امتحانات الأزهر بتتسرب والله [الأرشيف] - بوابة الثانوية العامة المصرية

مشاهدة النسخة كاملة : امتحانات الأزهر بتتسرب والله

ღ ღDr.MoustafaSofaღ ღ

15-06-2009, 06:39 PM

http://img518.imageshack.us/img518/2384/asdwqq3.gif

والله والله والله امتحانات الأزهر بتتسرب فى معهد ههيا الثانوى بنين وده من أول السنة

وحرام كده والله

الطلبة بتاخد الامتحان قبل مايبدأ ب 35 دقيقة

وطبعا فى مقابل
أقول ولا بلاش؟ هقول الامتحان الواحد فى مقابل 1000 جنيه والله

وياريت حد يعمل حاجة علشان كده ظلم وافترى ومعرفش انا الحاجات دى والرشاوى بتحصل فى الأزهر ازاى

اسم المحافظة : الشرقية

البلد : ههيا

اسم المعهد : معهد ههيا الثانوى بنين

وياريت حد يعمل حاجة قبل مالامتحانات تخلص

وطبعا ده مش معهدى بس واحد صاحبى فيه هو اللى قلى وانا اتاكد لما اتصل بيه يوم امتحان التوحيد وقالى على الدروس اللى جاى منها الامتحان .

ياريت ياريت حد يعمل حاجة وهيكون ليه ثواب كبير عند ربنا

والله لو مش الامتحانات كنت رحت لشيخ الأزهر بنفسى

Observer

15-06-2009, 07:05 PM

طب وإيه الجديد

مالكل عارف إن الإمتحانات بتتسرب كل سنة فى الأزهر

وإن الورقة بتطلع من الكونترول قبل الإمتحان بساعة أو اتنين

ومدرس المادة بيكون مستنى برة المعهد

بيحل الورقة وبعدين تتصور بعدد الطلاب

وبعد بدء اللجنة بربع ساعة كل طالب بيكون قدامه نموذج إجابة كامل

وجاهز للكتابة مباشرة ..

والمقابل معروف للجميع وقلت عليه كذا مرة فى المنتدى قبل كدة

وأعتقد إن فيه موافقة عليا ضمنية على هذا التهريج الموسمى

واللى بيعترض على هذا الفساد بيكون مصيره

إما الضرب والإعتداء عليه بدنياً والتنكيل به من الجميع

وإما المقاطعة والتجهم فى وجهه وإخلاء طرفه فى الإمتحانات

وعلى هذا تسير القافلة كل عام

وتعوى الكلاب اللى هما احنا !!!

سمير الجابرى

15-06-2009, 09:58 PM

حسبى الله ونعم الوكيل

abo_omar542

15-06-2009, 10:12 PM

والله والله والله الامتحانات عندنا بالعصا والسكين والمادة الاستاذ يجي يحلها ب 500 جنيها ويتوكل
علشان كدة احنا لا نثق في دكتور الازهر لانه ناجح في الاساس بالغش معلهش سمحوني كل الازهريين من طأطأ لسلام عليكم
ناجحون بالغش طبعا انا شايف الاحوال عندنا ومنهم الان علماء تقف على المنابر والله كانوا بيغشوا
انا على فكرة كبير في السن وعايشت كتير من ذلك
تحياتي للجميع

ابو معاز

15-06-2009, 10:30 PM

مصر كلها ببتتسرب

توته_ غنا

15-06-2009, 10:49 PM

كل مابنى على غش فهو باطل وسبيا الله ونعم الوكيل

أ/ سعيد موسى

16-06-2009, 12:19 AM

Observer

16-06-2009, 12:44 AM

ياجماعه الخير برجاء عدم الانفعال والرد بعصبيه اولا الاستاذ مصطفى بيقول واحد صاحبه قال !!!!!!!!!!!! والامتحان بيتسرب ب1000ج قبل الامتحان بنصف ساعه هل أنا التلميذ الفاشل ماذا افعل بالامتحان قبل نصف ساعه وادفع الالف جنيه !!!!! كلام غير منطقى وياترى كل طالب يدفع 1000ج والا كلنا مع بعض ندفع المبلغ واللى مايعرفش يعرف !!!!! يااستاذ كوماندا لسه كان رايك فى الرد على عاشقه الموج كلنا بنسمع وماحدش شاف حاجه اظن فاكر وهذا كان ردك عليها بخصوص!!!!! لا بلاش اكمل طبعا فاهم ؟؟؟؟؟ ماشى قول ماشى نرجع لموضوعنا انا طالب فاشل وغشاش وقدرت اعرف الامتحان وفاضل نصف ساعه وطبعا المفروض الموضوع سرى للغايه اقوم بتوصيل الاسئله للاستاذ صاحب الاستاذ مصطفى الذى يقوم بدوره بالاتصال باأستاذ مصطفى الذى يكون فى هذا الوقت بيراقب وبيوزع ورق الاجابه علشان اقوله الامتحان بيتسرب وادى الاسئله والمفروض هو كمان بيوزع ورق الاجابه فى هذه اللحظه يعنى الاثنين مش فاضيين !!! ولماذا لايقوم الاستاذ مصطفى بالاتصال تليفونيا بالموجه بلاش الموجه رئيس القسم بلاش رئيس القسم رئيس المنطقه التابع لها ويقوم بالابلاغ عن ذلك مع توضيح شخصيته !!! لانه مش فاضى علشان الامتحان بالذمه ده كلام !!!! على الاقل هو الذى يأخذ الثواب وياترى المعهد الذى يقوم هو فيه بالمراقبه فيه تسريب ؟؟؟ ارجو ان لايغضبك كلامى ده مجرد راى شخصى والاختلاف فى الراى لايفسد للود قضيه

