الغش أصبح فى الثانوية العامه حق مكتسب فى مدرسة الروضة الثانوية محافظة دمياط المراقب ينام فى اللجنة لأنه قادم من بور سعيد وصاحى من الفجر واخر يلعب ويهزر مع الطلبه ورئيس اللجنه لايمر ولا المساعدين وابنتى لاتستطيع التركيز وهى مذاكرة جيدا ياوزير المبادئ وياوكيل وزارة التربية والتعليم بدمياط يامن ملئت المدارس رعبا ايام الدراسه زيارة لهذه المدرسة اللتى اصبحت عارا على التعليم ( للعلم هناك طالب صور المراقب وهو نائم فى اللجنة ) وستوضع على النت فى الوقت المناسب

حضرتك في مصر يا افندم
ولا حياة لمن تنادي

فوضي امرك للذي لا يغفل ولا ينام
حسبي الله ونعم الوكيل


في رعاية الله

أعتقد أن الوقت المناسب لعرض هذه الصورة هو الآن وفوراً

فما فائدة نشر الصورة بعد إنتهاء الإمتحانات وانفضاض المولد

إطرق على الحديد وهو ساخن يا لولو ;);)

الامتحانات ههههههههههههههههههههههههههههه

احب اعلق على كلام الراجل المحترم
مش علشان بنتك ماعرفتش تغش تقوم قايل الكلام ده ياعلم سيبم الناس فى حالهم انا طالبة فى احد اللجان بصراحة انا شايف ان اللجان ماشية على افضل واحسن حالة ومش ليها لزمة الكلام الفاضى اللى لا هيقدم ولا هياخر
احب اوجه اسفى لكل الناس اللى قرات الموضوع لان الموضوع ده كله كدب ان كان مراقب هينام امال التانى بيعمل ايه الكلام بتاعك مش متلائم سيبم الناس فى حالها ما هوة ده اللى جاب الشعب المصرى للخلف
ولو انت فعلا كان عندك دليل مصور كنت نشرته على النت واحب اقولك ان الدليل بتاعك مش صحيح ممنوع ان انت تدخل اللجنة بموبايل الا لو كانت بنتك يا اخ يا فاضل انت مش محترمة القوانين ولا ايه

على فكرة دة كلا ميخشش العقل ازاى مراقب يتنام فى اللجنة ولو نام فى مراقب تانى يعنى دة كلام مش معقول وبعدين لو معاك فيديو اعرضه لو كنت مبتكد بش بس للاسف انتا كداب لان انا طالب فى المدرسة دى والمراقبة زى اى مراقبة ومفيش حد نام بطلو اشعات احنا شعب اشعات وده سبب تاخرنا

على فكرة اقول لبنتك المدرسة دى مفيهاش غش يا حبيبى

بص بقى ياعموا مفيش اى حاجة من الى انتا بتقولها دى صحيحة ومفيش هوا بيدخل او يخرج من اللجنة وعلى فكرة انت لية بتعمل كدة :blush::blush:
وانت بتعمل كدة اكيد علشان بنتك موش عارفة تغش متسيب الناس فى حالها وعلى فكرة انا مبحبش الوالد الى يشجع بنتة على الغش ( من غشنا فليس منا ) يعنى الى بيغش ميبقاش من المسلمين وعلى فكرة مفيش راجل محترم يقول الكلا م الى انت بتقولة دة وانا متاكدة من كدا ومتاكدة كمان من اخلاق طلاب وطالبات الثانوية العامة بالروضة ومفيش حد صور المراقب وهو نايم لان مفيش اساسا مراقبين كانت نايمة انت بتسوأ سمعة المدرسة لية وعلى فكرة انا مبشجعش الراجل الى يبقى فى وجهه شنب ويكتب lolo lolo اية الاسم دة اسم dog انت مربية ولا اية :confused::confused:
يالا باى اما تعرف ترد ابقى رد:av4056bb7jp3::blush::blush::av4056bb7jp3:

المدرسة دى مفيهاش غش والليل على كدة انك متملكش اى فيديو ولا صور والتليفون ممنوع فى الامتحانات هو انت متعرفش ولا اية ابقى اقرا اودردش فى ظهر رقم الجلوس هناك تعليمات يجب اتباعها

عادى
ف لجنتى .. بعد ما خلصنا امتحان الدين
قعدنا نتكلم مع بعض والمراقبين كل واحد فيهم سرحان وباصص للسقف
اول مرة احس ان سقف مدرستنا حلو اوى كدة
:d

يا جماعه انا رأي مختلف شويه

مسأله ان فيه غش فعلا لا تصدق

لكن المراقب نام ممكن لانه المراقب بيكون من القليوبيه يروح المنوفيه او يروح الجيزه فممكن غصب عنه ينام لكن غش صعب شويه

