ينهي اليوم‏92‏ ألف طالب وطالبة من طلاب الثانوية الأزهرية بقسميها العلمي والأدبي امتحاناتهم بكل المعاهد علي مستوي الجمهورية للعام الدراسي الحالي‏2008‏ ـ‏2009,‏ والتي استمرت أسبوعين‏.‏

ومن جانبه‏,‏ أكد الشيخ محمود شتا رئيس كنترول الثانوية الأزهرية أن النتائج العشوائية لعينات المواد أثبتت أن النتيجة هذا العام ستكون مبشرة للغاية وخاصة طلاب القسم العلمي حيث وصلت نسب النتائج في معظم المواد إلي‏100%.‏

وقال شتا إن مادة التفسير للقسم العلمي جاءت‏98%,‏ والأدبي‏87%,‏ والحديث علمي‏100%,‏ والأدبي‏95%,‏ والتوحيد علمي‏100%,‏ وأدبي‏90%,‏ والقرآن الكريم علمي‏100%,‏ والنحو أدبي‏67%,‏ والصرف علمي‏90%,‏ وأدبي‏74%,‏ والبلاغة علمي‏99%,‏ وأدبي‏76%,‏ والأدب والنصوص علمي‏100%,‏ وأدبي‏81%,‏ واللغة الإنجليزية أدبي‏73%,‏ والفرنسية‏86%,‏ والفيزياء‏86%,‏ والاحياء‏93%,‏ والجغرافيا‏92%.‏ والمنطق‏74%.‏

وأوضح أن التصحيح الفعلي لأوراق الإجابة سيبدأ بعد غد‏,‏ في‏8‏ مراكز علي مستوي الجمهورية وهي‏:‏ القاهرة‏,‏ الغربية‏,‏ المنوفية‏,‏ البحيرة‏,‏ الدقهلية‏,‏ أسيوط‏,‏ سوهاج‏,‏ الشرقية‏,‏ علي أن يتم تجميع أوراق الإجابة بعد التصحيح في الكنترول الرئيسي بالقاهرة لرصد المواد يوما بيوم‏.‏

وأشار الشيخ محمود شتا إلي أنه من المقرر أن يتم الانتهاء من الرصد نهاية هذا الشهر حتي يتم إعلان النتيجة النهائية أوائل الشهر المقبل‏,‏ فور اعتمادها من فضيلة الإمام الأكبر الدكتور محمد سيد طنطاوي شيخ الأزهر‏.‏

ياااااااااااااااارب وفقنا

هى دى نسبة النجاح فى المواد والا نسبة العينة العشوائية

بس انا اعتقد ان التنسيق السنة دى هيطلع فووووووووووووووووووووووق جداا

يا عم حرااااام عليك
بعد الامتحانات دي عاوز تطلعه فوق
اللهم أنزل على قلوب المصححين و من يضع التنسيق الرحمة

حديعرف معاد النتيجة امتى بالظبط

والله احنا تعبنا قوى لو طلعوه هتطلع روحنا معاه
ادعوا ربنا يسهلها علينا

ع فكرة التنسيق مستحييييييييييل يطلع ابدا


لان الامتحانات كانت صعبة اوى


وخليكو متفائلين

أولا الامتحانات كانت أكترها سهله يعنى مثلا

المواد الشرعية كانت سهلة جدا جدا وخاصة الحديث بس أعتقد ان امتحان الفقه كان أطول امتحان

المواد العربية كانت سهله هو الصرف اللى كان طويل شوية بس

اما المواد الثقافية الأحياء كانت طويلة وكانت يعنى كام نقطة اللى محتاجين تفكير

الفيزياء طويلة جدا بس كلها أسئلة معروفه (للناس اللى حلت كتييير )

الكيمياء سهلة جدا

الرياضة الجبر سهل جدا جدا جدا والميكانيكا والتفاضل مش أوى

الانجليش أصعب مادة قابلتنى بس هو الامتحان سهل بس كان Rewrite بس اللى محتاج تفكير

وأخيرا المستوى الرفيع اللى كان صعب جدا بس الواحد حل فية شويه يعنى 11 أو 12

الامتحانات كانت سهلة جدا بس يارب التنسيق ينزل

شكرا ليك بس انا عايز اعرف الشهاده هتبان امته بالضبط

يـــــــــــــــــــــــــــاااااااااااااااااااااا ااااااااااااااااااااااارب التنسيق ينزل خاااااااالص السنه دى والله احنا تعبناقوىىىىىىى وصحتنا راحت دا أكبر دليل على التعب

والله الواحد خايف لحسن التنسيق يعلى السنة دى
ياااااااااا رب ميعلاش

الامتحانات كن مستواها كويس اووى الحمد لله انا متفقة مع راى aboab
فعلا كان الفقه عاوز رغى كتير والمواد العلمى كانت طويلة بردو
والرياضة الفرع الوحيد اللى كان سهل هو الجبر والفراغية اما الميكانيكا والتفاضل كانو رخمين اوى
الاحياء والكميا كانو سهلين بس الامتحان كان طويل
والفزيا بردو كانت الى حد ما كويسة
والانجلش كان سهل اما المستوى بقى فحسبى الله ونعم الوكيل فى اللى حط الامتحان
بس اتحل بردو الحمد لله

ربنا يوفقنا جميييييييييييييييعا والكل يجيب اعلى المجاميع ان شاااااااء الله

يا مسهل التنسيق بنزل لأنه لو منزلش انا ممكن اولع في النتيجة

يا جماعة التنسيق دا معتمد على حاجتين أساسيتين

أولا عدد اللى جايبين مجاميع عالية ( ممكن الامتحانات تبقى سهلة ايوا بس تلاقى عدد اللى جايبين مجاميع قليل )