بمسى على عمى وعم الأزهرية الأستاذ سعيد موسى

أنا هتكلم فى الحتة بتاعة تسريب ورقة الأسئلة

الألف جنيه التى تدفع مقابل التسريب لا يدفعها طالب واحد فقط

ولكن يدفعها كل الطلاب مع بعض بعد جمع هذه الفلوس قبل الإمتحان بفترة كافية

وحضرتك سألت الطالب هيعمل بالورقة إيه قبل الإمتحان

والجواب مبيعملش بيها حاجة اللى بيعمل هو المدرس اللى بيحلها

وبعد كدة يصورها كل طالب نسخة عشان تتوزع عليهم فى اللجنة مرة تانى

وأحب أضيف معلومة :

تسريب الورق تقريباً هينقرض أو يتوقف قريباً ليس خوفاً أو مراعاة للضمير

ولكن لقيام الطلبة بالإتصال بمدرس المادة بالمحمول من داخل اللجنة وحل الإمتحان

ودة الجديد هذه الأيام ..

وهذا والله ما حكاه لى جارى طالب الشهادة الثانوية من يومين

أظن الصورة وضحت يا أستاذ سعيد

ومستعد للتوضيح أكثر لو حبيت

والسلام عليكم ورحمة الله ...

أ/ هشام العيسوى

16-06-2009, 12:53 AM

أقسم بالله امتحانات الازهر قمة المهزلة
والواحد بقى شكله وحش فى وسط الناس من الكلام اللى بياخده(الناس المحترمة طبعا)
النهارده بسأل طالب عملت ايه فى التفسير اقسم بالله انه حل الامتحان كله بالكلمة تعرفوا ازاى؟!!
المراقب طلب منه نص قرش حشيش عشان يغششه
الواد جابه بيقولى قعد جنبى وفتح الكتاب وحليت الامتحان كله!!!!!!!!!!1
شفتم وصلت لايه!!
حشيييييييييييييييش مقابل الغش!!
الازهر يدمر بيد ابنائه لا بيد الغرب
وربنا يستر

Observer

16-06-2009, 01:00 AM

أقسم بالله امتحانات الازهر قمة المهزلة

والواحد بقى شكله وحش فى وسط الناس من الكلام اللى بياخده(الناس المحترمة طبعا)
النهارده بسأل طالب عملت ايه فى التفسير اقسم بالله انه حل الامتحان كله بالكلمة تعرفوا ازاى؟!!
المراقب طلب منه نص قرش حشيش عشان يغششه
الواد جابه بيقولى قعد جنبى وفتح الكتاب وحليت الامتحان كله!!!!!!!!!!1
شفتم وصلت لايه!!
حشيييييييييييييييش مقابل الغش!!
الازهر يدمر بيد ابنائه لا بيد الغرب

وربنا يستر

أقسم بالله العظيم أنها وصلت لما هو أدهى من الحشيش

أدهى من الحشيش !!!!!!!

ولا أريد أن أخوض فى التفاصيييييل

كى لا يتهم الأزهر أكثر من ذلك

إنت فين يا أستاذ سعيد !!!

أ / أيمن حماد

16-06-2009, 01:09 AM

أقسم بالله العظيم أنها وصلت لما هو أدهى من الحشيش

أدهى من الحشيش !!!!!!!

ولا أريد أن أخوض فى التفاصيييييل

كى لا يتهم الأزهر أكثر من ذلك

إنت فين يا أستاذ سعيد !!!

