مشاهدة النسخة كاملة : about our future
amour_amour88 20-06-2009, 11:01 PM انا يا جماعه كنت عاوز اكتب الموضوع دا من زمان بس مكنش فيه فرصه بس دلوقتي لازم اكتبه دا الوقت المناسب
كل واحد منا في المرحله دي بيبقي شايف مستقبله ازاي وواضع كل الخطط علشان يكون كذا وحاسس ان هو مش ينفع غير ف الوظيفه دي
ع سبيل المثال لو انا مثلا انا بنيت كل حاجه ع اساس اني اكون مهندس ومعرفشي اكون غير مهندس يعني بأشوف نفسي المكان دا وزاكرت واجتهدت يعني عملت كل حاجه ف سبيل الوصول للهدف دا تمام
افرض بقي حصل اللي انت مش تتمناه وما دخلتش هندسه لو حتكلم عليا انا حأحس اني انسان فعلا فاشل حاحس ان حياتي ممكن تتضيع او انا اللي ممكن اضيع علشان بجد حرام والواحد مش بيبقي عارف حيعمل ايه
ياااااااااااااه الحلم اللي عشت عليه خلاص مش حيكون مش حاكون مهندس
تفتكروا كل واحد بيفكر زي ما انا بفكر كده ولا فيه حد ليه رأي تاني
..Just Stop 20-06-2009, 11:17 PM كلامك جميل
نجيب الكلام من الاخر
يعنى معنى كلامك ان الواحد علشان محققش حاجة الحياة هتنتهى او تقف
طبعا دا مستحيل
اعملها سلم تطلع عليه لحلم تانى
اعتبره مبنى مكملش وبقا حطام نشوف احنا استفدنا ايه من المبنى ده وايه اللو وقعه
ونتعلم منه اززاى ابنى تانى من غير ما يتهدم
وفى الاول وفى الاخر ربنا كاتبلك حاجة ولازم هتدخلها
مهو ممكن تدخل هندسة وفى النهاية متنفعش فيها وتحول اى حاجة تانية يبقا عملت ايه
لازم نرضا بالقضاء والقدر والمكتوب
وناخد بالاسباب
دى الحاجة الوحيدة اللى هتحققلك هدفك انك تاخد بالاسباب
ربنا يوفقك ويوفق طالبة المسلمين
دمت فى رعاية الله
yomna1993 20-06-2009, 11:22 PM اكيد بيكون إحساس صعب جدا بس لازم فعلا نكون مؤمنين بقضاء ربنا
و اكيد ربنا بإذن الله لا يضيع اجر من احسن عملا حتى لو كنت تعبت جدا عشان توصل للهندسة او اي حاجة تانية .. ربنا اكيد هيكرمك في حاجة تانية
JASSY 20-06-2009, 11:35 PM على فكرة الموضوع جميل جدااااااا.... بس بالنسبة لي صعب شوية
لاني لحد دلوقتي والله ما انا عارفة انا عايزة ايه ... مرة اقول انا عايزة ادخل اعلام يقولولي انت هبلة دوري على الكلية العملية اللي تجيب شغل... والنبي فين الكلية اللي بتشغل دلوقتي ديه .....
طيب السن .. اييييييييه ده بقوا اكتر من الهم على القلب ....
يقولك لا خش صيدلة او طب عشان تشتغلي ...
فاهم حاجة كده توجع الدماغ ... او ممكن انا مش قادرة اقرر دلوقتي لما اجيب المجموع الكويس الاول ان شاء الله وبعدين ابقى اشوف بقى الحكاية ديه....
مش عارفة ده اللي انا هاعمله ....بس طبعا لما يبقى ليك هدف من الاول يبقى احسن بكتيييير انك بتجتهد عشان حاجة والتوفيق بقى ده بتاع ربنا جات او مجاتش يبقى ربنا عايز كده ......
سوري عشان طولت عليك .... وبشكرك على موضوعك...