عادى

ف لجنتى .. بعد ما خلصنا امتحان الدين
قعدنا نتكلم مع بعض والمراقبين كل واحد فيهم سرحان وباصص للسقف
اول مرة احس ان سقف مدرستنا حلو اوى كدة
:d








لو الكلام ده عندك ياروح امك يبقى مش عندنا اتكلم عن نفسك غير كده انت بضيع نفسك مش بضيعنا لانها مش بتفرق معايا:022yb4:

كل دا من اسباب الوزراه في اختيار الملاحظين من اخر البلاد وخارج القطاع للملاحظه او المراقبه بدون تقدير البعد والمشقه

مافيش حاجة من دي خالص

انا بقى من المدرسة دي وما شفتش الكلام دا حصل never دا بالعكس رئيس اللجنة عمل محضر غش للي قاعد ورايا وفي اللجنة اللي جنبي معمول فيها محضرين لطلاب كانوا بيحاولوا ماشي يا اخي او يا اختي الفاضل/ة الكلام دا محصلش وبلاش افترى عالراجل رئيس اللجنة لانه كان قايم بواجبه كويس

هدوا اعصابكم بس يا جماعه
يا استاذ اتق الله مش توجه اتهامات لحد عيب عليك
انا مش من المدرسة ديه ولا من المحافظة اساسا
بس حبيت افهمك ان عيب تقول كده لان من المعروف ان الناس ديه هتظب ط اللجان علشان الكادر
ده شئ بديهي ومش محتاج تفكير :)
ده غير ان لو كلام souhaits صح فهي قالت علي امتحان الدين
لو عندك صور تقدر تقدم شكوي في الوزارة :)
برب

هو فين إثبات الغش فى هذه الواقعه

ياجماعة يجب أن نكون شعب متحضر فى كل شئ لأننا نرى كل الأشياء جميلة ولا نلتفت الى الأخطاء ممكن يكون فيه لجان مضبوطه فعلا ولكن هناك لجان يحدث فيها غش فاضح فمثلا يوم امتحان فرع (رياضة 2) خلا كل طالب حل كويس يملى الطالب الذى لم يحل وهذا يضيع الطالب المجتهد ولكن هناك تجاوزات لا محالة فاذا كان الغش للجميع فمرحبا بالمساواه اما اذا كان للجان واخرى لا فبعدا للظلم وهذا هو الفرق بيننا وبين الغرب هم يأخذون فتات الكلام ويتحول بعد البحث والتحليل الى قوانين ونظريات ولكن سرعان ما ترد الأخت دا كداب دا ماعندوش ضمير اسئلى ياأختى العزيزه زملائك فى اللجان الأخرى اذا كنتى فى هذه المدرسه

بدون كلام .............. من كتب الكلام الفارغ اسمه :: لولو نونو امال بنته اسمها ايه ان شاء الله ؟؟؟؟ ومعها محمول داخل اللجنة وتركت الامتحان وبتصور المراقب كمااااااااااان اخر صياعة اكيد هي بنت لولو نونو منتظرين منها ايه غير الكذب الافتراء ونايم نايم في اللجنة احسن من اتهام اخر مثلا عمو لولو نونو يقول ان المراقب اغتصبه في اللجنة وهو بدخل سندوتش الكذب لابنته هههههههههههههههه هههههههههههه اولياء امور اخر زمن

http://www.thanwya.com/vb/picture.php?albumid=1220&pictureid=5945فعلا احنا فى مصر

هذا العام التعليمات صارمة فى التصدى لظاهرة الغش وممنوع المحمول داخل اللجان مع الطالب او الملاحظ.وأى تقصير من الملاحظ عقابة شديد والجميع يعرف انة فى مهمة قومية.

سيدي الفاضل أنا معلمة وكنت ألاحظ في الأعوام السابقة في عدة بلاد بعيدة عن مسكني وللعلم إبنتي في الثانوية العامة ولو لاحظت عليها لن أسمح لها بالغش لأن من غشنا فليس منا عموماً علي الرغم من مشقة السفر لم أكن أنام في اللجنة ولم أسمح لطالب بالغش وفي نهاية المطاف تعرضت للسب من طالب في اللجنة وأنا أجمع ورق الإجابة ولم أستطع عمل أى شئ حتى لاأسبب له اى ضرر فأرجوك لاتظلم اى ملاحظ لأن آسفة جداً لهذا ممكن بنتك تكون كاذبه

الرحمة بالمعلمين الرحمة بالملاحظين انا اؤيد الاستاذة المحترمة انا من اسكندرية ولجنتى فى طنطا وحريص على القيام بعملى بما يرضى الله وارفض الغش رجاء بلاش ظلم كفاناظلم للمعلم اتقوا الله

من غشنا فليس منا
ازاى رئيس اللجان ميمرش ده لا يحدث ابدا