السلام عليكم ورحمة الله وبركاته

عندما يتظاهر شخص أمامك بأن الموضوع صعب ولا يوجد له حلا ... وأن الحكاية خلاص قفلت معاك ... تجد نفسك تقوله بتلقائية ...
هى حسبت برما!!!!!!!
هكذا القول الشائع!!!!
ولو كنت دارسا أو متعلما ووجدت موضوعا صعبا أو مسألة رياضية صعبة... تجد نفسك أيضا تقول : يا سلاااااااااام ... دا ولا حسبة برما!!!!!!
بس اللى ربما كتير من حضراتكم ميعرفهوش أن حسبة برما دى أصلا بتتحسب !!!!!!!!!!! ........... طب ازاى؟ ومين هى برما أصلا
من أجل ذلك.... ولأسباب أخرى!!! ......
كان هذا الموضوع

لو اتكلمنا عن حسبة برما بطريقة الرياضيين ... أو لو صغناها فى مسألة فستكون المسألة كالآتى:

ماهو العدد الذى يقبل القسمة على 2 ، 3 ، 4 ، 5 ، 6 ) ويتبقى واحد فى كل حالة بينما بالقسمة على ( 7 ) لايتبقى شىء؟

أما من منظور تاريخى عن حكاية برما وحسبتها بداية ( برما) هى قرية بمحافظة الغربية تبعد عن طنطا بحوالي 12 كيلو متر ، وقد جاءت هذه المقولة
( حسبة برما ) عندما اصطدم أحد الأشخاص إختلفوا من يكون هذا الشخص مثلا قالوا أحد الأغنياء وقالوا العمدة ... المهم اصطدم هذا الشخص
بسيدة كانت تحمل قفصا محملا بالبيض فأرادوا تعويضها عما فقدته من البيض وقال لها : كم بيضه كانت بالقفص ؟ فقالت : لو أحصيتم البيض بالثلاثة لتبقي بيضة ، وبالأربعة تبقي بيضة ، وبالخمسة تبقي بيضة ، وبالستة تبقي بيضة ، ولو أحصيتموه بالسبعة فلا تبقي شيئا ،
وهنا عرفوا الحل؟!!!!!!!!!!!
طب إيه هو الحل تعرفوا؟!!!!!!!!
طبعا الناس طبعا بتفكر فى أول عدد يحقق الكلام اللى قالته الست دى بتاعة برما... وهو العدد 301

لكن رياضيا هناك أكثر من عدد أو أعداد كتيييييييييير تحقق حسبة برما زى
301
721
1141
1561
1981
2401
2821
3241
3661
اتفضلوا حضراتكم جربوا
بكدا يبقى عرفنا حسبة برما دى بتححسب أصلا زى منا بقول لما حد يضايقنى ويحاول يعمل انه جاب التايهة او عمل اللى محدش عمله!!!!!!!!!!!!!!!- أقصد المتكبرين يعنى!!!
إنما المجتهدين والمتواضعيين على دماغنا من فوق!!!!
دمتم بكل خير
:giljotiiniug3: :giljotiiniug3::giljotiiniug3::giljotiiniug3:

طبعا الموضوع مهدى إلى الأخت العزيزة والزميلة الفاضلة ذات المواضيع الجميلة والهادفة
عاشقة الموج
فهى من جعلنى أكتب هذا الموضوع كنوع من الخبرات التعليمية الهادفة والمباشرة كونى معلما للرياضيات
بارك الله لها ونفعنا والجميع بما نتعلم
دام الجميع بحفظ الله

جزاكـ الله خيراً مستر جمال
شكراً جزيلاً
تحياتي

طبعا الموضوع مهدى إلى الأخت العزيزة والزميلة الفاضلة ذات المواضيع الجميلة والهادفة
عاشقة الموج
فهى من جعلنى أكتب هذا الموضوع كنوع من الخبرات التعليمية الهادفة والمباشرة كونى معلما للرياضيات
بارك الله لها ونفعنا والجميع بما نتعلم
دام الجميع بحفظ الله

شكراً حضرتك
كلك ذوق
و تلك المعلومة سوف أفهمها أولاً وبعدها سوف أحفظها ولن أضيعها أبداً

و لكن السوأل هل أقسمها (كل رقم ) على حده على الارقام السابقة

سيدة عركتها الحياة تعرف بالفطرة كيفية القسمة ونتائجها وأنا لم أعرف أجيب على سوأل

حسابى وهى بكل بساطة !!!!!!!!!!!!!!!!!!!
شكراً لتعب حضرتك

أنا رديت هناك وهانقل الرد هنا ليكى عاشقة الموج

ولا يهمك عادى خالص اسالى براحتك هى حسبة برما يعنى!!!!!!!!!!!!!!
ههههههههههههههه
هأقولك ازاى بتييجى

