|
مشاهدة النسخة كاملة : الطـب البيطري .. A L M A S 16-06-2009, 06:47 PM اهلا بكم .. الحقيقة انا في ثالثة ثانوي و فركت في كلية الطب البيطري و .. بس عايز اعرف ايه طبيعة الدراسة فيها بالضبط .. و ايه المواد و الادوات .. مستنيكم .. احدد موقفي على رايكم .. *د/قمر* 10-07-2009, 10:22 AM بص كليه الطب البيطرى بجد جميلة جدا وكمان الدراسة فيها شيقة جداااااااااااااااااا ده غير طبعا مجالات الشغل الكتير الى ممكن تشتغل فيها لما تتخرج بالنسبة للمواد : فى عندك فسيولوجى :ده علم وظائف الاعضاء . هستولوجى :وده علم الخلايا والانسجة . ورائة :طبعا عارفة من ثانوى يعنى بناخد فيها dnaوامراض وراثية وحاجات تانية كتير . التشريح :وده بتدريس فيه عظم كل الحيوانات وتعرف الفرق بينهم وبعض كده بتبدأ تدريس العضلات والشراين والاورده ده فى العملى اما النظرى بتاخد الاجهزة وبعض الاساسيات البايو (الكمياء الحيوية ) :دى بقى كميا التفاعلات الى بتحصل جوه الجسم كلها . دى مواد سنة اولى ده بجانب طبعا اللغة والاحصاء الحيوى . اما تانية نفسهم بس بيزيد السلوكيات :ودى بتاخد فيه سلوك كل حيوان فى اى عملية حيوية بيقوم بيها . وعلى مدار الخمس سنوات بتدريس كمان لحمة وألبان وادوية وغيرها كمان . مش فاهمة الادوات دى اقصدك بيها الى هتشتغل بيها فى العملى ولا ايه ؟ لسه عندى كتير اوى عن بيطرى قرر وانا اسعدك . MuHaMeD kHaLeD 10-07-2009, 10:47 PM اومال القسم بتاع الكشف علي الحيوانات اسمه ايه *د/قمر* 13-07-2009, 07:02 PM اومال القسم بتاع الكشف علي الحيوانات اسمه ايه تقصد ايه بالكشف على الحيوانات مفيش قسم بألاأسم ده بس عما هسأل تانى واقول تسنيم محب الدين 17-07-2009, 04:29 PM ارجوكى هى بتاخد من كام انا جايبة 95.24 وهى فعلا هى حلوة بجد ولا ايه يعنى اكتبها فى التنسيق ولا ايه *د/قمر* 17-07-2009, 11:00 PM ارجوكى هى بتاخد من كام انا جايبة 95.24 وهى فعلا هى حلوة بجد ولا ايه يعنى اكتبها فى التنسيق ولا ايه لازم طبعا تكتبيها صدقنى والله حلوة جدا ومجالات شغلها كتير جدااااااااااااااااااااا وان شاء الله هتلحقيا اكتبيها فى التنسيق بس اكتبيا قبل علوم عشان متقعديش تحولى وتتأخرى انا عملت كده وكنت جايبة 95.4 ودخلتها اعتمدى على الله وابقى طمنينى ابن العمده 18-07-2009, 08:34 AM ياترى ايه الحد الادنى للطب البيطرى انا جايب 94.6 وبجد عجبنى كلامك هل ياترى اقدر ادخلها ابن العمده 18-07-2009, 08:35 AM ياريت حد يساعدنى A L M A S 18-07-2009, 11:45 AM د.قمر .. الف شكرليكي .. يا ريت تكتبي لنا ككل اللي تعرفيه عن كلية الطب البيطري .. علشان نستفيد اكتر .. لان الناس فاكريين انها كليه اي كلام .. و يا ريت تقولي لنا ايه الاقسام اللي موجودة في الكلية دي .. و السنة التخصص بتكون امتى .. ؟؟ منتظرك .. Salsabiil 18-07-2009, 06:34 PM السلام عليكم ورحمة الله وبركاته يا جماعة بجد بيطري دي جميلة جدا هي بس الناس واخدة عنها فكرة وحشة بس اللي يدخلها بجد هيحبها وطبعا هتطلع منها مستفيد كتيييييييييييييييييييييييير من حيث:- 1- انت بتدرس الحيوان بالتفصيل والانسان جزئيا لأن الدكاترة وهم بيشرحو بيتكلمو عن الانسان 2- مجالات شغلها كتير بس هي المشكلة الوحيدة فيها انها تقيلة شوية مش اكتر *د/قمر* 22-07-2009, 10:14 PM ياترى ايه الحد الادنى للطب البيطرى انا جايب 94.6 وبجد عجبنى كلامك هل ياترى اقدر ادخلها بص اولا سورى فى تأخير الرد نظرا لظروف وان شاء الله هتلحق تدخل بيطرى بس ممكن يكون فى بلد تانية غير المنصورة وبعد كده تحول للمنصورة بالسهولة ان شاء الله . بالتوفيق ان شاء الله dr.roodyy 22-07-2009, 10:28 PM [السلام عليكم ازيكو يا دكاترة المستقبل انا جيت مع د\قمر عشان نقدر احنا الاتنين مع بعض نفيدكو ف كل حاجه لانها مش هتلاحق يعنى وانا وهى هنبقى موجودين معاكو عشان نرد على اى استفسار عندكو *د/قمر* 22-07-2009, 10:29 PM د.قمر .. الف شكرليكي .. يا ريت تكتبي لنا ككل اللي تعرفيه عن كلية الطب البيطري .. علشان نستفيد اكتر .. لان الناس فاكريين انها كليه اي كلام .. و يا ريت تقولي لنا ايه الاقسام اللي موجودة في الكلية دي .. و السنة التخصص بتكون امتى .. ؟؟ منتظرك .. انت بتشكرنى على ايه انتوا كلكم اخواتى الصغيرين واتمنى اكون بفيديكم بجد وبعدين بصوا الناس مبيعجبهايش اى حاجة وكمان وجه نظرهم لازم احنا الى نغيره بمجهودنا ومجهود كل طالب ودكتور فى الكليه عشان تكون ااحسن كليه لأنه فعلا كليه مفيده جداااااااااااا وعظيمة جداااا وكل الى انتوا عايزينه هتلوقوه هنا http://www.vetmans.net/vb/index.php ده لينك منتدى الكليه هتلاقوا فيه كل الى انتوا عايزينه اتمنى يفيدكوا شكرا لكم تحياتى *د/قمر* 22-07-2009, 10:32 PM [السلام عليكم ازيكو يا دكاترة المستقبل انا جيت مع د\قمر عشان نقدر احنا الاتنين مع بعض نفيدكو ف كل حاجه لانها مش هتلاحق يعنى وانا وهى هنبقى موجودين معاكو عشان نرد على اى استفسار عندكو اولا احب ارحب بيك يا دكتورة رودى واحنا هنا معاكم يجماعة فى كل الى انتوا عايزينه dr.roodyy 22-07-2009, 11:00 PM د.قمر .. الف شكرليكي .. يا ريت تكتبي لنا ككل اللي تعرفيه عن كلية الطب البيطري .. الطب البيطرى علم بيدرس كل حاجه عن الحيوان وبتتخرج منها وانت بتعرف حاجات كتير جدا عن الانسان لان جميع اجهزة الجسم مشتركه مفيش فيها اى اختلاف تماما مجالها اوسع كتير من البشرى وكفايه انك بتعرف معلومات عن حاجات 99%من الشعب المصرى جاهل فيها ولا يدرى بيها اى شئ يعنى انت هتبقى مميز انا هتكلم الاول على المجالات يعنى السؤال الوحيد ال انت بتساله لنفسك انا لما اتخرج هشتغل ايه يعنى ببطرى دى 1-تقدر تعمل دبلومة البايو ال من خلالها تبقى دكتور تحاليل مش اقل من اى دكتور بشرى كمان هتمتلك الصلاحيه ف عمل نوع من التحاليل(اعتذر بس انى نسيت اسمه)ال متخرج من علوم مش بيعرف يعمله وهتبقى ليك