تصحيح الباراجراف في قطاع اسكندرية !!! [الأرشيف] - بوابة الثانوية العامة المصرية

مشاهدة النسخة كاملة : تصحيح الباراجراف في قطاع اسكندرية !!!

Mr. ABDELHADY

15-06-2009, 02:20 PM

وصلني الرسالة دي :

السلام عليكم ورحمه الله وبركاته ارجو انى مش بكون ازعج حضرتك بس انا فعلا محتاجه لحضرتك
انا طالبه فى تالته ثانوى انا كنت فى تانيه ثانوى كنت بمتحن فى القاهره وورقتى متعلمه فى القاهره
حاليا ولظروف وحشه جدا اتنقلت السنه دى اسكندريه
عشان مش اطول على حضرتك انا كنت السنه اللى فاتت باخد مع مدرس وعادى جدا كنا بنكتب فى البراجرف
مقدمه وخاتمه وانا متعوده على دا ودا كان بيساعدنى جدا حضرتك انا لما جيت اسكندريه المستر اللى انا باخد معاه قالى احنا هنا فى كنترول اسكندريه لما بنلاقى الطالب عامل مقدمه وخاتمه كدا بنعمل على الموضوع كله كلمه of ويعنى بياخد صفر
انا بصراحه بعد ما قالى كدا انا ادمرت
لو سمحت رد عليا ضرورى وياريت حضرتك تستقسر ليا من حد بيكون فى اسكندريه ارجوك ساعدنى

.................................................. .................................................. ................................
و كتبت الرد ده :
المهم إن المقدمات و النهايات دي تكون مرتبطة بالموضوع نفسه . في الحالة دي هتخدم الباراجراف و تزود الدرجات .
اللي المستر بتاع حضرتك بيكتب عليه Off لو طالب كاتب مقدمات و نهايات بعيد عن الموضوع و مش كاتب حاجة في الموضوع خالص .

إزاي تكتبي باراجراف :
1- ابدئي بكتابة أي كلمات مرتبطة بالموضوع , و بعدين حوليها لجمل بسيطة قصيرة .
2- راجعي الجمل بتاعتك و زودي روابط وبدايات و نهايات مناسبة .
3- أكتبي الموضوع على جزئين – كل جزأ 5 جمل و قبله فراغ في أول سطر شمال . جربي امتحانات السنوات السابقة .

و اوعي تخافي من الباراجراف لأنه أسهل سؤال – محتاج بس شوية تركيز و مزاج :
- أقرئي بتركيز في text القصة و كتاب المدرسة . ساعتها هتلاقي نفسك بتكتبي في أي موضوع باراجراف جمل أكثر و أحسن .
- اسألي الله يعلمك كل خير و يوفقك وخليكي زي السيدة مريم في القرآن : أخذت بالأسباب و هزت بجزع الشجرة و بعدها اطمأنت بالله و رضيت بقضائه و قرت عينا .
- أوعدك أتصل بحد في كنترول اسكندرية و أبعث لك بالرد .
.................................................. ...............................................

و أرجو مشاركة حضراتكم خاصة السادة الزملاء مصححي قطاع اسكندرية ............

y o m n a

15-06-2009, 03:00 PM

عشان مش اطول على حضرتك انا كنت السنه اللى فاتت باخد مع مدرس وعادىجدا كنا بنكتب فى البراجرف
مقدمه وخاتمه وانا متعوده على دا ودا كان بيساعدنىجدا حضرتك انا لما جيت اسكندريه المستر اللى انا باخد معاه قالى احنا هنا فى كنترولاسكندريه لما بنلاقى الطالب عامل مقدمه وخاتمه كدا بنعمل على الموضوع كله كلمه of ويعنى بياخد صفر
انا بصراحه بعد ما قالى كدا انا ادمرت
لو سمحت رد عليا ضرورىوياريت حضرتك تستقسر ليا من حد بيكون فى اسكندريه ارجوك ساعدنى

انا اول مرة اسمع عن الموضوع ده
وكنت عايزة اسأل المستر
يعنى لو انا حافظة مقدمة للمواضيع الايجابية ومقدمة للمواضيع السلبية
يعنى بيكون فى المقدمة نفسها عنوان الموضوع وممكن يكون فى كلام عنه
كده برضه فى احتمال انى اخد off ؟؟

Mr. ABDELHADY

15-06-2009, 03:30 PM

انا اول مرة اسمع عن الموضوع ده
وكنت عايزة اسأل المستر
يعنى لو انا حافظة مقدمة للمواضيع الايجابية ومقدمة للمواضيع السلبية
يعنى بيكون فى المقدمة نفسها عنوان الموضوع وممكن يكون فى كلام عنه
كده برضه فى احتمال انى اخد off ؟؟
.................................................. .................................................. ..........
المهم يكون الموضوع فعلا إيجابي أو سلبي . و تكوني كاتبة جمل كويسة غير المقدمات و النهايات . متخافيش من off.
و متضيعيش وقت و راجعي كويس . خالص الدعاء

y o m n a

15-06-2009, 03:52 PM

المهم يكون الموضوع فعلا إيجابي أو سلبي . و تكوني كاتبة جمل كويسة غير المقدمات و النهايات . متخافيش من off.
و متضيعيش وقت و راجعي كويس . خالص الدعاء

