|
مشاهدة النسخة كاملة : يوميات مراقب في الثانويه العامه egyptian_35 14-06-2009, 09:20 PM تردت كثيرا قبل انشاء هذا الموضوع .فالكثير سوف يعتقد ان هذا يحتوي علي اهانه للمعلم و مكانته و الكادر الجديد الذي بيتمرمغ في خيره و لكني وجدت ان موضوعي يستحق الانشاء فهو واقعي لاقصي الحدود وقد يلفت نظر المسؤلين في تغير الكثير والله المستعان Observer 14-06-2009, 10:31 PM إتكل على الله واكتب الحال لن ينصلح إلا بفضح الممارسات السيئة فى كل مجال وتذكر يا مصرى إن الساكت عن الحق شيطان أخرس توكل واكتب طالما الوقائع صحيحة ... اميرة عثمان 14-06-2009, 11:15 PM انا مراقب فى لجنة ثانوية لاول مرة فياريت حد من الاخوة الافاضل ومن لهم الخبرة فى مراقبة الثانوية العامة ان يوضح لى بعض التعليمات المطلوبة منى كمراقب00 مثلا اول يوم فى امتحان الدين البنات خلصت تقريبا فى نصف الوقت و طلبت الخروج من اللجنة فسالت المراقب الاول فرفض خروجهم حتى اخر لحظة فى اللجنة فهل هذا صحيح و 00 و ماذا ايضا عن الغياب بالنسبة لى لو حدث لاى ظرف طارى وما الجزاء الواقع على المراقب فى هذه الحالة 00 و حاجات من هذا القبيل egyptian_35 15-06-2009, 12:13 AM عندما ينتصف شهر مايو...ندخل شئون العاملين و نمضي ونقول السؤال المعتاد الجوابات اخبارها ايه يرد الموظفين لسه شويه يا استاذ علي أخر الشهر لكن هذا العام الوزير المحترم حرمنا من هذا السؤال.. بس انا خلص اتعودت عليه...و لكن لان المصري فهلوي كان الموظف بيقولي اسأل الكمبويتر يا مستر وكنا دائما نسأل عن المكان علشان نتفق مع السواق اللي هياخدنوا ويودينا او نعمل اشتراك في قطر منوف الحجري و شهره هذا القطار ان فيه عيال في الغيطان بتطلع تحدفنا بالطوب...و مع اول طوبه تسمع الكلمه المشهوره وطئ يا استاذ..و طبعا كل استاذ بيوطي بطريقته...انا كنت بخبي رأسي و اللي جانبي بيختفي علشان يخبي كل حاجه...و للاسف الشبابيك من غير ازاز..يعني الضرب في المليان...و العيال دي بتمارس رمي الطوب هويه ومتعه egyptian_35 15-06-2009, 12:20 AM إتكل على الله واكتب الحال لن ينصلح إلا بفضح الممارسات السيئة فى كل مجال وتذكر يا مصرى إن الساكت عن الحق شيطان أخرس توكل واكتب طالما الوقائع صحيحة ... ايه يا كومندا انت عايز تخلص مني و لا ايه ...انت عارف ان دمي مهدر هنا في كفر شكر..و نفسهم يخلصوا علي و اللي حامني ربنا ثم عائلتي الكبيره اللي لو حد بصلي و الله تنسفه بص يا كومندا اقرأ و اتمتع و شوف الدنيا حلوه ازاي egyptian_35 15-06-2009, 12:30 AM انا مراقب فى لجنة ثانوية لاول مرة فياريت حد من الاخوة الافاضل ومن لهم الخبرة فى مراقبة الثانوية العامة ان يوضح لى بعض التعليمات المطلوبة منى كمراقب00 مثلا اول يوم فى امتحان الدين البنات خلصت تقريبا فى نصف الوقت و طلبت الخروج من اللجنة فسالت المراقب الاول فرفض خروجهم حتى اخر لحظة فى اللجنة فهل هذا صحيح و 00 و ماذا ايضا عن الغياب بالنسبة لى لو حدث لاى ظرف طارى وما الجزاء الواقع على المراقب فى هذه الحالة 00 و حاجات من هذا القبيل اولا اتمني ان تكون اخر مره تروحي مراقبه ثانويه قولي يا رب ثانيا من حق مراقب اللجنه يعمل اللي نفسه في و انت تسمعي الكلام...