moustafaatchy
20-06-2009, 07:32 PM
السلام عليكم
في الأول كان أصعب جزء بالنسبة لي في منهج الفيزياء كان الأيزوثرمية والأديباتية لأني ماكنتش فاهمهم كويس أنا وزمايلي
بس الحمد لله دلوقتي فاهمهم كويس جداً
فقلت أعمل الموضوع ده للي ملاقي فيها مشكلة ، ويا رب تفهموها مني لو مش فاهمينها
الاول لازم نعرف يعني ايه طاقة حرارية ، وطاقة داخلية ، و درجة الحرارة ، والشغل
- الطاقة الحرارية : هي الطاقة اللي بياخدها الغاز والطاقة دي بتوصله عن طريق التسخين
- الطاقة الداخلية (درجة الحرارة) : هي الطاقة اللي بيختزنها الغاز وبتسبب ارتفاع درجة حرارته.
العملية الأيزوثرمية :
(هاقول المثال ده على الثلج بس يمشي على الغاز في الثلاجة)
انت جبت كأس فيه مكعبات ثلج (درجة حرارتها صفر) وحطيته على النار ، هتلاقي إن جزء من الثلج انصهر بس درجة الحرارة لسا بصفر ، ومش هتزيد عن الصفر الا لما الثلج كله ينصهر ، طيب ليه ؟
دلوقتي انت عرضت الثلج لدرجة حرارة معينة بس الجزيئات فضلت بدرجة حرارة ثابتة ،طيب الطاقة الحرارية بتاعة النار الثلج عمل بيها ايه طالما درجة حرارته ثابتة ؟
الطاقة الحرارية دي كلها اتحولت لشغل يبذله الثلج عشان ينصهر.
يبقى :
1- الطاقة الداخلية (درجة الحرارة) ثابتة لأنها بقيت بصفر أثناء انصهار الثلج.
2- الطاقة الحرارية بتاعة التسخين كلها استهلكت في شغل يبذله الثلج لابعاد الجزيئات عن بعضها ليتحول الي سائل.
3- لازم يكون الثلج في اناء جيد التوصيل الحراري (لكي يحدث تبادل حراري بين الثلج والوسط) عشان توصل له الطاقة الحرارية بتاعة التسخين عشان يستهلكها الثلج في بذل الشغل.
العملية الأديباتية :
في الثلاجة غاز الفريون ثابت الطاقة الحرارية يعني لا يكتسب أو يفقد طاقة من الوسط ، بس عنده طاقة داخلية (درجة الحرارة) والطاقة دي هي اللي بتخليه يتمدد أو ينضغط ، ازاي ؟
لما الغاز بيتمدد بيبذل شغل ،والشغل ده محتاج طاقة (بس هو ثابت الطاقة الحرارية) يبقى هيجيب الطاقة اللازمة لبذل الشغل منين ؟
هيجيبها من الطاقة الداخلية يعني علشان يبذل شغل (موجب) الطاقة الداخلية هتقل ( ΔU- )
لما الغاز بينضغط :
المكبس بيبذل شغل على الغاز يعني الغاز يُبذل عيه شغل (سالب) ، يبقى الطاقة الداخلية هتزيد لأن المكبس بيرفع درجة حرارة الغاز ( ΔU+ ) ، من العلاقة : Qth = ΔU + W
Qth (الطاقة الحرارية ) : ثابتة
يبقى لو الشغل زاد الطاقة الداخلية هتقل والعكس
يا رب تكونوا استفدتوا ولو حرف واحد
في الأول كان أصعب جزء بالنسبة لي في منهج الفيزياء كان الأيزوثرمية والأديباتية لأني ماكنتش فاهمهم كويس أنا وزمايلي
بس الحمد لله دلوقتي فاهمهم كويس جداً
فقلت أعمل الموضوع ده للي ملاقي فيها مشكلة ، ويا رب تفهموها مني لو مش فاهمينها
الاول لازم نعرف يعني ايه طاقة حرارية ، وطاقة داخلية ، و درجة الحرارة ، والشغل
- الطاقة الحرارية : هي الطاقة اللي بياخدها الغاز والطاقة دي بتوصله عن طريق التسخين
- الطاقة الداخلية (درجة الحرارة) : هي الطاقة اللي بيختزنها الغاز وبتسبب ارتفاع درجة حرارته.
العملية الأيزوثرمية :
(هاقول المثال ده على الثلج بس يمشي على الغاز في الثلاجة)
انت جبت كأس فيه مكعبات ثلج (درجة حرارتها صفر) وحطيته على النار ، هتلاقي إن جزء من الثلج انصهر بس درجة الحرارة لسا بصفر ، ومش هتزيد عن الصفر الا لما الثلج كله ينصهر ، طيب ليه ؟
دلوقتي انت عرضت الثلج لدرجة حرارة معينة بس الجزيئات فضلت بدرجة حرارة ثابتة ،طيب الطاقة الحرارية بتاعة النار الثلج عمل بيها ايه طالما درجة حرارته ثابتة ؟
الطاقة الحرارية دي كلها اتحولت لشغل يبذله الثلج عشان ينصهر.
يبقى :
1- الطاقة الداخلية (درجة الحرارة) ثابتة لأنها بقيت بصفر أثناء انصهار الثلج.
2- الطاقة الحرارية بتاعة التسخين كلها استهلكت في شغل يبذله الثلج لابعاد الجزيئات عن بعضها ليتحول الي سائل.
3- لازم يكون الثلج في اناء جيد التوصيل الحراري (لكي يحدث تبادل حراري بين الثلج والوسط) عشان توصل له الطاقة الحرارية بتاعة التسخين عشان يستهلكها الثلج في بذل الشغل.
العملية الأديباتية :
في الثلاجة غاز الفريون ثابت الطاقة الحرارية يعني لا يكتسب أو يفقد طاقة من الوسط ، بس عنده طاقة داخلية (درجة الحرارة) والطاقة دي هي اللي بتخليه يتمدد أو ينضغط ، ازاي ؟
لما الغاز بيتمدد بيبذل شغل ،والشغل ده محتاج طاقة (بس هو ثابت الطاقة الحرارية) يبقى هيجيب الطاقة اللازمة لبذل الشغل منين ؟
هيجيبها من الطاقة الداخلية يعني علشان يبذل شغل (موجب) الطاقة الداخلية هتقل ( ΔU- )
لما الغاز بينضغط :
المكبس بيبذل شغل على الغاز يعني الغاز يُبذل عيه شغل (سالب) ، يبقى الطاقة الداخلية هتزيد لأن المكبس بيرفع درجة حرارة الغاز ( ΔU+ ) ، من العلاقة : Qth = ΔU + W
Qth (الطاقة الحرارية ) : ثابتة
يبقى لو الشغل زاد الطاقة الداخلية هتقل والعكس
يا رب تكونوا استفدتوا ولو حرف واحد