بسم الله الرحمن الرحيم ...........
اتمنى فعلا الا يكون هذا الموضوع
من تلك المواضيع التى يغطيها التراب والطين

ولهذا وضعتها فى قسم يقال له قسم الحوارات والمناقشات المفتوحة

لغتنا
فعلا الى اين؟
اذا رأيت فى الطريق احدا يقول للبائع: اعطنى صاع من الارز
بعض من الجبن وزد عليه قدرا من الفول

اواثنان يتحدثا بقولهم: انتظرك فى منزلى الساعة الثامنة
يقول الاخر: يا فلان ان المشاغل تحيط بى ولن استطيع المجئ





للامانة ماذا ستفعل
هيبقى مسخة ومضحكة والى غير ذلك من التريقة



سؤال سريع لكل واحد يقرأ الموضوع

عمرك تحدثت باللغة العربية؟
الاجابة: تقريبا
ممكن وانا اولى ابتدائى لما كانت المس بتحفظنا الدرس
طيب غيره
ساعات بس مش بطيقها
لما كان الاستاذ بيقومنى اقرأ القطعة ومكنتش بعرف اقراها

امال بتقرا القرأن ازاى ؟
لا يا عم القران حاجة والعربى حاجة تانية (يمكن بتاع المدارس ولا حاجة)( مش فاهم ازاى؟)


اذن اللغة العربية المفروض والاكيد لغة القرآن

اذن لم لا نتحدث بها؟
امممممممممم سؤال وجيه فعلا
سبب وحيد لذلك هو تلك اللغة العامية التى استشرت واستفحلت حاليا
ومنذ عقود من الزمن

سؤال اخر رخم وغبى وملوش لزمة
هل اللغة العامية دى حرام؟
ايه يا عم انت عاوز تركبنا ذنوب على الفاضى ولا ايه
يا سلام يعنى هو الرسول صلى الله عليه وسلم كان بيتكلم عامى مثلا
هتقول لا
طيب هى مش من السنة مثلا طب بتتكلمها ليه
ايه الدليل يعنى
والله عمرى ما فكرت فى الحكاية دى






طب استنى عليا شوية
لو واحد وخلاص جه وسألك كده هترد تقول ايه؟
معرفش
هيقوللك انت مسلم انت طب على ايه مش المفروض تبقى عارف حتى اللغة الغريبة اللى بتتكلمها ؟















وللحديث بقية طبعا لان الموضوع لم ينتهى
وعاوز اعرف ايه رأيكم فى الحكاية دى
وللموضوع جوانب اخرى بالتفصيل سيتم عرضها ومناقشتها فى القريب باذن الله
وبانتظار اراءكم عشان لو هنكمل ان شاء الله :rolleyes:


تم عمل استفتاء مثبت علي موضوع لغتنا الي اين

للدخول والتصويت من هناا (http://www.thanwya.com/forums/index.php?showtopic=15795)

وشكرا

ايه يا بني ده انت عايزنا نتكلم باللغة العربية الفصحي

لااااااا ده انت موضوعك كبير قول وسمعني انا معاك وهساندك في الموضوع

ايه يا خالد عامية ايه اللي حرام ؟؟؟

ايوه الرسول صلي الله عليه وسلم مكنش بيتكلم عامية وكان بيتكلم فصحي بس بردوه الرسول مكنش بيحارب بالدبابات والصواريخ ومكنش بيركب طائرات

خلينا بقي نحارب بالسيف علشان نبقي بنطبق سنة الرسول صلي الله عليه وسلم

لا طبعا يا خالد مش صح الكلام ده

انا معاك ان اللغة العربية ضاعت بينا واحنا بنتكلم باللغه العاميه بس انا الحمد لله كويس في اللغة العربيه واقدر اتكلم بيها عادي جدا

بس مش لدرجه ان اللغة العاميه حرام يعني

لي عودة اخري

شكرا يا خالد لطرح الموضوع للنقاش و أنا كنت بفكر فيه من زمان..
بداية .....جميع لغات العالم ستفنى و ستبقى اللغة العربية إن شاء الله..لإنها لغة القران..لكن طبيعى جدا مش هروح اتكلم لغة عربية فصحى انهاردة...وجميع من حولى يتحدثون العامية لإنى أكيد هبقى محل سخرية...وحتى اللغة العامية اللى تسربت للغة العربية تسرب إليها كلام تانى..تمشى تلاقى (آز يو لايك)....(أوه شيت ) و غيره...! و كأن اللغة العربية تجلب العار مثلا..... و كأن مزج اللغات أصبح دليل التحضر و التمدن
انا أعرف أنه لما ظهر اللحن فى لسان العرب زمان..اشتكى الكثير من ذلك إلى الخليفة عمر بن الخطاب بظهور اللحن فى لسان العرب...فأمر سيدنا عمر على الفور بوضع علم النحو ...يعنى كان الموضوع كبير......
اللغة العربية هى اللغة اللى ربنا اصطفاها دون سائر اللغت لكى تكون لغة القران...ومن ثم يترجم غلى باقى اللغات...
http://www.alazhr.com/quran/image/39_028.gif
أتمنى فعلا ان احنا نرجع تانى للغة العربية ...الفصحى

يا خالد فعلا الموضوع مهم جدا جدا جدا

و اللغة كله عارف انها بتضيع دلوقتي و علشان نرجع نتكلمها ده من ثامن المستحيلات

مع ان الكل يتمنى كده

بس مش لدرجة العامية حرام يعني

ومساميدو قالها

معنى كده اننا نحارب بالسيوف تاني !!!!!!!!!!!!!!!!!!!!!!!!!!!!!

