احنا متخدرين جدا... احم قصدي مبسوطين جدا [الأرشيف]

مشاهدة النسخة كاملة : احنا متخدرين جدا... احم قصدي مبسوطين جدا

dr.zomba

20-06-2009, 12:36 PM

السلام عليكم ورحمة الله وبركاته

في البداية يا جماعه انا مش عايزكوا تفتكروني متشائم ابدا والله بالعكس

طبعا كلنا فرحانين وطايرين بأنتصارنا علي ايطاليا بطلة العالم ومصر كلها فرحانه العصبيين واللي ملهمش في الكوره والفرافير ...... الخ

بس ليه دايما فرحتنا بقت في الكوره وبس ليه عمرنا ما نفرح بنصر سياسي بموقف دولي بتغيير في البلد اي حاجه

ليه بقت الكوره هي فرحتنا الوحيده كسبنا يبقي كاننا كسبنا حرب عالميه خسرنا يبقي كانها النكسة ومبقتش بالنسبة لينا مجرد كورة قدم لا دي بقت كورتنا الارضيه

والله انا مش ضد الفرحة بالكورة بالعكس انا من اكتر الناس اللي بتفرح بالكورة بس كان نفسي الكورة تكون من ضمن افراحي

نفسي كنت ابقي فرحان ببلدي والديموقراطيه اللي فيها وعلمها اللي غزا العالم وجيشها اللي مفيش زيه ونظامها وشرفها

اللي انا عايز اقوله واعتقد انه بيدور في دماغ ناس تانيه اننا متخدرين بفرحة الكورة احساس جميل انك تحس بانتصارك بس كنا نتمني انه يكون انتصار يفيد الشعب باكتر من مجرد الفرحه

والحمد لله علي كل حال

سلامو عليكو

_GUIDE_

20-06-2009, 01:02 PM

أسيل رزق

20-06-2009, 01:06 PM

علشان ببساطة مفيش حاجة تانية فالحين فيها علشان نفرح بيها
يعنى مثلاً لو حاربنا و إنتصرنا مش هنفرح؟؟ أكيد هنفرح لكن هو إحنا عارفين نحارب علشان نفرح
و بعدين يا حاج عادل الناس بقت ماشية تكلم نفسها أهى حاجة الواحد يخرج بيها من همومه
قول انت عايزنا نفرح على إيه و إحنا نفرح
بس هنفرح على إيه؟!! .. على خيبتنا؟؟!!
:romarioxp6:

مستر محمود صادق

20-06-2009, 01:08 PM

ارجوك بلاش تفكرنا باللى احنا فيه ...خلينا ناسيييين

dr.zomba

20-06-2009, 01:40 PM

بص يا اخ زومبا
الموضوع وما فيه ان الناس اصلا مش لاقيه حاجة فعلا تفرحها
وهتفرح ليه
احنا شعب اتكتب عليه الضغط والسكر
ثم مالها الكورة ياعنى هو الواحد لقى حاجة تانية تفرحه ومش يفرح
دى تعتبر بقيت احسن من تجارة المخدرات والسلاح حاليا
وبتكسب اكتر كمان
ادعى بس ابنك يطلع لاعيب كورة
مش مهم دكتور ولا مهندس ولا حتى ظابط :d

هي فعلا الحاجات دي مبقتش تأكل عيش

عشان تكسب يا تلعب كورة ياتشتغل رقاصة

علشان ببساطة مفيش حاجة تانية فالحين فيها علشان نفرح بيها

يعنى مثلاً لو حاربنا و إنتصرنا مش هنفرح؟؟ أكيد هنفرح لكن هو إحنا عارفين نحارب علشان نفرح
و بعدين يا حاج عادل الناس بقت ماشية تكلم نفسها أهى حاجة الواحد يخرج بيها من همومه
قول انت عايزنا نفرح على إيه و إحنا نفرح
بس هنفرح على إيه؟!! .. على خيبتنا؟؟!!

