اختي العزيزة هند
قبل ما اتكلم انا عندي 21 سنه وطالب في رابعه هندسه
يمكن انا الوحيد الي هخالف رأيكم كلكم بس ياريت الجميع يقرأ رأي ويفكر قبل ما يرد
انا واحد من الناس مبدخلش المنتدى ده اكتر من 10 دقائق بس
ويمكن 10 كتير كمان
انا مش بنقص من اهميه المنتدى ده
لا ابدا انا بنتقص من تفاهة ودهاء معظم المشتركين
كل واحد هنا اللي هامه انه يكون من افضل 10 لهذا اليوم
اخي واختي العزيزة قبل ما تقعد 10 ولا 12 ولا حتى 7 ساعات ادي ربنا حقه الاول
بدل ما كل واحد عامل نفسه شيخ او متدين وعمال يكتب مواضيع دينيه مثلا
خليه الاول يعرف واجبه لربنا الاول
انا عن نفسي ممكن اقعد 13 ساعه على النت ولما يطلعوا بدخل مواقع علميه اقرأ شويه كتب
بس منهم بس 10 دقايق على منتدى والباقي اما شات مع اصحابي
على الاقل الصداقه مفيده شويه عن اني ارد وخلاص على اي موضوع حتى من غير ما اقرأه
يا اخي على الاقل افتح منتدى علمي اتعلم منه
اقرأ كتاب على النت يكون عن حاجه غريبه
اقرأ عن الخيال العلمي
العلوم الطب الهندسه اتعلم واستفيد من وقتك احسنلك وانفعلك
الحقيقه هنا في شويه شباب ماشاء الله على التفاهة يعيني على الدهاء الزائد اوي اوي
يحسسك ان عندو 10 سنيين والله
الناس الكبيرة العاقله تفكر معايا
ليه دايما المواضيع الهامه المفيده مش عليها ردود في حيين المواضيع التافهة ماشاء الله بالالاف
ادخل بوابه الفوازير تلاقي حوالي 3000 رد على اي حاجه هههههههههههههههه انا داخل منتدى ثانويه احل فوازير يا عيني يا عيني ولا (اكتب من واحد ال5 واللي يجي عنده الرقم 5 يهدي ورده لاي شخص) ههههههههه انا مش عارف انا داخل استفيد ولا اوزع ورد والمصيبه تلاقي الرد حوالي3800 لا وبيزيدوا ماشاء الله
شغل عقلك
في كام واحد بيقرأ الموضوعات بجد وفهم
والله اكترهم بيحب يرد بس عبارات تافهة اوي
شكرا عفوا الموضوع جميل هههههههههه مشكور موضوع هادف
وانا اقسم بالله العظيم ان معظمهم ميعرفش الموضوع عن ايه
واكتر الردود بتنقلب لتعارف او عبارات حلوة للبنات
والبنت ترد علشان تزود نقطها هي كمان وهكذا
افتكر يوم القيامه انك هتسأل
عن عمره فيما افناه
وعن علمه .. هل انتفع به
واكيد هتكون اجبه معظمكم
لالالالالالالالالالالا
ربنا معاكم يا شباب مصر

انا عن نفسي مبضيفش رد ف موضع مش عاجبني وانا بقري كل المواضيع اللي برد عليها

بس الصراحه انت عندك حق ف كل كلمه قلتها بس دول قله ومش اغلبية اعضاء الثانوية

للاسف يا بات مان
دول كتيير اوي اوي اوي
انا ساعات كتير بحس ان بتوع الثانويه دول اطفال
والله انا ايام ما كنت في ثانويه مكنتش كده
مش للدرجه دي يعني
عموما شكرا على الرد

فعلا الموضوع دا يستحق نقاش
لان الناس اللي كانت ف المنتدي من مده طويله بيقولوا ان المنتدي اتغير وان في ناس جديده والمنتدي مبقاش زي الاول تعليمي ثقافي ديني وان حاجات كتير اتغيرت فيه

انا فعلا لو مفيش حد ناقشني في الموضوع ده وفهمني ايه الي بيحصل انا هسيب المنتدى للابد
لو سمحتوا الي يدخل يسيب رد
اعتراض
زم
شكرا
ومش عايز العبارات التافه يعني اقرأ قبل ما ترد

انا بدخل قسم الالعاب علشان دى اجازه وخصوصا لو كان مفيش اعضاء كتير موجودين

وبرده بدخل باقى الاقساام اكثر ....