العاميه مش حرام ولكن الفصحى احب الى رسول الله صلى الله عاليه وسلم واصحابه
والاقرب للفصحى اعتقد الصعايده
الى بنعد معظم الوقت نتريق على لغتهم
شكرا على الموضوع ومنتظر البقيه

<div class='quotetop'>إقتباس(msamido @ Aug 22 2006, 07:14 PM) 198129</div>
ايه يا خالد عامية ايه اللي حرام ؟؟؟

ايوه الرسول صلي الله عليه وسلم مكنش بيتكلم عامية وكان بيتكلم فصحي بس بردوه الرسول مكنش بيحارب بالدبابات والصواريخ ومكنش بيركب طائرات

خلينا بقي نحارب بالسيف علشان نبقي بنطبق سنة الرسول صلي الله عليه وسلم

لا طبعا يا خالد مش صح الكلام ده

انا معاك ان اللغة العربية ضاعت بينا واحنا بنتكلم باللغه العاميه بس انا الحمد لله كويس في اللغة العربيه واقدر اتكلم بيها عادي جدا

بس مش لدرجه ان اللغة العاميه حرام يعني

لي عودة اخري
[/b]


ايوه انا معاك فى كلامك

تم عمل استفتاء مثبت علي موضوع لغتنا الي اين

للدخول والتصويت من هناا (http://www.thanwya.com/forums/index.php?showtopic=15795)

وشكرا

M.Neo

ساتناول كل رد على حدة
ومحدش يزعل ان اول رد ليا كده
هشكر كل واحد بس كمان شوية على المرور :D
ولكن
اولا ارد على المعارضين لحرمانيتها

اولا انا لست مفتى ولا علم لى بالموضوع
او مش معرفش لكن لا اعلم نصوصا دينية تؤيد او تعارض هذا
ولكن لكل واحد الحق فى التفكير
اظن ذلك

نأتى للاستاذ ميدو حبيبى فى الله
بصراحة عقدت مقارنة ظالمة
بين الدبابات والطائرات وبين العامية
اولا الاسلام لم يحجر على الابداع
والطائرات والدبابات من وليدة هذا الابداع
وقد قال الله تعالى ( واعدوا لهم ما استطعتم من قوة ومن رباط الخيل ترهبون به عدو الله وعدوكم)
والطائرات والدبابات وما حولها من رباط الخيل

اما العامية
ولا هى ابداع ولا اختراع
بل هى مسخ للغة ولا هى حتى من رباط الخيل

واتساءل : لو صديق لك اجنبى احب الاسلام وان يعتنقه
فاكيد يجب عليه تعلم اللغة العربية
التى لن تعلمها له
لان فاقد الشئ لا يعطيه

ولى عودة بعد صلاة المغرب

انا روحت وجيت ومنتظر عودتك

موضوع رائع يا خالد...
وانا ساوضح رأيى..ولكنه غريب قليلا...

----------------------

انا احب التحدث بالفصحى احيانا...وبالفعل اطبقها...متحملا ما يلقيه هؤلاء المتاعيس من اطنان "البهدلة المعنوية"...
ذلك فى وسط اصدقائى واهلى فقط...واحيانا فقط...

فى البدء كانت صدفة....محاولة منى لاتمام يوم كامل بالفصحى...كانت لعبة....بعد ان انتهيت من قراءة رواية صغيرة ((للجيب)) لاحمد خالد توفيق...
كانت على سبيل (الهزار)
...

لكن بعد ذلك بدأ البعض يتقبلها... بشىء من الفكاهة اولا.....وثانيا..وثالثا...ولكنهم تقبلوها...لم يعد الامر غريبا الى حد بعيد بالنسبة لهم...

الفكرة جيدة...ولكن كيف نتكلم لغة مقدار معرفتنا بها 50 % فى المتوسط...نسبة صغيرة اذا اعطيتها للغة المفروض ان تكون سائدة بنسبة تفوق التسعين...

------

لذا قررت ان اختار معصية كل اسبوع..واحاول التخلص منها ... واذا وقعت فيها .... اتحذث باقى اليوم بالفصحى **عقابا لى..

فكرة مجنونة .. ولكنها قد تكون مفيدة لى.... وفى نفس الوقت .. فليبقى الله فى عونكم .. ستواجهون هذا المعتوه ""انا"" الذى يعاقب نفسه بذنب لم تقترفوه...

"فما لا اعرفه فى اللغة قد يحولنى الى مليونير...اذا ما تحول الى نقود""

------------------------------
وهذه محاولة للتضامن معك... علنا نتكلم بلغتنا الجميلة ...ولو لفترة...
--------------------------------------------------------------------
والسلام ختام
=======

عايز ارد بالتفصيل
بس مستنى لو فيه وجهات نظر تانية
ولا حاجة

انا جيت يا ميدو الحمد لله :D
نرد على احمد
ربنا يكرمك على الجنان بتاعك
بفكر اطبقه والله
والتجربة بتاعت سيادتك انك تتكلم مع اصحابك بالفصحى
كويسة
بس طبعا اصحابك مش زى اصحابى
مش زى اصحاب عم عتريس

يعنى انا لو اتكلمت بالفصحى هبقى ولا مؤاخذة مسخرة بس هحاول اجربها

على فكرة الموضوع لسه هضيف له
بعض الكلمات نعتقد انها عامية وهى فصحى
وجذور بعض الكلمات العامية


وللحديث بقية

خالد انا عاده مش بسال السؤال ده
ولكن ايه مصدر الكلام ده
ولو كان رايك الخاص؟
ايه اللى خلاك تفكر بالطريقه دى
ارجو الاجابه
ومتابعه الموضوع ولى تعقيب تانى باذن الله

عيب اللغة العربية دلوقتي ان شرط اي وظيفه جيده اجاده اي لغه اجنبية وخاصه الانجليزيه

ان شاء الله..وبالتوفيق..

بس انت جاتلك فكرة غلط ان انا اصجابى واخدينها عادى... طبعا الموضوع مش عادى بالنسبالهم..والكلام ده بيكون احيانا..وساعتها زى ما قلت ... باتحمل اى حاجة...