301 على 2 = 150 والباقى 1 لان 150 فى 2 = 300 بس عشان كدا يتبقى من القسمة 1
ايضا 301 على 3 = 100 ويتبقى 1 ايضا لان3 فى 100 = 300 عشان كدا يتبقى 1
ايضا 301 على 4 = 75 ويتبقى 1 لان 4 فى 75 = 300
وهكذا 301 على 5 = 60 والباقى1 عشان 5 فى 60 = 300
ايضا 301 على 6 = 50 والباقى 1
بينما 301 على 7 = 43 ولا يتبقى شىء لان 7 فى43 = 301

ومن هنا تاتى براعة هذه السيدة اكيد كان عندها دراية بتلك الخصائص للاعداد
هكذا سيدتى بنفس الطريقة لو جربنا الاعداد الاخرى اللى ذكرتها وزى ما قلنا اعداد كتيير مش العدد 301 بس وان كان اغلب الناس بيذكر هذا العدد كحل لحسبة برما باعتباره اول عدد بيحقق الشروط اللى قالتها هذه السيدة صاحبة البيض!!!!!!!!!!!!!!!

شفتى بقا ربنا خلقنا كل واحد 24 قيراط ازاى

الواحد يروح يشترى حاجات زى طماطم وبطاطس وبرتقال وغيره من مكان واحد تملكة ست زى بتاع برما دى وتقوم الست حسبة الحسبة فى ثانية بينما وتقولك هاتى كذا ....بينما تلاقى الواحد مننا كدا يقعد جمبها 5 دقايق يحسب فيها 2 فى 5 ب 10 صفر ومعانا الواحد ............. وهكذا !!!!!!!!!!!!!!!!!! ههههههههههه

ولا حسبة برما !!!!!!!!!!!!!!!!!!!

نورتى الموضوع واتمنى يكون الامر وضح الوقتى باذن الله
أى خدمة ليا واحدة برتقانة ولا طماطماية ولا بيضة حتى ... أى حاجة عندك بقا!!!!!!!!!!! .............. هههههههههههههههه
وعشان رديت هنا تانى يبقى ليا طماطمايه فى 2 او برتقانة!!! فى 2 وهكذا!!!!!!!
كله بحسابه!!!!!!!!!!!!!!!!!!


فى أمان اللـــــــــــــه
دام الجميع بحفظ الله

جزاك الله خيرا أستاذ جمال

معلومة قيمة جدا

ويظهر ان الغربية كلها عباقرة رياضيات

ما شاء الله

وشكرا لعاشقة الموج السبب فى معرفة حسبة برما

جزاك الله خيرا أستاذ جمال

معلومة قيمة جدا

ويظهر ان الغربية كلها عباقرة رياضيات

ما شاء الله

وشكرا لعاشقة الموج السبب فى معرفة حسبة برما


ربنا يبارك فى حضرتك أختى العزيزة
طبعا موضوعاتك كلها مفيش بعد كدا كلام - لا تقولي حسبة برما ولا غيره
يعنى حسبه برما متجيش حاجة قصد التالق والمتعة التى نجدها عند متابعتنا لمواضيعك وردودك
ربنا يبارك لكى فى كل ما تملكين
شكرا على مجاملة حضرتك الجميلة والمقبولة
أدام الله حب الجميع للخير

ياه هى برما دى بعيد عن كفر البطيخ ولا ايه

جزاكم الله خيرا وجعلة الله فى ميزان حسناتكم ان شاء الله

جزاكـ الله خيراً مستر جمال
شكراً جزيلاً
تحياتي

جزاك الله خيرا
شرفنى مرورك أخى الكريم

ياه هى برما دى بعيد عن كفر البطيخ ولا ايه

شرفنى مرورك يا مستر وأهلا بيك وبكل الغربوية بلدياتى
معلش يا مستر - بالتأكيد إحنا نعرف برما عشان بلدنا
وبالتاكيد كل مكان فى مصر بلدنا!!!!!!!!!!!!!!!!!
شرفتنى

جزاكم الله خيرا وجعلة الله فى ميزان حسناتكم ان شاء الله

دايما مجامل ووقور يا أستاذنا
ربنا يبارك لحضرتك
مشرفنى دايما
فى أمان الله

http://madridi4arab.net/up//uploads/images/domain-4802c244ce.gif