لان من حقه يحافظ علي اللجنه و هو في نفس الوقت بيحافظي عليك ثالثا اذا غبيت يوم اما يقبله عارضه او يرخم و ميقبلوش لو غيبت شوفي ارسلي اي حد يعملك تلغراف انك مريضه و يكون التلغراف باسم رئيس اللجنه شخصيا وهنا هيكون في حجه قويه او روحي المستشفي و اتحجزي هناك بالبطاقه الصحيه هذا لو كنت مريضه بس يا ريت بلاش تتمرضي او كبري دماغك و اللي يتخصم يتخصم و دي احسن حاجه Observer 15-06-2009, 12:54 AM ايه يا كومندا انت عايز تخلص مني و لا ايه ...انت عارف ان دمي مهدر هنا في كفر شكر..و نفسهم يخلصوا علي و اللي حامني ربنا ثم عائلتي الكبيره اللي لو حد بصلي و الله تنسفه بص يا كومندا اقرأ و اتمتع و شوف الدنيا حلوه ازاي هههههههههههه لا أبداً والله بس انا بحب الإصلاح :abdoog8: ولن يتحقق هذا إلا بالمكاشفة والصراحة والنزاهة والحياد والشفافية :stickjo4: إيه الكلام الكبير دة ؟! :022yb4::022yb4: وبالنسبة للجزء الأول دمه خفيف ومشوق خصوصاً الحتة بتاعة القطر وحدف الطوب :d الله يكون فى عونك يا مصرى متحرمناش من مواضيعك الجميلة دى وشكراً .... علي علي مرسي 15-06-2009, 11:03 AM و لسه في حد بيركب قطر منوف.....انتوا قبطتوا الكادر يعني ممكن تروحوا بالتوكتك علي كل حال كمل يا استاذ..اهو كله ماشي محمد على ابوزياد 15-06-2009, 04:25 PM كنت اتمنى ان اقرأ موضوع او رد يتعلق بنفس العنوان لكن ؟؟؟؟؟؟؟؟؟؟؟؟؟؟؟؟؟؟؟؟ شكرا egyptian_35 15-06-2009, 05:14 PM كنت اتمنى ان اقرأ موضوع او رد يتعلق بنفس العنوان لكن ؟؟؟؟؟؟؟؟؟؟؟؟؟؟؟؟؟؟؟؟ شكرا يا استاذ محمد بصراحه امنياك كتر ت اوي اليومين دول...بس الموضوع في صلب العنوان...يوميات و بدأتها بمرحله انتظار التوزيع و لسه هنكمل egyptian_35 15-06-2009, 05:23 PM نكمل بقي يا مدرسين اليوميات و اعلنت الوزاره انه كله تمام و الاسماء بالتوزيعه علي النت...و دخلت علي الصفحه بتاعتي ان و ابن اختي اصله حريف نت و شغلته بقه رغم انه هندسه باور و جالي الخبر الاكيد مدرستك يا خالي ....... و طرت من الفرح و للاسف خبطت في السقف ..معقوله انا رايح...دي قريبه خالص اتوبيس من بنها او ميكروباص من بنها... و جريت علي التليفون اسأل اصحابي و اهلي وجيراني و المجتمع و الناس ...انتم رايحين فينا؟؟؟؟ و للاسف الحلو ما يكملش و لو كمل ميبقش حلو اوي...معظم اصدقائي رايحين حتت تانيه و معاي اخصائي و كام مدرس و 3 ابلوات غلابه عندهم عيال في الثانويه المهم حان وقت التربيط هنروح ازاي هنجيب عربيه و لا هندحرج في الموواصلات Observer 15-06-2009, 11:26 PM نكمل بقي يا مدرسين اليوميات و اعلنت الوزاره انه كله تمام و الاسماء بالتوزيعه علي النت...و دخلت علي الصفحه بتاعتي ان و ابن اختي اصله حريف نت و شغلته بقه رغم انه هندسه باور و جالي الخبر الاكيد مدرستك يا خالي ....... و طرت من الفرح و للاسف خبطت في السقف ..معقوله انا رايح...دي قريبه خالص اتوبيس من بنها او ميكروباص من بنها... و جريت علي التليفون اسأل اصحابي و اهلي وجيراني و المجتمع و الناس ...انتم رايحين فينا؟؟؟؟ و للاسف الحلو ما يكملش و لو كمل ميبقش حلو اوي...