..Just Stop 20-06-2009, 11:44 PM ع اساس اني اكون مهندس ومعرفشي اكون غير مهندس يعني بأشوف نفسي المكان دا وزاكرت واجتهدت يعني عملت كل حاجه ف سبيل الوصول للهدف دا تمام
يعنى اللى دخلو هندسة عملو ايه
محنا طالع عنينا اهو:d
روق كدا الدنيا مش مستاهلة
ويمكن نصيبك فى اى حاجة تانية يكون افضل من هندسة الف مرة
ربنا يكتبلك اللى تتمناه
دمت فى رعاية الله
amour_amour88 21-06-2009, 12:57 AM اولا انا بأشكركم ع المشاركات الجميله انا يا جماعه بأفرض لسه ما حصلشي ويا رب ما يحصل خالص بس كل اللي حضرتكم قولتوه ممكن يكون مجرد مسكن للالم انما ان هو يقضي ع الالم اكيد صعب لان الصدمه لم بتيجي مش بتيجي لوحدها دي بتيجي ومعاها مصايب والواحد وقتها ممكن يكون عنده استعداد ان هو يعمل اي حاجه غلط ما هو وقتها حيقول باظت باظت وحتيجي ع دي ومش ممكن نتصور مدي الغلط الللي ممكن يرتكبه انما ان هو يفكر ف القضاء والقدر اعتقد ان هي حتكون صعبه وقت الصدمه
مش عارف...........
محمد على ابوزياد 21-06-2009, 05:18 AM كل ٍ خلق لما يسر له
احيانا تأتى الرياح بما لاتشتهى السفن
ولكن نرضى بما قسمة الله لنا
لان الله يقول
بسم الله الرحمن الرحيم
(إِنَّا كُلَّ شَيْءٍ خَلَقْنَاهُ بِقَدَرٍ) (القمر:49)
BATSY15 21-06-2009, 04:38 PM على فكرة فعلا موضوع مهم اوي
وكويس جدا انك عرضته
انا تقريبا مشكلتي مشابهة
بس اوحش كمان
لإني انا لغاية دلوقتي مش عارفة ادخل كلية ايه؟
او حتى ناوية على ايه؟
انا بحب المواد العلمية عموما جدااااااااااااااااااااااااااااا
وقولت ادخل كلية طب اسنان
بس حاسة اني فاشلة بصراحة بردو
مع ان حبي لأي مادة بيخليني فضولية جدا فيها وادور واعمل ابحاث وكدة يعني
بس بردو
وبعدين انا خايفة جدا لإني كنت متدلعة في اولى ثانوي يعني واخداها تسالي كدة
مش بجد على اساس اني اوفر مجهودي وحماسي للثانوية
خايفة اكون كسلت بقى واستهترت والشغل دة ومبتديش الثانوية صح
وانا اصلا اوريدي بزهق من المذاكرة بسرعة جدا فلازم احب المادة اللي بذاكرها
انا عارفة اني مجنونة وجنتكم معايا بكلامي دة
عموما ميرثي كتير انك طرحتت الموضوع
والله ينور
وربنا يوفقكم كلكم يا جماعة إن شاء الله
amour_amour88 21-06-2009, 06:55 PM اولا باشكركم ع مشاركات حضراتكم
ما هو فيه فرق كبير بين انك عارف انك عاوز ايه وبنيت اساسك ع دا ورتبت كل حاجه وفرق بين انك اصلا مش عارف انت عاوز ايه
فلم ييجيلك اي حاجه مش بتفرق لانمك مش قررت من الاول تبقي ايه انما لم تقرر تبقي ايه وتحلم بدا وعلشان دايما الواحد بيصدق اللي بيتمناه وييجي بعد كل دا مش يكمل طبعا كله بامر الله طبعا بس بتكون صعبه اوي ف البدايه
sympathique 22-06-2009, 12:45 AM العملية مش بتقاس كده وده مش بيعتبر مقياس وياما فيه طلبة حصل لهم كده ودخلوا كليات تانية واجتهدوا فيها واصبحوا معيدين وده عن تجربة واقعية امامى اتنين اخوات اتعينوا معيدين فى كلية تجارة وكانوا متفوقين فى الثانوية العامة
amour_amour88 22-06-2009, 10:19 AM يا خساره انا ما بحبش تجاره
sympathique 22-06-2009, 02:31 PM يا خساره انا ما بحبش تجاره
انا مش عايزك تشتت نفسك
وبعدين مش شرط كلية تجارة ده مجرد مثال من امثلة لاتحصر
وبالمناسبة انا مش بنت انا اسمى شريف واسراء دى تبقى اختى الصغيرة كى جى 2 وانا بحبها اوى .
