FRANKENSTEIN
25-08-2006, 03:13 AM
سمك..لبن ..فيديو كليب
البعض يقول.....سمك ...لبن...تمر هندى
والصح ان يقال.. لبن... تمرهندى... سمك
ليه!!؟؟
نقولك ليه.... عشان نفهم الموضوع كويس ونرتب افكارنا
خد مثلا اغانى الفيديو كليب
مش هى اغانى؟!! طب الاغانى فن سماعى يعنى اذن تسمع لكن الكليب بكل وضوح عبارة عن لوحة استعراضية معقدة فيها الغناء والرقص والرياضة والجنس....والخ...
معلش خلينا نرتب اوراقنا تانى اصل الموضوع يلزمه وقفة
غناء عندهم يعنى غنا.. يعنى صوت.. من صوت ..وضوء.. وقتل.. ورقص.. وجرى.. وعرى..و...
وفى الاخر يقولو فن
يعنى ايه فن يا بتوع التنوير؟؟!!
قالو يعنى نشاط انسانى مشتعل.
إزاى؟؟
قالوا الضرورة الفنية تحتم التعبير بالجسم والجسم عايز حركة
والحركة عايزة قلع والقلع عايز فن والفن موجود والمشاهد موجود وكلة تمام.
قلنا هى دى الضرورة الفنية عندكم ؟؟
طيب ممكن لو سمحتم بشوية كرم من اخلاقكم الفنية تقوللنا فين الضرورة الاخلاقية زى ما فية ضرورة فنية؟؟!!
قالو فى غضب ضرورة اخلاقية ايه دا فن دا ابداع مش حصة تربية دينية..الفن حاجة والدين حاجة.. ما تقلبوهاش سمك.. لبن ..تمر هندى..
هذا ملخص فصل من كتاب سقوط العلمانية
أ/ سعيد محمد
كفايه مواضيع النهارده بقي عشان متزهقوش
اينشتاين
25-08-2006, 03:41 AM
انا شايف ان الفن ما يتعارضش مع الدين ( رأيى الشخصى وبلاش حد يقولى ليه )
لكن طبعا الرقص والتنطيط وشغل الهبل ده مش باحبه
FRANKENSTEIN
25-08-2006, 03:54 AM
شكرا ميدو وعندك حق الفن الراقي مبيتعارضش مع الدين بس دا ولا فن ولا راقي
coo_girl_ool
25-08-2006, 11:49 AM
أنا رأيى ان الفن فى معظم صوره يتعارض مع الدين
وده رايى
لان الموسيقى فى حد ذاتها حرام وكلمات الاغانى الهابطة حرام والرقص والعرى حرام
وهذا هو الفن اليوم موسيقى + كلمات تثير الفتنة والشهوات + عرى = حرام ×حرام
واذا تحدثنا عن الافلام والمسلسلات فاننا سنجد ايضا فتيات عاريات + احضان وقبلات + مواضيع تافهة + افيهات مكررة = حرام × حرام
ومن يقول ان المسلسلات والافلام وغيرها من صور الفن تقدم رسالة هادفة اقول لهم ان الغرب هو من ابتكر فكرة الفن الذى يعطى رسالة لان معظمهم يفتقد للدين والشريعة التى تعطيه الرسالة وتنظم له حياته
اما نحن فلا اظن اننا فى حاجة للافلام والمسلسلات والكليبات لنتخذ منها رسالة مفيدة لان اية واحدة من قرآننا او قول واحدمن حديث رسولنا افضل مائة مرة من كل هذا الفن ونحن قوم نتخذ الرسائل الهادفة من القرآن والسنة وليس من الفنانين
اعرف ان الكثير يعارضوننى فى هذا الرأى
ولكن لا شأن لى بالاراء المعارضة فانا اقولها وبعلو صوتى انا اكره الفن والفنانين
ولا تنسوا ان المرء مع من احب
فلينظر كل منا الى من يحب
وشكرا على الموضوع
ayooosh
25-08-2006, 01:00 PM
صح كلامك يا كول جيرل
معاكى حق
شكرااااااا على الموضوع
أسيل رزق
25-08-2006, 01:01 PM
ربنا يهدى اللى بيفكروا كده ويهدى كمان اللى بيسمعوهم ويمشوا وراهم
ده الشيطان واخد دماغهم معاه فى كل حته