بص يا باشمهندس اولا مش كل اللي في منتدي الثانويه العامه طلبة ثانوي وحتي لو كلهم طلبة ثانوي بردوه مهما يكون

حكاية اللي يدخل يقول شكرا وجزاك الله خيرا بدون ما يقرأ الموضوع ده هو ده اللي عضو تافه وانا معتقدش ان في اعضاء تافهين هنا في المنتدي ولو في والله ولا هتحس بوجودهم ويا اخي عدد المشاركات ده عمره ما كان مقياس

اما حكاية قسم الالعاب انا عن نفسي مش بدخله إلا لما بلاقي ان رديت في كل الموضوعات التانيه اللي شدتني وقرأتها كويس ورديت وناقشت فيها او كان موضوع فيه نقاش وانا اضفت رأيي ومنتظر رأي باقي الاعضاء بدخل اتسلي في قسم الالعاب وده مش مجرد لعب ولا بنعد من واحد لعشره ولا خمسه وخلاص في النهايه لما بتهدي ورده لعضو بتكسب محبته في الله طبعا احنا مش هدفنا حاجه تانيه غيره كده

يا اخي احنا كلنا هنا من لحظة انضمامنا للمنتدي اعلنا اننا اخوه في الله لكل اعضاء المنتدي وتقدر تدخل تشوف قسم عضو جديد وانت هتعرف ده بنفسك اما اللي بيدور علي علاقه شخصيه ده من علي النت مع بنت او العكس ده انسان مريض ومعتقدش تلاقيهم هنا لانهم حتي لو موجودين مش هيقدروا يوصل لغرضهم غير مع انسان تاني مريض علي شاكلته ليس اكتر

للاسف انت شايف الكلام ده لانك مش بتدخل المنتدي ده غير 10 دقايق زي ما بتقول

شكرااااااااااااااااااا

انا موافق معاك يا هندسة في نقطة انه يجب علينا الاستفاده من وقتنا فيما ينفع

و مش عشان احنا في اجازة نضيع عمرنا هباء لا المفروض نستفاد من كل ثانية بتمر

و خدوا مني هدية منتديات العلوم الميسرة (http://www.easyscience.org/ib/)

بصراحة موضوعك عجبنى اوى

لان عندك حق فى كل كلمة فيه

لكن هقوللك زى ميدو مش كل اعضاء المنتدى طلبة ثانوى معانا ناس مدرسين وطلبة جامعات وخريجين كمان