طب اما انت حلو اهه
وعارف
ان العمليه
طبيييييييييييييييخ
وعملتوا فيها ابوعرام لما قلنا فيه فساد
ط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ز

أ/ سعيد موسى

16-06-2009, 01:16 AM

أ/ هشام العيسوى

16-06-2009, 01:29 AM

لا يااستاذ مظبط معاه من قبلها مش فى نفس الوقت
وبعدين احنا بتكلم كده عشان الازهر مؤسسة دينية والمفروض ميحصلش كده
انما التربية والتعليم لو حصل فعادى

Observer

16-06-2009, 01:31 AM

ايها الازاهره التربيه والتعليم يحدث اكثر من ذلك بمراحل ماذا يقولون كله تمام والامن مستتب ونحن مسيطرون عالموقف وكل واحد فيهم شايف حاجه مش عجباه بيحاول يحلها بطريقته بدون فضايح ونشر الغسيل ........ اما نحن لا ... لازم كل واحد يقول ويقول ويقول والكل الازهر سىء وفيه وفيه الى كل الاخوه لماذا لاتتخذون موقف ايجابى بدلا من هذه الاقاويل وكل من تحدث سالت سمعت والطالب اللى داخل يمتحن وجاهز بالحشيش المراقب يطلعوا من وسط 50 عايز تغش ادينى حشيش خد هات الكتاب اقعد جنبك ياللا نغش والمراقب اللى معاه مش موجود ياترى خد ربع هو كمان واللجنه مفيهاش موجه ولامسئول من المنطقه انا اعلم يوجد غش بس ليست لهذه الدرجه هل عايزين تقنعونى ان الجميع فقدوا ضمائرهم ماعدا الذى يكتب هو اللى ضميره ...... رفقا بالازهر ياساده الازهر لايستحق منا كل هذا !!!وماذا يوجد اكثر من الحشيش ياكوماندا ايه سيدات بالمره جت على دى

إنت زعلت ولا إيه يا أستاذ سعيد

إستهدى بالله كدة وصلى عالنبى

الأزهر ليس كله هكذا ومازال هناك أناس شرفاء أمثال حضرتك

وما نقوم به من سرد لبعض الوقائع لا ينطبق على الجميع بالطبع

ولكن بعض ما يحدث فى الإمتحانات أبشع مما نتخيل

وعندما قلت أكثر من الحشيش فأنا أقصد ماأعنيه تماماً

وبالرغم من أنى مدرس متعاقد فقد جاءنى خطاب ملاحظة فى الشهادة هذا العام

ولكنى رفضته رغبة منى فى عدم التعرض لهذه المواقف والمهازل وحرصاً على كرامتى

فأنا غير مستعد أن أضرب أو أهان أو يعتدى على من قبل أولياءالأمور إذا رفضت الغش !!

وأنا لا أعلم لماذا حضرتك غير مصدق لكل هذه الوقائع برغم الحلف والقسم بأغلظ الأيمان ؟!

وأعتقد أن ما نرويه من وقائع جزء من محاربة الفساد والنهى عن المنكر مصداقاً لقول النبى:

" من رأى منكم منكراً فليغيره " وها نحن نحاول التغيير على الأقل بالكتابة والسرد

نرجو من الله أن يصلح الحال ..

والله أعلم بالضمائر والقلوب ...

وشكراً ..

أ/ هشام العيسوى

16-06-2009, 01:57 AM

احنا لو دفنا راسنا فى الرمال وقلنا مفيش مشاكل عمر ما المشكاكل هتتحل

لكن لازم نواجه نفسنا بالحقائق والسلبيات لعل الله يقيض من يقف فى وجه الفساد

أ/ سعيد موسى

16-06-2009, 02:04 AM

لا يااستاذ مظبط معاه من قبلها مش فى نفس الوقت
وبعدين احنا بتكلم كده عشان الازهر مؤسسة دينية والمفروض ميحصلش كده
انما التربية والتعليم لو حصل فعادى
حلو قوى الكلام ده مظبط معاه من قبلها !!!! ياترى جيران !!!والا عرفوا بعض بالصدفه !!! وياترى كيف دخل نفس اللجنه اعطى مساعد رئيس اللجنه ربع حشيش هو كمان ولابرضه دخل اللجنه بالصدفه !!! سيدى انا لا اشكك فى كلامك بل اشكك فى قول الطالب !!! نروح لعم كوماندا بصراجه نعم مافعلت ؟ ايه الحلاوه دى !!!! لم تذهب للمراقبه !!!! بدلا من قيامك بالمحاربه لتقوم بالمراقبه لتمنع الغش والفساد والحشيش واكتر من الحشيش تنسحب ليه ؟؟؟؟ خوفا من البهدله هو انتم بتراقبوا فى الصحراء مفيش بوليس مفيش موجه مفيش مسئول ؟؟؟؟ طبعا فاكر ماحدث مع البارودى الذى يراقب فى الصعيد سوهاج ماذا فعل الموجه وجد طالبه كتبت اسمها عالورقه اظن عارف ماذا فعل الموجه !!! لماذا لم يقتل هذا المسئول اذا كانت العمليه بالسهوله دى !!!! تستاهل الرد اللى قبلى يابوعرام حلوه قوى ابو عرام بجد ضحكت كثيرا عليها يابو عرام

