moustafaatchy
13-06-2009, 11:35 PM
أنا بإذن الله ناوي أراجع الفيزياء على التقسيمة دي في ثالثة أيام وقلي رأيك
اليوم الأول : من الساعة 6 ص للساعة 11 ص (الباب الثالث)
من الساعة 12 م للساعة 4 م (الباب الأول)
اليوم الثاني: من الساعة 6 ص للساعة 12 ص (الباب الرابع)
من الساعة 1 م للساعة 5 م (الباب الثاني)
اليوم الثالث: من الساعة 6 ص للساعة 12 ص (الفصل الرابع عشر و الخامس عشر)
من الساعة 1 م للساعة 5 م (الفصل الثاني عشر والثالث عشر)
طبعاً وقت المذاكرة مش حيبقى متواصل ، يعني 10 دقائق راحة كل ساعة
أنا بأحاول أخلي باب صعب الصبح وقت التركيز ، وباب سهل بعد الظهر لأن التركيز بيقل
ومتهيألي الوقت يكفي لحل أسئلة على كل باب
وبقية الأيام الأربعة نحل امتحانات الأعوام السابقة ومراجعة دليل التقويم وكتاب المدرسة ونماذج موقع الوزارة
هنا إبراهيم
14-06-2009, 12:05 AM
هو كفكرة جميل جداااااااااااااااااااااااااااااااااااا
لكن بالنسبة لرايي
ان مثلا باب زى الكهربية انت ظالمه فى الجدول
لان المفروض انت وانت بتراجع بتراجع بذكاء
بمعنى
ان الباب اللى بيجى فى الا متحان هو ده اللى يكون التركيز عليه جامد
خاصة الكهربية لان اى مسالة صعبة بيروح جايبها فى الباب ده
ده بالاضافة الى انك المفروض تشوف
تقسيمة درجة الامتحان على الابواب
يعنى كل باب عليه كام درجة
واكبر باب عليه درجة هو ده اللى ابدا بيه واركز عليه جامد
وبعد كده اشوف اللى اقل منه وهكذا
طبعا ده من وجهة نظرى
مستر محمود صادق
14-06-2009, 01:36 AM
لكم الله فى الثانوية
ان شاء الله ربنا يكرمكم
الجدول كويس بس
ربنا موسعها عليكوا تضيقواها انتو ليه علي نفسكوا
يعني ممكن باب زي الحراره ده تراجعوه في النص يوم بتاع الامتحان (خساره تضيعوه والحراره قصير يعني )
ادي وقت اكبر للكهربيه والباب الخامس عشان تذاكرهم كويس لان الخامس ده كله نظري وميبقاش واخد حقه زي الباقي
راجع مسائل الباب كلها وانت بتذاكر عشان يبقي لسه في دماغك
وبنا معااااااااااااااكوا
عادل ربيع
14-06-2009, 08:20 AM
ان شاء الله ربنا يكرمكم
الجدول كويس بس النتفبذ
dr viola
14-06-2009, 08:50 AM
ممتاز بس المهم التركيز والنتيجةاللى تفرح
Dr_toka
14-06-2009, 08:55 AM
حلو اوى ان شاء الله نحاول نمشى عليه وان شاء الله خير
moustafaatchy
14-06-2009, 09:28 AM
لكن بالنسبة لرايي
ان مثلا باب زى الكهربية انت ظالمه فى الجدول
لان المفروض انت وانت بتراجع بتراجع بذكاء
بمعنى
ان الباب اللى بيجى فى الا متحان هو ده اللى يكون التركيز عليه جامد
خاصة الكهربية لان اى مسالة صعبة بيروح جايبها فى الباب ده
ده بالاضافة الى انك المفروض تشوف