وانا فى كلية سياحة وفنادق
سورى ان كنت طولت عليك بس (عسى ان تكرهوا شئ وهو خير لكم)
amour_amour88 22-06-2009, 08:05 PM صدقني يا شريف ف الاوقات دي مش بتلاقي اسهل من كلام تطييب الخاطر انا مش اقصد كده انا اقصد ايه اللي ممكن يحصصل للانسان دا بعد كده
انت لو عاوز كلام يطيب الخاطر ياااااااااااااااااه مفيش اسهل منه
BATSY15 23-06-2009, 04:42 AM المقصود من كلامنا كله يا استاذ عمرو ان حضرتك تحاول تكون مرن في تفكيرك من دلوقتي
يعني ذاكر واعمل كل اللي عليك هتلاقي نتيجة كويسة تدخل بيها الكلية الي تحبها
وخلي دايما عندك خطة بديلة
يعني لو بعد الشر وفي اسوأ الظروف مجتش الكلية اللي تحبها
خليك مخطط انك لو مدخلتش الكلية دي تدخل كلية تانية بتحبها بردو
يعني حاول ترتب اولوياتك وكدة و تعمل دايما خيار بديل او خطة بديلة في كل حاجة عشان متتصدمش في اي مفجأة
وفي الآخر تعمل كل اللي تحيه
وتخطط لمستقبلك صح
اتمنى ان حضرتك إن شاء الله تدخل الكلية اللي تحبها ومن غير اي قلق
تحياتي
amour_amour88 23-06-2009, 12:14 PM يا رب اتمني دا صدقيني انا ممكن اكون بتاكلم ع نفسي بس انا الحمد لله حاسس اني تعبت اوي وحاسس ان ربنا مش حيضيع تعبي ان شاء الله
بس فيه ناس كتير بيحصلهم دا وبيكونوا اقرب للفشل بطريقه فظيعه فانا باتناقش مع حضراتكم علشا نتعلم من اخطاء غيرا ونلاقي حلول
BATSY15 24-06-2009, 07:39 AM كلامك صح
وصدقني الحل الوحيد إنك من الاول متكنش متعصب لفكرة معينة او تثبت عليها تبقى مرن يعني
لازم يبقى عندك اكتر من اختيار في وقت واحد
والواحد مش عارف الخير جايله منين
كل شيء جايز
احنا عايزين نعمل حسابنا على كل شيء حتى لو كان المستحيل
والناس اللي هما عملوا حسابهم على كلية وطبعا ضاعت احلامهم اول لما جاتلهم كلية تانية
دة علشا هما من الاول ثبتوا على فكرة واحدة
معملوش حساب لأي احتمال تاني ودة غلط جداااااااااااااااااا
عشان كدة اتصدموا
ولازم تثق ان الخيرة فيما اختاره الله ...وصلي صلاة الاستخارة هتساعدك كتير جدا
خليك مرن من دلوقتي تستريح في حياتك كلها
وربنا معاكم
amour_amour88 24-06-2009, 08:36 AM لازم يبقى عندك اكتر من اختيار في وقت واحد
انتي مش شايفه ان دي صعبه جدا يعني انتي ممكن تقرري وقولي لو مجبتش هندسه خلاص حأدخل طب
او لم جبتش ب يبقي علوم
مش شايفاها مستحيله
BATSY15 24-06-2009, 09:01 AM اممممممممممم؟
لأ مش للدرجة يعني
واعتقد ان الدنيا دلوقتي علمنتنا ان مفيش حاجة اسمها مستحيل
والموضوع مش بالطريقة دي
يعني مثلا لو انت عايز طب