معظم اصدقائي رايحين حتت تانيه و معاي اخصائي و كام مدرس و 3 ابلوات غلابه عندهم عيال في الثانويه المهم حان وقت التربيط هنروح ازاي هنجيب عربيه و لا هندحرج في الموواصلات إيه الحكاية يا أستاذ مصرى كل دى مقدمة !! خش عالأكشن على طوووووووول عايزين دم وضرب نار وكراسى بتتكسر :stickjo4::abdoog8::giljotiiniug3: :eek: :ph34r: أصل الشعب بيحب الحاجات دى ولا إنت ناوى تضحك علينا فى الآخر وتطلع اليوميات عادية خالص ؟! يلا كدة ربنا يهديك الحلقة الجاية نريد أكشناً :d :d وشكراً .. egyptian_35 16-06-2009, 05:19 PM عفوا استراحه لاني مشغول جدا في شغلي و محتاج تركيز و اعدكم بالرجوع و الاستكمال اميرة عثمان 18-06-2009, 12:10 AM النهاردة كان عندنا 3 بنات فقط فى امتحان التفاضل للسنة الثانية فالمراقب الاول عمل 3 لجان و 3 مراقبين و 6 ملاحظين فهل هذا هو الصح ولا كان ممكن ان نعملهم فى لجنة واحدة 0 مستر محمود صادق 19-06-2009, 01:04 AM شكرا جزيلا موضوع يستحق التحية تقبل مرورى مستر محمود جنيدى 19-06-2009, 12:47 PM انا سوف اسال سؤال ؟ حد فيكم شاف اللى حصل من تجهيزات و امكانيات تم توفيره للقضاة اللى اشرفوا على انتخابات مجلس الشعب 1- مدرسة يعمل بها اكثر من ستين مدرس و ادارى و عمال كنت لا يوجد بها دورة مياة ادمية و عندما تم اختيارها كمقر لجنة انتخابية فجاة تم تركيب دورة مياة فخمة علشان قاضى واحد ده غير المصاريف اليومية و غير توفير اريح وسائل مواصلات و تم صرف المكافاة كاملة بمجرد ان انتهت اعمال الانتخابات انا كمدرس زملائى لم يصرفوا فلوس الثانوية العامة من شهر ثمانية الماضى ده غير مرمطة المواصلات و لو غيبت يقولو عليك انت تكافر و بتنشر الفسلد و اياك تطلب حقك لان ده مصيبة كبيرة :slap1qk6: :049gc0: egyptian_35 19-06-2009, 05:28 PM 1324722]النهاردة كان عندنا 3 بنات فقط فى امتحان التفاضل للسنة الثانية فالمراقب الاول عمل 3 لجان و 3 مراقبين و 6 ملاحظين فهل هذا هو الصح ولا كان ممكن ان نعملهم فى لجنة واحدة 0[/size] يا استاذه...مراقب اول اللجنه هو دينامو اللجنه ...و له صلاحيات كثيره في اداره اللجنه...وانصحك انك تنسي تماما مسأله حقه و مش حقه..و انصحك ان ال 3ساعات بتوعوا اللجنه تخلي نفسك كأنك في حرب و تكوني في يقظه و انسي المشي بدري خالص egyptian_35 19-06-2009, 05:30 PM شكرا جزيلا موضوع يستحق التحية تقبل مرورى شكرا و لو عندك اي تجربه او موقف في الامتحانات اتفضل و ضيفه egyptian_35 19-06-2009, 05:42 PM انا سوف اسال سؤال ؟ حد فيكم شاف اللى حصل من تجهيزات و امكانيات تم توفيره للقضاة اللى اشرفوا على انتخابات مجلس الشعب 1- مدرسة يعمل بها اكثر من ستين مدرس و ادارى و عمال كنت لا يوجد بها دورة مياة ادمية و عندما تم اختيارها كمقر لجنة انتخابية فجاة تم تركيب دورة مياة فخمة علشان قاضى واحد ده غير المصاريف اليومية و غير توفير اريح وسائل مواصلات و تم صرف المكافاة كاملة بمجرد ان انتهت اعمال الانتخابات انا كمدرس زملائى لم يصرفوا فلوس الثانوية العامة من شهر ثمانية الماضى ده غير مرمطة المواصلات و لو غيبت يقولو عليك انت تكافر و بتنشر الفسلد و اياك تطلب حقك لان ده مصيبة كبيرة :slap1qk6: :049gc0: اسمع يا سيدي...في انتخابات 2005 جلنا جواب تكليف للعمل الاجباري في احد اللجان الا نتخابية و وقعنا بالعلم و تحمل المسؤليه لو مرحنش في اليوم و الميعاد و اللي يغيظك ان الجواب جه من الاداره التعليمه لنص المدرسه و تخيل المدرسه فاضيه3 ايام كامله من غير نص المدرسين و مفيش اعتذار ...