انا شخصيا فى 2 كلية اداب

ونشاطى الاساسى هنا كتابة الشعر الى جانب مواضيهع فرعية بنتقيها بعناية

والحمد لله بعرف اوازن وانا زيك مليت وكنت هسيب المنتدى

لكن والله مش بتهون عليا عشرة اصحاب بحبهم وبحترمهم اوى

بس حقيقى بتمنى اشوف المنتدى ده افضل وارقى واحسن

بالنسبة للشعراء فى اقسام اللشعر والنثر احنا الحمد لله عدلنا الحال المايل ده

وكرثنا جهودنا للافادة والاستفادة

اتمنى كل قسم هنا يبقى زى الاقسام الادبية

بشكرك جدا على موضوعك اللى حقيقى مهم ولازم يتناقش ويتاخد على محمل الاهمية

تحياتى

نغم البحر

بص يا بشمهندس احمد أنا هقول لحضرتك حاجة
انت فعلا بكلامك ده اتضحلي ان انت متعرفش اي حاجة عن المنتدى لانك فعلا لو تعرفه بجد كنت عرفت هدفه الأساسي
دولازم تعرف زي ما قالولك مش كل الناس في ثانوي يا بشمهندس في منهم الدكاترة والمهندسين اللي زي حضرتك والمثقفين وتلاقي ليهم نشاط في جميع الأقسام
هسالك سؤال واحد بس انت على اي اساس اتهمت اعضاء المنتدى انهم مقصرين في حق ربهم لعلهم أفضل مني ومنك عند الله لا تتهم احدا دون علم اخي الفاضل
وهسألك سؤال تاني انت نفسك متلعبش على الكمبيوتر بتاعك وممكن تقعد تلعب ساعة ولا اتنين عليه
ده زيه زي قسم الالعاب في ناس بتبقى داخلة للعب وبس ومقدرش أقول عليهم ناس تافهة لانهم ممكن يكونوا داخلين للأساس ده بعد مثلا قترة طويلة من المذاكرة وداخلين يرفهوا عن نفسهم شوية هو الترفيه بقى حرام الايام دي ولا ايه .
أنا برده واحد من الناس بحس اني عايز ارفه عن نفسي شوية بدخل وبلعب في قسم الالعاب ايه المانع من كدة اعتقد انها مش شيء حرام علشان نلوم الناس عليه ربنا ادانا كل واحد عقل يفكر بيه وعارف هو عايز ايه
أنا مش هتكلم أكتر من كدة بس انا اكتر واحد عارف المنتدى لاني موجود فيه تقريبا من بعد تأسيسه ولا أنكر اني تعلمت منه الكثير والكثير من الاخلاقيات وتعلمت منه الكثير والكثير من ديني وتعلمت فيه فكر وثقافات جديدة لم تكن لتخطر ببالي وتعررفت على اشخاص جمعني بهم في البداية الالعاب وتقابلنا وتعرفنا على الحقيقة ألم تصبح هنا الالعاب ذات اهمية فقد كانت سببا في ان تصير علاقة دائمة بيني وبين هؤلاء .
يا اخي أرجو ان تستمر في المنتدى وتجلس فترات طوية وتتابعه فخمس ساعات يوميا لا تكفي لمتابعة كل الجديد بالمنتدى

وأشكرك لطرحك ذلك الموضوع

للاسف حضرتك ما تعرفش المنتدى بشكله الصحيح او بمعنى اصح ما خدتش فكرة عنه لأنك زى ما بتقول بتقعد عشر دقايق بالكتير

بالنسبة لقسم الفوازير والحاجات دى ايه المانع منها بالعكس انت لما تهدى وردة لعضو انت بتكسب مودته زى ما قال ميدو كده

كمان انا شايف ان الركن العام مليان مواضيع جادة علمية وسياسية وثقافية وكذلك فلاسفة تحت التمرين وكذلك القسم الادبى والقسم الدينى والاقسام التعليمية يعنى تقريبا كل اقسام المنتدى مواضيعها هادفة

بس برضه ما ننكرش ان فى اعضاء تافهة بس انا باؤكد انهم قلة قليلة

فعلا الكلام ده صح يا بشمهندس
انا كان الاول شغلى كله مواضيع طويلة او دينية ملقيتش حد بيرد عليا برد واحد
وبعدات اصغر حجم المواضيع يمكن يجى بفايدة وبرده مفيش فايده
مكنش حد بيرد عليا الا الاعضاء اللى فعلا اسمهم اعضاء منهم مهرة و استاذ مجدى واستاذ عبد العظيم و..و..و..
لما عملت لعبه وقلت اجرب اشوف ايه اللى ماشى مع الاعضاء
فى يوم لا فى 8 ساعات لقيت 123 رد بصراحة استغربت
وكمان الاعضاء الجداد معظمهم تافهين جدااا