:romarioxp6:

ماهو انا كمان بتخيل والله يا مها عشان عارف اللي فيها

وعارف والله ان الكورة هي الحاجه الوحيدة اللي بتخرج الناس من همومها ( بمعني اوضح بتخدرهم) وانا من ضمن الناس دي علي فكره
بس لما ببص للواقع بيبقي نفسي الاقي حاجه حقيقية الواحد يفرح بيها

ومش لازم تكون خيبتنا ممكن تكون وكستنا مثلا :d

ارجوك بلاش تفكرنا باللى احنا فيه ...خلينا ناسيييين
هههههههههههههههههههههه
لاحول ولا قوة الا بالله

والله يا جماعه انا اسف انا مش قصدي اقلب المواجع بس فكرت بواقعية شوية ويارتني ما فكرت

حقوكوا عليا

بشكر جدا كل الناس اللي ردت و فعلا ياجماعه والله مش قصدي اكون متشائم او فقري بس اهو الواحد اتجنن وفكر :028ja7:

شهدالجنة

20-06-2009, 02:17 PM

اولا احييك على الموضوع الرائع بجد

عارف ليه عشان الشعب المصرى كدة وهيفضل طول

عمره كدة بيهتم بالمهم وليس الاهم من المهم

شكرا لموضوعك

FRANKENSTEIN

20-06-2009, 02:38 PM

ههههههههههههههه
اها والمصيبه كمان لو سألت عيل صغير عايز تطلع ايه لما تكبر
حيقولك زي ابو تريكه :d
حاول تقارن بين الاهتمام بالعلم والبحث العلمي ف مصر وبين الاهتمام بالرياضه
ابسط حاجه
عندك كام قناه رياضيه وكام قناه علميه
بصراحه مفيش مقارنه
لا وكمان الرئيس بيكرم فريق الكره بشكل سنوي
الا نفسي اشوف علماء بيتكرموا ولو مره ف السنة
يعني مثلا بريطانيا منبع كره القدم وكفايه اوي ان فيها اقوي دوري ف العالم
الملكه اليزابيث بتكرم بشكل سنوي علماء وادباء ورياضيين

اها صحيح احنا ليه منفرحش :d
ياراجل دي الحاجه الوحيده اللي فالحين فيها

amr_2010

20-06-2009, 03:07 PM

بص يا دولا انت كلامك صح اه
لكن الشعب المصري خلاص بقا عنده كبت ولو فضل قافل عليه هيموت
فهو بيطلع الكبت ده في الكوره اهي حاجه بتفك علينا شويه وبتهون علينا
فامينفعش ان احنا نستكتر عليه الفرحه حرام لو كتم اكتر من كده هيموت

yomna1993

20-06-2009, 03:07 PM

amr_2010

20-06-2009, 03:34 PM

على فكرة دي خطة و اتنفذت بالفعل ,مش الايام دي بس دي بقلها سنين ..
انا مش بتكلم على الكورة بس احنا فعلا مشغولين بحاجات كتير تفاهات و الموضوع دا يشبه موقف "في عصور الجاهلية و عصر الدولة الاموية كانوا الحكام الظالمين و الاجانب بيحاولوا يشغلوا الناس باي حاجة ذي انهم يشجعوهم على الشعر و النثر و الهجاء حتى لو فيهم بس اهو كانوا بيشغوهم "
و احنا كده :039uw8:
مبروك لمصر...و ربنا يرحمنا

مع احترامي ليك
انا مش مقتنع بكلامك يعني ايه يشغلوهم
كأن يعني الشعب راح يلعب كوره وساب البلد
وبعدين المتش خلص خلاص والناس فرحت وانتهي الموضوع
هو احنا خلاص سبنا كل مشاغلنا ومصالحنا وبقينا نايمين نحلم بالمتش وابو تريكه
لا احنا مش شعب تافه اوي كده

أسيل رزق

20-06-2009, 04:04 PM

dr.zomba

20-06-2009, 04:07 PM

اولا احييك على الموضوع الرائع بجد

عارف ليه عشان الشعب المصرى كدة وهيفضل طول

عمره كدة بيهتم بالمهم وليس الاهم من المهم

شكرا لموضوعك

والله دا كله من غلبه

مشكوره علي المرور الجميل:)