أ/ هشام العيسوى

16-06-2009, 02:16 AM

انا حاسس انك يااستاذى عايش فى برج بعيد عن الواقع
ان اقول انك فى معهد فى العاصمة ومعهد كبير ليس فيه الغش
ما ننقله هو نبض الاقاليم
ووالله زى ماقال الاستاذ كوماندا فى فضايح اكتلا منكده
وبعدين بتقول الاستاذ يروح ويحارب الغش!!
ان شاء الله مش هيروح سليم
وابقى سلملى ع المسؤلين والبوليس!!!!!
دول بيحموا الغشاشين مش العكس
يااستاذ الاقاليم فيها بلاااااااااااوى
ولو مش مصدق اسال اصدقائك فى معاهد الاقاليم وانت تعرف

Observer

16-06-2009, 03:05 AM

هو انتم بتراقبوا فى الصحراء مفيش بوليس مفيش موجه مفيش مسئول ؟؟؟؟ طبعا فاكر ماحدث مع البارودى الذى يراقب فى الصعيد سوهاج ماذا فعل الموجه وجد طالبه كتبت اسمها عالورقه اظن عارف ماذا فعل الموجه !!!

طبعاً فاكر جداً وفاكر كمان نصيحة حضرتك للأستاذ بارودى عندما نصحته بعدم تصعيد الأمر

ومعاداة المسئولين !!!!!! وكأن المسئولين أنبياء معصومون أو آلهة لا تخطئ !!!

ونصحته أيضاً بالإكتفاء بأن يقول " حسبى الله ونعم الوكيل " !!!!!!

كما أذكر جيداً تعليق عاشقة الموج على كلام حضرتك والذى لم يعجبك وقتها !!!

والآن تتعجب وتتساءل ألا يوجد بوليس أو مسئولين أو موجهين ؟!

طب ازاى وحضرتك معترف أنهم لا يفعلون شيئاً ولا ينتصرون للحق ؟!!!

أنا غير قادر على استيعاب هذا التناقض !!!

ومن ناحية أخرى

شعرت فى كلام حضرتك إستهزاء بى عندما قلت لماذا لم تذهب وتحارب الغش !

والرد أننى والحمد لله قادر على منع الغش بنسبة 100% فى اللجان التى أشرف عليها فى النقل

وجميع من فى المعهد يقدرون وجهة نظرى ويحترمونها كثيراً بل وأقنعت كثيراً من زملائى بعدم

الغش ولكن فى الشهادة الأمر يختلف وأظنك سمعت أو قرأت عن حادثة الإعتداء على ملاحظى

الأزهر بالضرب فى لجنة أبومناع الأزهرية بدشنا لرفضهم الغش والإعتداءات اليومية على

السادة الملاحظين الرافضين للغش خارج اللجان وارجع لصحف الأسبوع الماضى وتأكد !!!!

وأنا بصراحة غير مستعد لهذه المهاترات وقلة الكرامة من أجل حفنة جنيهات رخيصة !!!

أستاذ سعيد

أنا متأكد أن هذا الكلام لن يعجبك وربما ترد بطريقة أخرى تكذب فيه هذا الكلام

أو تشكك فيه كما فعلت مع الأخ عيسوى !!

لكن الأمر اليقين أن هذه الممارسات قائمة فى المعاهد والكل يعلم بها و حضرتك أيضاً

سواء إعترفت أو لم تعترف لكنك تنكرها ربما غيرة على الأزهر ونحن نقدر ذلك ...

وفى النهاية لك منى كل تقدير واحترام ...

taraweesh

16-06-2009, 05:47 AM

ياجماعة امتحانات الأزهر فى الشهادة قمة المهزلة!!
أنا لسه طالب اخلاء طرفى من يومين بسبب التهديدات التى أتلقاها يوميا!!
و ذلك بعد اكتشافى واقعة غش بالمحمول!!
كذلك أواجه ضغط شديد من كل من حولى لكى اسمح بالغش و اصبحت مكروها من كثير منهم بسبب موقفى الرافض للغش!!!
وكنت اتحمل ذلك حتى علمت بأن شخصية ذات منصب كبير جدا طالبت بأن أكون احتياطيا ولا ادخل لجان بحجة اننى اسبب توتر للطلبة!!!
فسألت كيف اسبب توتر وانا هادئ جدا فى اللجان؟
فجاءنى الجواب بأنك تطلب من الطلبة الا يتكلموا و أن يعتدلوا فى جلستهم و أن ينظروا فى ورقتهم؟؟
انظروا لسبب توتر البهوات الطلبة.
لقد قررت الا اذهب للمرقبة فى الشهادات مرة اخرى.
ولا أملك إلا أن أقول حسبى الله ونعم الوكيل.