تتدرج على هذا الاساس
يعني مثلا مثلا يعني
الاول نفسك في علوم
وبعد كدة طب اسنان او صيدلة
وبعد كدة شوف ميولك اكتر بعد المواد العلمية زي الكمياء والاحياء ايه؟
لو رياضة يبقى مثلا هندسة قسم معين
وبعد كدة القسم اللي اقل منه
يعني تشوف ميولك ايه؟
بالنسبة للمواد
واقرب كلية فيها المواد اللي بتحبها وانهي قسم؟
ماهو في ناس بتحب الرياضة مثلا ومجموعها بيأهلهاش للهندسة
فبتدخل تجارة قسم محاسبة او مثلا
او بتعمل معادلة وتدخل هندسة زراعية
... ودة في اسوأ الظروف
يعني الكليات دي رغم انها مختليفة الى ان كل قسم فيها بيكون مشابه الى حد ما لقسم تاني في كلية تانية فاهمني؟
amour_amour88 24-06-2009, 11:00 AM لا انا مختلف معك ف الرأي ( ولكني ع استعداد ان ان اضحي بحياتي ف سبيل الدفاع عن رأيك )
لا انا مش بأفكر خالص كده وع العموم وجهه نظر احترمها بس الواحد لازم يبقي مستقبله واضح امامه مفيشهوش ضباب يشوهه او يضله عن طريقه
دي بتبقي حاجه واضحه تمام
يعني مثلا لو قررتي انك تخرجي النهارده وقولتي انا رايحه عند فلانه
ممكن تحطي احتمالات وتقولي لو مرحتش عند فلانه يبقي فلانه وان مكنتش دي تبقي دي
لا طبعا حتروحي ليها لو مش لقيتيها اكيد حترجعي تاني
صح
هاعمل تعديل للرد ده باليل لما افتح باذن الله
amour_amour88 24-06-2009, 11:46 AM Souhaits, Je pense que c'est la vie, et c'est moi aussi ..
(اعتقد انها الحقيقه ) دا رأي ولا توقيع
BATSY15 24-06-2009, 12:00 PM لا انا مختلف معك ف الرأي ( ولكني ع استعداد ان ان اضحي بحياتي ف سبيل الدفاع عن رأيك )
لا انا مش بأفكر خالص كده وع العموم وجهه نظر احترمها بس الواحد لازم يبقي مستقبله واضح امامه مفيشهوش ضباب يشوهه او يضله عن طريقه
دي بتبقي حاجه واضحه تمام
يعني مثلا لو قررتي انك تخرجي النهارده وقولتي انا رايحه عند فلانه
ممكن تحطي احتمالات وتقولي لو مرحتش عند فلانه يبقي فلانه وان مكنتش دي تبقي دي
لا طبعا حتروحي ليها لو مش لقيتيها اكيد حترجعي تاني
صح
اعتقد انك مش فاهمني لغاية دلوقتي
انا هطبق وجهة نظري او رأيي على المثال اللي انت قولته
لو انا مخططة اروح عند واحدة صحبتي زيارة مثلا عشان تعبانة
لازم احط احتمالات اني مكن مالاقيهاش
في الحالة دي هرجع بيتي وهتصل بيها اطمن من التليفون
واحط حل تاني اني لو ملقتهاش اروحلها في يوم تاني
مش يااما دي ياهروح عند فلانة او فلانة
مش هلغي الاحتمال الاساسي يعني او هدفي
انا بحاول اوفق كل رغباتي في كلية واحدة
