الحب..
الله على الكلمه دى!!!
جمليه.. رقيقه..حساسه.. صادقه..بريئه..
ماحدش قدر يعرف الحب الا انه "حب" !!
اذا كنت عاوز تعرف يعنى ايه حب تعالى نعمل التجربه البسيطه دى مع مع بعض غمض عنيك( بعد ما تخلص قراءة طبعا !) اسرح شويه !! كمان .. كمان.. شويه كمان.. بس كده كفايه ..
استحضر صورة واحد انت بتحبه قوى ...... فكر فيه .... مثلا مثلا واح صاحبك بتفضفضله مشاكلك مهمومك
بتحس انك لما بتكلمه بترتاااااح بعد ما بتكون حاسس ان الدينا كلها فوق دماغك..بتخرجوا مع بعض ...بتاكلوا مع بعض ...عارف اهله وعارفينك...جدع جدا معاك وانت بتحب تبقى جدع معاه...
السؤال بقى:اذا غاب عنك كام يوم بعد ما كنت بتشوفه كل يوم .....
هتحس بايه ؟ !! وحشك اوى... مش كده ؟!!.......
"هو ده الحب"
ها ادينى سهلتها عليك ..جرب لوحدك المرة دى اقعد وافتكر لما كنت تعبان ... نيام فى السرير...سخن وبتكح وحالتك صعبه !! وبتقول اه
مفيش حد جانبك غير امك ..قاعده بتنام على نفسها .ز دموعها على خدها .. وبتدعى من قلبها : يارب اشفيلى ابنى؟!
"هو ده الحب"
معلش جرب تانى وانت بتقلب فى التليفزيون .. لقيت واحد نازل بيشتم فى دينك وبيقول كذا كذا وانت عارف انه كداب .. نفسك تعمل ايه وقتها؟ تاكله مش كده!! عشان بتغير على دينك او .. بتحبه...
"هو ده الحب"
ماشى فى الشارع .. لقيت واحد على الارض بيدور على حاجه ياكلها .. صعب عليك المنظر .. قمت حطيت ايدك فى جبيبك واديته اللى قدرت عليه وطيبت خاطره بكلمه حلوه .. بتحب تعمل خير والحمد الله ...
"هو ده الحب "
بتحب ام ، بتحب ابوك، بتحب اختك واخوك ؟!!!
"هو ده الحب"
بتحب بيتك ،بتحب الشلرع بتاعك بتحب بلدك؟!!!
"هو ده الحب "
وطبعا طبعا ، وقبل كده ده بتحب ربك ، وبتحب رسولك ( صلى الله عليه وسلم)
وهو ده الحب الآكبر !!
"هو ده الحب "
معرفناش نكتب له تعريف !!
الا انه حاجه متتكتبش !!
الحب احساس .... مايتوصفش

على قدر بساطة اللفظ وسمو معناه الا ان اعظم الفلاسفة وافصح الشعراء يقفوا عاجزين امام تفسير كلمة ( الحب )

الحب معناه البسيط هو انك تكون على اتم الاستعداد ان تقدم روحك على طبق من فضة لاجل من تحب

بالظبط اخر كلمة لك هي التعريف الاوحد لكلمة الحب

الحب هو احساس لا يستطيع القلم وصفه فقط نضع له تشبيهات ولكنها ابدا ما سمت لان تصف الحب

فعلا الحب .............

كما قلت لا يوصف بالقلم ولا الكتابة


شكرا على الموضوع

الى الامام دائما :)