بصراحة انا بقترح اقتراح

ان الاعضاء الجداد يتعملهم اختبار صغير وبسيط بحيث اننا نعرف العضو صالح للمنتدى ويكون اد المسئوليه ولا لا

زى المدارس بالظبط وده لمصلحة المنتدى ولمصلحة الاعضاء كمان

وشكرا جدااا يا بشموهندس على الموضوع

<div class='quotetop'>إقتباس</div>
ان الاعضاء الجداد يتعملهم اختبار صغير وبسيط بحيث اننا نعرف العضو صالح للمنتدى ويكون اد المسئوليه ولا لا
[/b]

يا ترى الاختبار ده يبقى ازاى بقى

اعتقد صعب اوى الكلام ده

يعني ايه نعمل للناس اختبار هو احنا هنقدم في شركه واروح اعمل انتر فيو الاول قبل ما يقبلوني او لا المنتدي مفتوح للجميع يا جماعه فقط شرط الاحترام المتبادل مع الاعضاء ما عدا ذلك مفيش اي شروط

قرءت الموضوع والردود جميعها
ولم أجد ما أقوله فألتزمت الصمت

ليه يا استاذ جمعه عايزين نشوف راي حضرتك

وهناك شئ واحد لفت إنتبهى لماذا وجهت خطابك لهند !!!!!!!!!!!!
ولم توجه للمنتدى بأكمله
هل صندوق الرسائل الخاصه ممتلئ عند هند

ثانيا" الشات مفيد من وجهة نظرك الشات الخاص على الياهو والمسينجر والدليل أنك سيبت أميلتك فى التوقيع
أليس ترى أن ذلك قد يجعل بعض الأشخاص يقولون على موضوعك أنه حق أريد به باطل

الموضوع مكرر
للمرة الالف وخمسمية وخمسين
يعنى لما عملت انا موضوع محدش عبرنى يعنى
يالالالا كله بثوابه
بص يا اخ احمد

انا ملاحظ فى الفترة الاخيرة
ان ردودك على المواضيع كلها اسطمبة واحدة
ونفس الكلمة بالظبط فى مواضيع معينة
مش هعمل فيها المحقق كونا ولا حاجة
هادور عليها المهم

طب ما تعمل موضوع لوحده يا بشمهندس
يعنى بلاش تنقل الرد بتاع موضوع وتعمله موضوع لوحده
طب اعمل تحرير وشيل هند دى
عشان الاسم بيعمل حساسية للى داخل وخارج
اكتب الى اعضاء المنتدى وخلصت


المهم برضوانا قريت الموضوع بس معلقتش عليه
لو الكلام اللى هاقوله ليه لزمة
قولولى عشان اتكلم
لو ملوش
يبقى بلاش عشان مش اكتب ومحدش يقرا
ولنا عودة

بص يا اخ هقولك كلمة مش عاجبك المنتدى مش تيجي العشر دقايق والعشر دقايق بتوعك مش هيوصلونا المريخ يعني كل واحد حر وانا الحمد لله بشارك في كله والمنتدى الوحيد اللي بفتح صفحته


انتا متعرفش هنا اننا اسرة واحدة عشان كدا مش تتكلم واحنا يا عمي بنرسم ع البنات بردودنا زي ما بتقول

وهما بيردوا علينا عشان يزودا مشاركتهم


اوكى بس خلي بالك من ردودك اللي تقريبا كلها شئ واحد مشكووور وكام كلمة كدا

ولو انتا مش عاجبك اي حاجا مش تيجي مش هنخس بيك يعني معلش انا عصبي عليك مع اني مبأتش اتنرفز بسرعه بس كلامك كله غلط وانا محدش هيقيدني في كلامي واعمل اي حاجا في المنتدى انا عاوزها طول ما اناا محترم نفسي ومراعي ربنا اوكى