لولو نونو

16-06-2009, 09:22 AM

يا راجل الغش أصبح فى الثانوية (الأزهرية أو العامه) حق مكتسب فى مدرسة الروضة الثانوية محافظة دمياط المراقب ينام فى اللجنة لأنه قادم من بور سعيد وصاحى من الفجر واخر يلعب ويهزر مع الطلبه ورئيس اللجنه لايمر ولا المساعدين وابنتى لاتستطيع التركيز وهى مذاكرة جيدا ياوزير المبادئ وياوكيل وزارة التربية والتعليم بدمياط يامن ملئت المدارس رعبا ايام الدراسه زيارة لهذه المدرسة اللتى اصبحت عارا على التعليم ) للعلم هناك طالب صور المراقب وهو نائم فى اللجنة ) وستوضع على النت فى الوقت المناسب

أ / أيمن حماد

16-06-2009, 12:22 PM

أ/ هشام العيسوى

16-06-2009, 03:15 PM

ا/ايمن
قول لا اله الا الله
لانه لا يجوز الحلف بالنبى

أ/ هشام العيسوى

16-06-2009, 03:18 PM

وبعدين مش عارف الاستاذ سعيد فين
يجى يرد على الكلام ده

dwe

16-06-2009, 04:20 PM

السلام غليكم جميعا
أحب أن أحيي كل من عنده غيرة ويريد أن يحارب الفساد ولكن ليس بالهاترات والقاء التهم بدون دليل فالأحرى هو اثبات الحالة وتصعيدها لأعلى الستويات حتى ينال كل فاسد عقابة ويكون عبرة للاخرين وهكذا نستطيع أن ندافع عن الأزهر وكل مؤسسات مصرنا الحبيبة بطريقة ايجابية.
مع تحياتي لكل الأخوة.

أ/ هشام العيسوى

16-06-2009, 05:02 PM

يااستاذنا لو الامر اتصعد الناس المحترمة هم اللى هيتعاقبوا
تعرف ليه؟
إذا كان رب' البيت بالدف ضارب' فشيمة أهل البيت الرقص'

elomda7408877

16-06-2009, 06:13 PM

الأخوة الأعزاء:هذا افتراء وكذب متعمد لأن توزيع الأسئلة فى الأزهر يتم بطريقة وقائية وكفاءة عالية وحراسة مشددة ورقابة عالية على مستوى الجمهورية.والأزهر بخير . مع تحيات العمدة الأزهرى الأصيل

أ/ سعيد موسى

16-06-2009, 07:30 PM

[quote=komanda;1314216]

شعرت فى كلام حضرتك إستهزاء بى عندما قلت لماذا لم تذهب وتحارب الغش !

اخى كوماندا انت من الناس الذى اكن له كل احترام ويعلم الله اننى احترمك حتى من غير ماشوفك عموما انا اسف اخوك سعيد موسى

أ / أيمن حماد

17-06-2009, 01:32 AM

ا/ايمن
قول لا اله الا الله
لانه لا يجوز الحلف بالنبى

انا مش قصدى احلف بالنبى
انما هما اللى هجموا عليا واعتبروا نفسهم اوصياء على الأزهر
انا نفسى ان الأزهر يرتقى والله
لكن بالناس دى مش هيرتقى
مش عايزين يصدقوا ان فيه فساد
ييجوا يشوفوا عندنا فى الأقاليم
هقولك على حاجه
والله انا مستبعد من المراقبة فى المعهد عشان انا مش بغشش
والله بجد

أ / أيمن حماد

17-06-2009, 01:34 AM

محمد ابو اسلام

17-06-2009, 11:21 AM

طيب ايه الحل المشكلة فى الازهر ان اللى يشتكى اما أن يجازى أو يتركن على الرف كل حاجة الآن فى الازهر بالرشوة و مفيش حاجة ببلاش زى اللى قالها والله كان أمنيتى وأنا طالب أن أعمل فى الازهر و لو عاد الزمن تانى ما دخلت بابه

أ/ هشام العيسوى

18-06-2009, 04:09 AM

طبعا مصدقك استاذ ايمن
انا فى امتحانات النقل كنت اكتر واحد بيريح
لا وايه كانوا يريحونى اللجنة الاولى ويدخلونى التانية!!!!
وكمان اللجان اللى تبعهم كنت بدخلها انشا -رسم- خط!!!!!!!!!!!!!!
والله المستعان!