شكرا جزيلا على الرد يا مستر

Huda7

15-06-2009, 05:55 PM

Mr. ABDELHADY

15-06-2009, 08:53 PM

يعني الموضوع مش بالصورة دي
اقصد انها مش لدرجة الصفر
لكن فعلا اللي بيصححوا البراجراف أحيانا يعطوا درجة حوالي 4 من 6 للطالب اللي كاتب مقدمات محفوظة
زي No none can deny that...................plays an important role in our life... وهكذا يعني
لكن لو الجمل مرتبطة بالموضوع بيعطوا درجة نهائية عادي خاصة لو باقي الاسئلة في الورقة درجتها عالية
.................................................. .................................................. ..................
شكرا Ms. Huda
هي دي فعلا روح تصحيح الباراجراف . باقي الورقة واخد كام ؟؟؟؟؟؟؟؟؟؟؟؟؟؟؟ إيه مستوى الأسئلة الثانية ؟؟؟
الطالب نظامه إيه ؟؟؟مصحح الباراجراف بيتأثر كثير بباقي درجات المرايا .
شدو حيلكم .

mahyy

15-06-2009, 09:52 PM

مستر انا مش عارفه اشكر حضرتك ازاى انك عملت رسالتى كلها موضوع وبجد ميرسى لاهتمام حضرتك بجد
بجد ربنا يبارك فيك ويكرمك ويجعله فى ميزان حسنات حضرتك
وميرسى لكل اللى رد عليا وطمنى ودا اللى كنت متوقاعاه انكم تقفوا معايا واملى بس ان حد من اسكندريه يرد عليا
وبجد حضرتك وكل الاساتذه الجمال اللى هنا بيثبتوا فعلا ان العلم لسه رساله ومش تجاره وبجد شكراااااااااااااا

Dr.ahmed91

15-06-2009, 10:11 PM

بصي يا دكتورة

هو في الباراجراف في تالته بيبقى طالب 10 جمل

وبيبقى فيه عناصر للموضوع طبعا

المفروض حضرتك تكوني بتكتبي عنهم لو 5 كل واحدة جملتين

انا من اسكندرية وكنت باخد عند مدرس مشهور جدا وكان يقولنا الاحسن تبدأ بالموضوع على طول
من غير مقدمات ومن غير مما لاشك فيه ان هذا الموضوع وكده يعني وصحابي كانوا بياخدوا عند مدرس تاني اشهر برضه وكان محفظهم

بس محفظهم ايه؟؟؟
:bosyht9::bosyht9::bosyht9::bosyht9:
هيا يادوب جمليتين مقدمة واحدة لموضوع جيد واخر سئ واتنين برضه خاتمه

انما مثلا متكتبيش 2 جمل مقدمة ملهمش علاقة بالموضوع خالص و2 خاتمه ملهمش علاقة خالص
وجملتين اي كلام عن الموضوع في النص

كده تقلي قووووي:o:o:o

واللي بيحصله اللي بتقولي عليه كده ده اللي كل موضوعه بره الكلام اصلا يعني مألف و محور موضوع تاني او ناقل الكومبرهنشن مكان البرجراف
:d:d:d

فمفيش مانع من جملة مقدمة وجملة خاتمة
جملة مش اكتر
والباقي كله يتوزع على عناصر الموضوع
باسلوب كويس وخط حلو وافكار كويسة وكلمات ربط وكده يعني
تذوقي الموضوع
........
والحمد لله انا كنت بعمل كده وجايب 49 ونص في الانجلش السنتين
:022yb4::022yb4::022yb4:

ربنا معاكم جميعا

mahyy

15-06-2009, 10:51 PM

بجد ميرسى ليك جدا جدا المشكله ان المستر دا مشهور برده بس هو قالى مش بنلحق نقرا الموضوع كله او ما بنلاقى كدا بياحد صفر حتى لو الكلام مرتبط او لما نلاقى اول كلمه ممكن تكون مقدمه بيتلغى على طول وفضل يخوفنى جدا وقالى كنترول اسكندريه موش زى القاهره مع المفروض انه يكون نموذج الاجابه واحد
انا هتوكل على ربن وافضل زى مانا واللى يجيبه ربنا كويس انا الحمد لله مقفله الانجلش السنه اللى فاتت ومش عايزه انقص ربع درجه حتى ربنا بجد يستر
وبجد ميرسى على ردك واهتمامك
ومتنساش الدعوات لينا

Mr. ABDELHADY

16-06-2009, 06:04 AM