ولو انتا شاطر كدا يا حج روح مليون منتدى تاني

هتستنى هنا اهلا بيك لكن مش تدخل توجه كلام سوري يعني غبي وملوش اي اساس

اللي يلعب يلعب واللي يقرأ يقرأ واللي يستفيد يستفيد ملنا ش دخل بيهم كل واحد حر في نفسه اوكى يا لورد سلام ;)

اعضاء جداد تافهة اعضاء جداد تافهة
انا هقول كلمتين مش هكتر على فكرة الكلمة دى خلت ناس كتير جدااا كانت عاوزة تشترك فى المنتدى ما اشتركتش
حتى انا اضيقت من كتر الكلمة دى ولولا حبى للمنتدى كنت سبته وخلصت دماغى
وبعدين فين الاعضاء التافهة دول بليز ياجماعة قولولنا اسم واحد
انا اصلا مش لاقى اعضاء جداد كتير قد كدة
وبعدين انتوا اللى هو انتوا الاعضاء القدام اللى بدردوا فى معظم المواضيع ويبقى ليكم معظم الردود
كلامك صح فعلا ولازم الواحد ينتفع بوقته
بس اظن كلمت حتى شكر على الموضوع بتدفع صاحب الموضوع انه يكتب اكتر واكتر
ياريت يا جماعة تصلحوا نفسكوا وكل واحد يشوف عيوبه الاول وبعدين بعد كدة لو مالقتوش فى نفسكوا عيوب
وطلعتوا براءة . ساعتها لو فى اى عضو جديد عمل موضوع ماتبقوش تردوا عليه لحسن يكون تافه
بس كدة خلاص دول الكلمتين
استودعكم مع الله :)

<div class='quotetop'>إقتباس(ياعينى @ Aug 27 2006, 04:54 AM) 202706</div>
اعضاء جداد تافهة اعضاء جداد تافهة
انا هقول كلمتين مش هكتر على فكرة الكلمة دى خلت ناس كتير جدااا كانت عاوزة تشترك فى المنتدى ما اشتركتش
حتى انا اضيقت من كتر الكلمة دى ولولا حبى للمنتدى كنت سبته وخلصت دماغى
وبعدين فين الاعضاء التافهة دول بليز ياجماعة قولولنا اسم واحد
انا اصلا مش لاقى اعضاء جداد كتير قد كدة
وبعدين انتوا اللى هو انتوا الاعضاء القدام اللى بدردوا فى معظم المواضيع ويبقى ليكم معظم الردود
كلامك صح فعلا ولازم الواحد ينتفع بوقته
بس اظن كلمت حتى شكر على الموضوع بتدفع صاحب الموضوع انه يكتب اكتر واكتر
ياريت يا جماعة تصلحوا نفسكوا وكل واحد يشوف عيوبه الاول وبعدين بعد كدة لو مالقتوش فى نفسكوا عيوب
وطلعتوا براءة . ساعتها لو فى اى عضو جديد عمل موضوع ماتبقوش تردوا عليه لحسن يكون تافه
بس كدة خلاص دول الكلمتين
استودعكم مع الله :)
[/b]

عين العقل

السلام عليكم ورحمه الله
اولا اشكركم على الردود لاوي
ثانيا انا شايف ان اي رأي ناقضني فهو رأي عيل صغير او طفل
لان من اسلوبه باين اوي انه فعلا عيل هههههههههههههههههههههههههههههههههههههههههههههههههه ههههههههههههههههههههههههههههه
الاستاذ الفاضل بيقول اني معرفش حاجه عن المنتدى وده طبعا من زوقه اولا ومن قله عقله تانيا