أ / أيمن حماد

18-06-2009, 12:42 PM

العشرى1020

18-06-2009, 01:35 PM

أ/ هشام العيسوى

18-06-2009, 06:36 PM

السلام عليكم ورحمة الله ياجماعه والله العظيم انا رئيس لجنه فى فتيات اجا والامتحانات على اكمل وجه واتحدبها اى واحد وعيب قوىاننا ننشر الغسيل اللى مش ولابد على النت لان الموجود وبيعمل كل ده هم قلة قليله جدا وحرام التعميم على الكل السيد عبد المطلب العشرى رئيس لجنه فتيات اجا بطرة طلخا دقهليه

طبعا جزاك الله خيرا استاذنا الفاضل
لكن اؤكد لك ان الفئة التى تتحذث عنها ليست قليلة بل العكس
الناس المحترمين امثالك هو القليلون
والله المستعان

أ/ هشام العيسوى

18-06-2009, 06:38 PM

انت راجل محترم وردودك محترمة
ومنقدرش نقول غير
الله المستعان

شكرا استاذ ايمن
وانت الاكثر احتراما
واذا كنا بنتكلم كده فده من غيرتنا على ازهرنا العزيز
وان شاء الله الافضل قادم

teacher44

20-06-2009, 12:14 AM

وأنا أضيف وأقول بأعلى صوتي للمسؤلين أمنعوا الموبايل من لجان الأمتحانات ولو بالقوة أرجوكم .......... لم يعد هناك حاجة لشراء الأمتحانات ......... فبمجرد دخول قاعات الأختبار بخمس دقائق يشتغل الموبايل ......... وروحوا تأكدوا بنفسكم يارجال الأزهر الشريف......... معهد القوصيه الثانوي ............. بأسيوط ....
وســــــــــــــــــــــــــــــــــــــــــلامي

اسامه سنجر

20-06-2009, 01:46 AM

ايه الكلام الكتير على الغش فى الازهر ماتشفو الغش فى التربيه والتعليم كمان ان لا انكر الغش فى الازهر بس برضو فى غش فى التربيه والتعليم العام الماضى فى امتحان الثانويه العامه فى احدى مدارس محافظة بنى سويف ورقة الاسئله كنت بشوفه الساعة تسعه ونصف اى بعد بدء الامتحان بنصف ساعة فى مواد كتير وكان المدرسين مستنين الورقه يحلوه ويبعدوه لطلبه فى اللجان ولى زميل مدرس لغه فرنسيه حكى لى على وقعه حدثة معه العام الماضى ان وكيل اللجنه او مساعدة اللجنه فى احدى مدارس الفيوم ومساعدة اللجنه من مدرسه من بنى سويف اتصله بزميلى مدرس الغة الفرنسيه وطلب منه الحطور الى اللجنه فى الفيوم زميلى يحكى لى ان نزل من الفيوم على معاد متفقه على مع وكيل اللجنه وركب سيارة مكتوب عليه هيئة قضائيه وذهب مع السيارة الى احدى الفيلا فىالفيوم الساعه التاسعة والنصف وجد امتحان الغة الفرنسيه بتاع الثانويه العامه وحله وخرج من الفيوم الساعة العاشرة والنصف وعلم بعد ذلك ان وكيل اللجنه كان بيخد فى الامتحان الف جنيه وهيه دى مصر مش الازهر بس

elomda7408877

20-06-2009, 05:49 PM

حراسه ايه يا استاذ
ورق الأسئلة والمظاريف بتيجى فى تاكسى
؟؟؟؟؟؟؟؟؟؟؟؟؟؟؟
أخى الكريم التاكسى هذا به عالمان من علماء الأزهر الأجلاءوالأمناءومعهما حارس أمن مسلح حتى تصل الى مقر اللجنة حيث يوجد رئيس اللجنة والمساعد الثقافى ومندوب أمن اللجنة وحراسة من الشرطه وتسلم الأسئلة وتوضع فى مكان أمن وتشمع الى ان تفتح الأسئلة فى وجود أكثر من موجه بعد التأكد من سلامتها أيها الأخ العزير. والأزهر بخير فاتقوا الله فى أقوالكم وأعما لكم واعلم أن الله ناظرىوالله شادى والله مطلع على وهو معكم اينماكنتم.مع تحيات العمدة الازهرى الأصيل

ayman5253

20-06-2009, 06:01 PM

حراااااااااااااااااااااااااااااااااااااااام
انا في معهد ابوحمص الازهري وهجيب مجموع من غير ولا درجه غش
وفي الاخرالتنسيق في السما
حراااااااااااام
يا رب انتقم منهم
والله انا لوخدت قانون اوكلمه يبقي اعجاز حصل
حراااااااااااام

أ/ هشام العيسوى

21-06-2009, 02:15 AM

ياايمن
التنسيق عالى لان الغش للركب فى اماكن اخرى
وللاسف هذا يضيع مجهود الطالب المحترم المجتهد

أ / أيمن حماد

21-06-2009, 12:10 PM

طبعا يا عم عيسوى
بس والله انا عندى فى المعهد كام طالب كده
عندهم من الجرأة
ما جعلهم يقولون للمراقب ممنوع الغش وقد كان

mr.ars

21-06-2009, 12:53 PM

لابد من محاربة الفساد
علي جميع الشرفاء في هذا الوطن ان يتحدوا

سعد يوسف

22-06-2009, 12:19 AM

حسبي الله ونعم الوكيل

هاوى إبداع

22-06-2009, 12:38 AM

حسبي الله ونعم الوكيل انا مش هقدر اعمل حاجه غير اني اغيره بقلبي
(((((( من رأي منكم منكر فايغيره بيده فإن لم يستطع فابلسانه فإن لم يستطع فابقلبه وهذا اضعف الإيمان))))))