ربنا يهديهم
شكرا بات مان على الموضوع
أسيل رزق
25-08-2006, 01:11 PM
كلامك صح دعاء
ربنا يشفيهم من اللى فى عقلهم ده
FRANKENSTEIN
25-08-2006, 01:27 PM
الف شكر ع المرور ليكم
بس انا مش متفق مع كول جيرل لأن ف فن راقي هدفه نشر الثقافه والمعرفه والقيم
وفي فن من بتاع اليومين دول
coo_girl_ool
25-08-2006, 02:02 PM
ما انا قلت لك يا باتمان المعرفة والقيم احنا مش محتاجين فن علشان يعطيهم لنا لاننا المفروض اننا بنستمدهم من القران والسنة وحياة الصحابة وليس من الفن والفنانين
س
FRANKENSTEIN
25-08-2006, 02:05 PM
<div class='quotetop'>إقتباس(coo_girl_ool @ Aug 25 2006, 03:02 PM) 201005</div>
ما انا قلت لك يا باتمان المعرفة والقيم احنا مش محتاجين فن علشان يعطيهم لنا لاننا المفروض اننا بنستمدهم من القران والسنة وحياة الصحابة وليس من الفن والفنانين
س
[/b]
طب ثقافات الدول الاخري والحضارات برضه الفن الراقي مهم ف حياه الانسان لانه بينشر الثقافه ويعمل ع اكساب العقل بعض المهارات والتعلم من تجارب الاخرين
شكرا كول جيرل ع المناقشه الجميله دي
انا رأيى ان الفن فى الايام دى (اغانى-رقص-تمثيل-مسرحيات-مسلسلات-إلخ)بيتعارض مع تعاليم ديننا و من الاخر الحاجات دى هى اللى سبب تأخر المسلمين
FRANKENSTEIN
25-08-2006, 02:36 PM
سبب تأخر المسلمين مش الاغاني والرقص سبب تأخرهم هما نفسهم
The_Relativistic200
26-08-2006, 01:11 AM
اممممممممممم
والله اللى شدنى وجهة نظر كول جيرل
احب اقول باختصار شديد
ماهو القران والسنة لو مسكتهم فى ايدى ومشيت بيهم فى الشار ع
ولا حد هيعبرنى للاسف
الناس بتستهبل
عايزين بجد حاجة تفوقهم
الفن المفروض
كمسلمين رسالته توصيل وجهة نظر اسلامية محترمة
او حقيقة دينية او غيرها الى الغير بطريقة محببة نسبيا
ده لبعض الناس
لعل الله جعل لفرد مشاهدته لفيلم هادف(مش دلوقتى وحتى قبل كده )
هدايته والتى لم يجدها فى شيخ او غيره
وده حاليا مينفعش
لذلك نقول الفن ليس فى حد ذاته حرام
بس كده
FRANKENSTEIN
26-08-2006, 01:13 AM
شكرا خالد ع المرور وع الرأي اللي يكاد يقترب من وجهة نظري رغم اني مقدرش استغني عن التليفجن بس بكره الافلام والمسلسلات اللي بتيجي
ومبسمعش اغاني
مس رانيا حسن
29-09-2009, 01:31 AM
اتفق معك يا بسام
هؤلاء يبحثون دائما
عن مبررات واهية
لما يفعلون
موضوع جميل
فى امان الله
يالا بينا
29-09-2009, 06:25 AM
هو لاشك ان في حاجات محتاجة وقفة كبيرة
يعني مثلا لو حد جابلي كليب ليه هدف.......عايز يوصل رسالة....من خلال اخر 10سنين.....ليه جايزة كبيرة...
لكن في شيء جميل بقى اسمه(الاناشيد).........وبرده ليها كليبات....ممكن على الاقل كلكم تعرفوا كليب(المعلم)بتاع عم سامي يوسف.......هل الكليب دا في بنات؟...في اي وجه للمياصة والخلاعة؟....لا ومع ذلك حقق نجاح مذهل...واسلم عليه ناس انجليز...
فلاشك محتاجين فعلا نرتب الاوراق...
المسلسلات والافلام بقى قصى تانية خالص......محتاجة بتاع 5 او 6 وقفات.......واللي ف دماغهم هيعملوه....