ههههههههههههههه
اها والمصيبه كمان لو سألت عيل صغير عايز تطلع ايه لما تكبر
حيقولك زي ابو تريكه :d
حاول تقارن بين الاهتمام بالعلم والبحث العلمي ف مصر وبين الاهتمام بالرياضه
ابسط حاجه
عندك كام قناه رياضيه وكام قناه علميه
بصراحه مفيش مقارنه
لا وكمان الرئيس بيكرم فريق الكره بشكل سنوي
الا نفسي اشوف علماء بيتكرموا ولو مره ف السنة
يعني مثلا بريطانيا منبع كره القدم وكفايه اوي ان فيها اقوي دوري ف العالم
الملكه اليزابيث بتكرم بشكل سنوي علماء وادباء ورياضيين

اها صحيح احنا ليه منفرحش :d
ياراجل دي الحاجه الوحيده اللي فالحين فيها

لا احنا بنعامل العلماء احسن من بريطانيا كمان

احنا بنسفرهم يتفسحوا بتاع 20 او50 سنه وبدون رجعة

الحمد لله :d

بص يا دولا انت كلامك صح اه
لكن الشعب المصري خلاص بقا عنده كبت ولو فضل قافل عليه هيموت
فهو بيطلع الكبت ده في الكوره اهي حاجه بتفك علينا شويه وبتهون علينا
فامينفعش ان احنا نستكتر عليه الفرحه حرام لو كتم اكتر من كده هيموت

والله العظيم انا مش مستكتر الفرحه

انا زعلان علي الحالة اللي وصلنالها

ربنا يهدي ويقدم اللي فيه الخير

نورت يا عمرو
على فكرة دي خطة و اتنفذت بالفعل ,مش الايام دي بس دي بقلها سنين ..
انا مش بتكلم على الكورة بس احنا فعلا مشغولين بحاجات كتير تفاهات و الموضوع دا يشبه موقف "في عصور الجاهلية و عصر الدولة الاموية كانوا الحكام الظالمين و الاجانب بيحاولوا يشغلوا الناس باي حاجة ذي انهم يشجعوهم على الشعر و النثر و الهجاء حتى لو فيهم بس اهو كانوا بيشغوهم "
و احنا كده :039uw8:
مبروك لمصر...و ربنا يرحمنا

علي الاقل في العصور دي كانوا بيهتموا بالشعر حاجه تفيدهم وتزود ثقافتهم مش بكوره ولا بتفيد ولا بتضر

يلا هي جت علي دي

يلا الحمد لله علي كل حال

dr.zomba

20-06-2009, 04:14 PM

مع احترامي ليك
انا مش مقتنع بكلامك يعني ايه يشغلوهم
كأن يعني الشعب راح يلعب كوره وساب البلد
وبعدين المتش خلص خلاص والناس فرحت وانتهي الموضوع
هو احنا خلاص سبنا كل مشاغلنا ومصالحنا وبقينا نايمين نحلم بالمتش وابو تريكه
لا احنا مش شعب تافه اوي كده

يعني يا عمور مش هقدر اتفق معاك في حتة اننا شعب مش تافهه

هو مش كلنا تافهين

بس لما تلاقي ناس هما الشاغل الاهلي والزمالك والاسماعيلي ويموتوا بعض عشان الاندية دي
وتلاقي ناس تانية ديابية وتيمورية وبيشتموا بعض وممكن يوصلوا انهم يكفروا بعض

دي تبقي تفاهه ولا مش تفاهه يا عم عمرو

مهى دى بقى ترجع إن مفيش إهتمام بالحكومة و الحاكم نفسه بالعلم

يبقى عايزين الشعب يفرح بحاجة غير الكورة إزاى؟؟!!!