ثانيا اللى هم فى أول سنة جامعة _طب-صيدلة-هندسة ) لو عدد اللى ناجحين قليل فى الحالة دى هيبقوا عايزين عدد قليل اللى يخشوا الكليات دى


فى حاجة أخيرة لو مفيش غش فى الامتحانات أنا أعتقد ان التنسيق كان هينزل شوية

أنا كان فى اللجان اللى جنبى ناس مذكرتش طول السنة وأخرج ألاقيهم الواحد فيهم حالل الست أسئلة فى بعض المواد العلمية

طبعا حد موصى عليى فى اللجنة قريبه ولا صاحب باباه ولا اى حاجة

انا كنت بازعل جدا جدا جدا من الحكاية دى بس يالله الحمد لله والواحد ذاكر كويس طول السنة

وفى النهاية ان الله لا يضيع اجر من أحسن عملا

ياجماعه انا من رأييى ان الامتحانات كانت تتسلسل بالصعوبه احنا لما نيجى نقارن صعوبه الامتحان مش بنقارن بمستوانا احنا بنقارن بالنسبه للامتحانات الل جات ابل كده الامتحانات اينعم فى مستوانا
لكن فى الفقه السنه دى اصعب من السنه الل فاتت بكتييير والنحو كمان يمكن فى مستوى السنه الل فاتت اما البلاغه والجبر والحديث والتوحيد والقرأن والاحياء والكيمياء فكانوا اسهل بكتيير من السنه الل فاتت
اما المواد الل كانت صعبه جدا بالنسبه للسنه الل فاتت هيا التفاضل والميكانيكا والفيزياءواللغه الانجليزيه والصرف
اما الادب فكان نفس امتحان السنه الل فاتت
وعموما ان الامتحانات كلها الحمد لله كويسه مافيها نقاط غامضه اد كده
بس اعتقد ان ان شاء الله التنسيق هايفضل زى ماهوا فى الطب والصيدله وهايرفتع فى الهندسه
عموما ربنا يوفقنا جميييعا بس اهم حاجه مش عايزين حد يتكلم فى الل مالوش فيه يعنى مثلا كل شويه واحد يطلع يقول النتيجه يوم كذاوده بجد ماينفعش لانه بيلعب بقلوب الناس واصلا احنا مش مستحملين
ربنا يوفق الجميييييييع

كونان باشا

الحديث والتوحيد والقران عمرهم ما كانوا صعبين فى أى سنة


الأحياء السنة اللى فاتت كان اللى حالل دليل التقويم يدخل يقفل الستين و السنة دى فى مستوى السنة اللى فاتت برضة والسنة دى كان فيها برضه نقط

اما الكيمياء السنة اللى فاتت كان جايب أسئلة بتتكرر كتير والطلبة حافظينها زى التجارب والمقارنة اما السنة دى كان جايب بعض النقط عمرها متكررت قبل كده وعلى فكرة الاسئلة اللى انت ممكن تفكرها كانت عايزة اجابة كتتير فى امتحان السنة اللى فاتت كانت كلمه ونص فى نموذج الاجابة

النحو السنة دى اسهل كتيييير من السنة اللى فاتت لانه جاى بسيط جدا ومفيهوش حاجة

وعلى فكرة أكتر سؤال بيوقع الطلبة هو الاختيارى زى ماحصل فى النحو والبلاغة

هى الامتحانات سهلة بس عاوزة الواحد يكون مركز وفاهم المنهج كويس ومركز على كل نقطة فيه والا مش هيقفل الدرجة

الا الناس اللى غشوا بقى فجت معاهم كده واللى يغش السنة دى مش هيغش كل سنة ولا هيغش طول عمره

اولا المتحانات مش ايجت سهله بالطريقه الى بتتكلم بيها دى
فيه امتحانات انا معاك انها كانت سهله بس جميع المواد العربيه كان فيها افكار غريبه
مش اقدر اقول من خارج المنهج بس بالمقارنه بالسنين الى فاتت كانت صعبه
المواد العلميه سهله بس طويله
وعموما ربنا معانا
انا متفائل ان التنسيق هينزل قولو يارب

يا جماعة احنا عاوزين نعرف الاهم النتيجة يا جماعة ياريت وياريت حد يجيب معاد النتيجة بالظبط وااتمنى للجميع النجاح ان شاء الله

خلاص النتيجة على الابواب وبكرة نقول كلنا مجموع عالى
وهنشرب الحاجة الساقعة كمان
:022yb4::022yb4::022yb4:

اولا هاقولك على حاجه امتحان الاحياء السنه الل فاتتانا ماقولتش صعب ولا الحديث ولا القرأن انا اقصد بالنسبه لامتحاناتنا وبعدين انت المفروض تقول الل ليك والل عليك المواد العربيه السنه دى بجد كانت عبيطه مع انى ماضيعتش درجات غير فيها aboab

اه نسيت اقولك انك جالك نعيم القبر وعذابه اما هما جالهم اليوم الاخر وده بكل المقاييس اصعب فى التوحيد لانه بيعتمد على كلام معقد كتير اصلا

خلاص النتيجة على الابواب وبكرة نقول كلنا مجموع عالى
وهنشرب الحاجة الساقعة كمان
:022yb4::022yb4::022yb4:
ياسلام ياخويا تعالالى وانا هاشربك صناديق بس تطلع على خييييير :d

فعلا التوحيد السؤال الاخير كام رخم شوية لكن اجابته كلمه ونص

عموما الامتحانات خاصت ويارب يوفق الجميع

ان شاء الله موفقين
وان شاء الله اشوفكم عندنا في طب
بس عاوز اقول حاجه ل aboab
موضوع الغش والتوصيات ده بيحصل كل سنه
بس صدقني مفيش حد فيهم بيجيب مجموع