أنا احب اتكلم بالفصحى
بس لما أققدر
ودا يتوقف على اللى قدامى

والموضوع ده بيشجعنى أقترح
قسم تكون فيه الحورات بالفصحى فقط
والمشاركة فى القسم ده بالعامية تحذف


أيه رأيكم

كلام بات مان صح

:rolleyes: <div class='quotetop'>إقتباس</div>خالد انا عاده مش بسال السؤال ده
عادى مش مشكلة
ولكن ايه مصدر الكلام ده
للاسف دماغى
ولو كان رايك الخاص؟
طبعا لأ
ايه اللى خلاك تفكر بالطريقه دى
انهى طريقة
لو على الحوار اللى فى الاخر فاظن انى قلت انى مش مفتى
من حق اى واحد انه يناقش مشكلة او قضية مش هنعملها مشكلة
ولما تيجى من قريب يبقى احسن
بمعنى لما نناقشها هنا احسن
سابعا انا الموضوع فى دماغى من زمان وكان نفسى اعمله بس
انا اساسا لا بتكلم فصحى ولا حاجة
بس اضعف الايمان نتكلمها
ارجو الاجابه
تهربت من السؤال
ومتابعه الموضوع ولى تعقيب تانى باذن الله[/b]


<div class='quotetop'>إقتباس</div>عيب اللغة العربية دلوقتي ان شرط اي وظيفه جيده اجاده اي لغه اجنبية وخاصه الانجليزيه[/b]
والله عندك حق يا بنى محدش بياكلها بالساهل
كل زمن وله حكمه
هو مش عيب اللغة انها مش على هوى الوظيفة
احنا اساسا مش بنفكر فيها
حتى منهج العربى بيكرهنا فيها
والاساتذة كلامهم كالعشوائيات
بس كده عشان مندخلش فى مشاكل تانية


<div class='quotetop'>إقتباس</div>ان شاء الله..وبالتوفيق..

بس انت جاتلك فكرة غلط ان انا اصجابى واخدينها عادى... طبعا الموضوع مش عادى بالنسبالهم..والكلام ده بيكون احيانا..وساعتها زى ما قلت ... باتحمل اى حاجة...[/b]
برضو مش زى بعض


<div class='quotetop'>إقتباس</div>أنا احب اتكلم بالفصحى
كويس
بس لما أققدر
ودا يتوقف على اللى قدامى
اكيد وغالبا مش بتتكلم

والموضوع ده بيشجعنى أقترح
قسم تكون فيه الحورات بالفصحى فقط
والمشاركة فى القسم ده بالعامية تحذف
مش للدرجة دى
وعلى العموم المشرفين ليهم رأى برضو
اعرض الفكرة
طب
متشارك بالعمية فى مشاركاتك كلها
بدل من قسم بحاله كده
وغالبا مش هيؤدى غرضه

أيه رأيكم[/b]شكرا ليك يا شاعر على مرورك
وشكراع يا احمد على المرور

<div class='quotetop'>إقتباس(mohamed_oweis @ Aug 22 2006, 07:18 PM) 198133</div>
وحتى اللغة العامية اللى تسربت للغة العربية تسرب إليها كلام تانى..تمشى تلاقى (آز يو لايك)....(أوه شيت ) و غيره...! و كأن اللغة العربية تجلب العار مثلا..... و كأن مزج اللغات أصبح دليل التحضر و التمدن
[/b]

يا محمد الكلام هنا عن اللغة العربية فقط
وبلاش نتكلم عن دمج اللغات دلوقتي عشان لو الموضوع ده اتفتح مش هنخلص وموضوعه كبير جدا

<div class='quotetop'>إقتباس(ahmedation_4ever @ Aug 22 2006, 08:10 PM) 198206</div>
فى البدء كانت صدفة....محاولة منى لاتمام يوم كامل بالفصحى...كانت لعبة....بعد ان انتهيت من قراءة رواية صغيرة ((للجيب)) لاحمد خالد توفيق...
كانت على سبيل (الهزار)

"فما لا اعرفه فى اللغة قد يحولنى الى مليونير...اذا ما تحول الى نقود""

=======
[/b]

احمديشن عجبني قوي طبعا
الجملة اللي معرفش مصدرها دي ولا انت اللي كتبها

"فما لا اعرفه فى اللغة قد يحولنى الى مليونير...اذا ما تحول الى نقود""

بجد جميلة جدا

غير كده بقي انا عايز اعرف منك اسم الرواية اللي كنت انت قرءتها
بعد اذنك يعني

.................................................. .

اما بالنسبة للغة
فانا اعتقد ان عشان تخلي الناس تتكلم عربي فصيح تاني
هتبقي مشكلة
ليه
لانك لو بدأت من دلوقتي
هتتكلم فصحي انت واصحابك
هتقابل ناس كتير بيتكلمو عامي
يطلع اولادك يتكلموا فصحي طبعا وما يعرفوش حاجه عن العامية
يقابلو ناس بتتكلم عامية ميفهموش
ويتكلموا مع الناس
الناس ما تفهمهومش
وطبعا اتقطعت لغة الحوار
ويبقي وصلنا لطريق مسدود

ويبقي الناس تنقسم طائفتين طائفة فصحي وطائفة عامية

وطبعا كل اللي انا قلته ده من خيال الكاتب اللي هو انا

يعني من الاخر يبقي الوضع كما هو عليه

العاااااااااااااااامية لانك مهما تعلمت في الفصحي الناس مش هتتكلم غير عامي

سلام

اولا شكرا على الرد
وكويس انك اختارت انك تناقش الفكره معانا هنا
وخصوصا ان الموضع خطير بجد

دلوقتى يا خالد انت بتقول اننا بنتبع سنه النبى
فى حاجات كتير جدا فى حياتنا وطبعا الرسول قدوتنا جميعا
وفى طبعا زى ما كلنا عارفين جماعات تقريبا اسمها السنيين
ودول بيتبعوا الرسول فى كل حاجه صغيره او كبيره
ولكن هل بيتكلموا الفصحى؟؟
لالا
وطبعا ده مثال مش هنقيس عليه
لانى عارفه هتقولوا ايه
فبلااااااش السنيين
الشيوخ فى المساجد بيتعامل خارج المسجد مع الناس العاديين بالفصحى؟
مش بيحصل
فمنين نيجى نقول اننا مذنبين اننا بنتكلم لغه هى عربى اه زى ما بيقولوا لكن هى مش عربى
يعنى مش فصحى
ولكن ده مجتمعنا وده واقعنا
لا يمكن نغير فى الاطار العام
ولكن طبعا اكيد نود اننا نتكلم بالفصحى تانى
وكل واحد يبدا بنفسه
بس انا شخصيا مش جربت الفصحى قبل كده غير فى التعبير بس :rolleyes:
ومثلا لو افترضنا انى اتكلمت مع صحابى بالفصحى
طبعا رد فعل فظيع
ولغتنا الى اين؟؟؟
سؤال مش ليه اجابه فى عصرنا ده
اعتقد احسن نقول " عروبتنا الى اين وليس اللغه فقط "
سورى للاطاله :rolleyes:

حتي مناهج العربي كرهت الناس ف العربي
دا تعلم الانجليزي اسهل من العربي

ثالثا العربي مشش لغه عالمية متنفعش غير ف مصر بس اي لغه اخري كالانجليزي او الفرنساوي تستطيع التحدث بيها ف اغلبية بلاد العالم
يعني العربي دا لغه محليه

رابعا اللغه الفصحي مبقتش منتشره زي الاول حاليا كل بلد ليها لهجتها الخاصه

سورى
قبل ما ارد عليكم
تسمحولى انقش الحتة دى
مش من دماغى بقى
الجزء اللى جاى ده بيوضح بعض الالفاظ العامية واللى اصلها قبطى(اللغة القديمة)
اتفضلوا

تعد اللغة القبطية هي اللغة المصرية القديمة التي تكلم بها سكان وادي النيل
(منذ أكثر من خمسة آلاف سنة قبل ميلاد سيدنا عيسى (عليه السلام
واستمرت كلغة رسمية للبلاد حتى قرب نهاية القرن السابع عشر وبداية الثامن عشر
.. اما بالنسبة للغة القبطية فهى اللغة التى تكلم الاقباط ( المصريين القدماء) والاقباط لا تعنى المسحين و لكن تعنى المصريين
الى "قبط" بسبب الاسم اليونانى السابق وبعدها و بعد الفتح الاسلامى تحولنا الى اللغة العربية لغة القرآن الكريم
ولكن كانت اللغة القبطية و قواعدها مؤثرة على الشعب المصرى لدرجة كبيرة
مما نتج عن اللغة العامية المعروف حاليا عندنا , وهى خليط ما بين اللغة القبطية و اللغة العربية :
فمثلا
في العامية المصرية لا نستخدم أسماء الأشارة العربية مثل
(هذا، هذه، هذان، هذين، هاتان، هاتين، هؤلاء)
ولكن استعملنا أسماء الاشارة الخاصة باللغة القبطية
(دا، دي، دول)
(ولكنها لا تأتى قبل الاسم مثل (هذا الولد) بل بعده مثل (الواد ده)
وأيضا لا نستخدم الأسماء العربية الموصولة
(الذي، التي، اللذان، اللذين، اللتان، اللتين، الذين، اللاتي، اللائي)
ولكن نستخدم كلمة واحدة وهى (اللي)
وهي تصلح لأي جنس وأي عدد ولم تستخدم الضمائر الشخصية المنفصلة في اللغة العربية مثل
( أنا، أنتَ، أنتِ، أنتما، أنتنا، هو، هي، أنتم، انتن، نحن، هم، هن)
(ولكن نستخدم (أنا، أنتَ، أنتِ، هو، هي، احنا، انتوا ، همّا)
لا يوجد في اللغة العربية المضارع المستمر وهو موجود في القبطية
(وذلك عن طريق اضافة حرف الا، ولا، ياد، واد
: كلمات قبطية قديمة كلها معناها صبي أو ولد (اجنة
(أشنه): أي مطرقة أو جاكوش (شاكوش)
اخ : شيطان، ومنها بخ بإداة التعريف أي الشيطان وتستخدم للتخويف اخ،

آه : تعبير عن الألم والندم مصري قديم اديني : من دي ناي وتعني اعطيني اف : عّف أي ذباب امبو : قبطية ومعناها ماء ويقولها الطفل الصغير حتي الان "
امَّر العيش: بمعنى سَخَن العيش أو اخبزه مثل "قفاه يأمَّر عيش "
انكوت = رقد، مثل "هامسكك أنكوتك هنا (مش عارفها الصراحة دى)

اه: بمعنى نعم , و كانت تنطق كالآتى: اها
اوباش : تعني ناس لا فائدة منهم و ليس لها مفرد
اوطة: بمعنى ثمرة عامةً أو ثمرة الطماطم فى لهجة سكان القاهرة اما فى المنصورة والاسكندرية وغيرها فانسميها طماطم "
ايه : تعني بقره مثل "يأبن الايه(دى بقى بنتخم فيها اوى اوى :D )

** ايوه: تعني نعم ، وتقال عند اهل الأسكندرية أيوووه وتعني نعم "
**باب : وتطلق على مقابر الملوك وتعني كهف أو قبر مثل "باب اللوق
** بح : تعني خلاص خلص مافيش
** باي : تعني خوفي مثل " ياباي" بمعنى ياخوفي
** بح: من بوح أي وصل، أو تم ويستخدمها الأطفال عندما ينتهون من الأكل
**بربر : سال ، وتقال على المخاط
**برجالاتك : وتعني فرشح رجليك وجاءت من اللهجة الفيومية
** برج (فيرج - بحيري) وتعنى يقسم، يفرشح، يفرد
و** "لاتك" (راتك - بحيري) أي قدميك (برده ، برضه ، برضك : هكذا من باي رادي أي هكذا ، كده برده، ويقال أيضاً أنها من برضاك
**(عربية برش : فراش السجن
** بشبش : يبلل ربنا يبشبش الطوبة اللي تحت راسه أي يبلها لتصير حانية على الميت
(**بصارة : أكلة من الفول من بيس (أي مطبوخ)
**بقول بصقة : من بتصا ، وتعنى تف أو تفتف ،
ودخل إلى العربية الكلاسيكية
**(بعبع : معناها عفريت (لها أصل من اللهجة الصعيدية)
** بيبه :برغوث
** تاتا : وتقال للأطفال الصغار في بداية المشي تلتل
، **متلتل: تقال للذي لديه سيلان بالأنف أو ما شابه معناها بينقط
**حالّو يا حالّو : شيخ يا شيخ خايب : تعني تحت الصنعه أو الحرفة خا: تحت ياب: حرفة، رأي آخر يؤكد أنها من العربية خيبة
**دح: تقال للأطفال بمعنى ضار أو وحش
** "دقهلية : محافظتى معناها "الشئ الآخر"
**سندرة : (سندله) صندرة (صندله) : مكان الرفع أو التخزين
**شأشأ : الفجر شأشأ تعبر عن ضياء الشمس
** شبرا: جنينة
**شلشل : وهي طي الملابس على الرقبة في الحداد "
**شوشه : مقدمة الشعر مثل "غرقان لشوشته شوية
**عبيط : ع بمعنى حمار ,وبيط بمعنى شخصية
** فلافل: الأكلة الشعبية المعروفة وتدعي أيضأ "طعمية" و معناها ذات الفول الكثير
** فوطة: بمعنى منشفة
**كاع : أعطي ،كع اللي في جيبه، وتحولت في القبطية إلى كا، والصيغة الكاملة لها كو
**كخ : أنت شيطان
**كرشه : من كروش أي ضيق، ويقال عنده كرشة نفس أي ضيق تنفس
** كلكوعة (كلكله) : ورم أو تضخم
** كمان :أيضاً ولها أصل يوناني من كا + مان
و أيضاً
**مدمس: وتقال على الفول مدمس أي مدفون
** مش : ليس
** ميت : طريق ، ميت غمر، ميت رهينه
** نَف، نفنفْ: بمعنى تمخط، وبالأصل القبطي معناها تنفس
**"ننوسه : عروسة لعبة و منها نوسا البحر "عروس البح
**هوس : بمعنى اسكت
**واوا : من وا وتقال على الجرح والألم
وطبعا منقول بعد البحث والتنقيب
ولنا عودة