Khaled Soliman

22-06-2009, 05:42 AM

السلام عليكم ورحمة الله وبركاته
الإخوه والأخوات
كنت أُفضل عدم المشاركة في مثل هذه المواضيع التي لا طائل من ورأها سوي زعزعة رأي العالم أجمع في صورة الأزهر والطالب الأزهري وخريج الأزهر ونظراً لما تم في موضوع ((والله الإمتحانات في الأزهر بتتسرب)) وما تم فيه من مشاركات تسيئ للأزهر وعلمائه ومدرسيه ونظراً لأن مشاركتي كانت ستكون في نهاية المشاركات أي بالكاد سيقرأها المهتم فقط قمت بإفراد هذا الموضوع لذلك الأمر
نظراً لهذا التداخل الرهيب والخلط بين الأوراق والوصول لهذا المستوي من الحوار أرجوا أن نقرأ هذا الموضوع بتفهم وتعقل وهدوء
إن الضغوط التي تمارس الأن لإلغاء التعليم الأزهري أو تميعه كثيرة جداً ويكفي أن تكتب في محرك البحث كلمات قليله مثل (هدم التعليم الأزهري) وأنظر ماذا تري؟؟؟؟ منها الداخلي ومنها الخارجي وأذكر علي سبيل المثال لا الحصر بداية بتعيين شيخ الأزهر من قبل رئيس الجمهورية وأن يكون الشيخ المطيع لولي الأمر الشيخ طنطاوي و التغيير الذي يحدث علي مستوي المواد الشرعية والعربية لكتب لا ترقي لمستوي كتيبات الدين بالتربية والتعليم قام الشيخ الجليل بكتابتها وعدم مراجعتها حيث أن بها الكثير من الأخطاء والأحاديث والتفاسيير التي يجب الوقوف عليها وتفاهة الإمتحانات وعدم إتخاذ القوانين التي تحكم العملية التعليمية مأخذ الجد إلا فيما يخص المدرس عدم فصل الطالب بأي حال من الأحوال عدم التشديد علي الحضور بالنسبة للطلبه وتفاهة الإمتحانات ووضع الإمتحانات من قبل قطاع المعاهد الأزهرية بالإستعانه بأشخاص لا علم لهم بالمنهج وإبعاد المدرس بصورة غريبة عن وضع أي إمتحان نقل أوشهاده أبتدائي أو ثانوي (هذه الظواهر عامة وليست تخص الأزهر وحده بل هناك ما هو أعظم شأناً في التربية والتعليم)
بخصوص الغش في الأمتحانات
هناك من هو مصاب بهذا المرض من الطلاب والمدرسيين الذين كانوا طلاباً فاشليين نجحوا بالغش
وهناك من يرضي علي نفسه أن يكون أكله من حرام ويكون هذا مصدر دخل له ولبيته
وهناك الصالحيين (كأي مهنه لها ما لها وعليها ما عليها)
وبسبب عدم وجود أهتمام من الدولة بالأزهر وإمتحاناته وعدم توفر الأمن في اللجنة وخارجها وعدم وجود الرقابه ووسائل النقل وأماكن المبيت الآدميه وإنتشار الكوسه في كل شيئ بداية من إمتحانات النقل والندب والإبعاد .... ألخ إلي من يشارك في كنترول الثانوية ومن لا يشارك وهذه الكوسه تبدأمن العامل إلي أعلي المستويات (هذه الظواهر عامة وليست تخص الأزهر وحده بل هناك ما هو أعظم شأناً في التربية والتعليم) يهرب الصالحون من أداء أعمال الإمتحانات ويكتفون بالتصحيح
أعلم أن الجميع يريد الصالح العام ولكن كيف يكون الصالح العام ؟؟ بالتشهير !! ابداً إن التشهير معول هدم وتدمير والأفضل منه للذين يشكون في تسريب الأمتحانات تصوير الأمتحان أو كتابة الأسئلة التي تم تسريبها وأرسالها بفكس لمكتب شيخ الأزهر للتعامل معها وفكس أخر لبرنامج تلفزيوني ناجح وهادف كـ 10 م وبهذا تنصلح الأحوال لكن نظام فلان قال وفلان عاد دا لا حيجيب ولا يودي
ومن هنا أيها الأحباب بدلاً من التشهير بالأزهر وأبنائه الذين هم غاية في التمكن والعلم وليس كما أشار البعض أنهم كلهم نجحوا بالغش وضعاف المستوي وأسئل من قال ذلك كيف يصل طالب غشاش ضعيف المستوي لكلية الطب دعنا نفترض أنه وصل كيف تخرج من الكليه وكيف تم تعينه في أرقي الأماكن بأهم المستشفيات و .. و... الخ وغيره وغيره إن الطالب الفاشل وإن تخرج من الثانويه تقابله الكثير من العقبات مما يوقفه عند هذا الحد إلا إذا إجتهد و وجاهد في تعلمه ودراسته
تريدون الإصلاح حقاً أجعلوها دعوة لمدرس الأزهر والتربية والتعليم بعدم الغش وبيان رأي الشرع فيه وما يترتب عليه من مفاسد ودعوة للطالب أيضاً كيف يكون طالب مجتهد يحترم معلميه و يعرف واجباته قبل حقوقه
بارك الله فيكم جميعاً و أعاد الأزهر قلعة لنشر الدين يحترمها القريب والبعيد ولن يكون هذا إلا إذا إحترمنا أنفسنا وعاهدنا الله أن لا نسيئ للأزهر ونرشد وننشر الوعي الصحيح دون هدم ونحن لا نعلم وكن إيجابياً دائما وأكتب التعليق الذي تراه ولو كلمة صغيرة تساعد علي بقاء هذا الموضوع في مقدمة الصفحة كما أرجو التثبيت للموضوع من قبل الإدارة
خالد سليمان