عالم فاضية :d

واحنا وبلا فخر الريس بتاعنا مهتم جدا بالكورة وبيحضر كل الماتشات المهمه بيأذر اللاعيبه

يعني دولة متعاونه متكاملة الاطراف :d

khas123

20-06-2009, 04:18 PM

صح انت كلامك صح بس هنعمل ايه؟ مفيش غير كدة

عاشقـــ الانمى ـــة

20-06-2009, 04:24 PM

هو احنا كنا لاقينا حاجة نفرح فيها غير الكورة:d
والله انا مش بفهم اى حاجة فى الكورة طشاش يعنى كده
بس ممكن تكون الحاجة الوحيدة ال ساعات يعنى بتفرح الناس
مرة تصيب ومرة تخيب
انما مثلا عمرك اصلا سمعت ان حد واخد قدوته عالم مثلا
اصلا مفيش كله يا اما فنان يا ما لاعب كورة
دا حتى العلماء ال بيتشهروا بيتبرأو من مصر
عملتلهم ايه مصر عشان يفترخوا بيها
اما تبقى مصر تهتم بحاجة غير الكورة والفن جايز نغير فرحتنا
لكن حاليا
الكورة وبس

أسيل رزق

21-06-2009, 08:27 AM

وتلاقي ناس تانية ديابية وتيمورية وبيشتموا بعض وممكن يوصلوا انهم يكفروا بعض

دي تبقي تفاهه ولا مش تفاهه يا عم عمرو

إسمها تامرية .. بطلوا جهل بقى :slap1qk6:
أنا لقيت أرفع الموضوع لفوق مش أكتر :blush:

الجويرية

21-06-2009, 08:52 AM

الاستاذ محمد سرور

21-06-2009, 09:26 AM

ياعم زومبا دى حاجة ببلاش كدة بتفرح الناس قبل ما يناموا :d

اوعى تفهمنى غلط :slap1qk6:

من افضل السياسات ان الحكومة تجعل متنفس لشعبها علشان يفرغ الضغط اللى عليه

انت ما سمعتش عن سياسة التنفيس وبرامج التنفيس عن الشعب من خلال التليفزيون
تلاقيهم جايبين واحد مسئول والمذيع نازل بهدلة فيه ..طبعا فى خطوط حمرا ..وتبص للنتيجة =0
طيب استفادنا ايه هل المسئول دة حل المشكلة اللى كان بيتكلم عليها فى البرنامج ...انسى ;)

سياسة التنفيس ....للجميع

التنفيس حق لكل مواطن :d

أسيل رزق

21-06-2009, 09:28 AM

يارب بس المطاف ينتهى لحد الكورة:angry2:
بجد بقينا شعب تاااااااافه
وحضرتك عملت الموضوع دلوقتى علشان نتكلم وبعد الكلام مناقشة
وبعد المناقشة بالليل هانتفرج على اتش مصر وامريكا عادى خالص
وترجع ريمة لعادتها اللى كانت مستمرة عليها:bosyht9:
وع راى الشاعر
نعيب زمننا والعيب فينا
وما للزمان عيب سوانا
و
بعدين خلى الناس فى غفلتهم هايفوقوا ان شاء الله فى القبر
وجزاكم الله خيرا على الموضوع
على فكرة العيب مش فى الكورة ولا العيب إننا بنتابع الكورة
طيب ما إحنا بنتابع الحوادث و أخبار فلسطين و .. و .. و ..
العيب إننا مش لاقيين حاجة نفرح بيها إلا دى لإن مفيش حاجة مساعدانا إننا نفرح بإنجاز علمى أو ثقافى لإن مفيش إمكانيات بتوفرها الحكومة للعلم و الثقافة كل اللى بتوفره للكورة بالتالى الشعب هيتفرج على الكورة ومش هيفرح إلا فى الكورة

يعنى إحنا لو كنا لقينا إمكانيات وتكنولوجيا فى بلدنا علشان نفرح بأولادنا و بإنجازتهم كنا فرحنا لكن كل الانجازات مش بتتحقق إلا برا يبقى نفرح باللى عندنا و نحط إيدينا على بؤنا و بــس

لكن إحنا لا كلنا تافهيين ولا العيب فينا العيب فى اللى مش قادرين يوفروا اللى المفروض يخلينا نفرح بجد :romarioxp6:

_GUIDE_

22-06-2009, 11:51 AM

نقيت فيها ياعم زمبا
ادينا طلعنا وبفضيحة كمان
ستات وغيره
ولا طولنا بلح الشام ولا عنب اليمن

