محمد صفوت
22-08-2006, 07:06 PM
حب فترة المراهقة بيكون شيء جميل.. تجربة بنبص لها بحنين أو يمكن باستغراب أو حتى بغيظ. بس ياتري ممكن نقيس مدى نضوج مشاعرنا في الفترة دي ازاي.
ازاي ممكن نعرف إننا عايشين تجربة حب حقيقية ولا مجرد بنمر بحالة إعجاب هياخد وقته ويروح.. وإن الجنون وجموح المشاعر اللي حسينه –أو حسيناه لما كنا صغيرين- هيهدأ تماما ويوصل لحالة من الركون.
الإخصائيون النفسيون ليهم شوية ملحوظات بخصوص الموضوع ده، قرأناها وطلعنا منها 9 أسباب/ أو أعراض ممكن يساعدوك عشان تعرف إذا كان حبك حقيقي.. مش إعجاب من بعيد لبعيد.. ومش تجربة غير ناضجة ولا حاجة..
1- لما تكون ثقتك في نفسك بتزيد، وتكون حاسس إنك كويس ده من مؤشرات نضوج العلاقة.
2- لما تكون بتستمتع بوقتك معاه حتى وإنتم في وسط الناس.
3- لما تلاقي نفسك فخور بشريكك، وبتحترمه، وبتتكلم عن موهبته في (كتابة الشعر مثلا) في كل وقت.
4- لما تهتم جدا بمعرفة رأي شريكك بخصوص الموضوعات اللي تهمك. ولما ماتزعلش لما يختلف معاك في الرأي وتحاول تتفهم وجهة نظره باستمرار.
5- لما تتقبل هفوات الطرف الآخر. كل إنسان عنده هفوات، حتى إنت! اطمئن لو إنت قادر تتعامل مع الهفوات دي، وابدأ في التفكير مرة تانية في علاقتك لو مش قادر تتعامل معاها.
6- لما تقدروا تتغلبوا على مشاكلكم سوا، اللي ممكن تكون من ضغوط خارجية مش شرط منكم. طبيعي إن أي علاقة يكون فيها مشاكل، والمشاكل في أي علاقة بتكون الطريق للجنة. ازاي؟ الناس اللي في علاقة ناضجة بتشوف إن الخلافات فرصة كويسة قوي للتعرف على الطرف الآخر بشكل أوضح. لو بتفكر في إن "أي" خلاف جاي هيكون "آخر" خلاف بينكم.. يعني اللي هيؤدي للانفصال، يبقى لازم تعيد تفكير في العلاقة.
7- لما تحس إنك في أمان معاه، وإنك واثق إنك –مهما بعدت عنه- هو بيفكر فيك ومش هيفكر في حد غيرك.
8- لما يكون ردك على سؤال "هو احنا ليه مرتبطين ببعض؟" هو "عشان احنا عاوزين نبقى مع بعض".
9- لو مش بتقارن شريكك بأي حد تاني. أكيد طبعا هيكون فيه ناس أذكى من شريكك أو أجمل منه، بس ده مش بيأثر فيك، لأنه عاجبك "كله على بعضه".
بس خلاص!
ازاي ممكن نعرف إننا عايشين تجربة حب حقيقية ولا مجرد بنمر بحالة إعجاب هياخد وقته ويروح.. وإن الجنون وجموح المشاعر اللي حسينه –أو حسيناه لما كنا صغيرين- هيهدأ تماما ويوصل لحالة من الركون.
الإخصائيون النفسيون ليهم شوية ملحوظات بخصوص الموضوع ده، قرأناها وطلعنا منها 9 أسباب/ أو أعراض ممكن يساعدوك عشان تعرف إذا كان حبك حقيقي.. مش إعجاب من بعيد لبعيد.. ومش تجربة غير ناضجة ولا حاجة..
1- لما تكون ثقتك في نفسك بتزيد، وتكون حاسس إنك كويس ده من مؤشرات نضوج العلاقة.
2- لما تكون بتستمتع بوقتك معاه حتى وإنتم في وسط الناس.
3- لما تلاقي نفسك فخور بشريكك، وبتحترمه، وبتتكلم عن موهبته في (كتابة الشعر مثلا) في كل وقت.
4- لما تهتم جدا بمعرفة رأي شريكك بخصوص الموضوعات اللي تهمك. ولما ماتزعلش لما يختلف معاك في الرأي وتحاول تتفهم وجهة نظره باستمرار.
5- لما تتقبل هفوات الطرف الآخر. كل إنسان عنده هفوات، حتى إنت! اطمئن لو إنت قادر تتعامل مع الهفوات دي، وابدأ في التفكير مرة تانية في علاقتك لو مش قادر تتعامل معاها.
6- لما تقدروا تتغلبوا على مشاكلكم سوا، اللي ممكن تكون من ضغوط خارجية مش شرط منكم. طبيعي إن أي علاقة يكون فيها مشاكل، والمشاكل في أي علاقة بتكون الطريق للجنة. ازاي؟ الناس اللي في علاقة ناضجة بتشوف إن الخلافات فرصة كويسة قوي للتعرف على الطرف الآخر بشكل أوضح. لو بتفكر في إن "أي" خلاف جاي هيكون "آخر" خلاف بينكم.. يعني اللي هيؤدي للانفصال، يبقى لازم تعيد تفكير في العلاقة.
7- لما تحس إنك في أمان معاه، وإنك واثق إنك –مهما بعدت عنه- هو بيفكر فيك ومش هيفكر في حد غيرك.
8- لما يكون ردك على سؤال "هو احنا ليه مرتبطين ببعض؟" هو "عشان احنا عاوزين نبقى مع بعض".
9- لو مش بتقارن شريكك بأي حد تاني. أكيد طبعا هيكون فيه ناس أذكى من شريكك أو أجمل منه، بس ده مش بيأثر فيك، لأنه عاجبك "كله على بعضه".
بس خلاص!