أنا خليت الكهربية الصبح لأن التركيز بيبقى جامد والواحد بيبقى له نفس للمذاكرة ، وأنا مخليلها 6 ساعات ،ومذاكرتها مش محتاجة الوقت ده كله لأن النظري بتاعها قليل ماعدا الفصل 11 ، فحيتبقى وقت كبير سواء من الست ساعات أو بالليل لحل مسائل على الكهربية ،وبقية الأيام حيتراجع كتاب المدرسة ودليل التقويم ونماذج الوزارة (اللي على فكرة فيها شوية مسائل جامدة بالذات أول ملف اللي فيه 53 صفحة) ،يعني من الآخر أنا شايف إن الكهربية حتاخد حقها من المسائل في الأسبوع
ده بالاضافة الى انك المفروض تشوف
تقسيمة درجة الامتحان على الابواب
يعنى كل باب عليه كام درجة
واكبر باب عليه درجة هو ده اللى ابدا بيه واركز عليه جامد
وبعد كده اشوف اللى اقل منه وهكذا
طبعا ده من وجهة نظرى
أنا مش متعود أذاكر على حسب الدرجات لأني شايف إن الفصل الكبير عليه درجات أكبر والصغير عليه درجات أقل ، فالفصل الصغير حياخد وقت أقل في المذاكرة ودرجة أقل ،والكبير هياخد وقت أكبر ودرجة أكبر ، ده اللي أنا شايفه ،وطبعا اللي شايف نفسه يقدر يضغط على نفسه أو يوسع عليها هو أدرى ، على حسب ظروف كل واحد
ربنا موسعها عليكوا تضيقواها انتو ليه علي نفسكوا
يعني ممكن باب زي الحراره ده تراجعوه في النص يوم بتاع الامتحان (خساره تضيعوه والحراره قصير يعني )
طبعاً ممكن للي يقدر،بس أنا لما جيت امبارح من الامتحان جيت مقتول ونمت كتير وماذاكرتش حرف واحد
بس اللي يقدر يذاكر في النصف يوم يذاكر
ادي وقت اكبر للكهربيه والباب الخامس عشان تذاكرهم كويس لان الخامس ده كله نظري وميبقاش واخد حقه زي الباقي
راجع مسائل الباب كلها وانت بتذاكر عشان يبقي لسه في دماغك
زي ماقلت فوق أنا شايف إن الكهربية هتاخد حقها إن شاء الله
وبالنسبة للخامس فأنا مخليله يوم لوحده لأنه أرخم باب ولحد دلوقتي بأنساه بسرعة الضوء (يعني 3 في عشرة أُس 8)
ومتشكر على المشاركات
نجمه الفضاء
14-06-2009, 11:11 AM
يا جماعه
كل واحد ليه دماغ لوحده
ومش كل الناس بتفكر زي بعض
انا لو اتبعت الجدول ده حكروت جاخات كتير
لكن الحمد لله احنا عندنا ايام الحمد لله قبليه
وكنت حتبع الجدول ده لو كان ثبت الجدول القديم اللي قول 3 ايام قبل الفيزياء
ولكن ربنا فتحها علينا
المهم يا جماعه النتيجه النهائيه
وربنا معانا
شكرا ليك علي الجدول
moustafaatchy
15-06-2009, 01:28 PM
بس كدة مش هتلاقي وقت لحل امتحانات كاملة ،ودي أهم حاجة ،فلازم على الأقل تسيبي يوم لحل الامتحانات
نجمه الفضاء
15-06-2009, 08:05 PM
لما يجي وقتها ان شاء الله يبقي يحلها الف حلال
المهم نركز في الانجليزي الان
حموكشة عبده
15-06-2009, 08:34 PM
شكرا ليك أخى مصطفى على هذا الجدول الرائع
ولكن زى م قلولك أن كل واحد ليه دماغه وعارف قدرته والكم اللى هو ممكن يستوعبوا كل يوم
البيت الابيض
15-06-2009, 09:37 PM
نظام ممتااااااااااااااااااااااااااااز
انا حعمل زيه
نظام حلو وان شاء الله يتنفذ