اخي الفاضل انا راجل مهندس عندي 21 سنه
يعني الحمد لله بيقولوا عليا بفهم والحمدج لله
ولعلمك انا شغال في شركه مقاولات كبيرة جدا
يعني الشركه بتعتمد عليا في حاجات كتير اوي يعني اعتقد ان دماغي كبيرة شويه
وطبعا عجبني لرد استاذ جمعه اوي
يعني يا اخي الفاضل انا هبعت الموضوع ده كله عشان هند
لا يا عم انا دماغي ازكى من كده شويه واكيد ازكى منك شويتتين
مش انا اللي ابعت لحد ايميل بالطريقه دي
بس انت فعلا ملقيتش حاجه تقولها وملقيتش اي رد قولت تكتب اي كلمتيين يعني تحرجني
وعشان انا اريحك شخصيا دي كانت غلطه مطبعيه مش اكتر
بص يا اخي الفاضل ربنا يهديك واذا انت كنت كده فعلا فحرام عليك تدرس
خليك في بيتك احسن انت انسان فاضل المفروض انك بتربي اجيال مش تحاور وتحور في الكلام لتكون انت الصح
والردود التانيه اللي بتقول انا معرفش حاجه
انا احب اقوله ان الشخصيات المحترمه جدا ردت عليا بأسلوب جميل وايدتني الرأي فانت شكلك كده يا ميدو ممن يبحثون عن كترة النقاط والردود
اذا كان موضوعي عجبك فالاولى ان ترد لافاده الناس وليس لشهرو نفسك
واللي عاجبني اكتر الشخص اللي زي العبيط ده اللي كتب الموضوع مكرر ههههههههههههههه ربنا يخليك لاهلك يا اخي هو انت ملقيتش حاجه تكتبها على الاقل تفيد الناس برايك ههههه و وهانت عليك تكتب الموضوع مكررر ههههههههه جزاك الله خيرا

باي يا ساده يا اعضاء
لا

<div class='quotetop'>إقتباس</div>اختي العزيزة هند
ادى اول غلطة لانه مهما يكن السبب الخطاب مش موجه لشخص اول منقول وخلاص من الموضوع
يبقى نستأذنك
نخلى هند تيجى ترد على سيادتك والمشرف يمسح كل الردو اللى فاتت
قبل ما اتكلم انا عندي 21 سنه وطالب في رابعه هندسه
تشرفنا بمعرفتك
يمكن انا الوحيد الي هخالف رأيكم كلكم بس ياريت الجميع يقرأ رأي ويفكر قبل ما يرد
والله بفكر كويس قبل ما ارد اى رد
انا واحد من الناس مبدخلش المنتدى ده اكتر من 10 دقائق بس
ويمكن 10 كتير كمان
انا مش بنقص من اهميه المنتدى ده
لا ابدا انا بنتقص من تفاهة ودهاء معظم المشتركين
دى مشكلتك برضو مش مشكلتنا ان وقتك ضيق ولا اى سبب تانى
لما تقعد ساعتين وتقرا كام موضوع محترمين
انا مستنى ترد عليا
كل واحد هنا اللي هامه انه يكون من افضل 10 لهذا اليوم
مش صحيح وقوللى ازاى يعنى ؟
انا عن نفسى مش بشوفهم اصلا
اخي واختي العزيزة قبل ما تقعد 10 ولا 12 ولا حتى 7 ساعات ادي ربنا حقه الاول
بدل ما كل واحد عامل نفسه شيخ او متدين وعمال يكتب مواضيع دينيه مثلا
خليه الاول يعرف واجبه لربنا الاول
والله الحته دى منطقية وجميله فعلا
بس صيغة الجمع هى المشكلة
لانك لو بصيت هتلاقى المنتدى الاكثر جذبا هو الركن العام حاليا
وخلى بالك المواضيع الدينية معظمها منقول يعنى مفيش وقت كتير بيضيع
انا عن نفسي ممكن اقعد 13 ساعه على النت ولما يطلعوا بدخل مواقع علميه اقرأ شويه كتب
بس منهم بس 10 دقايق على منتدى والباقي اما شات مع اصحابي
على الاقل الصداقه مفيده شويه عن اني ارد وخلاص على اي موضوع حتى من غير ما اقرأه
يا اخي على الاقل افتح منتدى علمي اتعلم منه
اقرأ كتاب على النت يكون عن حاجه غريبه
اقرأ عن الخيال العلمي
كلام جميل
وحد قاللك اننا مش بنعمل كده
ولا انت كنت قاعد مع كل عضو فى بيته
ورقيب عليه اكتر من ربنا مثلا
العلوم الطب الهندسه اتعلم واستفيد من وقتك احسنلك وانفعلك
الحقيقه هنا في شويه شباب ماشاء الله على التفاهة يعيني على الدهاء الزائد اوي اوي
يحسسك ان عندو 10 سنيين والله
فعلا بجد
الناس الكبيرة العاقله تفكر معايا
ليه دايما المواضيع الهامه المفيده مش عليها ردود في حيين المواضيع التافهة ماشاء الله بالالاف