واللي انا قولته قبل كدة مش انك تلغي هدفك او تشوش طريقة تفكيرك
اللي قولته اني اجمع كل رغباتي في كذا خيار
انت ممكن تلاقي نفس المواد اللي بتحبها في كلية تانية في قسم تاني
ووحنا بنقول كدة علىا سوأ الظروف مش بنقول كدة على اساس إنك من دلوقتي تخطط إنك هتدخل 15 كلية
يااما دي يا اما دي
انت خطط على الكلية اللي تحبها ومجموعها يكون متوافق مع قدراتك طبعا وحبك لموادها
طبعا بدام حطيت هدف هتوصله إن شاء الله
احنا بنقول لو بعد الشر محصلش يكون عنتدك خطة بديلة في الحالة دي
فاهمني ولا لسة؟
amour_amour88 24-06-2009, 12:13 PM واحط حل تاني اني لو ملقتهاش اروحلها في يوم تاني
بالجمله دي يبقي تفكيرنا بقي قريب انتي قولتي اروحلها ف يوم تاني انتي اخدتي بالك انك اخترتي اختيار واحد بس وبنيتي عليه هو كذا احتمال _مع عدم تغيير الاحتمال اصلا _
احنا بنتناقش بس وربنا ما يجبشي مشاكل يا رب
كنت سيد بمناقشه حضرتك
BATSY15 24-06-2009, 12:23 PM ههههههههههههههههههه
سو سوري:d انا عارفة اني رغاية وزهقتك مني :blush:
ههههههه
ومع ذلك طبعا دي احلى مناقشة والله ... ودة شرف لية طبعا :078111rg3: تحياتي
عموما نرجع للموضوع بقى
انا عايزة اثقول لحضرتك بس اني مينفعش اقول يا اما الكلية دي يابلاش :(
لازم اكون مجهزة خطط تانية بديلة ..لأسوأ الظروف بس مش اكتر
ويا حبذا لو الخطط دي لنفس الهدف بس بطرق تانية
يعني انا هدفي مثلا طب اسنان وهذاكر وهعمل مجهود على هذا الاساس
بس مثلا لو مجموعي اقل من طب اسنان هعمل ايه؟
اكيد مش هحط ايدي على خدي واقول املى ضاع ويادي يا بلاش مينفعش اعمل كدة
اشوف ايه المواد اللي بحبها ومتوفرة في انهو كلية بعد طب السنان
مع اني ذاكرت لكلية معينة وطلع نصيبي لكلية تانية خالص
فاهمني؟
ملحوظة :
استاذ souhaits كتب رده بس لازم تظلل على الجزء الفاضي قبل التوقيع عشان تشوفه
هتلاقيه كاتب
"هاعمل تعديل للرد ده باليل لما افتح باذن الله"
تحياتي
(http://www.thanwya.com/vb/member.php?u=73454) (http://www.thanwya.com/vb/member.php?u=73454)
(http://www.thanwya.com/vb/member.php?u=73454)
انا حطيت رد بالابيض وكان المفروض انى اعدله لما افتح باليل
بس نسيت ..
هارد تانى
:d
ماكملتش قراية كل الردود عشان الوقت
بس مش هاعرف ازود حاجة عن اللى اتقال
تقريبا هاقول نفس الكلام ..
المهم
هى فعلا مش حاجة سهلة انك تبقى حاطط قدامك هدف كبير اوى
وفجأة تلاقيه اختفى وخلاص مابقاش ينفع
خصوصا كمان لو كنت تعبت اوى عشان توصل للهدف ده
وبرضو ماوصلتش
طيب تعبك ده ضاع كدة عالفاضى ؟!