Not Allowed

22-06-2009, 01:49 PM

خلاص ياعم رجعنا للنكد تانى

مبسوط ؟؟؟؟؟؟؟؟

:d

فداك يامصر

22-06-2009, 02:32 PM

للأسف كون الشعب يفرح ويهص لمجرد فوز في مبارة وميعرفش عن أي حاجة تانية بتحصل حواليه ده يبقى دليل على الاهتمامات التافهة والسخيفة للشعب وطبعا أكيد بتكون الطبقة العامة ، اللي متابع اللي بيحصل في مصر هيلاقي حجات كتير كويسية وأحسن من الكورة بتحصل .. يعني مثلا تكريم مصر لعالم من العلماء بيحصل بس كل فين و فين ومع ذلك مش بنحس بكده .. ليه ؟ معرفش و أعتقد كمان إن الاعلام له دور كبييييييييييييييير في كل اللي بيحصل ده .. أعتذر إن كانت مشاركتي لم تنل إعجابكم .. كانت مجرد وجهة نظر 1من 70 مليون

JASSY

22-06-2009, 05:29 PM

والله عندك حق ..... بس الناس هتعمل ايه الحياة كلها كبت وضغط وارتفاع اسعار .... ومتعدش يعني

فمن الطبيعي لما يجي متش كورة الناس كلها ما بتصدق عادي وانا واحدة منهم ....

ومش معنى كده اننا تافهين والله لو فيه حاجة بتفرح تاني غير الكورة اهلا وسهلا احنا هنقول لا بس هتعد تدور وتدور وابقى

قابلني لو لقيت حاجة تانية... بس تخيل كم الناس اللي بتطلع عشان تهيص لماتش كورة لو طلعت كده لاي حاجة تانية( فاهم طبعا)

والله حال البلد ديه هيتغير..... وادينا خسرنا في ماتش امريكا وخدنا تلاتة محترمين ..

بشكرك على موضوعك... تقبل مروري

dr.zomba

22-06-2009, 11:33 PM

شكرا جدا جدا لكل الناس اللي ردت وشكرا لمها علي تنشيط الموضوع

وبعتذر جدا جدا اني مش هرد علي كل رد

وهارد لك لمنتخب مصر بس انا هقول زي عمرو اديب ما قال( قبل ما يتهبل يعني ) احنا كسبنا ايطاليا بطلة العالم ويعتبر كسبنا البرازيل يعني احنا اثبتنا كفائتنا بشكل كبير

كون ان اننا نستهبل في ماتش كان مضمون وهيصعدنا دا ميخليناش نكره المنتخب ونشتم ونسب فيه لان الفريق دا عمل اللي مفيش حد قبله عمله

نرجع للموضوع يا جماعه انا مش معترض ابدا علي اننا نفرح بالمنتخب بالعكس المنتخب دا جميله علي الشعب كله عشان خلاه ينام وهو فرحان ولو لفترة بسيطه خلاه ينسي الهموم اللي مبتخلصش ومبتقلش

بس انا قصدي ان الواحد كان امله يكون في مصدر تاني للفرحة مش المصدر الموسمي اللي كل سنين مره

هو دا قصدي بس للاسف حتي المصدر الموسمي دا مكملش للاخر

يظهر اننا بلد محسوده عشان الكعكة في ايد اليتيم عجبة

يلا الحمد لله علي كل حال

بشكر كل الناس اللي ردت ونورت الموضوع وبعتذر للي مردتش عليهم مرة تانيه:)

onlygrob

25-06-2009, 07:13 PM

يا سلام على الجرائه بجد جامد أوي وربنا يستر علينا
المهم : طبعاً إحنا مبنفرحش بحاجة غير الكورة لإن مفيش جديد ، كل شئ ثابت بل بالعكس خناقة الناس بتزيد ومشكلهم بتزيد ، السياسة هي هي وردود الأفعال نيمة وإحنا بنضيع ولا حد حاسس ولا شايف، ربنا يخرجنا من هذه الدنيا على خير .