متوقليش بقي تعليم و طلابه و انتظام وكلام من هذا القبيل روحنا وقفنا في الشارع في مكان محدد و جه الظباط و العساكر كل ما يشفوا واحد واقف يقوله و اقف ليه..يقول مدرس علشان الانتخابات يأخدوا بطاقته و يركبوه اتوبيس و لما الاتوبيس يكمل يطلع بيهم لي قسم شرطه يسلموا انفسهم اف اف اف ليه فاكرتني بالايام السوده دي يا راجل كغايه كده مش عايز اعياط تاني...مش مكمل...مش موضوعنا مستر محمود جنيدى 20-06-2009, 03:01 PM و الله انت استاذ عسسسسسسسسسسسسسسسسسسل و ربنا ما يحرمنا من خفة دمك :006et4: amiraelkholy 22-06-2009, 08:43 PM :abdoog8: يعنى مين يقول اننا نقف طابور طويييييييييييييييييييييييييييييييييييل لاكثر من 3ساعات لعمل ابونية للقطار ثم بعدها نقطع تذاكر ذهاب وعودة (فرق تكييف) غالبا ما يكون معطل ده انا بصحى من النوم الساعة 4.30 واصلى الفجر حاضر وانزل الشارع 5.30 علشان قطار 5.45 طبعا بتكون الدنيا ضلمة ومش كل يوم حاصحى جوزى علشان يوصلنى. ربنا يسترها معانا لانه عالم بحالنا وحال ولادنا اللى احنا سايبنهم طول النهار وراجعين بعد 4ساعات سفر غير المراقبة طبعا ومش عاوزين حد يطلب اى طلب من اى نوع احنا والعياز بالله لانعترض لاننا فى مهمة قومية ولكن ايه اللى يجرى لو سابوا موضوع المراقبة والملاحظة اختيارى زى ما كان زمان او نتوزع ادارات يعنى مثلا اللى فى وسط يروح شرق او غرب او البرج مش طنطا يا ناس:angry2:. يارب السنة الجاية يفكروا فى الحل العبقرى ده ويارب تجملها معانا بالسترومحدش يقول استراحات لانه بغض النظر عن انها غير ادميه الا انه ازاى نسيب اطفال فى مراحل مختلفة من ابتدائى وطالع لمدة 3اسابيع و3 ايام:confused: طالبه طالع عينها 22-06-2009, 09:19 PM والله انا طالبة بالثانوية العامه بس بالصف الاول ورايحه الثاني ادعولنا واختي بتمتحن امتحان الثانويه والله هي علمي رياضه ادعولها تكون مهندسه بعد ما اطعنوا في امتحان التفاضل واخيرا وبعد ما اطمنا على احوال المدرسين اقولهم الله يوفقهم وياريت نشوف يوميات للطلاب محمود الشافعى 29-06-2009, 08:43 PM المدرس للاسف مهان بصورة كبيرة فى امتحان الئانوية العامة morsi2030 01-09-2009, 07:12 AM و الله المدرس مهان فى جميع الأحوال لا قانون و لا وزارة و و لا نقابة و لا مدرس اصلا الكل بيبحث عن مصلحته يا ريت تتكلموا شوية عن مشاكل التعلم و مشاكل الامتحانات ليه يخلي الثانوية عامان و ليه ميش سنة واحدة شوف حايوفر كام من فلوس المراقبة لو خلى الشهادات كلها ترم واحد ميش ترمين. ثانياً: رجاء البحث عن حل لطلاب لا يجيدون القراءة و الكتابة فى المرحلة الإعدادية و هل هذا يرضى الله سبحانة و تعالى. ثالثا: تاكيداً على كلام السيد الفاضل وزير التربية و التعليم بشان الغش فى الثانوية العامة على ما اعتقد كله كلام فى الفاضي الطالب له حق الغش غصب عن الملاحظين و مراقب الدور و مراقب أول اللجنة و رئيس اللجنة ذات نفسه لأن الكل عاوز يخلص ميش عاوز مشاكل الاستاذ / رمضان البكساوى 01-09-2009, 05:33 PM بصراحه الموضع شيق جداً ولكن رغم إنى مش مدرس عربى لكن كثرة الاخطأ الإملائية اصابتنى بإشمئزاز فلا حول ولا قوة إلا بالله |