ادخل بوابه الفوازير تلاقي حوالي 3000 رد على اي حاجه هههههههههههههههه
نا داخل منتدى ثانويه احل فوازير يا عيني يا عيني ولا (اكتب من واحد ال5 واللي يجي عنده الرقم 5 يهدي ورده لاي شخص) ههههههههه انا مش عارف انا داخل استفيد ولا اوزع ورد والمصيبه تلاقي الرد حوالي3800 لا وبيزيدوا ماشاء الله
شغل عقلك
في كام واحد بيقرأ الموضوعات بجد وفهم
اهى دى بقى اللى مكررة سعادتك وكتير نقاشناها من غير فايدة
انا منهم الحمد لله
والله اكترهم بيحب يرد بس عبارات تافهة اوي
لو تابعت ردود العضو العبيط على المواضيع كمثال مش اكتر مش هتقول كده
وانت نفسك ايه ردودك على المواضيع
اسطمبة غريبة لاحظتها فى كام موضوع وكأنها كوبى وبست
هى مش كل المواضيع بش شوفت نفس الرد كتير اوى
شكرا عفوا الموضوع جميل هههههههههه مشكور موضوع هادف
وانا اقسم بالله العظيم ان معظمهم ميعرفش الموضوع عن ايه
واكتر الردود بتنقلب لتعارف او عبارات حلوة للبنات
والبنت ترد علشان تزود نقطها هي كمان وهكذا
كلامك ينقصه الدقة فى معظم اجزاؤه ماعدا الجزء المكرر الموضح
افتكر يوم القيامه انك هتسأل
عن عمره فيما افناه
وعن علمه .. هل انتفع به
واكيد هتكون اجبه معظمكم
لالالالالالالالالالالا
ربنا معاكم يا شباب مصر
ربنا يهدينا ويهدى كل شباب المسلمين[/b]
وشكرا اوى على ردك المحترم جدا يا باشمهندس احمد
ولنا عودة باذن الله

محمد البري ...........

طبعا ردك تافه جدا تقريبا زيك
انت عندك كام سنه يلاااا؟؟
ده انت عيل اصغر من اصغر اخ ليا
انت عبيط يلا اااااا
انا رجل مهندس اكبر منك المفروض يا محترم تتعلم الاول ازاي تتعامل مع اللي اكبر منك
وبعدين هو انت او اي حد من اهلك هو اللي عامل المنتدى ده علشان تقولي اجي ولا مجيش انا كفايه عليا اجي اشوف اكثالك واضحك شويه يا عيل اهو انت اول التافهيين الف مبرووك ههههههههه


خالد الجن ............
الظاهر عليك انك ما قرأت الرد اللي قبلك يمكن كنت فهمت شويه انا مش هرد علييك عارف ليه ؟؟
انت عارف طبعا انا مش عقول عشان في ناس كتيير ممكن تقرأ كفايه عليك نفسك
هههههههههههههد