لا انت كده بجد دعمت الموضوع جامد
احنا كده بنتكلم فصحى <_<
بس المصيبه ان نص الكلام ده جديد عليا :unsure:
وعلى فكره كاتب الموضوع من المنصوره لانه ذكرها مرتين

جامد قوي يا خالد الكلام ده يعني احنا مش بنحرف اهو دي طبيعتنا

سيبنا علي طبيعتنا يا جدع

بص يا خالد أنا هقولك كلمتين فيهم خلاصة الكلام ده
احنا للأسف ابتديا نتاثر بالغرب أوي مش في العادات والتقاليد وبس حتى كمان في اللغة


احنا للأسف بقينا نحرف كل حاجة
بدل لما نقول شكرا نقول ميرسي أو ثانك يو واعتقد أن شكرا دي انتهت من قاموس اللغة

ولا لما تقوول لواحد حاجة بدل ما يوافق هعليها يقولك اوك


أحنا للأسف ابتدينا ننسى هويتنا العربية

ابتدينا نسى لغة القرآن

حتى اللي بيتكلموا عربي بيتكلموا عربي غلط أصول اللغة أوشكت على الفناء إن لم تكن قد فنيت في هذا الزمان

ولكن ليس معنى كلامي ألا نتحدث لغات اخرى لا يجب أن نتعلم لغات هؤلاء ولكن لا نستخدمها الا اذا احتجنا اليها


دي الخلاصة واللي أنا مقتنع بيها يمكن انا مقريتش موضوعك كامل بس الجواببيبان من عنوانه

;كلام سليم 100 % يا استاذ عبد العظيم..فعلا ..من عرف لغة قوم امن منهم...لكن المفروض منستخدمهاش فيما بيننا ..الا فى الضرورة...

الضرورة:

مثلا انا باعتبر اللغة الانجليزية..اوفر حظا من اى لغة غيرها فى المصطلحات الفنية او التكنولوجية...حتى محاولات الترجمة للعربية بتبقى رديئة للغاية...ممكن تلمس ده فى مثال بسيط:

انقر هنا = click here

متهيألى انقر دى بتفكرنى بالكتاكيت.....

سواقة الاقراص أ = driver A

امثلة بسيطة ..لكن ممكن توضح قصدى..وطبعا اكيد فى مصطلحات احسن فى العربى..لكن اللى ترجم..مكانش متخصص..او مكانش فاهم طبيعة الناس
-----------------------------------------------------
=====================================

NeO:

شكرا على ردك الجميل ...

" ما لا اجيده قد يجعلنى مليونيرا .. اذا ما تحول الى نقود" ..دى الجملة الاصلية

الجملة دى قائلها هو(( مارك توين)) .الساخر العظيم..

والرواية كانت احدى روايات سلسلة ما وراء الطبيعة....اللى هى تبع "روايات مصرية للجيب..اكيد عارفها

ودى كانت اول قصة حقيقية اقراها..كان اسمها تقريبا " العميل 09990# "ــ

كنت بكره ساعتها القراءة...لكن كنت زهقان ..فقريتها بالصدفة...فعجبتنى اوى...خاصة ان اسلوب الكاتب كان جميل

ومن ساعتها بقراله على طول..



-------------------------------
وكمل الموضوع يا خالد..والله ممتاز جدا
-----------------------------------------------
الى اللقاء
---------
=======

خلوا بالكم يا جماعة
الكلام ده
هو اللى احنا بنتكلمه زى ما كاتب دلوقتى
وهو بالفطرة عشان الكل كان بيتكلم كده
وهو حاجة والفصحى حاجة تانية

<div class='quotetop'>إقتباس</div>لا انت كده بجد دعمت الموضوع جامد
كويس والله
احنا كده بنتكلم فصحى
ما قلنا قبطى انتى مقريتيش ولا ايه
بس المصيبه ان نص الكلام ده جديد عليا
هههههههههههههههههههههه يمكن انتى بتتكلمى فصحى فى البيت والشارع
يبقى مش مشكلة :D
وعلى فكره كاتب الموضوع من المنصوره لانه ذكرها مرتين
افرحى يا ستى طلع بلديتكم :D [/b]



<div class='quotetop'>إقتباس</div>جامد قوي يا خالد الكلام ده
شكرا يا نيو على اهتمامك الحقيقة بالموضوع
يعني احنا مش بنحرف اهو دي طبيعتنا ما هو غلط
اليس لنا لغة نتكلم بها تعبر عن شخصيتنا
اذا سألك احد انت مسلم ام مصرى ام قبطى
ماذا ستجيب؟؟؟؟؟

سيبنا علي طبيعتنا يا جدع
يا راجل حرام عليك
هو بقولكم متصلوش ولا متصوموش ولا متقروش قرآن مثلا
اذا كانت لغة القران مش فى قلبك وبتتكلم بيها
هل هيبقى لها اثر كما لو تتكلم بها :D [/b]




<div class='quotetop'>إقتباس</div>بص يا خالد أنا هقولك كلمتين فيهم خلاصة الكلام ده
احنا للأسف ابتديا نتاثر بالغرب أوي مش في العادات والتقاليد وبس حتى كمان في اللغة
فى كل حاجة يعنى