اكيد لا
عشان كدة على طول لما بتحصلنا حاجة مش راضيين عنها
بنقول قدر الله وما شاء فعل
ربنا عارف انك لما تحقق الهدف ده
مش هاتقدر تستمر فيه بشكل كويس
وانك لما تفشل فيه وتوصل لمكان تانى خالص غير اللى كنت عايزه
هاتنجح اكتر ف المكان ده
وهاتبقى مميز فيه اكتر من المكان اللى انت كنت عايزه من الاول
ربنا مش بيضيع تعب حد
وعسى ان تكرهوا شيئا وهو خير لكم
ع سبيل المثال لو انا مثلا انا بنيت كل حاجه ع اساس اني اكون مهندس ومعرفشي اكون غير مهندس يعني بأشوف نفسي المكان دا وزاكرت واجتهدت يعني عملت كل حاجه ف سبيل الوصول للهدف دا تمام
افرض بقي حصل اللي انت مش تتمناه وما دخلتش هندسه لو حتكلم عليا انا حأحس اني انسان فعلا فاشل حاحس ان حياتي ممكن تتضيع او انا اللي ممكن اضيع علشان بجد حرام والواحد مش بيبقي عارف حيعمل ايه
وقتها هاتبقى حاسس بالفشل وان خلاص الحياة وقفت
ولو استمريت ف الاحساس ده كتير هاتفشل فعلا
عشان كدة
لو لا قدر الله حصل حاجة غير اللى بتتمناها
حاول تتكيف مع الواقع بسرعة
وماتخليش الحكاية تأثر عليك
ماتحطش ف دماغك اصلا ( الكلام اسهل من الفعل اكيد .. بس حاول )
واعرف ان ربنا مش بيقدر لحد حاجة وحشة
وطالما انت اتحطيت ف مكان
اكيد هاتقدر تنجز فيه كويس احسن من اى مكان تانى
ماحدش عارف الخير فين
ولا حد عارف ايه الكويس عشانه وايه اللى مش كويس
( ربى قدر لى الخير أينما كان وارضنى به )
يا سلام على العقل اللى انا فيه !!
اكيد اللى هايقرا الرد مش هايتخيل انا كنت عاملة ازاى من حوالى سنة بالظبط
---
بس يعنى الامتحانات لسة ماخلصتش
ايه التفاؤل ده
على كل حال ..
اقدر اقولك ان لما حد يبقى عايز كلية ومايجيبش مجموعها
اسهل شوية من انه يبقى عايز كلية وممكن يجيب مجموعها
بس مفيش امل يدخلها عشان ف محافظة تانية !!
مفيش حد بيعجبه حاله
:d
وبعدين مفيش احسن من الغموض
تفضل قاعد مش عارف هاتوصل لايه
لحد ما النتيجة تطلع وتبدأ ف التنسيق
وبرضو ماتعرفش ممكن توصل لايه
باين عليا هاعمل الرغبات بنظام حادى بادى اصلا
:d
Souhaits, Je pense que c'est la vie, et c'est moi aussi ..
(اعتقد انها الحقيقه ) دا رأي ولا توقيع
الاتنين
رأى وتوقيع
حضرتك ماعرفتش تقرا الرد لانى كنت عاملة اللون ابيض
عشان اعدله لما افتح تانى
:d
يعني مثلا لو قررتي انك تخرجي النهارده وقولتي انا رايحه عند فلانه
ممكن تحطي احتمالات وتقولي لو مرحتش عند فلانه يبقي فلانه وان مكنتش دي تبقي دي
لا طبعا حتروحي ليها لو مش لقيتيها اكيد حترجعي تاني
صح
مفيش اى علاقة بين الموقف ده
وانك تخطط حاجة لمستقبلك وماتجيش
ماينفعش تربطها ببعضها
ملحوظة :
استاذ souhaits كتب رده بس لازم تظلل على الجزء الفاضي قبل التوقيع عشان تشوفه
هتلاقيه كاتب
"هاعمل تعديل للرد ده باليل لما افتح باذن الله"
تحياتي
مظبوط يا باتسى
بس متأكدة ان كلمة استاذ دى عليا
:romarioxp6:
انا اتكلمت كتيير بجد
الرغى بتاع الامتحانات مأثر عليا
ده غير انى رغاية بالفطرة
يلا كفاية كدة ملل بجد
بالتوفيق ،
:d
amour_amour88 30-06-2009, 02:28 AM انا بأشكركم جدا جدا ع اهتمام حضراتك والمشاركات الفعاله فعلا ان شاء الله مقدرش اكمل كلمه واحده الي ان تظهر النتيجه يعني بعد التنسيق اقولك ع فكره الموضوع دا عني شخصيا
وربنا يستر عاف انت لم تكون نفسك حد كويس حد ناجح حد فعلا كان قد المسئوليه لم تعلقت عليه الامال عارف بقي لم تطلع عكس كل دا وانت اصلا شخصيتك مش تستحمل كا دا بيبقي صعب
نكمل بعد التنسيق شكرا لحضراتكم
|