للجميع ........
انا برضه بعيد علشان في شويه اشخاص من زوي الاحتياجات الخاصه ( متخلف عقلي )
وبرضه بيلف ويدور حول نفس الموضوع (_ ليه كتبت هند)
يا استاذي الفاضل قبل ما تكتب ردك اقرأ اللي قبلك يمكن لا سمح الله تفهم
انا قلت قبل كده انا كتبتها غلطه يعني غصب عني
يا رب تفهم بقى
عموما انا اسف على وقتي الثميين اللي ضيتعه مع فعلا شويه عيال
انا اروح الشغل احسنلي على الاقل اتعرف على مهندسيين رجاله
مش عيااال
بااااااي

امممممممممممممم
ماشى يا استاذ احمد
انا مش هرد على الجزئية اللى فاتت


بس الفت نظر حضرتك ان
فيه اساتذة كبارحضرتك بتعيب فيهم
ودى مش اساليب الحوار المحترمة اللى انت بتقول عليها واللى المفروض اللى بيقول
حاجة بيكون اهل لها

مش كده ولا ايه
ثانيا المنتدى مفتوح للكل
اهلا وسهلا
لمن يريد الاستفادة
ومن لا يريد
اهلا وسهلا بيه برضو
ولنا عودة

لا دة كدة الموضوع بياخد جهة تانية خالص
انت كان ممكن تنقض ردودهم يا بشمهندس برد احسن من كدة شوية على الاقل علشان مستواك الاجتماعى
وعرفتوا بقى ان انتوا يا اعضاء يا قدام برضه بتعملوا مشاكل يعنى مش الجداد بس زى ما متوقعين
دى وجهة نظرى مع احترامى ليكوا كلكم

لعيوني انت لو دورت كويس هتلاقي التافيهين كتير سواء من الجديد او القديم
بس المشكله الشخص الي بيكتبلك حرف حرف انت كتبته كأنه المحقق كونان
لا ويرد على كل كلمه هو قرأه
ويا عيني لو غلط غلطه واحده تحس انه هياكلك
انا مش فاهم انت يا جن عندك الوقت فاضي اوي انك تكتب لكل جمله رد
ربنا معاك يا اخي ويهديك
يمكن لما تكبر شويتيين تعقل شويه
لعلمك كذا واحد اشتكالي من الطريقه بتاعتك في الرد حرف بحرف
متضايقش الناس لو هتستفيد من الموضوع اقرأه مش هتستفيد سيب غيرك يستفيد ومتردش احسن

احب اعرف مين الى بيشتكى
عشان ماعملش كده تانى
اما عن الوقت فكل واحد حر فى وقته

يا هندسة الموضوع ده قلب غم خلاص يا خالد انت وبري

و انت كنت كاتب الموضوع و وضحت وجهة نظر حضرتك الكريمة ايه بأي اللي حور الكلام لاداب التعامل و الكلام ده

اكتبه حاجة تنفع المنتدي احسن بدل ما تتفننوا في الرد علي بعضيكم و كل واحد يكتشف للتاني ثغرة

عاجبكم رأيي اهلا و سهلا مش عاجبكم يبأي كملوا و انا اشترك معاكم في الخناقة كمان ههههههههه

ممكن سؤال واحد بس
نعرف الناس منها شخصيتك وبعد كدا محدش حيرد عليك
عندك 21 سنه ومخلص كلية هندسه وبتشتغل بره وزمانك فى الخارج من سنه ولا أثنين كمان
الكليه بتخلص يا باشمهندس عند 22 سنه دا لو ما رسبتش لك ولا سنه والجيش سنه يبقى 23 دا لو كان لك جيش
حاجه من أثنين يا كذاب ولم تحصل على الكليه
يا سنك أكبر من كدا
والأولى كارثه
والثانيه بردك كذاب لأنك صغرت نفسك
طيب ليه صغرت سنك
الجواب معروف
صلح نفسك قبل ما تجى تصلح غيرك