احنا للأسف بقينا نحرف كل حاجة
بدل لما نقول شكرا نقول ميرسي أو ثانك يو واعتقد أن شكرا دي انتهت من قاموس اللغة
انا بقول شكرا على فكرة :D
ولا انتهت ولا حاجة انا بقول لبتاع الفول شكرا مش هقولوه ميرسى
مع انه يمكن يعرف اكتر منى كتير

ولا لما تقوول لواحد حاجة بدل ما يوافق هعليها يقولك اوك
أحنا للأسف ابتدينا ننسى هويتنا العربية
ابتدينا؟
ابتدينا نسى لغة القرآن
حتى اللي بيتكلموا عربي بيتكلموا عربي غلط أصول اللغة أوشكت على الفناء إن لم تكن قد فنيت في هذا الزمان

ولكن ليس معنى كلامي ألا نتحدث لغات اخرى لا يجب أن نتعلم لغات هؤلاء ولكن لا نستخدمها الا اذا احتجنا اليها
يا استاذ زيزو عند حضرتك الفرنساويين معروف عنهم
انهم متمسكين اوى بالفرنساوى ومش عاوزين يتكلموا غيرها
ولاهى لغة قران ولا الهوا
انتماء او تزمت او تشدد
المهم ان لغتهم معتزين بيها
هل الكلام ده معناه انهم متخلفين او
مش مسايرين العصر
تقريبا من اقوى الدول علميا وفى كل شئ
يبقى المفروض نرجع للغتنا اعتقد كده
وده مش من يوم ولا اتنين
احنا نحط بذرة مع الزمن ربنا يكرمنا

دي الخلاصة واللي أنا مقتنع بيها يمكن انا مقريتش موضوعك كامل بس الجواببيبان من عنوانه
عشان كده حضرتك اتكلمت بشكل عام
والف شكر على مرورك اللى اسعدنى بجد [/b]


<div class='quotetop'>إقتباس</div>;كلام سليم 100 % يا استاذ عبد العظيم..فعلا
..من عرف لغة قوم امن منهم...لكن المفروض منستخدمهاش فيما بيننا ..الا فى الضرورة...

الضرورة:

مثلا انا باعتبر اللغة الانجليزية..اوفر حظا من اى لغة غيرها فى المصطلحات الفنية او التكنولوجية...حتى محاولات الترجمة للعربية بتبقى رديئة للغاية...ممكن تلمس ده فى مثال بسيط:
انقر هنا = click here
متهيألى انقر دى بتفكرنى بالكتاكيت.....


ممكن اضغط هنا ولا كتاكيت ولا فراخ والكلام ده مش موجود غير فى كتب الكمبيوتر بتاعت اولى ثانوى
يعنى هنرجع للتعليم تانى
clickدى ليها معنى مزلاجة او ماسكة
او يطقطق هنقول ماسكة هنا او طقطق هنا!!!!!!
سواقة الاقراص أ = driver A
الترجمة غلط يا حبى
زى ما انت قولت اللى ترجم كان متخلف
بتبقى مشغل او محرك الاقراص

امثلة بسيطة ..لكن ممكن توضح قصدى..وطبعا اكيد فى مصطلحات احسن فى العربى..لكن اللى ترجم..مكانش متخصص..او مكانش فاهم طبيعة الناس
هو المفروض مش فى رقابة ومراجعة وتمحيص وتنقيب فى كل حاجة بتتكتب
آآآآآآآآآآآآآآآآه
نسيت
كله تمام يا ريس[/b]
ولنا عودة بالجديد باذن الله

كله تمام يا خالد والله انت بجد رائع لأني حاسس فيك بحاجات كتير أوي وخصوصا طرح القضايا التي نعاني منها في مجتمعنا أكمل أخي الفاضل بتلك الصورة
ولى الامام بخطى باهرة نحو مستقبل باهر

<div class='quotetop'>إقتباس(ahmedation_4ever @ Aug 23 2006, 07:43 AM) 198795</div>
;كلام سليم 100 % يا استاذ عبد العظيم..فعلا ..من عرف لغة قوم امن منهم...لكن المفروض منستخدمهاش فيما بيننا ..الا فى الضرورة...

الضرورة:

مثلا انا باعتبر اللغة الانجليزية..اوفر حظا من اى لغة غيرها فى المصطلحات الفنية او التكنولوجية...حتى محاولات الترجمة للعربية بتبقى رديئة للغاية...ممكن تلمس ده فى مثال بسيط:

انقر هنا = click here

متهيألى انقر دى بتفكرنى بالكتاكيت.....

سواقة الاقراص أ = driver A

امثلة بسيطة ..لكن ممكن توضح قصدى..وطبعا اكيد فى مصطلحات احسن فى العربى..لكن اللى ترجم..مكانش متخصص..او مكانش فاهم طبيعة الناس
-----------------------------------------------------
=====================================

NeO:

شكرا على ردك الجميل ...

" ما لا اجيده قد يجعلنى مليونيرا .. اذا ما تحول الى نقود" ..دى الجملة الاصلية

الجملة دى قائلها هو(( مارك توين)) .الساخر العظيم..

والرواية كانت احدى روايات سلسلة ما وراء الطبيعة....اللى هى تبع "روايات مصرية للجيب..اكيد عارفها

ودى كانت اول قصة حقيقية اقراها..كان اسمها تقريبا " العميل 09990# "ــ

كنت بكره ساعتها القراءة...لكن كنت زهقان ..فقريتها بالصدفة...فعجبتنى اوى...خاصة ان اسلوب الكاتب كان جميل

ومن ساعتها بقراله على طول..



-------------------------------
وكمل الموضوع يا خالد..والله ممتاز جدا
-----------------------------------------------
الى اللقاء
---------
=======
[/b]

يا جماعة بليز محدش يتكلم عن لغة غير العربية
لمقارنة بين العامية والفصحي واوعدكم بموضوع تاني عن اللغة العربية واللغات الاخري
وهيبقي ضرب نار بس الصبر

ويا احمديشن انا من اعدادي وانا بقرء رويات للجيب
من ثانوي وانا بقرء ما وراء الطبيعة وفانتازيا بس لان د/ احمد خالد توفيق كاتب عبقري

واسلوبه جامد

وقريت العدد اللي انت بتقول عليه يا احمديشن

وكان عاجبني قوي وصفة للسيجارة (عمود العادم الابيض)

.................................................. ........