teacher120

26-06-2009, 02:58 AM

انا شايف اذاكان فى غش فليس الازهر فقط التربيه والتعليم اكثر بكثير وبلاش تشويه الازهر بالكلام الكتير المبالغ فيه والاخ عيسوى عمال يقول حشيش غير منطقى يا استاذ حشيش ايه واذاكان طالب اعطى لمدرس حشيش فهل هو طالب علم اصلا ام انه صايع وفاسد واحرى بك ان لا تسمع له او تدعه يتفوه على زميلك ومتزعلشى منى انا انصح فقط. يا جماعه والله الازهر بخير واحسن من غيره وموجود تجاوزات دا اوكيه البلد كلها بتمر بفتره عصيبه من انفلات الضمير وبعدين يا اخى الكريم عليك بنفسك وبمن حولك انا شخصيا لا اسمح بالغش باى حال وكثير من زملائى نتعاهد على ذلك .واذا رايت منكرا غيره بالفعل بدل الكلام الى بيشوش صوره الازهر الذى يوجد به8 الاف معهد طبيعى ان يكون فى سلبيات فى بعض المعاهد ولكن لا نعمم وياريت من يرى غش وخلافه ان يرسل فاكس لشيخ اازهر او لقطاع المعاهد اداره الامتحانات بمدينه نصر بجوار التامين الصحى. ويرى النتيجه والله لا يوجد تهاون فى ذلك وانا اقسم على ذلك لانى رايت بعينى طالب اساء لا ستاذه وسب له الدين والموضوع تحول لقطاع المعاهد الطالب اخذ فصل لمده عام كامل ونقل اجبارى لمعهد اخر وتم تحويله الى منازل.

ابراهيم صقر

26-06-2009, 08:41 PM

أ/ سعيد موسى

26-06-2009, 08:56 PM

حسبى الله ونعم الوكيل
لم يحدث اى شيئ مما يقال
وتفسيرى الوحيد لما يقال هو ان اسرائيل بدات تخترق الازهر بدات تتعامل مع بعض الناس ليولعوا فى البلد
ولكننا لكم بالمرصاد ومعنا الشرفاء
لم يحدث ما يقال و الازهر بخير و الحمد لله
ونتيجة اختباراتالكادر الذى كان يتوقع فيه رسوب كل الازهريين كسفت الكثير و تفوق الازهريين
لا ابدا سيدى الفاضل بعيدا عن اسرائيل والاختراق يوجد بعض الازاهره للاسف لايعرفون قيمه وشرف المكان الذى ينتمون اليه وبارك الله فيك غيرتك على ازهرنا الشريف

ابراهيم صقر

26-06-2009, 09:14 PM

[quote=begoflora;1317729][quote=komanda;1314216]

شعرت فى كلام حضرتك إستهزاء بى عندما قلت لماذا لم تذهب وتحارب الغش !

اخى كوماندا انت من الناس الذى اكن له كل احترام ويعلم الله اننى احترمك حتى من غير ماشوفك عموما انا اسف اخوك سعيد موسى[

الاخ العزيز سعيد موسى
اين صوت الحق او اى مسئول فى المنتدى لحذف هذا الموضوع الموجه من اجل الاساءة بالازهر
اليس الازهر رمز من رموز مصر

لماذا لايتساوى بين الازهر وبين اى شخصية سياسية صغيرة
هل كان سيسمح بالاساءة اليه

ام انه يوجد هناك توجه نحو تلويث الازهر ومن ثم هدمه فى مرحلة لاحقة

أ/ سعيد موسى

27-06-2009, 12:42 AM

بارك الله فيك اخى ابراهيم وارجو ان تقبل صداقتى يازميلى العزيز