الامتياز بكده 2-اشهر مجال ممكن تشتغل من خلاله بيقى مندوب ف شركة ادويه بعد دبلومة الفارماوده الشائع 3-ممكن من خلال دبلومة الفارما دى وتكون جايب تقدير ف مادة الادويه فتح صيدليه تكون 40%بشرى60%بيطرى لان فيه امراض وادويه كتير جدا مشتركه بين الحيوان والانسان 4-مادة التغديه برده بعد انك تجيب فيها تقدير كويس وتعمل دبلومه ممكن تبقى دكتور تغديه ف اى مستشفى يعنى الرقابه الصحيه على الاغذيه 5-من المشاريع الناجحه جداا عمل شركة ادويه بالجمله بتوزع الادويه على العيادات والصيدليات الصغيره (مشروع نادر وناجح جدااااا) 6-دبلومة الباثولوجى ويتم من خلالها العمل ف معامل الاورام 7-معامل تحليل غذائيه 8-شركات الالبان ف مجال الطب الشرعى طبعا كل ده خارج وبعيد تماما عن التعامل المباشر مع الحيوان لان اكيد فيه منا هيواجه فيه صعوبه اما مجالات العمل ال فيه تعامل مباشر مع الحيوان: 9-طبعا تبقى دكتور ف مزرعه وده بجد مركز كبير جدا ف المجتمع 10-ممكن لو عايز تدخل ف المجال اوى يعنى تفتح عياده (اعتقد ان ده من رابع المسحيلات عند ناس كتير) 11-التخصص فى مجال الاسماك 12-طيور الزينه مجال شيق جدااااااااااا (بيكسب جامد جدا) طبعا كل ده غير انك ممكن تتفوق ف دراستك وتجيب تقدير وتبقى م الاوائل وتتعين ف الكليه وتبقى معيد وبعد كده ان شاء الله دكتور ف الجامعه علشان نستفيد اكتر .. لان الناس فاكريين انها كليه اي كلام .. و يا ريت تقولي لنا ايه الاقسام اللي موجودة في الكلية دي اقسام الكليه: 1-قسم التشريح 2-قسم الخلايا والانسجه 3-قسم الفسيوليوجيا 4-قسم الكيميا الحيويه وكيمياء التغذيه 5-قسم الباثولوجيا 6-قسم الباثولوجيا الاكلينيكيه 7-قسم الطفيليات 8-قسم الفيروسات 9-قسم البكتريا والفطريات المناعه 10-قسم الادويه 11-قسم الطب الشرعى والسموموالاجراءات البيطريه 12-قسم الصحه والامراض المشتركه 13-قسم التغذيه وامراض شوء التغذيه 14-قسم الرقابه الصحيه على الاغذيه 15-قسم الامراض الباطنه والامراض المعديه والاسماك 16-قسم امراض الدواجن 17-قسم الجراحه والتخدير والاشعه 18-قسم التوليد والتناسل والتلقيح الاصطناعى 19-قسم الرعايه وتنمية الثروة الحيوانيه دى الاقسام الموجوده عندنا بالفعل ف طب بيطرى المنصوره .. و السنة التخصص بتكون امتى .. ؟؟ لا يوجد سنة تخصص ف كلية الطب البيطرى كل الطلبه بتدرس نفس المواد لمدة خمس سنين وبعد كده انت بقى ال تسلك الطريق ال انت عايزه منتظرك .. لسه كلام كتير جدا يتقال عن الكليه بس دى على الاقل المعلومات ال انتو هتحتاجوها مؤقتا لغاية ما تشوفو التنسيق وبالنسبه للتحويل ف دلوقتى يتبع نظام التوزيع الاقليمى يعنى كل طالب يروح الجامعه التابع لها مدينته والتحويل بيتم بمنتهى السهوله على الانترنت برده واتمنى لكم التوفيق واكون افادكو فعلا A L M A S 23-07-2009, 03:16 AM اهلا بكم .. شكراً على ردودكم .. يعني الكلية دي مش زي الطب البشري في حكاية التخصص .. يعني في الطب البشري مش عارف في سنة كام كل واحد بيتخصص اما مثلا اطفال او جراحة او .. الخ في البيطري بقى .. هل في كدة كمان .. ؟؟ منتظركم .. طيور الزينه مجال شيق جدااااااااااا (بيكسب جامد جدا) انا بقى هشتغل في القطط .. بحبها اكتر .. :d *د/قمر* 23-07-2009, 05:14 PM اهلا بكم .. شكراً على ردودكم .. يعني الكلية دي مش زي الطب البشري في حكاية التخصص .. يعني في الطب البشري مش عارف في سنة كام كل واحد بيتخصص اما مثلا اطفال او جراحة او .. الخ في البيطري بقى .. هل في كدة كمان .. ؟؟ منتظركم .. لا مش زيها هى بعد لما تخلص تبقى تشتغل فى الاى انتى عايزه بس الخمس سنين كل الطلبه بيدرسوا زى بعض يعنى مفيش تخصص انا بقى هشتغل في القطط .. بحبها اكتر .. :d ههههههههههههههه ماشى اختار الى بتحبه واحنا فى انتظار اسئلتكم وكل الى انتوا عايزينه وان شاء الله هنكون معاكم فى اى وقت تحياتنا ليكم A L M A S 23-07-2009, 11:51 PM 1-قسم التشريح 2-قسم الخلايا والانسجه 3-قسم الفسيوليوجيا 4-قسم الكيميا الحيويه وكيمياء التغذيه 5-قسم الباثولوجيا 6-قسم الباثولوجيا الاكلينيكيه 7-قسم الطفيليات 8-قسم الفيروسات 9-قسم البكتريا والفطريات المناعه 10-قسم الادويه 11-قسم الطب الشرعى والسموموالاجراءات البيطريه 12-قسم الصحه والامراض المشتركه 13-قسم التغذيه وامراض شوء التغذيه 14-قسم الرقابه الصحيه على الاغذيه 15-قسم الامراض الباطنه والامراض المعديه والاسماك 16-قسم امراض الدواجن 17-قسم الجراحه والتخدير والاشعه 18-قسم التوليد والتناسل والتلقيح الاصطناعى 19-قسم الرعايه وتنمية الثروة الحيوانيه امال الاقسام دي كلها بقى ايه ..؟؟ و احنا تعاملنا معاها هيكون ايه .. ؟؟ dody gesr 24-07-2009, 12:59 AM انا بيطرى كفر الشيخ وعاوزه احول المنصوره ايه نظام دكاترتها والدراسه انا جايبه تقدير جيد ومن طنطا وهينفع التحويل *د/قمر* 24-07-2009, 07:14 PM امال الاقسام دي كلها بقى ايه ..؟؟ و احنا تعاملنا معاها هيكون ايه .. ؟؟ دى كلها هتدرسها خلال الخمس سنين dody gesr 24-07-2009, 11:08 PM مفيش حد بيرد عليا ليه dr.roodyy 25-07-2009, 08:15 PM انا بيطرى كفر الشيخ وعاوزه احول المنصوره ايه نظام دكاترتها والدراسه انا جايبه تقدير جيد ومن طنطا وهينفع التحويل ايوة ينفع تحول عادى بس معرفش الاجراءات بالظبط النظام بقى: طب بيطرى المنصوره اكثر جديه تماما من كليات كتير الكليه مش عايزه لعب ..... الدكاتره الى حد ما كويسين بيختلفو على حسب الاقسام يعنى يعنى مثلا تلاقى اصعب قسم هو التشريح جاد جدا ومش عايز هزار انا بس مش عارفه حضرتك ف سنه كام بالظبط ؟؟؟ dr.roodyy 25-07-2009, 08:24 PM عامة الدراسة شيقه جدا جدا بس محتاجه مجهود واول تلت سنين بتبقى الدراسه ف مقر الكليه داخل الجامعه اما الفرقه الرابعه والخامسه بتبقى دراستها ف شها عشان هناك مستشفى الطب البيطرى ومزرعه وبدا نظام التدريب من اول السنه دى من بعد سنه تالته على طول اى استفسار اخر اتفضلو قولو بس ياريت تحددو حاجه معينه يعنى مثلا لو حبيبت اتكلم عن نظام الدراسه مش هيخلص الكلام واحنا تحت امركم dody gesr 26-07-2009, 01:23 AM ممكن اكلمك على الايميل افهم اكتر هبعتلك الايميل فى رساله وشكرا كتيييييييييييييييييييير dody gesr 26-07-2009, 01:25 AM انا داخله تانيه وجايبه تقدير جيد dr:sniper 26-07-2009, 10:09 AM يا جماعه الطب البيطرى فعلا من اجمل الكليات الموجوده وان شاء الله تعجبكم dody gesr 26-07-2009, 05:05 PM انا طب بيطرى كفر الشيخ كنت فى اولى وداخله تانيه درست الترم الاول تشريح وفسيولوجى وهستولوجى وكيمياء وفيزياء وبيولوجى وحقوق انسان ولغه والترم التانى فسيولوجى وتشريح وهستولوجى وبايو ووراثه واحصاء لو حولت المنصوره هشيل كام ماده dr.roodyy 27-07-2009, 08:04 PM انا طب بيطرى كفر الشيخ كنت فى اولى وداخله تانيه درست الترم الاول تشريح وفسيولوجى وهستولوجى وكيمياء وفيزياء وبيولوجى وحقوق انسان ولغه والترم التانى فسيولوجى وتشريح وهستولوجى وبايو ووراثه واحصاء لو حولت المنصوره هشيل كام ماده بصى بيطررى المنصوره مش بيدرس فيزيا ولا كيميا ولا بيولوجى بندرس 5 مواد ف اولى تشريح -بايو- فسيولوجى-هستولوجى-وراثه المواد دى درسناها ف الترم الاول وف الترم التانى يعنى مواد ممتده والترم الاول درسنا لغه والتانى درسنا احصا بس مش عارفه هتششلىحاجه بقى ولا لا لان ف اختلاف ف نقطة انكو درستو بايو ووراثه ترم واحد بس وده اكيد هيفرق جامد dody gesr 28-07-2009, 02:57 AM شكرا كتيير بس اللى انا سمعته ان كفر الشيخ بتدرس الوراثه كلها على ترم واحد والبايو احنا اخدناCHO,lipid,protein,,vitamin fat and water حاجات كتير مش فاكره بس انا خايفه من التحويل dr.roodyy 29-07-2009, 01:45 AM شكرا كتيير بس اللى انا سمعته ان كفر الشيخ بتدرس الوراثه كلها على ترم واحد والبايو احنا اخدناcho,lipid,protein,,vitamin fat and water حاجات كتير مش فاكره بس انا خايفه من التحويل والله مش عارفه حكاية اهم بيدرسوها على ترم واحد دى اكيد بيبقى يه اختلاف ف المنهج او ف الكميه وماتقلقيش من التحويل ولا حاجه ربنا معاكى ان شاء الله لو عايزه اى استفسار عن التحويل او نمرة الشؤون ف بيطرى المنصوره قوليلى dr.roodyy 29-07-2009, 01:49 AM للاستعلام عن كل مايخص طب بيطرى المنصوره ادخل على www.vetmans.net (http://www.vetmans.net) dody gesr 30-07-2009, 10:47 PM بجد شكرا كتيييييييير على اهتمامك ياريت رقم شئون الطلاب عايزه اعرف هاحول ازاى dody gesr 30-07-2009, 10:52 PM هوانتى فى المنصوره و فى سنه كام dr.roodyy 31-07-2009, 01:16 AM انا ايوة ف المنصوره ورايحه سنه تانيه ان شاء الله والرقم هبعته لحضرتك ف رساله dr.roodyy 31-07-2009, 01:18 AM بس ماتقليش من التحويل ان شاء الله خير ليكى dody gesr 31-07-2009, 03:39 AM ميرسى بجد ان شاء الله نكون اصدقاء |