يجامد قوي يا خالد الكلام ده
شكرا يا نيو على اهتمامك الحقيقة بالموضوع
يعني احنا مش بنحرف اهو دي طبيعتنا ما هو غلط
اليس لنا لغة نتكلم بها تعبر عن شخصيتنا
اذا سألك احد انت مسلم ام مصرى ام قبطى
ماذا ستجيب؟؟؟؟؟

سيبنا علي طبيعتنا يا جدع
يا راجل حرام عليك
هو بقولكم متصلوش ولا متصوموش ولا متقروش قرآن مثلا
اذا كانت لغة القران مش فى قلبك وبتتكلم بيها
هل هيبقى لها اثر كما لو تتكلم بها
.............................
يا خالد احنا في الاصل اكيد اقباط فاكيد لساننا متعود علي اللغة القبطية
وده مش معناه تحريف للعربي
زي واحد انجليزي لو قرء عربي هينطق اكيد ال(ح) هاء

ولو من الهند رغم انهم فيهم مسلمين وبيتكلموا عربي كمان ما بنطقوش (الشين) عندهم بينطقوها سين


يعني مجرد تاثر بالطبيعة

السلام عليكم

اولا قبل ما اتكلم

لو كانت المشكلة فعلا ليه مش بنتكلم فصحى فانا اقدر اقولك
ان انت لو اتكلمت فصحى والله الناس بتضحك عليك

انا هكلمك عن نفسي
مثلا انا من زمان بقول كلام ومعرفش انه عربي فصحى

بص مثلا دى كنت مرة مع واحده صاحبتى
بالظبط كما حدث

انا : يا الله مش عارفه فيه ايه النهارده انفى مش طبيعيه حاسه انى داخله على دور زكام
صاحبتى : ههههههههههههههههه ايه انفى دى يا رحمة :D على كده انتى لما تيجي تتكلمى على ودانك بتقولى اذنى وعلى بقك بتقولى فمى ........... وقعدت تتريق شوية ....
لا وايه زكام دى كمااان . يا بنتى انا والله بشك فى مصريتك
انا : امال انتى بتقولى عليها ايه
صاحبتى : اسمها مناخير ومسكت لى انفى وقالتلى دى اسمها مناخير
انا : م ن ا خ ي ر ؟؟؟؟ ايه دى كلها ؟؟؟؟ يا حبيبتى انا ليه اتعب نفسى واقول الكلمة دى ما انفى اسهل ؟؟
صاحبتى : طيب يا استاذه رحمة .. ربنا يكملك بعقلك
انا : _طبعا بتريقه_ جزاكى الله خيرا على الدعاء
صاحبتى : ممكن اسال سؤال ؟؟؟
انا : اه طبعا اتفضلي
صاحبتي : ارد اقول ايه
انا : على ايه ؟؟
صاحبتي : يعنى لما حد يقوللى جزاكى الله خيرا يبقي ايه الرد ؟؟
:blink:
غالبا كده انا قلتلها اسالى باباكى وسبتها ومشيت يا اما قلتلها قولى واياكم ومشيت وسبتها بردو..

**************

موقف تانى ..

انا وواحده صاحبتى غير الاولانيه
انا : شفتى موبايل 6600 نزل بكام
صاحبتى : بكام
بالف ومتين .. تخيلى
صاحبتى : يا شيخه ..
انا : اه يا بنتى ده انا شايفاها بعنيا
صاحبتى : شفتيها فين
انا : فى الجريده
صاحبتى : ايه الجريده دى اسمه جورنال <_<
انا : لا بقي اسمها جريده
صاحبتي : لا جريده دى بالعربي
نا : امال الصحيفه تبقي ايه ؟؟
صاحبتى : كفاية يا رحمة .. خلاص .. اسفه


***************

موقف اخر

انا وصاحبتى بنتفرج على بطولة كاراتيه لسن فوق واحد وعشرين سنة
صاحبتى : رحمة بصي الاتنين دول بيلعبوا على اول وتانى
انا : الماتش جامد ... يا رب
صاحبتى : يا رب ايه ؟
انا : صاحب اللحية يكسب ..
..................
والباقى اكيد عرفتووووه
.............

والحوارات دى كتير جدا
ودى كلمات فما بالك اذا كانت جمل كامله بالفصحى(مع العلم انها احيانا بتحصل) :lol:
وفى الاخر طبعا انا اللى بطلع غريبه او بمعنى اصح مش طبيعيه وشوية من اصحابي فسروا ده على اساس انى اقمت فى دولتين قبل كده بره مصر لكن طبعا مش ده السبب

اللى انا بقي بستغربه جدا شكل وشوشهم دى حتى وصلت ل _ انا بشك فى مصريتك _
يعنى المصريين مش بيتكلموا عربي
على فكرة الموضوع ده دخل دماغي وباذن الله هحاول اجيب سبب ان احنا لا نعتبر اللغه العربية جزئا مننا

.............


عذرا على الاطالة والخروج قليلا عن الموضوع
جزاك الله خيرا يا خالد على الموضوع الاكثر من هام

* اه على فكرة علشان تبقي عارف الرد على جزاكم الله خيرا بتبقي بجزانا واياكم :P

هههههههههههههههههههههههههههههههه جامده يا رحمة والله عسل قوي انا نفسي حد يكلمني فصحي

<div class='quotetop'>إقتباس</div>كله تمام يا خالد والله انت بجد رائع لأني حاسس فيك بحاجات كتير أوي
وخصوصا طرح القضايا التي نعاني منها في مجتمعنا أكمل أخي الفاضل بتلك الصورة
ولى الامام بخطى باهرة نحو مستقبل باهر[/b]
اشكرك استاذ زيزو على كلماتك الرقيقة
التى اسعدتنى
والف شكرعلى مرورك واهتمامك :rolleyes:
وبا نتظار ميدو اللى قال لى روحت وجيت ومنتظرك
ولم اره بعدها

وااااضح ان الموضوع
هيغطيه التراب
اللهم بلغت
اللهم فاشهد

نكمل مع نفسينا
دى بقى بعض الكلام التى نعتقد انها عامية بينما هى فصحى

1] تقول العامة :
فلان يُبْربر كثيرا
وتقصد بذلك أنه يتحدث كثيرا .
جاء في لسان العرب [ والبربرة : كثرة الكلام والجلبة باللسان ، وقيل : الصياح ]

2] تقول العامة :
سيّب الراعي غنمه .
أي تركها .
وهذه لفظة عربية فصيحة .

