتعوض ابدا

الاستاذ محمد سرور

28-07-2009, 06:13 PM

سعسد جدا بردودكم
خاصة مستر الدشناوى

من انا

14-10-2009, 06:36 AM

الله علي الحاجات الحلوة دي يااستاذ محمد علي فكرة انا محتفظة بنسخة من هذه الكتب وكمان فيها قصة هند والكرنبة

يالا بينا

14-10-2009, 09:13 AM

سلام عليكم يا جماعة
انا مش عارفة اذا كان ممكن اشارك ولا لا....على اعتبار ان انا تحت 25 سنة....
لكن انا بقى حشرية ورخمة وفضولية وهشارك وخلاص.....
المهم: انا من وجهة نظري البسيطة جدا ... ان زمان كانت العقلانية متسعة بمعنى ان الطلبة زمان كانوا مستعدين للعلم.... يتعلم من يريد ولا يتعلم من يريد....
لكن.. العصر الحالي ..انا اؤكد لحضراتكم ان لو عملوا احصائية هيلاقوا ان 90%من الطلبة في شتى المراحل التعليمية...مجبروووون على التعليم.......
مع ان المنطق بيقول:ان الزمن لما يمشي لقدام،المفروض تتطور معاه العقلية....والا يتخلف البشر...
لكن مين ف الدنيا يهمه المنطق؟؟؟؟

أحمد كووول

14-10-2009, 11:42 AM

(العبد الفقير الى الله)

03-06-2010, 04:30 AM

الله علي الحاجات الحلوة دي يااستاذ محمد علي فكرة انا محتفظة بنسخة من هذه الكتب وكمان فيها قصة هند والكرنبة

انا بقى نفسى فى نسخة ان شاالله تكون مقرية قبل كدة :d

سلام عليكم يا جماعة
انا مش عارفة اذا كان ممكن اشارك ولا لا....على اعتبار ان انا تحت 25 سنة....
لكن انا بقى حشرية ورخمة وفضولية وهشارك وخلاص.....
المهم: انا من وجهة نظري البسيطة جدا ... ان زمان كانت العقلانية متسعة بمعنى ان الطلبة زمان كانوا مستعدين للعلم.... يتعلم من يريد ولا يتعلم من يريد....
لكن.. العصر الحالي ..انا اؤكد لحضراتكم ان لو عملوا احصائية هيلاقوا ان 90%من الطلبة في شتى المراحل التعليمية...مجبروووون على التعليم.......
مع ان المنطق بيقول:ان الزمن لما يمشي لقدام،المفروض تتطور معاه العقلية....والا يتخلف البشر...
لكن مين ف الدنيا يهمه المنطق؟؟؟؟

للاسف النفور من التعليم ليه اسباب كتير
منها المناهج الغريبة ...وكلمة فى سرك ..فى بعض المدرسين بيجيبوا الضغط :d

فعلاً نسبة كبيرة من الطلاب في عصرنا الحالي إذا خيروا بين التعليم و عدمه لاختاروا عدمه

ربنا يوفق الجميع