3] تقول العامة :
دسسْتُ الشيء في التراب .
بمعنى : أخفيته
جاء في لسان العرب : [ دسست الشيء في التراب أي أخفيته فيه ]

4] تقول العامة :
نـقـز الطالب الحفرة .
بمعنى : قفز
جاء في لسان العرب [ نقز الظبي ينقز نقزا إذا وثب في عدْوه ]

5] تقول العامة :
حطّ الطالب الكتاب في الدرج .
أي وضعه .
جاءفي لسان العرب [ الحط ّ: الوضع ]


6- تقول العامة : خشّ العصفور في القفص .
بمعنى / دخل فيه
جاء في لسان العرب [ خشّه يخشه خشاً وخش في الشيء أي دخل فيه ]

7- تقول العامة : لمّ الرجل الزجاج المكسور
بمعنى : جمع ما تناثر منه
جاء في لسان العرب : [ اللّم : الجمع الكثير الشديد ..
واللم : مصدر لمّ الشيء يلمه لما جمعه وأصلحه ]

8- تقول العامة : لا أدري أين طسّ ( وذلك عندما تسأل عن شخص ) فيقول لك :
لا أدري أين طسّ .
بمعنى : أين ذهب .

9- تقول العامة : زرط محمد اللقمة .
بمعنى : ابتلعها
جاء في لسان العرب : [ زرط اللقمة زرطها أي ابتلعها ]

ولنا عودة بعد شوية :D
لاكمل النقاش وحدى

شفت بقي ادينا طلعنا بنتكلم عربي فصيح

بالمنايبة انا امبارح انا وصديقاتى سالتهم هما ليه بيستغربوا لو حد اتكلم شوية عربي

لقيت رد غريب اوى..

الرد بيقول ايه ............ ( المصري شكله اجمل فى الكلام )

انا بصراحه مقتنعتش بس حبيت اقول وجهة النظر دى علشان تبقي فى الحسبان

هو مش احلي هو ممكن يكون اسهل بس يارحمة

<div class='quotetop'>إقتباس</div>شفت بقي ادينا طلعنا بنتكلم عربي فصيح
يعنى انا بغالط نفسى ولا ايه :D
كل واحد يقول
شفت اهو احنا كنا بنعمل ايه
شفت اهو احنا كويسين
طب انتو كنتوا عارفين كده من الاول
لا
فاكرين ان كله عامى
وكتير ما كنش يعرف هو منين اساسا اللى بنتكلمه
بالمنايبة انا امبارح انا وصديقاتى سالتهم هما ليه بيستغربوا لو حد اتكلم شوية عربي
لقيت رد غريب اوى..
الرد بيقول ايه ............ ( المصري شكله اجمل فى الكلام )
هههههههههههههههههههههههههههههه
اجمل
آآآآآآآآآه
ممكن لو حططوله جيل هير كود
ولبستوه قميص حلو يبقى احسن :D
هو جميل بس من ناحية الفهلوة مش اكثر
دى اللغة طبعا
على كده بقى نتكلم انجليزى اهو حلو برضو :D
انا بصراحه مقتنعتش بس حبيت اقول وجهة النظر دى علشان تبقي فى الحسبان...
شكرا ليكى فعلا يا رحمة
انك كلمتى اصحابك
جسيتى نبضهم على الاقل
وده كويس
انا برضو عملت الحكاية دى
بس بصى الرد الاغرب
محدش رد عليا اساسا :D ..[/b]
الف شكر على مرورك يا رحمة
واهتمامك بالموضوع
اللى تقريبا قارب على الانتهاء

<div class='quotetop'>إقتباس</div>هو مش احلي هو ممكن يكون اسهل بس يارحمة[/b]
هو كده فعلا
شكرا يا نيو على تفاعلك معنا دائما



اقوللكم بقى على حاجة
قصة تقريبا او حاجة زى كده



يقول مستشرق انجليزى فيما معناه
فى القرن العاشر الميلادى
يا حسرة على شباب بلادى
ليكاد الواحد فيهم ينسى لغته الانجليزية
زحفا وراء تلك العربية التى نخرت كلماتها عظام لغتنا
فاصبح شبابنا يأتى بالكلمات العربية
ويتشدقون فى نظم الشعر كالعرب وربما افضل منهم</span>


<span style="color:#000099">شوفتوا بقى
وتلك الايام نداولها بين الناس

وللحديث بقية مادام فى العمر بقية


ا

منتظرين البقـــــــــــــــــــــــــــــــــية

والله انت عندك حق

لكن خلينا واقعيين

من الصعب جدا ان تجد ناس فى هذا الزمان ينطق بهذه اللغة

<div class='quotetop'>إقتباس</div>منتظرين البقـــــــــــــــــــــــــــــــــية[/b]
تصدق كده كسفتنى
خاصة ان الموضوع رخم ومش سهل
بدليل ال666 رد الموجودين :D
من عينيا يا نيو
لما انتظم ان شاء الله :D
الدروس بدأت وانت عارف بقى <_<

ايه رأيكوا اروح قسم الالعاب واعمل لعبة بخصوص الموضوع ده
ولا انتوا شايفين ايه(الجمع ده للاحترام مش للجمع طبعا ...هو فين الجمع ده :D )

مستنى رايكم (برضو للاحترام)


استاذ بورسعيدى
حبى واعتزازى
الموضوع نور بجد
وحضرتك قلت المشكلة اللى عاوزين نشوفلها حل
يعنى حضرتك مسكت الموضوع من لغلوغه :D
وانا من اول الموضوع
عاوز نشوف حل للمشكلة دى
وهى مش مشكلة ولا حاجة
انا بس كنت بقول بدل اللغة العربية تتشمسكر وتتكححنطر
بها الحال كما هو عن قريب باذن الله

ولى عودة بعد ما اشوف رأيكم فى اللعبة
هى مش لعبة بس حاجة زى كده

خالد معلش اتأخرت عليك خالص

بس بجد انا قرأت كتير في الردود والتعلقيات لدرجة إني توهت مش عارف اعلق علي ايه بالظبط


انا هعلق علي حكاية اللعبه انا موافق

وهروح اصوت هناك بقي

وهتابعك إن شاء الله علشان صيغة الجمع ترجع للموضوع
.
.